小虹虹的个人专页

今晚是17週年結婚紀念，老公話呢間店呼聲好高，於是帶我去買外賣食浪漫下，點了1碗豬肺湯、1碗雞腳湯、6隻韭菜餃子、1個水煮牛肉、1盒乾炒牛河，埋單共224蚊。結果.......6隻餃子用個裝前菜沙律的超細碗裝，一打開，見到一盒仔醋放在餃子旁邊，周圍仲有好多吉位，我已經感覺不妙，一食，餃子全部得個殼，口感就是食風的感覺，餡少到無朋友，齋食皮......算.......飲下雞腳湯先，份量少不用講，出奇地好重味精，放棄.......又算.......飲埋個豬肺湯試試，一開打開個碗仔，只見清清的水不見料，用匙羹撈下，原來是給錯了胡椒豬肚湯(有3小塊豬肚及3片仔鹹菜)，飲落比雞腳湯更重味精，奇差，連出面免費的例湯都不如..........再算........打開盒乾炒牛河，份量出奇地少，用筷子撥下，條條河粉都油淋淋，成盒得3塊牛肉，4條洋蔥絲，食落除了依然是食味精外，要罰飲油......最後，食埋個水煮牛肉死得心，碗已經細到不像話，最特別是零味道，可能師傅覺得我剛才的食物食味精已經食夠，宜家來個清水煮牛肉讓我中和下味覺，結果牛肉是咬不爛的，老到成口渣，牛肉下面只有少少芽菜墊底。總結，全份外賣，收我224蚊，我們食完只知除了食好多味精外，無食過任何東西落肚，永不錄用！…查看更多

不經不覺，已經幫襯咗呢間魚粥一年，因為做facial的鋪頭就在附近，所以幾乎每次都食完先返家。今晚，9點鐘左右做完facial，去到魚粥時，望一望鋪内得1x個客左右，但d客就分散曬坐係唔同既檯，而我又攞住大袋細袋新買既衫，需要多d空間放野。於是，我就行入去問一個迎面行過黎既紮馬尾既阿姐。我好客氣咁問: 唔該，我可唔可以坐入面果度? 我用手指住鋪入面左手邊既玻璃窗後面果張細檯。呢張檯好特别，唔係成日開，因為有時阿姐會係果度切魚片，果度其實係廚房黎。不過，我坐過好幾次，都係阿姐主動叫我入去坐既。所以，今次我真係有需要啦，就直接問咗先。阿姐聽到我問她，只係瞄咗我一眼就係我旁邊掂行掂過，完全無意欲理我。算，我心唸她可能有野做，等一等唔緊要！於是我就企係原位（鋪中間）等，見她攞完碗粥俾個客後，我又第二次問她同樣既問題，點知她竟然又係掂行掂過，睬我都有味! 😤😤😤😤😤😤當時其他食客已經發現我無人理，大家都望住我。☹☹好啦！事不離三，真係佛都有火!!!😠😠😠見住阿姐同廚房煮粥果個咬咗两句耳仔後，又攞咗碗粥準備送俾客食。當她經過我身邊時，我又再問她相同既問題。結果她真係睬我都傻，完全、簡直當我透明，施施然咁經過我身邊送咗碗粥俾我旁邊果張檯既食客，然後掉頭走咗去。真係超激氣，超過份，超差劣!👎👎👎👎👎👎當下，我决定立刻頭也不回，離開呢間不知所謂既食店，轉過去隔離街同樣賣魚粥既鋪頭食!!!!其實，當我講第三次時，幾乎所有既食客都望住我、目送我離開。因為成間鋪，企既人一直只有我（企係鋪頭正中間）同呢個紮馬尾既阿姐，而講野既亦都只有我呢個大目標，其他人都食緊野，我就好似個傻人咁對空氣講咗三次同樣既野，做咗三次同樣既動作! ☠☠☠呢間野，我永遠唔會再去，待客如無物，連起碼既尊重同禮貌都唔識，就算幾好食都好，態度差、劣、低、俗，只會不停失去老顧客!😡😡😡😡😡😡…查看更多

從台灣來香港生活好幾年了，今年第一次留港過年。年初五的早上去完黄大仙廟，中午12點多肚子開始打鼓。老公說附近開了一家四川小店，嗜麻辣的我餓得癢癢的，急急忙忙走過去，進店時才發現我們是今天的第一名😂。店員阿燕看到我們夫妻俩，非常熱情有禮地跟我們打招呼👍👍👍（在我俩開吃的過程中，她也非常有禮地跟街外路過的街坊打招呼並祝他們新年快樂，其中一個還是撿紙皮的老婆婆呢! 可見這是發自内心的動作，對每個人都一視同仁的心理表現。）。實話說，在現今的香港飲食業中，這種满腔熱誠、待人有禮、謙敬、有素質的員工，可謂是幾乎找不到了。所以，還没點餐，我們對此店的感覺已經很不錯。坐下後，我點了價值58元的青椒小炒雞，老公則點口水雞套餐。開吃了，小炒雞一吃之下只感覺非常正宗，是四川的味道! 鹹淡適中，碟底不留一滴油份，可見廚師功架了得，做到不油不膩，讚! 老公點的口水雞，雖然雞味較淡，可是碗底的拍青瓜超級足料，還細心的拌進花生醬，香香脆脆，一口接一口的吃個不停! 最後，我俩把所有食物都ko到一粒不剩，超級满足的! 結帳時，我還給阿燕一個紅包，希望她能繼續以此態度服務其他的客人。整體來說，食物不錯，以後會常來光顧。可最重要的，我還是超級欣賞店員阿燕的良心❤服務態度，相信那將會是客人回頭光顧的保證! 老闆要珍惜喔!…查看更多

今日中午1點幾，又來到好耐無來既店食麻辣米線。坐下後，店内有一男一女两個侍應。無耐，侍應姐幫我落單。等咗差不多半個鐘先有得食，出餐比以往慢咗好多。由於我坐近收銀位，所以店員閒時都會企係我旁邊或後面等客人埋單。食咗一陣，侍應姐不停咁大聲咳（無戴口罩，平均1分鐘咳一次），仲好大陣痰聲。她每次咳都企係我檯邊，咳得幾次，其他食客都望下她，但老板娘都只係掛住煮，無叫阿姐戴口罩。結果，我快快食完即走，離開唔够1個鐘開始流鼻水，返家即刻食藥打底!…查看更多

係網上團購見到呢間食店的食物好似幾好咁，又唸住同爸爸慶祝父親節，打去book位，阿姐話唔使。當日7點鐘去到的時候一個客都無，成個鋪熱到不得了，對正後巷非常污糟。侍應服務態度不錯，但最難接受既係個所謂四人餐，份量少得出奇，一個大男人都食得曬。魚皮餃得8粒、水餃就7粒、肥牛幾片、生菜一碟；個所謂招牌雞煲本來係我地最期待的，但埋到黎一望已經令人好懷疑有無半只雞，個煲就大，好多配菜（香芹、大蔥），然後就係6-7舊的雞頸，其它少少雞胸咁，聞起來好香，食落味道非常淡。食完之後，成家人去左食牛腩粉先叫做有野到肚，以後都唔會再幫襯，名不符實。…查看更多

尋日有野做，過左幾年都無過既銅鑼灣。下午3點鐘，好肚餓啊，皆因早上無食過野。食咩好呢？餓到死死下，眼前出現聽聞已久既---何洪記，一於甘話，就距喇，費事走黎走去。入到去，環境都唔錯，坐得幾舒服。望下個餐牌，都好貴下喔，撈面成4x,吞面28，好想食雲吞，但又想食腩面；望下隔離台，好細碗下，算，把心一橫，貪心d, 叫左一碗淨雲吞28，一碗吞腩面38。等食，d野好快就黎到，試一啖湯先，哇，淨系食到麻油味，再食下雲吞，淨系得蝦，肉少到要用顯微鏡揾，爽就幾爽，但味道過淡，完全食唔出大地魚果種鮮味，唔掂！！！！再食吞腩面，哇 ，救命，d牛腩硬到好似核桃甘，d面食唔到鴨蛋既鹹香同爽脆，枧水味大到澀利。本住唔浪費既精神同勇氣，食曬距，不過湯我就無再飲，通常我一定會飲曬，完全唔掂，埋單66。何洪記，只此一次，下不違例！！！…查看更多

前日中午去開果邊做facial，看下表仲有兩個鐘先到，就去左呢間野食壽司。見距門口寫住有9折，就入去試下。有人招呼坐低，之後看下餐牌，食物價錢與同類比較貴好多，不過都唔緊要，一下子就叫左6碟壽司。岩岩俾左單個侍應大約2分鐘到，就有另外一個男侍應派午市特價紙，一望之下，原來有幾款我系叫左既，就即刻問距可唔可以取消我叫左果d, 再落過新呢d單，距就答左我一句---俾左單我地就唔可以改，我就話岩岩2分鐘前乍喔，距就話都無得改，問都唔問下個經理。算，甘我都無野，咪照等食啰，後尾侍應拎壽司埋黎都黑口黑面，我亦無理甘多，照食可也；另外有幾碟就直接由一個肥肥地既壽司師傅遞俾我，距遞果陣完全無講任何野，淨系好唔情願同好唔耐煩，黑口黑面甘遞到我頭頂，甘岩我見到就有接到；另外有一碟遞埋黎果陣，我正低頭食緊野，但距都無出過聲，等我抬起頭先發現距好唔順氣甘等緊我，都唔知系咪開句聲會有問題。後尾我見距對其它客都系甘，一聲都無出過就單手遞野俾人，好無禮貌。之後我食飽埋單，當時系俾card既，張單拎到埋黎一看，咩折都無打，我就問個侍應，距話唔清楚，後尾走左去問經理，之後再拎埋黎張單先俾返9折，我簽完名，多謝都無句，非常無禮貌。三文魚好腥，唔新鮮。鵝肝扒壽司，成3x幾蚊碟，得果一舊仔，唔抵食。鰻魚壽司d飯太散，一夾就跌左半舊系d“是”油度。燒三文魚腩，夠熱，幾好食。總括黎講，野食太貴，質素只屬中下等，服務態度極差，員工內部無溝通，搞到連自己公司既promotion都完全唔知。講真，呢區大把日式食肆選擇，所以呢間只此一次，永不光顧！！…查看更多

一間唔錯既店！好耐無返外家， 今日返開去， 就同阿媽阿爸去下街， 行到累，阿媽話不如去飲下午茶， 捻下魚米家d魚腐好鬼正， 就揀距啦！入到去， 侍應離遠招呼我地坐低，跟住就互相傾計講笑，我地坐左10分鐘，連杯水都無， 以前去， 一坐落就有人俾杯水你， 一看之下，以前果d年紀大d既阿姐無咩幾個， 全部換曬d後生仔女。之後， 我地叫左金沙魚腐， 下午茶魚腐米線套餐，魚肉腐皮卷米線套餐，雞翼米線套餐， 魚湯幾好飲， 有d人話腥，但講真，唔腥就唔系魚啦！點都會有少少架啦！魚腐水准仲保持到， 唔似街市買果d甘硬梆梆， 魚肉腐皮卷好香，做得好出色， 最衰就唔可以好似叫小菜甘， 叫距一碟食到夠， 總括黎講，食物ok， 但服務態度真系要改改距。…查看更多

上星期五同一班朋友去左面譜食川菜, 慶祝聖誕, 入到去, 裝修極正, 好有格調, 檯夠大, 坐得好舒服, 前菜中, 最欣賞個花生, 異常好味, 連唔好花生既我都食到停唔到口.坐低點左燈影牛肉, 臭豆腐, 水煮牛肉, 煎包, 蒸茄子等等(仲有其它數唔曬), 水煮牛肉好好味, 但嗜辣既我, 稍嫌唔夠辣, 臭豆腐細細舊, 炸得好脆, 燈影牛肉好正, 似食牛肉乾, 片得好薄, 其它野食都OK.服務態度好好, 有機會, 會同老公去撐下檯腳, 8個人消費$1300左右…查看更多

幫櫬左2個月, 2,3日就會特登搭車去食, 麻辣超正, 由小辣開始試, 尋日食到特辣, 正到唔識講, 岩曬無辣不歡既我, 最正係青椒皮蛋, 蛋香味同青椒既清甜味不謀而合, 再叫多碟口水嫩雞, 無得頂, 唔夠飽加多碗腩肉米線, 好滿足啊, 埋單$68, 抵食夾好食, 唸起又想再食外賣唔收錢, 但食唔曬打包要俾$1蚊盒錢, 唔收最好啦, 有時想食多幾樣, 但又快又眼闊肚窄, 食唔曬, 想打包都唔得…查看更多

前日7點半去到, 坐低叫阿姐寫左單, 叫2碗粥, 2碟雙拼腸粉, 等左差唔多半個鐘d粥先到, 食落淡而無味粥底米粒剛開花, 水汪汪, 唔夠綿, 自己煲仲好食過距食完粥再等左20分鐘, 腸粉先至黎, 細碟到無人有, 餡料味道普通, 其中一碟蝦腸d蝦未熟腸粉質地食落少少痴牙, 感覺好假, 完全食唔出有米味, 似食橡筋, 粗制濫造總結---2人消費$60, 名過其實, 可以話隨便一間粥粉店都比距好食, 完全唔值得等咁耐.…查看更多

2月29號，我地一班人去果度食野，仲帶埋2個2嵗既小朋友去添。因為好多餐廳都要收埋小朋友既人頭費，所以一早打左去問要唔要收先，甘個職員話唔使米帶埋上去囉。訂左8：00，我地7：45分去到，跟住見寫左10嵗以下都要收錢，甘咪問一個fat women要唔要收，距話要，甘我地就話打左問唔使喔，因為d小朋友唔食野果啵，距話距唔知，無同事講過喔，跟住我就話早知甘唔黎喇，跟住距話問經理，後尾話唔使收，結果2個小朋友真係由頭到尾無食過野。精彩部份依家先開始，我地坐低點左好多野食同火窩，結果等左半個鈡都未黎，得到黎左喇，又碟碟細到嘔，好多無，又唔講，d野飲好似水甘淡，咩味都無，最搞笑食左個幾鈡，個火窩湯底都無黎過，中間叫左好多次，d職員應左你，但唔做，激死，再黎，一開始果陣話有海鮮送，送到我地食完，即係2個鈡之後都無黎過，搵經理都要好幾次之後先理你，結果最尾先黎，仲要得好少。抽風好差，我地個個都要抹眼淚，仲要張紙巾係溼一半果种，唔明點解得甘少位，間鋪甘細，d客坐滿都無酒樓既幾張檯甘多，d招呼可以差到甘，有錢都唔會再去。…查看更多