YvonneYeung217's Profile

兩星期前訂咗一圍12人嘅套餐，網上過數落訂，WhatsApp 收到按金紙，一切順利。今晚嚟到，經理、侍應、食物都唔錯，心諗又冇網上所講服務咁差啫。點知，行出去埋單，個阿姐😡一開口已經臭串語氣，我同佢講枱號埋單，佢話：我地冇呢張枱號；我邊指住枱嘅方向，邊形容佢知叫咗咩套餐，其實張枱位置只係喺收銀處隔離第三張枱，而果邊只有我地一圍12人枱，其餘都係啲二人枱，但佢望都唔望，就叫我返去睇清楚枱號。（我心諗咩態度呀）我行返去攞個座枱牌比佢睇，確實我冇講錯枱號，但佢都話冇呢張單，要我再行多次攞張套餐紙佢睇先查到🤬之後叫我比張按金單佢，我邊答話WhatsApp 度，一邊就開個WhatsApp 佢睇，條友又係望都唔望吓個電話，就好串咁話：「吓！睇相！」二話不說叫個經理過嚟話我而家咁嘅情況；個經理嚟到話佢知啲網上按金紙本佢地存嘅位置，搞咗10分鐘先埋到張單，仲要一直受氣，我心諗呢條連自己間鋪點運作都唔知，學咩人做揸fit人；客人嚟幫襯，你就當人嚟乞食咁，如果唔係靠你班員工，而你咁嘅態度，聽執笠啦！…Read More

食物等成40先有得食，見住啲食物喺廚房拎出嚟放埋一邊，擺成10分鐘唔崔唔問都冇人拎過嚟上枱，埋單等20分鐘都未搞掂，自己行出去埋單又趕你返埋位座，啲阿姐嘅態度勁差，大大隻字寫住兩小時泊車優惠，埋單時又話無，又話要消費滿500先有，伏到唔伏，咁嘅質素👎🏻👎🏻👎🏻…Read More

網評話呢度啲雞好滑好食，所以買咗個東江沙薑雞（例）外賣試吓，$68+$2外賣盒，返到屋企打開個袋一睇，😳What! $70 盒嘢得7舊雞！盒嘢好似食淨打包咁，咁嘅價錢就算啲雞幾好食都冇用，呢間嘢一定冇下次😤…Read More

08:30坐低，計埋自己得兩枱客，叫咗杯banana mocha, 等咗20分鐘都未到，望一望原來教梗個新人整呢杯嘢，ok咁再等吓啦，再等10分鐘仲未得，問個waitiess話差唔多整好因為太多外賣，唔講呢句尤自可，一講呢句把幾火，喂我坐喺等咗半個鐘都唔及後嚟入嚟order嘅外賣要緊，再望吓水吧，原來係個新人搞唔掂杯嘢要個舊staff重新整過，最後足足40分鐘杯嘢先上枱，仲要一句唔好意思都冇，冇下次！…Read More

喺呢間酒樓飲過兩次茶，食物唔錯，有啲款式都特別，但服務態度不佳。有一次想訂枱食飯，門口訂枱個知客好趕客，唔想做你生意咁，態度串到爆，對話期間有另一位客人致電訂枱，佢都係串到爆咁覆人，其實好多食評都話呢度啲員工態度差，希望你地酒樓管理層認真改善一下。…Read More

一家三口到I's Land Cafe晚餐，叫咗一個Set Dinner for 2, 我哋揀咗燒春雞，carbonara，另外再order 咗份羊架，個Set有餐湯蒜蓉包同兩個甜品兩個drink，好豐富，以價錢嚟講算抵食，味道唔錯而且賣相出色，啲Staff好nice，有傾有講，得知原來可以自備酒水仲唔收charge添，下次一定要約三五知己嚟摸吓杯底食晚餐，冇想到最後佢哋仲請我哋嘅小朋友食雪糕。…Read More

年初三中午到觀塘茶木食lunch，睇餐牌見到張甜酸肉嘅相上面有又大又多嘅士多啤梨，落order嘅時候就口快快講咗士多啤梨甜酸肉，點知某女職員，態度十分之差，其實喺order甜酸肉前我已經order咗兩個餸，但佢已經係板起塊臉冇回應，當我order甜酸肉之後，佢就用一個好不屑嘅態度答"我哋冇士多啤梨甜酸肉"，我回答"我喺餐牌見到個甜酸肉喎"，點知佢冇反應不特止仲用一個不屑嘅眼神望住我，咁我咪唯有續頁揭個餐牌搵返個餸出嚟，當搵到之後我就指比佢睇，點知佢好不屑好串咁講咗一句"呢個係菠蘿"，即時火都嚟，點呀！講錯幾個字啫，我都已經講出係甜酸肉啦，你成個餐牌得一款甜酸肉，你唔即時提點我要我自己續頁搵返個餸出嚟都算，仲要用啲咁不屑嘅態度回應，之後我再order果汁，佢仍然都係用嗰個好不屑嘅語氣答"今日冇果汁"，嬲到我真係想拍枱走!，當時店內人流唔多，但佢啲態度好似做到唔想做咁，我見其他職員嘅態度都唔係咁。以後都唔會再去呢度食飯!…Read More

聖誕夜, 朋友約在此gathering, 地點方便, 入到去cafe雖小但感覺舒適自在, 牆上掛滿客人嘅合照片, 有點家嘅感覺, 店員態度友善, 我哋一行7人order咗個小食併盤及新年聖誕set, 小食併盤荔枝煙肉卷有驚喜, 再來聖誕set餐湯creamy, 跟餐小食有青口冷盤, 大大粒嘅鱆魚小丸子, 瑞士雞翼併蜜糖薯角,主菜醬燒美式豬仔骨, 火雞胸配栗子醬伴意粉,芝士肉醬螺絲粉,甜品: 焦糖燉旦加雪糕, 燉旦超好味，幼滑味道剛剛好唔太甜…Read More