DionnekaKwan的個人專頁

行完街，悶悶地，想坐下，我比他簡簡單單的裝橫吸引了入去坐，下午茶又唔貴喎，以咁的價錢，超好的質數，怪不得能在荃灣經營多年啦，叫了份香草忌廉汁三文魚意粉，平，靚正，最緊要好味吖麻，才$38 加凍飲 $3 超晒班之作…查看更多

深水埗出名多野食，尤其黃金商場附近，每次黎到依度，都要諗好耐，因為有太多選擇，豬膶麵、蕃茄手攪麵、清湯牛腩等等。今次就試咗間叫江南瀨粉。朋友話依間自家製，味道同出面唔同。舖頭裝修簡潔燈光足，最緊要地方乾淨。我就叫咗白灼鵝腸牛腩瀨粉，朋友就叫咗肥牛加鯪魚球米線，仲推介酥炸雲吞。必食推介首選招牌瀨粉，瀨粉係老闆每日人手製作，半肥牛腩煮得非常入味，仲有一種入口既溶嘅感覺，鵝腸又非常爽口，雲吞即叫即炸，綾魚球魚味十足，清湯入口鮮，絕無味精。每樣食物老闆都落足心機，加上每樣配菜最贵都係十元，真心值得推介。…查看更多

豬潤麵，除咗深水埗出名之外，荃灣都有好選擇，今次為大家介紹喺荃灣路德圍嘅樓下冰室。坐港鐵喺荃灣A1出口行5分鐘左右就到，交通方便。去到餐廳門外，約十多人排隊，等食唔係問題，即係餐廳Ｄ野好食。入到餐廳，一陣陣蕃茄味湧埋嚟，朋友話餐廳主打蕃茄，連個招牌都用蕃茄，唔食佢點得呀！睇睇餐牌，吉列豬扒飯、瑞士雞脾飯、瑞士雞翼飯、咖哩牛腩飯，50蚊右左嘅午餐，唔算太貴，每樣都好想食。今次就叫咗個蕃茄濃湯豬潤麵加牛乳炒蛋同埋咖哩牛腩飯，再加咸檸七同柑桔蜜。炒蛋好多餐廳都有，但係依間就加咗牛乳，口感豐富咗好多。豬潤加咗蕃茄湯，每食一啖都有酸酸甜甜嘅感覺，再加上豬潤爽口，我連湯都清埋。朋友話佢食嘅牛腩飯咖哩味十足，唔太辣，加上牛腩半肥瘦，份量又多，驚喜推介，抵食。…查看更多

行街行到攰攰地，又唔想食得咁heavy ，當然等下午茶時間啦。呢間野要排隊，我哋親熱樓梗係排埋一份啦，好彩好快都有位。一客炸魚樓薯條，一客芝士蛋糕，鐵板燒牛肉飯，仲有個煙三文魚意粉。平平哋，味道都不錯，估唔到下午茶嘅份量都咁多，對我們女士來說，分量足夠有餘，大件夾抵食。…查看更多

一提起佐敦必定想起食串燒，食開嗰間執咗笠，米試對面街呢間囉，見咁多人食一定冇死。首先order 咗個必食之選燒茄子，茄子燒得入味，茄子面鋪滿蒜蓉！正！我哋仲叫咗個蒜蓉花甲，兩客燒韭菜花，一串燒牛利，一客蒜蓉生蠔，呢個生蠔，超肥美超juicy! 約100元，5大隻，十分抵食！另外叫咗個焦糖蕃茄，覺得好得意咪叫來試吓囉，酸酸甜甜咁面頭塊焦糖脆卜卜好得意的口感！ …查看更多

所謂平民食堂，平靚正！最鍾意嚟呢度叫條魚食，但一定要係八點半前先有得食，一行四人叫咗四個餸剛剛好！值得一題係嗰個香港地小炒王，炒得好有水準，好似去酒樓咁，另外叫咗個豉汁蒸倉魚，不過條魚有啲蒸過龍，仲有個椒鹽四季豆豬扒，豬扒都好林夠入味！個鹹魚雞粒豆腐㷛，送飯一流！…查看更多

呢間店只要食豬，🐷全部都係豬！先叫咗碗豬什米粉，俾足料，主要朱什仲有兩粒朱紅！但略嫌味道淡左少少，枱面仲有樽即磨胡椒！另外叫咗個下午茶，豬潤腸粉，呢個腸粉真係做得好好味，起碼啲朱润唔鞋，好滑，腸粉又滑！我會下次再嚟食下午茶，因為個腸粉真係好好味！…查看更多

環境好似好好，米走入去試下囉，心想唔方好食，即管一試，意大利黑醋煙鴨胸意粉，香辣茄茸德國腸意粉，誰不知有意外驚喜，鴨胸又腍，茄茸都好味，餐飲檸檬茶，杯檸檬茶好淡，冇乜味，失色咗！環境佈置也有特色，坐得都舒服！…查看更多

基本上荃德花園冇乜幾多間食店，冇乜選擇下戰戰兢兢走入去一試，因為裝橫有點八十年代快餐廳。原來呢度主要做附近街坊生意，和下午學校放lunch的學生生意，叫了幾個小菜，焦思腐乳炒通菜，椒鹽排骨，焦思腐乳炒通菜，椒鹽排骨，青椒味菜炒魷魚，計呢度啲嘢好唔好食，人情味搭夠比足滿分，不過不失的小菜！…查看更多

呢間係我成日去食嘅麵檔之一，平時出邊我唔會食幼麵，但係呢度我一定叫幼麵，又爽又彈牙，必食雲吞鯪魚球牛肉麵，雲吞佢哋小店自己包的，牛肉又滑又諗，鯪魚球彈牙好味，總之正啦！…查看更多

呢間餐廳，係我經常來的餐廳之一。通常午餐我一定叫牛扒或者豬扒，仲要跟意粉，午餐跟個忌廉湯一杯飲品，最緊要凍飲唔使加錢，個忌廉湯好好味！今天我要介紹嘅係下午茶，今日叫咗一客三文魚酥皮角，真係好好味架，其次會叫煙三文魚炒意粉，茶餐廳嘅價錢，但質素很高，所以我常常來吃。…查看更多

突然想吃下茶餐廳，呢間皇茶已經不是第一天次去食，之前已經去過好幾次，水準都不錯，今天叫咗個鴛鴦扒意粉，啲豬扒都幾軟熟，唔算薄切，通常嚟呢度我哋會叫下午茶，下午茶都幾抵食㗎，尤其佢啲炸雞髀同雞翼，好juicy，唔會炸到柴皮！但係今日叫咗個乾炒牛河，唔知點解有啲失水準，平時食開好好食㗎！…查看更多

呢款菜式已經唔係周圍有得食，每次來這裡，「魚皮」，我和媽媽必定要叫的菜色，魚皮的確做得好爽滑好脆！魚皮上再加一大堆蔥丶薑丶芝麻丶醬油和麻油。其實呢款咁特別的菜式，很多店家都不做了。…查看更多

呢間係新加坡蝦麵店，叫了碗米粉加油麵，招牌湯底，個湯溶入了蝦味，湯清甜到想飲晒佢！湯底出色！但蝦就切到好薄片，得幾片，太少了，配料就加咗D芽菜丶蛋絲，肉片，每樣有少少，不錯！…查看更多

係呢間香港仔一品魚蛋王，叫咗碗牛筋河同埋牛腩河，牛筋牛腩食落去入口即溶，軟淋淋得來又有D𡁻口，掂呀！加埋支支樽可樂呀！我今日見好多人叫魚蛋粉，既然牛腩牛筋都咁好食，下次再嚟一定要叫碗魚蛋河，因為冇理由咁多人叫魚蛋嘅！…查看更多