heather._.'s Profile

小妹由營cafe岩岩開張都而家一直都keep住幫襯,因為食物質素唔錯,價錢相宜,但係經過今次之後,真係唔會再黎幫襯!話說今日諗住去營cafe食下午茶($27),之前(幾個月前)我1點50去食就已經有得叫下午茶,我以為今日都一樣啦,於是就入去坐著等叫野食,點知呢我坐左係度,舉埋手,都未見有人黎處理枱上面遺下既食物同餐具,坐左3分鐘先過黎執枱。OKAY,人手短缺,我明白既。 之後我叫下午茶,佢又幫我落左單,咁我以為已經係下午茶時間。點知,佢張單寫住要$32,我問個大嬸侍應點解啦,佢好冇禮貌咁同我講: 而家仲係lunch時間,未到下午茶時間喎(重音係個"喎")! 聽到呢句野真係火到...... 第一,27蚊果個餐只係出現下午茶菜單,佢根本冇理由自行加5蚊當佢係lunch,呢個明係道德操手既問題。第二,身為侍應該都有責任提醒食客還未到下午茶時間,唔係盲中中咁樣幫人落單,佢咁樣好似刻意咁樣耍我地食客。第三,佢d態度,無論係落單,同其他伙記講野果陣,都係令人難以忍受。仲有佢成日掛住睇電視,唔理客人! 食物方面係尚可既,但係d薯角炸得燶左d~ 到我去埋單啦,我係個門口出面等佢,佢就慢條斯理咁樣行出黎,仲要執番我岩岩坐完果張枱,先出黎收錢。(哇!真係好有條理喎!點解今次咁快手既?係客人黎之前執枱既?) 都係講果句,比多5蚊唔係個問題,最大既問題係佢既服務態度(係舊果位,唔係新黎果位),同埋此店營運手法(亂加錢)。…Read More

之前已經係呢度食過學生午餐,雙拼22蚊意粉送埋凍飲,非常抵食,而且意粉煮到岩岩好,唔會太濕太淋。星期日去左呢間餐廳食晚餐,扒餐都只係48蚊(免加一),估唔到仲有埋前菜salad,d生果都幾新鮮。之後個扒餐都唔算差(以48蚊呢個價錢黎講係超值),好欣賞佢果d薯角,因為果d係自己切同埋炸既 overall,食物既質素唔錯,同埋睇得出好有心,以48蚊黎講係超值!而家物價通漲啦,希望呢間野唔好咁快加價><好想下次試下$98果個廚師推介…Read More

次次放學我都會黎呢度買野飲因為佢d珍珠整得唔錯,唔會太林,同埋價錢都唔係貴(對比大埔區其他店來說)我最中意係佢既碳燒奶茶加珍珠,陣味好香!另外佢會係一d節日度有特價,例如係新年就買一杯,然後第2杯就以半價既價錢買。呢個方法的確吸引到好多人去買野飲xD希望佢地快D出小食啦…Read More

我係呢間野食左2次第一次係呢間野係新開既,見到咁多人就幫襯下我叫左個酸辣湯底既牛肉米線,本來以為個湯底會幾辣,點知只係得個酸字,好酸,完全唔辣(我呢個人係唔食得辣既,但係我都食唔出個辣味,所以你地話呢!?)加上米線又細碗,雖然米線煮得唔錯,幾彈牙。之後就叫做雞翼,本來以為佢d雞翼應該幾好。冇錯,係唔錯,但係d同普通餐廳既雞翼冇分別,唔抵食。本來林著唔會再去食,但係我都去多次啦點知今次仲差,我同同學放lunch果陣去食,我地叫做清湯豆腐卜米線。今次d湯底係咸!咸到我地冇哂味覺 飲檸水果陣係完全飲唔到味-_-加上,我覺得碗米線既湯底冇特色,得個咸字,同埋好少餸.....最重要,就係d 伙記 冇禮貌,態度麻麻,可能忙既關係啦…Read More