微波爐廚神's Profile

每逢到月尾都總會同男朋友出街食返餐好，疫情之下想食壽司咁就當然要搵一間高級啲、安心啲嘅餐廳食啦！今次一於就選址銅鑼灣呢間玄鮨！一上到嚟店員就非常貼心帶位同埋為我哋介紹餐牌嘅每一個Omakage Set紫$1380、楓$1780、夢$2180不過今次我哋就食得特別少少，係一個隱藏嘅特別set，師傅會因應我哋有乜食有乜唔食以及按返時令最新鮮嘅食材，為我哋炮製一個專屬嘅廚師發辦set👏🏻滿滿期待❣️🔸前菜(3種盛)明太子玉子燒－2種食材嘅味度都恰到好處，明太子應該有經過處理去減低過多鹹味，所以唔會搶去玉子嘅蛋香同甜味👍🏻冰菜配蕃茄－好清新嘅蔬菜，配上佢哋自家製醬汁，入口少少酸又鹹鹹哋，非常開胃！特別鐘意冰菜好爽脆嘅口感☺️蓮藕釀芥末－巧遇咁利用食材本身嘅特點，將芥末釀咗喺蓮藕片中間嘅孔孔入面，咬落爽脆之間又多一份獨特嘅芥未香！超好食😋🔸刺身(5種盛)瓜子鱲配皮剝魚肝醬－魚肝醬隻味好香好濃，同鱲魚肉配合得非常之夾厚岸生蠔🦪－鮮甜肥美！喺日本都非常受歡迎嘅一種蠔，聽聞本身出口量都唔多😳蒸青鮑魚－清蒸果然係超好食，質感好彈牙，味道帶有少少昆布香氣，但本身鮑魚嘅原汁原味已經好甘甜！😍就如廚師介紹果陣所講，本身已經非常好食嘅食材，其實就無謂為加而加，加上過多嘅配料醬汁，反而搶過食材鮮味！白蝦配柚子岩鹽－好甘甜❣️只需簡單配上柚子鹽，食材嘅原汁原味已經好突出！拖羅－超肥美！大愛😜🔸和食(3種盛)清酒煮大蜆－雖然呢款日式料理喺好多地方都食得到，但今次呢道菜廚師真係整得非常之出色！酒嘅比例就係啱啱好！恰到好處！唔會太過濃而搶走大蜆本身嘅鮮甜！👏🏻煙燻和牛－嚴選咗佐賀A5和牛去製作！有三種食法，先係試乜都唔加嘅原味！之後係蒜片，最後試埋芥末籽！和牛嘅牛味好濃，食落去有豐富嘅油脂！除咗配菜添加嘅口感同味道之外，食落仲有陣陣蘋果木香！白子－秋冬季必食嘅食材！無醒味，好Creamy👏🏻🔸壽司(6件)分別有：昆布醬油漬嘅金線鯛同池魚屬於同類嘅竹莢魚馬面魚配上黑白松露牡丹蝦胶碟魚屬於左口魚啲朋友來自北方四島嘅海膽我自己就特別鍾意牡丹蝦壽司！真心第一次食到咁好食嘅牡丹蝦🦐廚師嘅心機真係唔講得少，首先將蝦頭嘅蝦膏拎出嚟燒香，令啲油分可以迫出嚟，之後先鋪返嚟隻刺身蝦上面！燒嘅時候已經聞到好香好香！食落口感100分！食完壽司就上埋碗魚湯，勁鮮甜！同埋入面嘅豆腐都好滑！最後食埋個甜品就大滿足啦😍雖然呢啲咁高級嘅Omakage冇可能話成日食！不過間唔時食下都覺得好值呀！…Read More

秋天到喇！最近胃口特別好，見咁耐都冇食過放題，所以就約咗幾個朋友去食！其實滿屋之前都有食過，貪佢夠平同埋款式選擇多！每次嚟到首先都一定會出去拎葡撻食，熱辣辣勁好食！呢度嘅壽司，粒飯唔會好大舊，所以就算食多幾粒都唔會驚好快食飽👍🏻熟食、鍋物、炸物等等嘅選擇都有好多！自己最最最最最鍾意嘅就係芝士蘑菇忌廉釀雞翼，冇骨又啖啖肉🥰香濃又好味！通常放題都好多單會甩漏，但食過咁多次都唔會有呢個問題發生，而且服務員態度都係全部好好，真係值得一讚！最怕食放題會食到一肚氣，但如果食呢間真係從來唔會擔心❣️食到最後當然仲有甜品啦，每個人都可以揀一杯雪糕，我就揀咗Häagen-Dazs🥳成餐飯真係超滿足，下次都仲會嚟食！…Read More

今日無嘢做諗住去食下雞煲，咁啱經過聞到好香，就入咗去食佳記雞煲小廚😋既然佢係叫雞煲小廚，理所當然我地都叫咗佢嘅招牌雞煲🐓但最吸引嘅係，佢竟然係無限加雞😍雞煲一上個陣已經聞到好濃郁嘅雞煲味🥘啲汁可以叫做醬喇🤤啱哂我呢啲中意濃味雞煲嘅人！食落去同睇落去一樣都係咁濃郁，仲有少少咖喱味😋而且加雞嘅份量一啲都唔孤寒，又多又好食‼️但最估唔到係尖椒皮蛋都可以任食任叫😍麻香味濃，我地連啲汁都唔放過🤩而佢有好多餸都係任叫㗎‼️咁我就試咗佢嘅肥牛，又真係唔差喎😋唔會好似出面啲邊爐咁牛無牛味，配埋雞煲醬真係太邪惡喇🤤咁佢哋嘅雞肉豬肉羊肉都唔錯🤤又多種類又唔會少少咁比你，已經好滿足🤩我個人幾推薦呢間佳記雞煲小廚😋小店好食又平🤩$168任食雞煲真係好好好平‼️高質又抵食🤤…Read More

早排聽朋友介紹呢間木玥巷好好食😋於是專登搭去屯門試吓🥰一去到差唔多黃昏🌄佢專登俾咗靠窗位我哋坐🏋🏻‍♀️我哋就睇埋個日落先開餐🤤台灣野一向就最啱香港人口味😍望住餐牌樣樣都想食🙈選擇困難最辛苦應該真係揀食咩😂朋友話佢哋啲Cocktail好有特色🥂於是我哋就嗌左 夏 同埋 秋🌈夏 係菠蘿加熱情果味🍹夏呢一杯真係打卡必備🥰飲落甜甜地又唔膩🍍加埋佢個菠蘿杯 好有夏日風情嘅感覺🥳秋 就係接骨木花 佢飲落好fresh 好舒服🥳一路食嘢一路飲😛本身已經好鍾意食豬肉乾牛肉乾🐽🐃見到餐牌有燒雞泡魚乾🐡冇食過於是就嗌咗嚟試🤤點知真係好有驚喜💥佢個燒雞泡魚乾竟然一啲都唔乾💦燒到個皮脆脆地口👅啲醬又好入味🥰唔好以為佢係魚會腥🥳有魚味得來又一啲都唔腥🐟食完我都驚自己食下牛肉乾豬肉乾👀主菜我哋就嗌左佢哋嘅王牌♠️戰斧鹽酥雞扒🐣佢塊雞扒仲大過我塊面幾倍😂炸到外酥內軟好正😍唔單止size同台灣嗰啲一樣👀連佢嘅口味都好台式🇼🇸真係有種去咗台灣旅行嘅感覺👣出邊包住層味粉好足料 食到半路想轉下口味又有醬點🤤又有另一種口味👥認真講咁大塊雞扒食完都飽飽地🐥佢仲配埋肉燥飯🍚真係超抵食！而另外一道主菜櫻花蝦鰻魚炒飯🌸見到啲相 粒粒飯飽滿得得黎 又粒粒都有色🥓就知真係好入味啦🥰平時食鰻魚飯好驚會有碎骨😟呢個炒飯鰻魚切成一粒粒食晒成碟都冇條碎骨🥳仲要好足料每啖都食到鰻魚 粟米 櫻花蝦🤤又鮮又甜又好食🤗最後不得不提下佢哋嘅服務🥰店員有禮貌之餘仲比我發現到佢哋冷氣都有啲小心思🥳加咗層野去避免直接吹到落個客到😇真係好sweet🥰…Read More

以前總係覺得食Omakase好貴，閒閒哋都要千鬆啲一個人先落到樓，但朋友介紹原來依家有啲比較入門貼地價錢都食到嘅Omakase，趁住放假梗係帶女朋友過嚟試一試！今次我哋一共叫咗兩個set，分別係【雲】&【翔】【雲】係貴少少嘅set $450包咗：剌身4點、壽司7件、手卷1條、麵豉湯【翔】就平啲啲，只係$380包咗：壽司10件、手卷1條、麵豉湯不過其實我哋覺得兩個set都係好抵🤪只係刺身都食唔到咁多，所以就咁樣嗌一齊share！講真其實我哋覺得每款壽司同剌身都好出色，以咁樣嘅價錢來講，性價比實在好高👍🏻【雲】個set有蠔做刺身，食落雖然唔係話好重海水味，但真係好Creamy，同埋一食就知道食材好新鮮！除此之外，個拖羅亦都非常出色！顏色淡淡粉紅，食落甘香肥美😋至於壽司嚟講，2個set嘅份量係差咗3粒，主要係差咗啲貝類！我自己就超鐘意食炙燒過嘅壽司！就好似燒銀雪魚咁！好香口，啲肉又滑又甜！超好食！然後我同女朋友都一致贊成，海膽係出色到爆🔥🔥🔥一粒壽司但都鋪得好滿海膽，好夠冰凍，唔會溶溶水水咁，食落好濃味，同啲壽司飯完美咁喺口腔入面mix埋一齊🤪好食到呢...其實我哋食晒啲壽司都已經覺得飽飽哋，不過呢個時候再上多一條吞拿魚蓉手卷！魚蓉份量好多，啖啖都食到，食到最後都仲有😚滿足！最後飲埋碗麵豉湯，就完成呢一餐！2個人食咁高質嘅廚師發辦，埋單都唔使一千，真係抵到痴線🤪🤩下次都一定會再介紹朋友過嚟食！…Read More

今日去咗食不籽是咖啡☕️本來行行下街，見到有一間餐飯嘅裝修好文青好靚🍁所以就同朋友入咗去試吓，睇下佢係咪真係又靚又好食🤤一坐低我就叫咗杯熱Mocha☕️要睇一間咖啡店質素如何，就一定要試吓佢哋嘅咖啡！不籽是咖啡嘅咖啡又真係幾好飲，又香又濃✨飲落去口感唔錯，值得推薦🥰我哋都叫咗杯熱情果高山茶🍹呢一杯飲品真係好好飲！本身我係一個唔中意太甜嘅人，而呢杯熱情果高山茶唔會太甜，但又有熱情果嘅甜味同香味，夏天飲真係一流☀️咁我地就叫咗兩款主食一款小食✨黑松露雜菌扁意粉🍝一上碟黑松露味超香😍我係一個好中意食黑松露菜式嘅人，佢每一啖都有極濃嘅黑松露味👅意粉又滑，醬汁又creamy🌈真係不得了呀🤤而呢碟🍵綠茶soba冷麵吉列蝦🦐非常清爽，絕對係夏天食嘅麵～佢嘅麵好彈牙，而且醬汁有一絲絲柚子香，甜甜地幾好食😋而吉列蝦好脆口，味道算濃～配埋清爽嘅冷麵就啱啱好👅最後我哋嘅小食係呢碟麻醬鮮山藥✨呢碟小食作為前菜相當出色，本身麻醬好濃，配上淡味嘅山藥中和返‼️而且山藥非常爽口，真心幾推薦🤘🏻我覺得不籽是咖啡係一間值得去食嘅餐廳！環境靚得嚟，啲嘢又好食😋非常推薦！…Read More

喺屯門呢頭返工，周不時都會嚟GoGo Mall呢度買Lunch返公司食，今次就同咗個同事試吓買呢間馬拉公公外賣！🥡唔好睇佢店仔細細，但原來都幾多選擇吓！咁今次就簡咗個常餐【手打蝦餅拼雞小腿飯】$42+$7凍飲🥤個手打蝦餅真係好好食😋咬落去係有少少爽嘅口感，味度都唔錯！至於雞小腿就有3隻，雖然望落細細隻，但其實都幾多肉，調味都啱啱好❣️至於我同事就叫咗個【馳名檳城亞參叻沙米線🍜】$48我見佢果個咁吸引都痴咗幾啖嚟食🤣佢個湯頭極之濃郁，少少酸辣咁好惹味😋相信係用咗秘製叻沙醬整，隻味出面好少有！而配料亦都好豐富！有蛋、有蝦、有魚蛋等等..！啲蝦好爽口❣️另外+$10馬拉特飲【桔仔柚子蜜】咁飲品我就無痴嚟飲嘅🤣不過問返同事，佢話酸酸甜甜咁好開胃！而且桔仔有豐富嘅維生素，都不失為一杯健康飲品！我諗我下次食都會想試吓佢哋嘅特飲🥰Lunch都可以食到咁平又咁好食嘅馬拉菜真係好開心，好多選擇都只係$4x–5x，真心好過食茶記！推薦推薦比大家❣️…Read More

今日行開呢頭買嘢，其實本身唔係話好肚餓！亦都冇諗住食嘢，但行過見到有下午茶🍽見到$70幾蚊就已經有晒成個套餐！實在忍唔住口，唯有入去試一試啦🤣呢度環境都唔錯，雖然細小嘅空間，但都裝修幾有美式嘅風格❣️比完錢之後，將個感應器放喺枱面，等一陣間就有服務員將個餐送上！今次叫咗個【Classic Burger】Size大得好驚人，薯條份量極多！就連杯熱飲都比一般茶餐廳嘅size大杯☕️坦白講，一個女仔其實未必食得晒！最好多一個人陪你share(卡路里...)🤣開頭以為剩係得牛肉，但原來一邊隱藏咗煙肉！仲要好鬆脆，增加咗burger嘅層次口感！整體上冇乜嘢好彈👍🏻因為真係好好食！但始終咁Heavy嘅食物，一個月食一兩次已經夠晒啦🤣…Read More

放假出咗中環做一日偽文青，睇下Gallery又搵吓好野食咁🥰上次男朋友話收去咗試食呢間拉麵，話超級好食！所以今次帶我嚟試試💕環境裝修都跟足日本style‼️又夠寬躺，坐得都幾舒服！叫咗個【蝦汁胡麻拉麵】配料超多，胡麻汁酸酸甜甜夠晒開胃👍🏻啲蝦又大隻又爽口😍另外一碗就係【特濃蝦汁叉燒拉麵】蝦汁超級濃郁🤤同樣都係足料！拉麵底口感煙韌，超級好食👍🏻 至於煎餃就不過不失啦😉但整體來講真係好好食呀🥰下次經過一於試埋個湯拉麵先😋…Read More

今日差唔多全日都係中環呢邊行街睇嘢😻到咗Dinner諗緊食乜之時，用手機上網搵吓附近餐廳，見到有呢間高分之餘仲有訂坐優惠嘅餐廳！諗都唔諗就即刻Book位去食☺️嚟到先知原來呢間嘢食啲食物都幾特別，同一般Cafe仔唔同！見Menu都有啲健康選擇，例如慢煮雞胸之類...不過今次嚟就無試呢啲咁健康嘅嘢🤣先嚟試咗超Hot Item🔥嘅【龍蝦湯牛角包🥐】好好好好食！個牛角包好鬆化，一切開就擁晒啲龍蝦湯出嚟，味度好濃郁！之後仲叫多咗一個意大利飯、意大利粉同一個肉類主食再加多杯黑芝麻飲品！飽到上心口！好彩佢每樣嘢都唔算好大份！…Read More

呢排唔知做乜係咪壓力大！成日都想食啲高熱量嘅食物去抒發一下🤣咁啱今日又想食吓日本嘢就嚟咗呢間日式快餐食啦！下午茶時段無乜人，自己一條友嚟食都可以坐卡位，舒舒服服等嘢食❣️叫咗個最Basic嘅【炸吉列豬扒定食】雖然係下午茶，但豬扒嘅份量依然好足！配有白飯同麵豉湯各一碗炸豬扒嘅外層炸得好鬆脆！厚薄適中、肥瘦均勻！食落無油益味，肉質亦都保持到水份，唔會太乾！幾有驚喜😍一個女仔自己食晒成個餐都幾飽！絕對係抵食自選💕…Read More

呢間日本過江龍嘅天丼啱啱係青衣城開果陣，見到日日都要排長龍！而家熱潮過咗，就算星期六、日都唔洗等！😆今日放假無乜特別嘢做，就嚟咗試吓食個熱氣Lunch🔥我人仔細細，胃口唔大！就叫咗個最平嘅【天丼】入面有：黑虎蝦、魷魚、鱈魚、南瓜、四季豆上到枱都仲係熱辣辣，好鬆脆嘅！夾埋天婦羅汁一齊嘆再食多啖日本米！完美❣️自己就最鐘意食南瓜🎃甜甜哋，個質感外脆內綿真係好正！間唔時食返餐咁嘅熱氣嘢，解放下都唔過份吖！🤣…Read More

今日同幾個同事收工去食飯！大家都你推我讓，話食乜都無所謂！見前面有間意粉屋，又見咁耐無食過，就入去食啦！🤷🏻‍♀️唔講笑😯雖然係閒日，但晚餐時段都要等陣位先有得食！今次除咗叫意粉食之外，都叫咗好多其他嘢食☺️有小食拼盤、pizza、酥皮湯等等...大家都食到好飽好飽🥳Pizza嘅餅底整得幾好，配料有好多好豐富，食落又唔會話覺得好漏～個酥皮湯好好飲👍🏻小食拼盤有好多選擇，啱晒一大班人一齊開心share💕…Read More

得個樣！啲米唔熟😖今日去開呢頭做嘢，諗住求求期期食個lunch！見到呢間台式餐廳裝修得幾精緻，好文青、又可愛❣️就決定入去試一試！Lunch Menu都有幾多選擇，價錢唔算話好貴！我就揀咗個【香酥雞排】配白飯諗住穩穩陣陣，應該唔會難食得去邊！嚟到個賣相都幾靚仔👍🏻有晒配菜，成個定食咁！胃口頓時大開～點知一食，um...啲米硬硬哋唔夠熟嘅...😖好啦，就當我唔好彩...但再食啲餸同埋配菜，哇！個海帶喊到癲🤢心諗：咁靚嘅環境同裝修，食物嘅擺盤都咁靚，但就毁晒係啲食物上面...最簡單直接嘅解決方法應該就係換咗個廚師🤣希望遲啲再嚟食會有改善啦！…Read More

呢日出奇地屋企無煮飯，但屋企人又唔想行得太遠食，打算都係樓下附近求其食個快餐就算但我突然醒起呢個商場仔有間望落都幾靚靚仔仔嘅泰國菜❣️就建議不如去試吓！啱啱晚餐時段雖則未坐爆但都算幾旺場👍🏻員工態度友善，都加咗啲分☺️成個晚整體嚟講都算唔錯！絕對同出面可能有啲名氣嘅泰國餐廳有得揮🔥私心特別推介【芝士薄餅】😍【海南雞】半隻肉質好嫩滑！可惜雞皮肥咗少少🤏【炒金邊粉】金邊粉調味跳得非常好👍🏻酸酸地好開胃！原來近近地都有間咁好食嘅泰國菜，下次都一定會再嚟試😆…Read More