Cloud9_diary的個人專頁

Simply Tea芝士奶蓋綠茶 $32半糖少冰佢奶蓋份量比起出面其他手搖飲品店多～奶蓋帶輕微嘅咸味，但奶蓋整體而言口味偏甜我自己就比較喜歡咸味重少少嘅奶蓋😆茶就真係無乜特別了就係普通的綠茶～起碼冇苦澀味都OK同鋪頭名一樣 真simply tea 不過夏天行深水埗唔飲翻一兩杯冰凍嘅野真係會對唔住自己😹😹P.s.當日店員10分有禮貌～難得咁熱嘅天氣下都保持住專業嘅質素，真係值得一讚🤣好多人都會好燥底㗎嘛🤣🤣🤣…查看更多

茶墨😽麻糬芋泥茉莉鮮奶綠🥛🍵一望到就覺得佢哋嘅嘢飲除咗個杯嘅外型之外，掛杯亦都做得好靚～打卡一流佢哋嘅麻薯好煙韌，茉莉味都幾香，感覺係幾Fresh嘅，不過奶味稍為唔夠濃郁，已經嗌左少冰，不過越飲就覺得越淡，芋泥嘅味道亦唔算係太過突出，冇嗌到少甜不過可能我個人口味鍾意甜少少就覺得可以加多少少糖，仲有身為鍾意煙煙韌韌有咬口嘢嘅我覺得麻薯嘅份量可以多少少👀整體嚟講覺得還好嘅，其他嘢飲可以再試下😆不過尖沙咀似乎會有其他更好的選擇，始終呢個價錢有啲貴…查看更多

江南瀨粉呢間簡直係深水埗嘅隱世好味小店🥹大家見到呢個post一定要去試吓首先講吓佢呢一款豬膶+豬紅+鵝腸瀨粉💲63佢有幾款湯底，可以選擇 我呢碗選擇咗豬骨湯底佢嘅豬骨湯望落好清 但係清得來好香 而且飲落亦都唔會覺得口渴 十分足料！佢嘅瀨粉係手工制嘅所以每一條都唔同大小 有粗有幼好有口感煮得軟硬適中 軟糯得來有咬口😍佢嘅豬紅 真係好好味😭質地好滑嫩 而且冇血腥味重點係佢入面亦都好入味 唔會剩係得外皮有味 口味偏甜係我好鍾意嘅豬紅😆另外佢個豬潤 好食到我想就咁嗌一碟嚟食！ 佢係黃沙豬膶，即係帶有啲沙薑味嘅豬潤煮到啱啱好熟 質地超級滑唔會煮到好鞋 而且有好香嘅沙薑同埋酒味有咬口，而且唔會好難咬 簡直刷新左我對豬潤嘅觀感反而鵝腸就冇乜特別基本上係冇味的，可以話佢係清潔得好乾淨嘅鵝腸冇任何異味，但係下次應該唔會再叫🤣另外一款就係牛筋+牛肚+牛腩瀨粉💲69呢一碗嘅湯底就係自帶腩汁我哋冇特登改湯底～個人覺得比起豬骨湯腩汁嗰個會重口味少少 同樣地，都係好出色嘅湯底牛筋係有咬口的 個人比較喜歡煮得好軟 入口即化嘅牛筋不過佢呢款都唔錯牛肚就不過不失反而佢嘅牛腩十分有驚喜煮得好腍好夠味之餘！ 同時佢亦都係好有牛味同埋唔會黐牙嘅牛腩 最後仲嗌咗南乳豬手💲48豬手亦都好夠味道而且都有六件好大隻不過豬皮上面仍然有少少豬毛未清乾淨呢點就有待改善～另外講埋嗰兩杯凍檸茶就係冇乜特別嘅凍檸茶🤣整體而言十分推介食佢嘅豬潤同埋豬紅仲有牛腩 佢哋嘅瀨粉亦都好出色！希望大家快啲試吓呢間隱世小店！P.s. 舖頭仲有兩隻可愛貓店長🥰…查看更多

東羅泰館難食。劣食。👎🏻😡🤬嬲死我！街頭大蝦炒金邊粉$108碟野本身係唔熱的，只係微暖上面大量生芽菜，但金邊粉份量好少一放入口我個樣係🫥淡茂茂 一啲咸味都無！連酸味都係靠我自己用碟邊舊青檸「枝」落去先有啲酸味重點是！！佢啲金邊粉硬到好似咬緊橡根咁。本身碟野仲暖暖地嘅時候口感都無咁差但係頭上面嗰把風扇係咁喺度起勢吹不出10分鐘已經凍晒 啲粉越嚟越硬碟野啲豆乾 硬過我條命🤭兩舊大蝦其中一舊係生嘅😁薑黃菠蘿炒飯配烤肉串 $128呢個飯都冇嘢好點評普通炒飯，的確做到有薑黃味，同埋炒飯都係一粒粒分明嘅，上面有幾粒提子乾，但係整體嚟講冇乜鹹味，另外佢嘅烤肉串係雞肉，同樣係冇味嘅，而且嚡熠熠🙁成個炒飯最好食就係啲提子乾😫只係食左兩個難食主菜冇叫嘢飲冇叫小食連埋無服務嘅服務費就要$248呢間野就只有裝修靚罷了好失望，好傷心😢P.s. 翻緊屋企已經覺得有啲胃痛（ 啲粉太硬）其實我食到一半已經無食但翻到屋企兩個人都痾左次…查看更多

名過其實的疏乎厘班戟今次搵咗個屯門牛朋友帶我入嚟屯門食好西試吓呢間好出名嘅疏乎厘班戟叫咗炙燒焦糖布甸疏乎厘班戟💲86當日去嘅時候係閑日 所以唔使排隊Walk in就入到位置尚算闊落，坐得舒服好快就揀咗呢個甜品都等咗成20分鐘先至上菜本身見到個樣好靚 好吸引 而且聞落好香蛋味又聽過好多人推介，所以期待值好高結果食落去十分失望甜品嚟講一啲都唔甜 佢的確做到疏乎厘鬆化嘅空氣感 但係完全冇蛋香嘅味道 又冇奶味基本上成舊嘢都係無味🥹只係得上面 面頭嗰浸焦糖有甜味 而且佢隔離嗰兩個雪糕都係普通雪糕完全唔特別 雖然80幾蚊來講食到一個疏乎厘班戟價錢係好平個樣係幾靚 係可以用嚟打卡嘅 但係我唔會再食🥹🥹🥹🥹🥹🥹🥹🥹嗚嗚🥹…查看更多

Tommy Yummy泰式雞肉金邊粉💲118金邊粉份量好多 味道正宗 而且雞肉入味 肉質嫩滑 入面亦都有大大隻爽滑新鮮嘅蝦！ 芒果乳酪疊疊冰 💲118呢個疊疊冰令人好驚喜，本身冇諗過咁好食！除咗外型好靚之外，亦都有好多元素！有六嚿方形嘅芒果雪糕、芒果冰、乳酪、、原條芒果做雪條同埋糯米飯喺入面，另外配埋一個芒果碎椰漿～望落好似好細碗，咁但係食完之後好滿足～有姿勢亦都有實際～滿足到打卡慾望亦都滿足到我嘅肚仔😆大家去開中環都可以試吓呢間Tommy Yummy~ 價錢都唔算貴！而且都好好味😋環境亦都好舒服，唔會好迫同好光猛～…查看更多

吃茶三千國王珍珠奶茶💲36呢一款係吃茶三千嘅招牌，採用左鳳眉紅茶作為茶底，配上皇家厚奶同埋國王珍珠，佢嘅茶味好重，好濃郁厚實，而且唔會苦澀，厚奶亦都好香醇細滑，珍珠夠QQ煙韌而且大粒有口感～唔係嗰啲冇味嘅珍珠，可以食得出，佢有咬口得來帶有淡淡甜味整體成杯茶嘅味道十分融和～上網做咗啲research見到，原來佢哋係有專用嘅萃茶機～唔怪得知喺門市見到佢哋有部機噴煙😆又真係幾特別！不過最近經過都見到好多人排隊一問之下，原來要排成20分鐘或以上！同埋只有固定一個大細可以選擇，我自己就覺得$36一杯有少少貴了😢大家經過嘅話，都可以試吓！🤣唔同地方都有分店㗎！…查看更多

康記今次想同大家介紹吓呢一間小眾街坊先識嘅美味小店超級好味嘅炸雞翼牛丸撈丁！ 💲48極度出色，唔係講笑首先係蒜香炸雞翼，外皮十分脆口，亦都有蒜香味，可以見到外皮充滿着炸蒜～就聞一聞已經聞到佢有濃郁嘅蒜頭味道😍無論係外皮定係裏面嘅肉都有味道並非虛有其表嘅普通炸雞翼！然後牛丸先係重點！真係爆汁牛丸啊！一咬落去牛味就充斥着整個口腔肉汁喺個口入面浪下浪下 一啲都唔乾身！真係好出色另一方面，佢個豉油王撈丁亦都唔會煮得太淋，有豉油王嘅香氣，有時識識吓覺得佢乾身嘅話我通常都會配埋佢上個碗湯，撈少少湯落個面度 增加濕度 加埋佢哋嘅秘製辣油😭成碗麵真係好好味的最後再飲下個湯，簡直Perfect不過由於佢都係一間街坊小店 而且處於後巷位置～所以食嘢嘅時候有時可能都會有烏蠅或者蚊滋仔飛來飛去大家就要自行衡量了大家去開西環都要食呢間嘢！…查看更多

羅麥記Total:💲191羅麥雞翼撈通粉配炒蛋多士 佢個醬汁就係瑞士汁！首先啲雞翼每隻個size都唔細隻 煮得好入味 唔會只係得個外皮有浸瑞士汁味 雞翼嘅肉質亦都好嫩滑 熟度啱啱好佢嘅通粉，最主要係靠個汁調味 份量都好多夠晒飽肚 甜甜哋好開胃 亦都唔會覺得好膩炒蛋多士就係普通嘅寒底牛油多士配炒蛋冇乜特別炸雞髀拼薯條炸雞髀亦都做得好出色！雞髀嘅size都好大隻 唔會揸到好柴 做到外脆內嫩薯條份量好多 同普通茶餐廳嘅一樣，唔算太特別椒鹽魷魚炒麵 呢一碟炒麵都唔錯 炒麵係幾夠鑊氣同埋都夠味 可惜魷魚唔夠脆口上到嚟嘅時候，已經比啲蒸氣焗冧左～紅豆冰粒粒奶茶紅豆好大粒好甜好味，而且奶茶亦都好香滑不過可能紅豆本身浸咗糖水，再加奶茶嘅糖水會有少少甜，所以如果大家唔鍾意咁甜嘅記住嗌少甜或者走甜 ～整體體驗都舒服座位唔會太迫，而且侍應都十分有禮貌同埋親切，算係商場入面平價之選嘅好選擇！食完成餐都覺得好滿足！推介大家去的～…查看更多

Freshtea😍岩鹽芝士桂花荔枝綠茶半糖少冰（L size)💲36大家都應該飲過呢間happy Lemon 🤣由中學到而家真係咁過無數杯咁多即使係而家有咁多手搖飲品選擇有時都會再返嚟飲而今次亦都一如既往地好飲😍茶底清新帶點桂花嘅香氣飲完每一啖之後口腔亦有荔枝嘅餘韻半糖可以帶出茶底嘅醇香又唔會令到杯野苦澀依個奶蓋亦都好creamy無論係就咁食個奶蓋定係撈埋杯茶一齊飲都係咁好味只可惜奶蓋嘅份量有啲少唔係太夠喉建議加多少少奶蓋🤪…查看更多

草莓朱古力蛋糕$32依個草莓朱古力蛋糕，個樣平平無奇，唔似其他蛋糕有咁多decoration或者花巧嘢但係味道好特別 可以食得出佢真係真材實料依個蛋糕係有原粒草莓，同埋64%valrhona 朱古力碎一齊焗嘅～蛋糕上面淋咗一層杏桃醬蛋糕整體結實，但係唔會太過硬身有咬口 可以食到原粒嘅草莓酸酸甜甜 中和返本身蛋糕厚實嘅感覺食落唔會覺得好膩Strawberry chocolate 🍓🍫$42因為當日唔係好想飲含咖啡因嘅東西，所以揀咗杯strawberry chocolate 佢嘅朱古力味都幾濃郁，加埋士多啤梨嗰種酸微微嘅感覺感覺幾清新 飲落好舒服亦都唔會有一種假嘅士多啤梨朱古力味只可惜當啲冰融咗 成杯野淡咗就唔係咁好飲本身都係想一路傾偈，一路慢慢飲嘢結果要好快飲晒杯野🤣整體來講環境尚算舒服只要唔係好多人喺度一齊傾偈嘅話都唔算好嘈 而且有陽光射入餐廳嘅時候成個環境都會好靚，好適合打卡～…查看更多

After you Dessert Cafe芒果糯米飯刨冰 🍧💲148泰國過江龍~After you Dessert Cafe經常都大排長龍，今次好彩Walk in就有位🤤試咗佢哋最出名嘅芒果糯米飯刨冰佢哋會另外附上椰奶醬同埋芒果醬，如果覺得唔夠味嘅就可以自己加～佢哋嘅刨冰有陣陣清新芒果香味配埋個頂上面帶有輕微鹹香而滑膩椰奶醬簡直Perfect match！食咗上面嘅刨冰之後入面就會有糯米飯同埋芒果～煙靭嘅糯米飯同埋香甜嘅芒果粒令我好似返咗泰國咁😆一啖接一啖，食唔停！尤其是而家天氣開始熱～大家食呢個冰簡直係透心涼啦！…查看更多

秘✨✨✨唔知大家有冇食過吉列牛呢？我就食過幾次～早排去左佐敦，專程去試吓呢一間身邊好多朋友推介嘅「秘」。兩個人去食分別嗌咗一個板燒吉列牛同埋板燒安格斯牛。板燒吉列牛+晚市加配定食$108+$38呢款牛嘅外皮炸到脆卜卜，裏面唔會被本身嘅吉列脆皮炸熟咗，裏面都仲係生嘅～同埋佢啲牛本身都好新鮮，好重牛味，再加上佢哋本身醃好咗啲牛，所以真係好好味😋佢本身有提供醬油比客人不過我覺得啲牛味同埋本身醃好咗嘅味已經好足夠，唔需要再額外點醬油都可以。晚市配定食會加佢哋嘅祕之飯素，楓糖流心蛋同埋櫻花昆布湯。飯素嘅份量啱啱好，食到最後都仲會有飯素，唔會好少食咗一半就冇晒，楓糖流心蛋真係做到流心嘅效果，而且甜甜地咁，無論係放上返到食定係就咁食都好出眾！不過個櫻花昆布湯我自己就唔係好識欣賞啦🙈我覺得啲櫻花味有少少怪同埋整體比較淡口，我甚至試吓加咗啲醬油落去個湯度🤣都拯救唔到，最後冇飲到碗湯。板燒安格斯牛+晚市加配定食 $108+$38兩款牛其實都差唔多，一樣咁新鮮，不過呢款牛就少咗吉列脆皮，同埋佢冇乜點醃過，所以呢款牛比較上係食牛嘅鮮味多啲，呢款牛都好好食😋晚市加配定食就同上面一樣，我就唔重複講啦。兩者比較之下我自己比較喜歡板燒吉列牛，因為佢醃嗰個牛做得好好，佢嘅醃制方式唔會令到牛失去左本身嘅鮮味之餘，可以令佢嘅味道昇華去另一個層次，而且呢款一年有燒完之後外脆內軟，入口即溶嘅感覺真係冇得頂，牛嘅油份係燒完之後變得好香，然後放上啲飯都撈埋一齊食，一個字，正！🤤🤤環境來講間舖頭鋪面唔算大，坐落其實都有少少迫～不過店員嘅服務態度都幾好，燒牛嘅時候冇晒牛脂都可以問佢哋攞，而且仲會定時定候幫我哋個火爐加炭精 …查看更多

鳳鳴居🤤🤤醉香雞湯米線 $54超級驚喜的米線本身都聽過朋友推薦呢間嘅米線，長期都好多人排隊，咁次特登早左去排隊，一行到門口，濃郁嘅酒香已經係鋪外四溢。入到去叫左最出名嘅醉香雞湯米線 試一啖個湯就明白點解會有咁多人排隊，湯底好鮮甜，帶有香醇酒味。 啲雞肉好滑亦都好入味，佢跟左碟豉油比我地點雞食不過唔點都已經好夠味～但係個雞就稍為熟左啲！如果唔滾咁耐，個雞再嫩啲就簡直完美了。食到最後飲曬個湯都唔會覺得愈飲愈口渴～是分出色的米線！真係值得排隊了。另外仲叫左一個辣豉油爽脆鵝腸$51呢個小食都唔錯！鵝腸就如其名，好爽脆有咬口而且無異味～但係個人就覺得可以再重口味啲！整體都十分推薦大家試吓…查看更多

ICE PUFF 🫶🏻伯爵茶雞蛋仔加流心蜂蜜 $35今次係我第一次食呢間咁出名的雞蛋仔！呢個配搭係店家推薦的～佢同我講流心蜂蜜配伯爵茶係最夾嘅～ 咁我就聽佢講啦！等左大約5-10分鐘就攞到呢底即叫即製嘅雞蛋仔，一攞上手熱辣辣而且感覺到佢嘅外皮好脆～一粒啪落個口到 嗰浸伯爵茶香氣已經充斥著我嘅口腔 然後食到裏面軟軟嘅流心蜂蜜 好正嘅口感 一流嘅享受大家可以見到佢啲蜂蜜其實係爆珠～有啲有爆流心 有啲就要自己咬爆自己咬爆嘅感覺都幾得意的好推薦大家食！…查看更多