heyheyhey123的個人專頁

係Openrice見到呢間餐廳好多好評，黃店黎、又係尖沙咀附近夠晒方便。去到個環境好差，檯痴笠笠。用黎隔離檯既板已經變左黑黑地，食飯期中仲見到有蟲係塊板爬黎爬去。食物方面，晚市時間餐牌選擇好少，餐牌名好奇怪完全係唔知咩材料，店員亦不樂於解釋。係選擇少既情況下，本身打算點佢最出名Set（有牛、龍蝦），個店員話小龍蝦已經無晒，如果要點就要升級做大龍蝦（本身個Set $3xx, 升級要額外加 $200？）隱藏收費好可疑。仲有，雖然佢名為Bar & Restaurant 但Menu沒有酒的。最後，點左3個主菜、1個小食，其中一個威靈頓酥皮焦黑，另2個主菜、1個小食既sauce感覺既base係日式燒汁。服務方面，除了店員沒有解釋餐牌奇怪既名，入去完全無度體溫。中途想叫店員比幾杯水，店員話「唔夠杯」— 嗯⋯都係第一次聽Bar & Restaurant係會有唔夠杯既情況。極懷疑openrice既內容及評分為何會咁高分…查看更多

晚市食飯，35-38蚊細碗米線，其實都大大碗！本身擔心羊會好羶，但其實唔會：）米線好滑，服務態度好好，絕對物超所值！如果想試下新野，又唔怕太羶，絕對係一個好好選擇…查看更多

星期六晏晝行過女人街，見佢門口寫到 31-34蚊有個餐，配特價飲品，於是入去。叫左個餐加特價飲品，鋪內少人，但都等左20分鐘，食物份量少，味道一般（牛柳只有幾粒），覺得三十蚊多少少，都叫OK過程中除左落單同上菜，水都無，一D service 都無。（無所謂，因為由頭都尾都無話收加一，menu上都無寫）到真係比錢既時間，實施上根本品係30幾蚊，話「配特價飲品」係用特價既價錢配飲品，你可以唔叫架（下？咁你唔一早講明？） 收左飲品錢，仲加埋加一，但成張menu 根本無寫，問個收銀女人，佢就指住門口既上面，話呢到寫左喇（一個普通既客人行入門口會特登身去望入口上面有無寫野？）雖然可能只係十蚊八蚊，但呢間野擺明就係扮平，勁多隱形收費，好唔老實。晏晝40-50蚊係女人街，絕對有更加好既服務、環境、食物，同埋更老實既餐廳。呢世都唔會再去，極懷念d正面comment 係買返黎！…查看更多