Alan 蔡的个人专页

今次一行四人試下在荃灣西一間新派素菜, 店內環境粉色公主feel, 同素菜有點格格不入, 叫了5樣食物；土匪腐皮卷, 好咸好硬, 完全沒有土匪嘢味。素肉四季豆, 又係一個咸字。手卷, 中間沙律菜清洗處理不佳, 仲有草青味。脆鱔, 可能切得太細成條狀, 炸時間過長, 硬過石頭。青咖喱燴米意粉, 意粉同米飯大少冇分別, 我同一名黑衫店長理論, 我要意粉, 而家變咗碟飯, 我接受唔到, 但佢話餐牌有圖, 不停話好味, 唔換放低就走。 無謂浪費之下試試, 點知無青咖喱味, 淋pat pat, 入口想嘔。服務差, 食物更差, 食素的朋友不要試。…查看更多

近年香港人旅遊熱點台灣, 所以香港也有不少台灣食店, 其中一間位於觀塘的台灣過江龍美食-春水堂。我午餐時段來到已經有10多人排隊, 等了20分鐘左右比預期快, 點了基本野試試水準如何, 魯肉飯、功夫麵、盬蘇雞、盬蘇杏鮑菇、珍珠烏龍奶茶、愛玉烏龍茶。魯肉飯有水準保留台灣原味, 肉汁相當香濃, 份量是細碗, 寫名在餐牌上, 價錢也很平。功夫麵一般。盬蘇雞ok但不特出。盬蘇杏鮑菇差勁。珍珠烏龍奶茶和愛玉烏龍茶都好飲。反而服務水準比台灣更好。…查看更多

見到將軍澳海旁寵物公園附近開咗一些打咭high tea 食店。今日專登嚟試下這間JOMO , 去到相當多人, 好在戶外也有坐位, 空氣清新不過有點凍, 食物也很快涼。今日叫咗手工意粉配黑松露忌廉醬、日本煙燻手斯豬漢堡、伯爵茶戚風蛋糕、Cappuccino、Silk Road。手工意粉口感軟硬恰好, 配上黑松露忌廉醬十分出色。日本煙燻手斯豬漢堡整體味道有層次感, 好食。伯爵茶戚風蛋糕定價略高的打咭甜品。Cappuccino咖啡味濃香可惜戶外飲很快涼, 建議餐廳既然有問客人是否戶外坐, 應該提供有蓋保暖玻璃杯。Silk Road有茶壼就較適合戶外。唯一要改善地方是服務, 食物整好等待送到客人枱用時較長, 可以考慮增設取餐提示器由客人自己取。還有我問水吧取杯暖水, 但他竟然在洗碗盤內取一隻杯裝水給我, 處理衛生方法有問題！…查看更多

之前經常見到這間蘇媽、蘇媽馬來西亞食店門口擠滿人等候,而食評也很多贊, 今日特登來試下, 如常一樣咁多人, 不過等了20分鐘左右就有位, 流轉算快, 這個應該是餐廳員工安排得好。我樣樣都想食所以叫多咗。揀選了肉骨茶棒棒骨, 辣死你咖哩雞椰槳飯, 咖央多士, 桔仔梅子冰。肉骨茶非常淡, 棒棒骨好睇但唔入味, 作為主力菜感覺有點失望！至於咖哩雞雪味怎重, 椰香飯味不特出。咖央多士一般水準。 桔仔冰ok, 不過價錢大衆化一試無防, 但不值推介。…查看更多

今日尖沙咀清真寺開放日, 入去之前梗係醫飽個肚先啦 XDD。附近有間素食略有名氣叫 2DP在口福街, 叫左兩樣試下, 牛油果楓糖芒果吐司、配乳酪和韓式泡菜素煙肉卡邦尼意粉。等了20分鐘食物也未來, 只見餐飲部兩個人切木瓜但不是有人order, 中庭企左個大嬸全程無動作, 剩下兩個人煮主餐牌, 見他們手不停但無野出, 又無人幫, writer 仲好笑大多時間企在餐飲部前, 完全唔望客人, 我舉兩次手無人理！食物足足等了30分鐘以上, 食到一肚氣, 原因是廚房不分order先後次序, 食物質素一般, 由其個卡邦尼只用韓式醬加上芝士少得可憐素煙肉, 沒有泡菜無其他配料, 收$100偏貴！…查看更多

今晚囝囝生日外出食飯, 來到新蒲崗Mikiki 商場的一間德國餐廳慶祝, 我一家三個人叫咗個二人套餐加一個意大利飯。套餐$398有齊德國三款最常叫的食物, 粟米脆片、咸豬手、香腸併盤、再加兩杯飲品。粟米片配上蕃茄蓉醬餐前菜傾下計一路食幾好。咸豬手皮脆很薄而肉質不肥彈口有汁, 餐廳好細心預先幫客人切成細件這點要扣分, 因為完全失去德國全統原隻上枱風味。香腸併盤ok, 但不夠野味, 跟其他德國餐廳比差少少。肉丸意大利飯一般般。飲品我叫左1664啤酒好飲。…查看更多

今晚試下一間車仔麵, 因為已經開咗一段時間我估計應該不錯, 但事實往往不是預期, 望望上載呢碗麵看似食咗一半既車仔麵, 但實際係啱啱開蓋, 咩事！D麵少到兩啖就食完, 做飲食要過到自己過到人至得架, 講真湯底味道ok, 餸也可以, 米線好貴嗎？咪收貴一兩囉！唔使少成咁呀！我唔會再食囉！…查看更多

剛剛食完烤雞，揾D甜品食潤一潤，本來想去發記，但見裡面空無一人，即刻停咗無入，隔離店舖很多人又係食甜品，咁試試也無妨。這間是聰嫂，之前都聽過但無食過。今次試咗芒果奶昔雙皮奶，椰汁意大利涼粉，椰皇嫩桃膠。芒果奶昔雙皮奶，有3個層次，芒果頂層甜，奶昔中層是芒果沙冰，好味但跟名稱有出入，底層是雙皮奶，滑而味濃，不過薄咗D。椰汁意大利涼粉，將涼粉切成幼絲，撈咗西米珠及椰漿，味道香濃。椰皇嫩桃膠，椰皇中間用蛋白燉桃膠，配搭火喉都恰到好處。不過店內坐位相當擠逼，前後背貼背，坐位之間要側身過，十分唔舒適，餐具同碗都是一次性用膠，唔環保！拉低整體分數由好評變 OK! …查看更多

有次荃灣行見到這間牛角出品名叫次男的飯店，食物賣相突出，走打咭路線。我今日就試試，主要有3款丼，另加其他食材，當然要加錢。我叫次男坊丼，次男坊丼＋拖羅蓉刺身，豚肉丼。次男坊丼，即牛肉飯，配甜醬油，牛肉疊成山型，後面放上4塊紫菜，賣相吸引，打開牛肉內裡是用芽菜壘高，不過芽菜太多，比飯還要多，但芽菜調味一般！牛肉是薄身肥牛，肉味濃郁。次男坊丼＋拖羅蓉刺身，飯上枱前加上膠蓋保溫，所以影響咗拖羅蓉刺身的鮮味，生同熟的食物真係要分開，下次唔會再加。豚肉丼，肉上放溫泉蛋，混合飯一齊食，正！…查看更多

好耐無食韓國烤雞，今日好想食，所以到旺角一間很有名氣的韓式烤雞店，這裡的烤雞味道很多選擇，我今次叫咗蜜糖咖哩烤雞，還試試其他食物，韓式炒粉絲雞蛋卷和凱撒沙律。蜜糖咖哩烤雞，味道甜甜地，雞是細雞，我估春雞咁上下大細，全部雞肉包括雞胸做得很嫩滑，不過外層有點硬，整體味道很好，唯獨咖哩是分開一碟醬點雞食，而不是在調味時已經加上，有點失望，咁有10個醬就有10種味烤雞嗎？所以這道菜名應該叫蜜糖烤雞配咖哩醬！韓式炒粉絲雞蛋卷，好味，蛋皮外層軟滑，內包有粉絲，紫菜，午餐肉。提供叉給客食，用來有點難度，價錢偏貴！凱撒沙律，蔬菜很新鮮，ok。星期日晚只坐七至八成人，但入座每次提醒客人限制用餐90分鐘，雖然時間足夠，但感覺唔好！…查看更多

今日來到太子始創中心搵嘢食，午餐時段人流頗多，在地庫有間新開台灣麵，決定入去試試，取位要取電腦票但機器是壞！叫侍應幫忙，因為入囗無人安排！！最後變手寫票。門口有台式飲料外賣部，同樣無員工。等左10分鐘有位，午餐包港式飲品，如飲台式飲品要加錢，在台灣食店這配搭有問題！今次試咗炸排骨肉燥麵，䓤油伴麵，香蘇雞扒肉燥飯，飲品叫港式熱咖啡，台式珍珠奶茶。炸排骨肉燥麵，排骨炸得乾了一點，味 ok ，但麵條樣似烏冬而且有點硬！湯是味精湯！䓤油伴麵，價錢好低，味道ok。香蘇雞扒肉燥飯，有雪味，還可以。港式熱咖啡，他們忘記加奶！台式珍珠奶茶，這杯是全餐最失望！無茶味又無奶泡香味，珍珠唔Q口，是我飲過的珍珠奶茶最差的一杯。…查看更多

今晚想去黃埔食壽司，有兩大連鎖店，元氣和板長，元氣選擇多但經常缺貨，水準每放越下，唔知点解晚晚排百幾人！所以我去左板長，一定有位，水準經常保持新鮮。不過壽司款式就不多。今晚食得不太多，因為水準差左，軟殼蟹手卷炸槳多仲要細件，赤貝好細舊，睇相就知！！！餐廳最大問題就係點餐系統，如果你是會員，先下載apps ，登入後，全枱人都會攞你電話點餐，成晚個電話就傳來傳去，有咩來電，whatsapp ，message ，全部人都知！…查看更多

中午前在觀瑭牛頭角等巴士之際見到一條在工廈內的走廊有數間小店，其中一間食海南雞飯，店舖很細，只有面向牆幾個座位，大約8個左右，雞掛在廚窗，望落個樣 ok就坐下食完至回公司，我叫左海南雞飯轉雞肶，有例湯送。海南雞飯正常size價 $40，加$5可轉雞肶，還可選擇輕量裝$30，在場見到多數女士叫輕量。我就梗係食正常size啦！雞肉很幼滑有汁，是用黃油雞，皮與肉之間成啫喱層，做得好好，雞味濃，不過黃油雞缺點是太肥。飯不是平時的油飯，而是帶有淡淡的椰香味飯，幾特別。配薑萛唔油（加分），甜豉油及雞醬，同飯分開自取，要有的都齊哂，湯是送的，清湯一碗味道ok。飯和雞份量比正常多，我都食唔哂。…查看更多

而家新年好多食店照常營業，年初一中午在黃大仙廣場食炸雞，熱氣騰騰旺一旺。今次試下KARAYAMA 炸雞定食，秘判芝麻蒜蓉炸雞三文治，南蠻炸雞定食，炸雞翼。KARAYAMA 炸雞定食，有款醬汁選擇，我揀左配芝麻蒜蓉醬，果香鹽味醬。兩種醬都好味，不過稍為濃咗味啲。炸雞不多炸粉而且脆，肉大舊有肉汁。秘判芝麻蒜蓉炸雞三文治，少左D生菜，及乾左D。南蠻炸雞定食，換上南蠻醬，好似自選醬汁感覺清新D，不過都好味。炸雞翼，一般。…查看更多

年初三，去沙田行下加 high tea，揀了 UCC Cafe ，新年唔多人，早少少到等左15分鐘就有位，我他叫了鮮忌廉窩夫熱香餅楓糖，海鮮肉醬焗飯，凍咖啡。鮮忌廉窩夫熱香餅楓糖Tea Set，這個甜品味道ok，感覺普通，份量適合女仕。海鮮肉醬焗飯，海鮮加上肉醬口感有點奇怪，煮不出調和味道而格格不入，這個價錢HK$106單點，海鮮味一般而且冇魚，飯很少，所以焗出來太熱有D硬身，如果是單點飯計，不合格同偏貴，最多比 80蚊。凍咖啡，水準保持，ok。不過這裡的服務員態度有問題，回應話轉頭其實無回頭，朋友叫B餐，我問多一次朋友不是要 A餐嗎？朋友再確認是B餐，但服務員居然好不耐煩講：咁你即係要A餐定B餐呀？日本餐廳我仲以為去左澳牛…查看更多