mandy1122879's Profile

外面係茶餐廳既格局，但原來入面晚市係有小菜食又有海鮮，2個人叫左4個餸，都係每人$120，有湯有飯。一坐低就有碗菜乾湯，幾濃味又夠味，應該冇味精，因為飲完唔會口渴。白灼蝦$58，都有成半斤，d蝦夠大隻又新鮮，蝦頭膏好甘香，豉油有放辣椒，幾有誠意，好抵食沙巴龍躉，$98，好普通既魚，不過不失，今晚蒸過左龍，但個豉油幾鮮既。咕嚕肉，$58，肉多過d椒，d肉炸漿唔厚，幾鬆脆，入面肉都好林，甜酸醬較得幾適中，可以試下。豉椒炒蜆，今晚做特價$28，足半斤超抵食，個醬似沙嗲醬多d，但撈飯都幾好食。$28真係抵到爛，枱枱都叫。d侍應又勤力又有禮貌，晚市爆滿哂都好爽手。見好多枱都係一條友自己去食小菜。除左d枱迫少少，整體質素唔錯，會再同朋友去。…Read More

前晚2個人想食大排檔，行經愛文生，見到大排長龍，成條街坐滿哂，都知有排等，就去左增輝，話哂年年都米芝蓮推介，但真係好失望。鬼馬炸油條，幾好食，夠脆，唔油膩，但呢個價錢，我會expect入面d味道再香d再重d士多啤梨骨，唔太掂，d骨好少肉，有d係2條骨夾住一片肉，食起上黎非常不便，仲要d肉又靭又硬，好痴骨，根本用筷子咬唔到出黎，要用手扯。個醬係普通甜酸醬，冇士多啤梨味。如果佢係$50-70一碟，我唔會有意見。但佢依家呢個質素係完全對唔起佢個價錢。仲有一碟冇影，海鮮雜菜煲，全晚最差... 落左好多好多薑，成煲冇鮮味得薑味，而且落咁多薑，都僻唔到佢d魷魚既腥味。d菜煮到林哂又黃哂。根本食到一半已經唔想食...另外講下服務，d侍應係有禮貌，可惜唔算好爽手，坐低叫都叫左10分鐘先有人黎落單。落4樣野黎得3樣，再催一催，原來有一樣係落漏，我地直接話唔洗補落啦。因為以佢今晚呢個質素，已經唔需要再試... 埋單3樣野加2個飯total $360，唔值呢個價同米芝蓮推介，非常失望。…Read More

以前係好好味好足料，但自從賣左廣告之後，d質素愈黎愈差，d花甲粉個湯底得少少香味，冇味道，好難食，花甲少左好多又細粒。重點係，質素差左之後食過3次外賣，3次食完都胃好多氣好唔舒服作嘔。本身頭2次以為自己身體差頂唔順先咁樣，但一齊有食花甲粉既朋友都有同一感覺，有d仲有胃痛。第3次再比多次機會，叫左外賣，食完都係胃好唔舒服好多胃氣想嘔，一齊食既朋友又係咁，到最後大家要一齊食胃藥再休息一陣先冇咁嘔舒服。都唔知係咪d花甲粉用左d咩化學野或者香料或者d花甲有問題。好肯定係個花甲粉出事，因為有試過淨食串燒，食完就冇唔舒服既，不過味道好一般，燒得唔夠時間，一味用大量味粉啊醬料啊去掩飾。真心奉勸大家唔好再去食呢間野，外賣都唔好叫，除非你哋想食完又作嘔又胃痛。店主唔該你試試自己d外賣花甲粉係咪有咩問題，我唔知堂食係咪都係咁，但我食左3次外賣3次都唔舒服，比足哂機會你哋，絕對唔係一次半次咁簡單。…Read More

冇乜特別 但d飯真係好硬 硬過石頭刺身以呢個價黎講正常$99個dinner set因爲飯太硬所以勁飽建議都係唔好加錢任食刺身，因為你唔會食到好多唔後悔黎左不過唔會再黎😂…Read More