nickis915's Profile

今天經過筲箕灣，一定要去幫襯呢間買硬豬仔包！已經幫襯左年幾，都仲係買梗$2一個，抵到爛！我第一次食，係朋友請的，好食到要追問朋友邊度買，朋友仲唔好意思講話係街市小店。個硬豬仔包，係外脆內軟，裡面唔似坊間嘅空框框，佢係綿密嗰種，充滿麵粉香味，熱食凍食都一様好味！因為我唔係住附近，所以次次都買十個八個慢慢食，放雪櫃，之後焗熱返，過幾日一樣咁好食！見佢舖頭又有賣中式糕點，如油炸鬼，煎堆，中式蛋糕，下次要買黎試下。次次經過都有好多街坊幫襯，咁平靚正係值得多人幫襯，試問百物騰貴，仲係賣$2一個，去邊搵！大家記得支持一下呢類小店，真係買少見少！…Read More

友人告訴佐敦開了這間分店，於是今天一起去試了。由於是下午3:00，所以不多人。格局是普通粉麵店，感覺乾淨明亮。由於得一個阿姊做樓面，所以落單時也要大聲一點呼叫。我們點了小碗瘦羊肉米粉，$35一碗，跟餐加6元可有凍飲。朋友喜愛墨魚丸，於是加多4元要墨魚丸加落米粉。其實還可以選擇米線，但我地比較喜歡米粉。等左大約5分鐘就有，真的非常大碗！朋友的米粉看不到墨魚丸，於是問阿姊，阿姊又去問廚房，然後答話剝熟D比我地，之後多3分鐘，就用碟上多2粒墨魚丸，其實我地又無話趕時間，等埋一齊都得，實在唔明點解咁安排。點知朋友一食，就話粒丸唔新鮮，有少許異味，而且一定是不好的雪藏貨色。我也試了另一粒，也同意朋友所説。話雖如此，撇開粒墨魚丸，整體羊肉湯米相當不錯。湯底有淡淡羊肉香味，有少少羶味，但唔羶不如唔好食羊肉。羊肉湯是徧淡的，非常有鮮味，令至不知不覺間會不停飲湯。湯面有薄薄一層羊油，所以成碗米是熱騰騰的。我想應該是無乜味精，因為之後都唔口渴。而且，喝完亦全身暖和。羊肉份量相對比較少，因為我們點瘦肉，所以比較硬，下次可試下有皮肥的。如果喜歡濃味嘅朋友，可以skip,因為係一個非常淡味嘅清湯，個人而言，我覺得還好，而且非常滋味。米粉份量相當多，我非常肚餓地都非常勉強食得哂，之後頂到晚飯都無食。如果是細食女孩子的話，可以叫小米粉，又或者兩個女仔食個大的。另外，跟餐的凍飲，我叫了凍奶茶，是小杯的，係有D鞋，但呢類店，我都唔寄望有高水準。樓面阿姊相當勤快，只是聲浪比較大。整體而言，我還是會再幫襯，但是只會凈食清湯羊肉米，其他飲品及配料拉底哂整體分數，其實配料做得唔好，不如取消啦，總好過拉底整個水準。…Read More

因為聖誕正日，朋友們全都比較忙，所以我地一班就於27日先慶祝。因為我地比較嘈，所以一早訂了這間的一間房，有minimum charge $2500, 咁我地會飲酒，相信一定過minimum charge。因為一早book左，所以唔洗等，目測全店半滿啦。一班餓鬼，瘋狂叫嘢食同叫嘢飲。啤酒同清酒選擇都算多，串燒選擇亦多，比較近日式，唔多覺似川式。可能人多，攪到order好亂，有D野要提店家上，呢方面要改善一下。普遍食物質素不錯，比較唔好係燒雞皮，比較乾。比較特別的是幾款腸類，有黑色（唔記得叫乜名）同埋另一款芥末味道。仲有款細細粒嘅番薯，煙煙un un 好得意，又encore左2次。個豬肉露荀卷，又係好好味，又脆又多露荀，又係叫多左2次。我地都鍾意食蠔，所以叫左個廣島蠔。朋友話好食，但我嗰隻似半生熟，所以有D腥。仲有一個燒煲仔飯，大家可以唔叫，味道非常似茶樓嘅糯米包，又唔香又唔脆。去食串燒又點可唔食雞翼，呢度個味道不錯，只是如果個皮脆D仲好食！呢度仲有一D燒蔬菜，我地叫左皇帝菜，韮菜同娃娃菜，味道不錯，一般串焼店應該無呢樣。另外又叫左鍚紙焗菇同鍚紙焗西蘭花，茹還可以，西蘭花應該係焯過先焗，太林喇。所以都建議大家只叫燒菜，唔好食焗嗰D。其實叫左好多其他野食，唔一一貼上，個燒牛脷好好味。總括黎講，食物水準幾好，價錢亦相當合理，service 都不錯。我地由9:00坐到1:00，店家都無趕客。下次一定再幇襯，小型party好地方!!…Read More

因為今個月係我生日，一班朋友幫我慶生，問我去邊度食，上黎open rice八一八後就決定試下呢間！餐廳位置於天后邊，但如坐地鐵去，就砲台山落車行去會近D同舒服D。餐廳比較細，大概只有十張檯，我地早左去，佢地都比我地入去坐住等其他朋友。同埋一定要訂位先好去，因為目睹有客無訂位想食，就算眼見好似有吉枱，餐廳都只係話成晚full左，所以一定要訂位！朋友怕燒鵝賣哂，所以亦一早訂了一隻。另外，鍾意飲2杯嘅朋友注意，因為無酒牌，所以無得賣，但餐廳好好，你可帶酒去又不收什麼開瓶費。我地點左好幾個菜，上菜超快，15分鐘內幾乎所以菜都上哂，一枱滿滿的，係個飯慢左少少。另外，因為有一朋友不能食蝦，所以個蝦多士就要少一件，點知個侍應姊姊誤會左，其他所有以件數計的都少了一件⋯咁唯有食少件啦。去過鏞記嘅都知前菜皮蛋絕對係名物，咁呢度都一樣有。一如鏞記一樣，每人半隻，中間流心的，味道又唔乸，絕對係好食！第一樣梗係主角燒鵝，佢其實同鏞記味道同賣相都相當不同，呢度比較多汁淋上去，所以皮沒鏞記脆。老老實實，去過幾次鏞記食燒鵝，唔知係唔係唔啱時候定我唔好彩，完全非常一般，完全唔想encore。但係個人嘅話，喜歡呢度多D，隻鵝肥瘦適中，絶對無大大舊白色脂肪。佢個切法亦相當特別，個胸肉係起哂骨，但又唔係潮州鵝片咁薄，size 剛剛好，啖啖肉非常之正，肉味濃又唔un,個汁望落好咸，實則係味道啱啱好，而且隻鵝都相當大隻，我地一行七人已經勁食都食唔哂，仲食剩小半隻要打包添，咁400幾蚊隻真係超抵食，絶對會想encore！呢個蝦多士亦非常不得之了，望落個樣普普通通，點知一咬，正到講唔到野，隻蝦一定係新鮮貨，超級爽口又有蝦味，調味亦好，味道不濃及完全食得出鮮味。個廚師火路控制亦非常好，個多士又香又脆，但又唔油，完全唔會一口油。去過鏞記飲茶都知，鵝膶腸包亦係另一名物。呢度都有，但係係mini version。佢將一塊好細嘅腸放左一片好細嘅方包上。條腸同鏞記一樣好味，但份量太少，一碟6件應該用唔到一條正常size嘅膶腸，而且同方包又唔多夾，好食係好食，但唔抵囉！呢個咕嚕肉亦非常不錯，完勝鏞記。呢度應該係用山渣調味，碟中唔見菠蘿洋蔥咁，但個酸甜度調教適中，肉係切成厚肉片，細細塊咁，炸得外脆內軟，汁係掛在肉上，又唔太多汁，稀杰剛剛好，又夠獲氣，one of the best in town! 只可惜又係太細碟，一上枱，朋友已經講，嘩乜咁細碟，似2-3人份量喎！跟住就係我想食嘅鬼馬牛肉。呢個老菜，同枱有D年青友人都未食過。其實即油炸鬼炒牛肉，我小時候同屋企人去親地茂館食飯一定會叫呢樣，記憶中係超好食，牛肉有䓤香，油炸鬼吸左汁但又會脆卜卜，諗起都好味。而家好少地方有得叫呢個餸，就算有都唔好食，見呢度有咁就叫下，希望可以食到童年味道。可惜呢度同坊間一樣係唔多好食，亦係全晚最差的一樣。個油炸鬼切得太厚，又炸得唔夠脆，只得個硬字，其實應該係切薄片的，汁就更加唔好講。牛肉就係普普通通通，乸過梳打粉的牛肉，一般酒樓貨色，一D䓤香都無，成個芡又太杰，有D槳胡feel, 味道又咸左D，欠望，我估我可能永遠食唔到兒時味道。呢個係加大啫啫生菜煲，點解我特意咁講，因為我唔覺佢似，我地每人夾左一次，成煲就清左⋯至於味道方面就一般啦, 不過獲氣係夠的，我就覺得新斗記比呢度好食得多，呢度不過不失啦。朋友想食豆腐，於是點左上湯生煎豆腐，我無食到，朋友話味道不錯，外脆內嫩！呢個鵝汁飯就一定要叫嘞！超級好味！飯有米香，軟硬適中，鵝汁令個飯好香。飯𥚃有冬菇，肉粒，蔥等，非常有獲氣，不能形容的美味！呢個份量又係大件夾抵食，每人起碼有一碗多DD。雖然友人有買了蛋糕，但大家都想試下呢度個紅豆沙。唔知係唔係因為時間已經接近收舖，個紅豆沙非常杰, 如紅豆槳，個陳皮味又太濃，令到有D澀味，上環娥姐嘅好味幾倍，早知唔叫。提提大家，係要比$50切餅費嘅。總括來説，呢間D野普遍都幾好食，特別係燒鵝同個鵝汁飯,絕對會令我返轉頭幫襯，其他小菜就size略細，service亦ok, 咁overall 我會prefer呢間多過鏞記，隻鵝已經完勝左。…Read More

一直都很想試這間，但又不認識朋友是舊生。後來才知好友大伯是會員，於是便托她訂位。苦等了3個月，終於有得食！大家要去的話記得不要在高士威道入，那只是學校入口，應該去銅鑼灣道往大坑方向行就會看見。我們一早訂了$3680一席12人的套餐。一去到，原來是一圍一間房間，不錯喔！首先上的是蚌仁花姿乳鴿甫，大碟又夠鑊氣，所有海鮮都非常新鮮，乳鴿甫又軟又入味，非常好味！之後上的是百花釀蟹拑，每一隻都脹泡泡，碟底沒有油，證明火路控制十分好。咬下去，十分脆，而且蝦膠彈牙，正！之後是我期待已久的杏汁豬肺湯。一開煲已經香氣撲面！喝下去已經不得了，比起陸羽/香港大學同學會，好喝幾倍，敢説是全城最好的！而且份量頗大，每人起碼有2-3碗，正！我不吃湯料的，但友人説豬肺完全無異味！之後上的是糖桂花美國桶𧐢，又是令全桌為之震驚之作，㚈脆內軟，有少許焦糖味，沒腥味，一人一隻實在太少了！之後是椒鹽陳皮蝦，份量頗大！每人有差不多2隻，椒鹽味足，有少許陳皮味！與坊間一般椒鹽蝦最大的分別是平常的炸完，內𥚃的肉會有點鞋，但這𥚃的是真正外脆內的肉一點也不鞋！之後是清蒸沙巴龍躉，魚一條，沒有太大驚喜，跟外面吃的差不多。之後是鮑汁鵝掌，我不太喜歡鵝掌，加上頗飽，只吃了一件冬菇，但味道也不錯。再之後是脆皮炸子雞，本來好飽，但是因為太脆太好味，忍不住也吃了2件，真的非常非常脆！差不多尾聲，到蝦子伊麵及香芋炒飯。本來一心想試糯米飯，但原來只在冬天供應，那侍應説炒飯也要一試，那也試一口罷。飯的口感頗特別，吃到一粒粒超脆的蝦米，但對我來説，就咸了點。蝦子伊麵很好吃又乾身，不錯！肚皮已經放不下任何東西，甜品腰果露湯丸就上。本來想不吃，但一開蓋，香氣撲鼻，非得不吃！又香又滑，芝麻湯圓又好吃，忍唔住也吃了兩碗！生果栟盆是切片西瓜，我真的太飽，一片也吃不下，但友人説西瓜也很甜！總括，這間會所餐廳並不是浪得虛名，比起很多米芝蓮餐廳一點也不遜色, 而且價廉物美，菜的份量也不少，如多女士，一桌應足夠14人分量。可恨是等得太久，往往要幾個月才成事! …Read More

在isquare看完戲，已經差不多十時，晚餐不想吃太飽，於是友人提議到雞記，於是一行三人便步行到雞記。店內是一貫潮洲粉麵舖，地下是有點滑滑的，但去得這種店，大家已經有心理準備。見店內貼了大大張推介海報,於是我們便點了海報內的紫菜墨魚丸撈粗，煎墨魚餅和咸擰七。先來的是煎墨魚餅，吃得出是新鮮墨魚及即炸的，上枱時不能即吃，否則會盪咀，墨魚餅炸得外脆內軟，還吃得出有少量馬蹄粒，不錯。之後就是紫菜墨魚丸撈粗，麵很乾身，碗底沒水。味道方面，豉油味不夠香。墨魚丸也是現炸的,味道其實跟煎墨雨餅差不多，也吃不出什麼紫菜味。隨麵上的湯，應該只是味精水罷了。但是40多元來說在尖沙咀區，應該算是抵吃吧。至於咸檸七，客人可挑罐裝或樽裝，罐裝是七喜，樽裝是雪碧。沒什麼可以評，普普通通的一杯。總括來説，東西新鮮，位置方便，是可以再來的。…Read More

我們一行6人打算去喝一杯，但又想吃一點東西，於是友人便推薦南亭。我們大概晚上8：45pm到達，目測客人不算太多。店內裝修是一貫的居酒屋風格，桌與桌之間的距離亦不算太近，氣氛相當不錯。而且，看見靠窗的4人卡位是頗有格調，下次一定要去試一下。一坐下，店員便殷勤地倒茶。我們是為喝酒而來，當然每人一杯asahi,我們亦點了雞翼，牛舌，雞肉大蔥串燒，雞肉丸，羊扒，茄子，豬肉露荀巻,etc因為是現場即燒的，所以是要有點時間，反正我們不趕時間，邊喝邊傾。不消一會，串燒就上抬了。雞翼味道不錯，只是略嫌不夠香脆。牛舌的質感比較奇怪，很爽脆，比較像雞腎。羊扒味道好，但又是像只燒了一會，火喉不夠。因為點了頗多，不能一一拍照。總結第一輪所點的全是不夠香脆，最差是牛肉，溫度是䁔的，一點香味都沒有。我認為 最好是豬肉露荀卷，肉因為薄，所以很香脆。邊吃邊喝,時間很快就到11：30pm。可能因為喝了幾杯的関係，又想再吃，於是又點了第二輪差不多的串燒。不知是否因為換了師傅，還是因為夜深，客人比較少的関係，每一串都又香又脆，跟第一輪點的是兩碼子的事，好像去了另一間餐廳一樣。服務方面，店員們算是殷勤，但偶有漏單及錯送食物。不知是否因此，我們臨走時，送上十多粒雪米磁。總結，串燒師傅水準參次，服務水準仍有進步空間。但觀乎環境，不失為一個喝酒的好地方。…Read More

上周六打算一伙兒跟朋友慶祝生日，因朋友們想吃完晚飯之後去喝一杯，於是友人提議到大坑私房蔡試菜，之後可容易找地方喝一杯。友人於一個星期前已經打電話訂好了位子，並問了店家什麼招牌菜是需要預訂，店家稱招牌雞是需要預訂的，於是友人便預訂了半隻雞。我們一伙兒七位準時到，可能一早訂了位，店家説不用等便領了我們到另一條街的店，但目測店外也有十多人在等位。分店很小也很迫，幾乎背貼背，大牌檔格局，膠枱布膠椅子，簡單裝修為懷舊式,但有點奇怪⋯我們很快已經點了菜，店員亦勤快地放下佐料並解釋那樣菜用什麼樣佐料。菜亦在不到十分鐘就到了。第一道上的是煎肉餅，普普通通，份量亦有十件左右，個人認為咸了一些。第二道是煲仔飯，有點意想不到,因為以為飯會最後才上。煲仔飯的料很多，店員亦細心解釋因有飯焦，所以不建議在煲中淋醬油，因會浸淋飯焦。不得不讚，煲仔飯的醬油相當美味。個人喜歡煲仔飯的飯最好是比較乾身的，但這裡的飯比較徧濕。第三道是薑蔥生蠔煲，我們一致覺得不好吃。店家應該是用桶蠔，一煲大概有六隻蠔左右。我吃的那隻很腥，友人説他們的不是很腥，但大家都認為不夠鑊氣，蠔未爆透就上煲。之後分別是咕嚕肉和椒鹽鮮魷。咕嚕肉味道不錯，而且肉亦脆口。椒鹽鮮魷，魷魚吃得出是新鮮的，但略嫌粉漿有點厚。之後是全晚我們認為最好吃的牛腩煲，牛腩炆得淋，又不痴牙，好味道！煲底的蘿蔔亦炆得入味，如果蘿蔔分量再多一些更好。之後等了差不多十五分鐘，其餘的菜還未到，還欠啫啫芥蘭煲，半隻雞和胡椒豬肚湯，於是催促店員，店員竟説沒芥蘭，說轉唐生菜有沒有問題。至於豬肚湯就説要等其他客人落單才一起煮，這是什麼歪道理！之後不到五分鐘，啫啫生菜煲跟湯也到了。其實我們懷疑是漏單，但店員的爛籍口也太可笑吧！説回啫啫生菜煲，一點也不啫，毫無鑊氣可言！胡椒豬肚湯份量頗多，一人起碼有兩碗，味道非常一般，不夠胡椒味，喝完完全沒䁔意。之後又等了十幾分鐘，預訂的半隻雞還沒上，但周圍都找不到店員。於是友人就打電話到店𥚃問，接電話應是老闆娘，十分緊張，即説立即過來了解。老闆娘一到就説伙計漏了單，問我們還要不要，我們其實已經差不多飽，而且亦等候多時，於是決定取消。老闆娘說沒問題並多次道歉。埋單時，是老闆娘親自拿單來，亦又再次致歉，老闆娘服務一流。吃罷這一餐，大家一致認為同一價錢可有更好的選擇，同一食物，亦有更多比他好吃，價錢亦更低。總結，食物大多一般水準，如果會再到的話，應只為牛腩煲與煲仔飯。…Read More

因為來自星星的你的效應關係，在幾個禮拜前已經約了幾位朋友要李家試一試炸雞，就算是黑雨的晚上都決定要一去。可能是大風雨的問題，只在門口排了30分鐘。店員應是韓國人，全程英語溝通。我們一行四人，店員有問我們介不介意搭抬，當然沒問題啦，見張大抬又大又舒服，可能比坐卡位更好。一坐落，店員已經立即擺位及奉上小吃小吃味道不錯，我們點了原味及甜辣醬炸雞，芝士蛋卷，肉排及啤酒。不到10分鐘，所有菜都上了，主角炸雞出場，原味皮脆內juicy,亦有少許辣味,至於甜辣醬味，個人覺得徧甜，個人認為原味比較美味，一口雞一口啤酒確實是絶配。完全是好吃過kfc很多、而且看得出是一整隻雞，因各部位都有。韓國cass 啤酒亦有少許蜜糖味aftertaste,不錯！熱吃時味道真不錯，可惜店家冷氣太大，食物很快變涼至於蛋卷，熱時芝士是流心的。個人覺得上面太多茄汁及沙律醬，如果下次再去的話會要求所有醬汁on the side至於肉排，我點菜時記得是肉排年糕，但菜來時是沒有年糕⋯可能是我記錯吧⋯anyway,味道徧甜，似日式teriyaki醬汁味，個人十分喜歡，一碟有兩大塊，一行四位女子實在吃不下全部總結，普遍食物是不錯，但如果要我等2個鐘先有得食，我就覺得不值，30分鐘已經是極限。而且冷氣太大，食物太快變涼，雞一涼了就變得不juicy,而且最好是吃完一樣，先再點另一樣，否則所有食物都變得涼了不好吃。我會再去的，但只限不用排隊超過30分鐘！…Read More