eatwifkrenkren's Profile

上星期朋友專程來接我下班，順道去愉景新城試一家新開張的滬菜🥡🥢店內到處可見各種中式建築元素，食物亦很不錯，性價比頗高！ ─────── ୨ৎ ─────── ➵ 酸菜炒魚片（$88）｜♥︎♥︎♥︎♥︎♥︎➵ 蟹粉拌飯（$128）｜♥︎♥︎♥︎♥︎♥︎➵ 花雕醉雞（$88）｜♥︎♥︎♥︎♥︎♡ 十分推薦酸菜炒魚片，魚片非常爽脆，調味很足；蟹黃醬和飯分開上菜，蟹黃醬用蠟燭保暖，確保每一口都新鮮熱辣🙂‍↕️花雕醉雞是一道涼菜，雞肉吸滿酒香，不過浸太久會變苦，要趁早吃喔🐓 店員服務態度亦非常好，如果蟹粉拌飯放久了變涼，還可以要求安排換一碟新的熱蟹粉，很細心！👍🏻飯後坐久一點和朋友聊天也不會被請離場，而且$300就能點到三道菜，性價比很不錯！整體而言是令人滿意的用餐體驗，推薦！…Read More

PolyU的同學仔有福了！最近紅磡出現一間糖水舖，主打手工製的中式甜品，碗碗真材實料、足料香濃，宿舍宵夜/放學/放工/趕deadline續命要有！ ─────── ୨ৎ ─────── ➵ 生磨香滑芝麻糊 ($32)｜♥︎♥︎♥︎♥︎♥︎➵ 法式紫米露 ($42)｜♥︎♥︎♥︎♥︎♥︎➵ 古法養顏燉桃膠 ($42)｜♥︎♥︎♥︎♥︎♥︎ 重點推薦芝麻糊！芝麻糊由黑、白芝麻即磨而成，還會加入米漿令其味道層次更豐富，在秋風漸起的深夜喝一口熱烘烘的芝麻糊，暖心暖胃的感覺很美好🥹❤️‍🔥 經常熬夜的朋友一定要點一碗燉桃膠，亮晶晶的桃膠自帶桂圓、枸杞、紅棗的天然甜味，質地很濃稠，健康又能滿足吃甜食的衝動🍯養生一波！ 法式紫米露也很有趣！剛入口是香甜的紫米味，隨後便是法式燉蛋的香味，覆面的椰汁和紫米配搭得宜，很有創意😼 跟店員聊天才知道，這家甜品在旺角早已打響名堂，最近決定進駐紅磡，向香港人推廣中式甜品，實在有heart！店面很小，大家趁早捧場！…Read More

四月初嚐朝日夫婦限定刨冰後一直念念不忘，甚至已經準備好飛一趟台灣直奔淡水總店！最近發現，朝日夫婦×屋子已於K11 MUSEA開張，趁開業第四日光顧，星期一的晚上不算多人，寧靜的店內播着充滿日式風情的輕音樂，令人彷彿置身淡水海旁，吹着海風，吃一口沁人心肺的刨冰，將一切煩悶暑熱拋諸腦後！🍧 ─────── ୨ৎ ─────── ➵ 巴斯克覆盆莓牛乳 ($130)｜♥︎♥︎♥︎♥︎♥︎➵ 巧克力提拉米蘇 ($110)｜♥︎♥︎♥︎♥︎♡ 想必大家一定有被燒得滋滋冒煙的刨冰洗版吧 >ᴗ< 原來是焦糖巴斯克醬！敲碎脆脆的焦糖外殼後，用匙羹一下舀起淋滿覆盆梅醬的綿密刨冰、脆穀片及巴斯克醬，冰火兩重天令人眼前一亮，口感非常豐富，好讚！ 提拉米蘇味刨冰亦非常好吃！巧克力碎碎＋奧利奧＋咖啡凍＋鹹乳酪的組合有點新奇，但莫名地還原提拉米蘇的味道！ 另外要表揚一下貼心的店員！店員看見我這裹拍拍、那裏拍拍，立即提醒弄刨冰的店員，讓我準備好手機後再開始燒焦糖，還會提醒我們小心燙，也太溫柔了吧 ♡>𖥦<)!! 𐙚 𝟢𝟤/𝟢𝟫/𝟤𝟢𝟤𝟦…Read More

我同「荃灣」、「新開」、同埋「泰國菜」真係幾有緣，今日繼續推介泰國菜！今次嘅餐廳有啲遠，喺大窩口某山腰，但佢勝在夠新淨企理，食物仲係即叫即整，鑊氣好足！成間餐廳幾大，可能因為新開張，食客唔算太多，趁人少少，快啲叫埋朋友仔一齊食啦！ ➵ 泰皇咖喱牛腩｜$138 ♥︎♥︎♥︎♥︎♥︎➵ 泰式乾炒牛河｜$118 ♥︎♥︎♥︎♥︎♡➵ 泰式凍鴛鴦｜$33 ♥︎♥︎♥︎♥︎♡➵ 珍多冰｜$33 ♥︎♥︎♥︎♥︎♡➵ 芒果糯米飯｜$33 ♥︎♥︎♥︎♥︎♥︎ 呢間餐廳嘅小菜價格都非常實惠，仲要即叫即整，質素絕對有保證！我最鍾意泰皇咖喱牛腩，咖喱香辣惹味，薯仔、洋蔥等配菜燜得軟熟，唔錯！亮點：呢個小菜會配蒜蓉包蘸咖喱，有創意得嚟係真係好食！乾炒牛河都好好食，呢個係碎河粉，口感幾得意；如果仲有胃口，可以試下芒果糯米飯，呢度嘅糯米飯會搓成原味同斑斕味兩個波波，配埋鹹鹹哋嘅椰漿，好有趣嘅甜品！非常羨慕住呢間餐廳附近嘅人，如果唔想煮飯就可以落樓下嗌個鑊氣小炒，太正啦～…Read More

今次再訪悅知味！人少少真係好啱撐枱腳～今次再試多咗唔同菜式，同上次一樣咁正！ ➵ 青咖哩雜菜｜$88 ♥︎♥︎♥︎♥︎♡➵ 越南鮮蝦芒果米卷｜$68 ♥︎♥︎♥︎♥︎♡➵ 菠菜雞粒炒飯｜$108 ♥︎♥︎♥︎♥︎♥︎➵ 青檸梳打｜$33 ♥︎♥︎♥︎♥︎♥︎ 幾鍾意青咖喱雜菜，有好多唔同種類嘅蔬菜，仲有茄子！茄子煮到啱啱好，唔會爛曬得嚟好入味，唔錯！紅蘿蔔仲會切成花花形狀，啱曬我呢啲大細路😂 鮮蝦芒果米卷都好好食！一碟有四件，配有酸酸甜甜嘅春卷醃醬，應該係自家製嘅，因為裏面好足料！大大啖嘅蝦+芒果好滿足～…Read More

平時成日去K11行街，但入面嘅嘢食對學生銀包頗不友好，呢次嘅餐廳睇落好fancy，嘢食仲要比我預期平！呢間餐廳主打泰式fusion菜，好彩嘅話仲可以睇住無敵大海景嘆美食！我哋喺閒日夜晚去食，座位坐得唔滿，咁啱有得坐海景位，是日小確幸✓～ ➵ 香紅咖喱鴨煲｜$218 ♥︎♥︎♥︎♥︎♥︎➵ 泰式雞肉意大利麵｜$148 ♥︎♥︎♥︎♥︎♡➵ 泰式珍珠凍奶茶｜$48 ♥︎♥︎♡♡♡➵ 泰式凍奶茶｜$42 ♥︎♥︎♡♡♡ 咖喱鴨煲好好食！香料味好足，配埋印度薄餅非常滿足，不過比一般咖喱稀，如果可以稠啲就更完美；雞肉意大利麵都唔錯，份量有啲細，我幾鍾意呢個意粉嘅味道，用香料將西式同東南亞風味融合得好好！不過兩杯泰式凍奶茶都好難飲，味道有啲苦，但好水，好似飲緊稀釋咗十倍嘅啡色茶味水，珍珠甚至硬到咬唔開，非常唔推薦！以一間 ’cafe’ 而言，呢間嘅飲品真係伏出天際⋯⋯ 同埋我哋都遇到網友們提及嘅服務態度問題，其實唔算太猖狂，但會令人輕微不爽，作為旗鑑店嘅尖沙咀店都係咁嘅服務，難以想像其他分店係咩景況⋯⋯大家去食嘅話，專注喺食物上就好，其他就以平常心看待啦～ ౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹…Read More

有人說：「覺得泰菜好食的人請舉手」，然後地球就變成了海膽🙋🏻‍♀️🙋🏻‍♀️🙋🏻‍♀️誇張了，但我真係好鍾意食泰菜！ 平時喺中環成日經過Tommy Yummy，但一直都冇食過，呢日喺康城溜冰後見到分店，即刻入去食！店內裝修非常乾淨企理，我哋坐嘅圓形卡位仲有咕𠱸可以挨住，讚！ 我哋嗌咗二人餐，包括以下食物： ➵ 哈哈蝦餅拼泰式魚餅 ♥︎♥︎♥︎♥︎♥︎➵ 泰式雞肉炒飯 ♥︎♥︎♥︎♥︎♡➵ 蝦球炒金邊粉 ♥︎♥︎♥︎♥︎♡➵ 薄荷青檸梳打 ♥︎♥︎♥︎♡♡➵ 鮮芒椰漿柚子露 ♥︎♥︎♥︎♥︎♥︎ 炸物相當唔錯，尤其係蝦餅，外面炸到脆卜卜，入面夾住嘅蝦依然juicy彈牙，仲要幾大嚿，唔錯！鮮芒椰漿柚子露幾好飲，好似楊枝甘露，唔算好清新，可以當甜品；薄荷青檸梳打就會清新啲，不過似牙膏水，唔鍾意薄荷味嘅話唔好隨便挑戰啦～…Read More

上星期趁母親節，帶媽媽奢侈一把，食一間喺屯門市廣場嘅超fancy日式烤肉！有點小貴，但唔使自己落手，有店員幫手燒肉也太爽了吧！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ ⁠和牛壽司 ($108) 和牛壽司榮登是日最愛！一碟有4件壽司，每片和牛都有好靚嘅雪花紋，上桌時會放於石板上即時烤炙，令和牛嘅油脂融化、滲入每道米粒縫隙，壽司米除咗醋味，亦食到淡淡芝麻油香，味道層次非常豐富！ ⟡ ⁠和牛盛盒 ($688) 萬眾期待嘅和牛盛盒同我預期一樣好！呢個set有三種肉，分別係三筋肉、西冷、三角牛小排，個人最鍾意三角牛小排，肉身相對厚而嫩，而且燒完會爆汁，油脂香味亦係三種肉中最強，誠意推薦！ ⟡ ⁠原條檸檬牛舌 ($388) 最厚肉，食落最邪惡嘅肉！呢款肉嘅肉質非常結實，很好地鎖住肉汁，食落除咗香噴噴嘅牛味，亦有股淡淡嘅檸檬香，幾唔錯👍🏻 ⟡ ⁠醬漬封門柳 ($218) 媽媽推薦item！封門柳比上面各種肉更鬆化、軟熟，雖然牛油味冇其他肉咁重，但佢肉汁係幾種肉中最多嘅，鍾意爆汁牛肉嘅朋友仔萬勿錯過！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡…Read More

自問係「撚手漢堡」愛好者，或想做「搖奶聖手」嘅朋友請進！希雲街出名多美食，今日行到入街尾食超正宗美式手工漢堡，望到招牌都知呢間啲漢堡sick（正到爆）呀！呢間漢堡店麻雀雖小，五臟俱全，由外到內嘅裝修都好有feel，將港式冰室嘅綠色瓷磚、手寫招牌樣式嘅貼紙，同美式手寫字體嘅Sick Burger放埋一齊，別有一番風味！當然，最緊要嘅手打漢堡絕對唔會令你失望！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 撚手牛肉漢堡 (E.B.L.T) 嚟得一定要食鎮店之寶：撚手牛肉漢堡！呢款有得揀單層、雙層、三層肉扒，我哋揀咗雙層扒，好肥美呀！每份漢堡都係即叫即整，手打漢堡扒果然有啲料到，肉汁輕輕一壓已經流曬出嚟，配埋流心蛋同煎到金黃焦脆嘅煙肉，簡直係三重享受！漢堡入面仲夾有洋蔥，每樣嘢食都配搭得啱啱好，果然係撚手之作！ ⟡ 雞肉漢堡 Sick! Chicken Burger 個人認為呢個都非常值得一試！呢間小店非常拿捏到美式精粹：高熱量同脆卜卜！雞扒嘅炸漿雖厚但炸到啱啱好，外面脆卜卜，裏面依然非常鮮嫩，正呀！ ⟡ 小丸子陳皮紅豆冰奶昔 Sick! Bean Milkshake 呢度嘅奶昔非常對得住「搖奶聖手」嘅金漆招牌！本着「來都來了」精神，嗌個港式經典款試下，好好飲呀！非常厚身嘅奶昔+紅豆蓉鋪底，上面灑上米通同丸子，口感非常豐富，脆卜卜+煙韌+粒粒，好似飲緊奶昔版嘅紅豆冰！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡…Read More

最近喺社交平台成日見到UCHI嘅廣告，見到朝日夫婦嘅日式刨冰咁吸引，成功燒到我衝入將軍澳店食一波！（因為得將軍澳店有刨冰⋯⋯可惡！） ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 覆盆莓牛乳冰 ($90) 本身想食杏仁油條冰同滬尾之戀，但落單嘅時候先知冇曬⋯⋯偷聽到隔籬枱都好失望 ( ･ᴗ･̥̥̥ ) 一場嚟到，惟有食仲有貨嘅覆盆莓牛乳冰啦 我對於覆盆莓味甜品嘅期望值=負數，皆因現時太多覆盆莓味嘅嘢都非常人工+藥水味，但出奇地天然？！淋面嘅覆盆莓汁好清新，甜得嚟唔係藥水味，甚至食到覆盆莓籽！清新嘅果漿配搭淡淡嘅奶香味，好似令味蕾沖咗一次果汁涼 (∩˃ω˂∩) 刨冰鋪得非常實淨，居然喺我影咗10+分鐘後都未開始融，好強！食落依然係非常綿密嘅口感，更強了！ ⟡ 開心果流心戚風 ($95) 嚟之前知道有帕恰狗聯乘甜品，但一心諗住食刨冰，冇乜留意，結果冇刨冰！決定嗌一個開心果味嘅甜品安慰下自己，蛋糕做得一般，但開心果流心非！常！好！食！非常濃郁嘅開心果味（但都有陣幾勁嘅白朱古力味），很厚實嘅質地，仲有上面超可愛嘅帕恰狗牛奶布丁！但冇味的 (´•̥ω•̥｀) 不過見佢咁可愛就放佢一馬啦～ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ 刨冰餐單已經完結，但帕恰狗系列仲係供應中的！準備俾多次機會大圍店，希望唔好好似將軍澳店嘅服務態度咁 ( ˘ｰωｰ˘ ) …Read More

星期二係個好日子！因為我差唔多完sem ✌︎( ᐛ )✌︎ 所以請咗媽媽出門食炸雞！唔講唔知，原來中環7號碼頭有間CHIMAC，雖然道阻且長（有啲難搵），但非常值得去！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 經典甜辣炸雞 炸雞必食甜辣味，不接受反駁！我一直以為呢啲快餐店只會提供預製菜，點知係即叫即炸？！醬汁好味就預咗，炸雞外脆內嫩飆曬煙真係估佢唔到！ ⟡ 韓式泡菜炒飯 本身見到呢類位置嘅快餐店，都會先入為主覺得應該質素一般+份量偷工減料，點知份量意外地大+熱辣辣，鋪面嘅滑蛋又大份又靚，味道都好正宗！實屬係我意想不到嘅質素了 ദ്ദി˶ｰ̀֊ｰ́ )✧ ⟡ 魚糕串 幾夠味！魚糕幾大塊，唔會煮到軟趴趴，好食！［媽之建議：有小小湯浸住，濕潤啲會更好食！］ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡…Read More

最近喺to-eat list挖到一間沉底多時嘅餐廳，決定同朋友去試試！原來呢間餐廳喺西營盤開咗新分店，唔使千里迢迢入到大圍食簡直太好啦！(*ฅ́˘ฅ̀*)♡︎ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 雙重三文魚芝士滑蛋盒子吐司 ($88) 果然係專做蛋吐司嘅餐廳！雖然擺咗一陣涼咗，但吐司外層非常脆卜卜，用叉刮會發出令人極度療癒、新鮮滾熱辣出爐吐司專屬嘅聲音！吐司裏面夾住滑蛋，上面用三文魚點綴，每樣元素加埋太美味啦！雖然定價有啲進取，但個人嚟講覺得值得！ ⟡ 鹽味三文魚茶漬丼 ($70) 呢個好好食！擺盤非常靚，份量相當不俗，味道幾唔錯，如果想食熱食嘅話非常建議嗌呢個一試！茶漬丼仲配有沙律，營養均衡MAX！但要小心碗邊嘅鬼祟Wasabi攻擊，如果唔係就會好似我朋友咁濁親🤣 ⟡ 竹炭黑芝麻鮮奶 ($42) 呢個唔好飲……雖然黑芝麻味幾濃，但係佢唔甜（完全冇甜味！！），同埋奶味都冇乜，好似飲緊黑芝麻水☹️ ⟡ 開心果特調 ($56) 呢個相反！！好濃嘅開心果味！好似將開心果放入攪拌機打成smoothie咁，好creamy！但都係冇甜味，如果加多少少糖會再好味啲～ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡…Read More

眾所周知，本人最愛喺工廈覓食 ♡⸜(˃ ᵕ ˂ )⸝ 呢日專誠去成業探探呢間號稱「漢堡扒界天花板」嘅日式餐廳！雖然裝修幾簡單，但一入嚟就有侍應叔叔＋哥哥熱情招呼，簡單嘅木枱＋暖黃燈光，好似喺間日本小店食飯咁 ♡ 事實證明，呢間小店服務好，嘢食更好！૮꒰ྀི∩´ ᵕ `∩꒱ྀིა ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 手打芝士安格斯漢堡扒蘭王蛋飯 ($118) 毫不誇張地說，我哋一坐低，侍應叔叔就非常熱情地攞住餐單，同我哋每一樣餐點逐一介紹，仲同我哋偷偷分享佢食過最好味嘅配搭！叔叔話安格斯x日式咖喱汁x芥末酸瓜非常搭配，同埋咖喱汁千祈唔好配日式泡菜，因為會好似嘔吐物味（叔你太誠實了）(ᵕ—ᴗ—) 我哋決定聽專業人士建議，嗌咗安格斯x日式咖喱汁x芥末酸瓜，果然巧巧食！呢個係芝士夾心（唔係流心），芝士會隱藏喺肉之間，確保每一啖都會有香香芝士味！ 然而本身唔食芥末嘅我真係唔係咁鍾意芥末酸瓜，芥末雖然真係好似叔叔話齋唔攻鼻，但非常濃烈（間接證明佢好新鮮？），食唔到芥末嘅朋朋請勿勉強自己！ ⟡ 招牌手打和牛漢堡扒蘭王蛋飯 ($128) 呢個果然係鎮店之寶，好好食！澳洲和牛嘅油脂香配上日本米飯+蘭王蛋真係正到傻⋯⋯成座塔咁高嘅飯我真係第一次見，日本米粒粒飽滿，用澳洲和牛做嘅手打漢堡扒好！Juicy！橙紅色嘅蘭王蛋影出嚟真係好靚，仲要有甜絲絲嘅味道，用嚟做生蛋撈飯簡直一流！ 為咗貫徹實驗精神，我哋嗌咗秘製漢堡汁x日式泡菜，同和牛非常搭！食過秘製漢堡汁+和牛呢個組合，簡直星星眼！我哋交換試咗對方嘅醬汁，最後發現係秘製漢堡汁特別好食，襯咩都啱！但和牛同咖喱汁感覺冇咁搭，維持原判！ 以下結論：和牛x 秘製漢堡汁✅｜和牛x 咖喱汁🫤安格斯x 秘製漢堡汁✅✅｜安格斯x咖喱汁✅ ⟡ 雞皮餃子 (+$18) 第一次食雞皮餃子，長知識了！原來係真係用雞皮包住餡，雞皮外面炸到脆卜卜，好食！但因為我哋喺套餐追加，$18嘅份量係細啲，下次再去會嗌原價份量狠狠吃！ 注意：每個星期推出嘅兩款小食都會唔同，落單前記得問清楚侍應叔叔/哥哥！( ˶ˆ꒳ˆ˵ ) ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ 好耐冇見過香港地有對食物咁有熱誠嘅人了，店入面每個人都好熱切地想將佢哋對漢堡扒嘅喜愛傳遞俾客人，咁有heart，非常值得大家狠狠支持！侍應哥哥喺我哋臨走之前仲特登同我哋介紹嚟緊會推出新嘅醬汁（我唔記得係咩orz），行過路過千祈唔好錯過！૮꒰ ˊᗜˋ ꒱ა…Read More

肉食者請進！平時行開屯門都會經過炑八，今日為咗慶祝🐻生日，終於入嚟試試 ૮꒰ ˊᗜˋ ꒱ა 會話比預期驚喜！如果最近plan緊點幫朋友家人慶祝生日，誠意推薦以下組合，非常有排面又好食，慶生必備！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 韓國醬油蝦配紫菜飯 是日最大驚喜！之前喺其他韓式餐廳食過醬油蟹，但非常災難，導致我很長一段時間都唔夠膽食醬油生腌⋯⋯今次簡直大改觀！醬油蝦吸飽腌料，甜甜辣辣嘅味道非常開胃！肉質仲要頗結實彈牙，duang duang又大隻，咁正得唔得㗎！(๑ᵔ⤙ᵔ๑) ⟡ 生日禮遇：韓式肉肉蛋糕 壽星注意‼️只要喺生日月份訂座進餐，就可以免費獲贈一份炑八精心製作嘅肉肉蛋糕！咁得意嘅蛋糕，簡直係肉食者福音！仲要擺盤幾精緻，🐻表示非常滿意！(∩˃ω˂∩) ⟡ 炑八厚切五花腩 雖然有啲難剪開，但成條放落pan煎依然出色！一放落去已經肉眼可見地煎金黃咗，咬落脆卜卜，仲有超香嘅油脂香喺口入面炸開，讚！ ⟡ ⁠蒜油蜜糖雞腿肉 必須要留胃口食蒜油蜜糖味嘅雞肉！非常腌入味，煎完之後都係甜甜的，甜口人大愛！ ⟡ 韓國薄脆牛角酥甜品 第一次食扁牛角酥居然係喺韓烤店！事實證明緊貼潮流嘅店家會發大財！份量啱啱好，雪糕加脆卜卜嘅扁牛角酥好好食～食完肉用甜品作結，又係邪惡但超滿足嘅一晚 (⸝⸝ᵕᴗᵕ⸝⸝) ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡…Read More

之前成日喺K11行過呢間餐廳，今日有啲想食台灣嘢，味道都算正宗，不過K11太多好嘢食，係個容易被忽略嘅選項，如果想(喺K11)食平啲嘅話都不失為一個好選擇💁🏻‍♀️ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡ ⟡ 蟹黃油拌麵 ($158) 蟹黃醬好誘人！雖然我知道呢個唔係最正宗嘅蟹黃麵，但金黃色嘅濃郁醬汁真係幾吸引～不過我又犯相同錯誤了：影相影太耐結果啲麵結成一餅嘢😖整體嚟講都算唔錯～ ⟡ 鹽酥大雞排飯 ($148) 非常大塊！感覺食曬會喉嚨痛🥵雞排皮炸到脆卜卜，雖然外皮有啲乾，裏面嘅雞肉都幾嫩嘅👌🏼我哋轉咗做拌麵，但拌麵冇醬，如果係飯嘅話應該會冇咁寡 ⟡ 涼拌皮蛋豆腐 幾特別嘅涼菜！我哋嗌嘅全日套餐包一杯嘢飲+一款小食，呢個幾消暑，但冇乜味，分量頗細，唔好對佢有太大期望🤕 ⟡ 蒜片台式腸 呢個唔鍾意⋯⋯本身以為係平時咬落爽口/口感比較硬朗嘅腸仔，點知係煙韌類腸仔，被背刺了！還我正宗台灣腸仔！ ♡ ⋆⁺₊⋆ ᙏ̤̫ ⋆⁺₊⋆ ♡ ⋆⁺₊⋆ ᙏ̤̫ ⋆⁺₊⋆ ♡…Read More