mygoodfood's Profile

疫情嚴重，疫情以來不能外遊，好少出街食飯，難得疫情放寬，約咗朋友食lunch，朋友介紹去樂富商場泰國菜。泰式蝦球炒金邊粉，金邊粉炒得會太濕，蝦大大隻，蝦有鮮味，配料豐富有蛋絲，豆腐干，芽菜等等… 味道啱啱好，酸酸甜甜好開胃。泰式雞絲撈檬，簡單一個雞絲撈檬，調教出魚露甜酸汁，味道唔會太酸，配上青瓜絲、生菜絲，花生碎、雞絲嫩滑。泰式凍奶茶，第一次飲，奶茶味道有啲濃帶有苦甜味感覺，真係難以形容，同港式奶茶唔同，顏色偏向橙色。…Read More

今日放工約咗朋友食飯，呢間貓cafe餐廳其實好耐之前都試過，所以帶朋友去試吓。🔸意式青醬忌廉海蜆野菌扁意粉蜆肉鮮，扁意粉軟硬度適中，每條意粉沾滿青醬忌廉汁🔸水牛城雞翼酸酸辣辣好惹味，而且唔會乾身好juicy🔸巴馬火腿拉絲水牛芝士手工薄餅薄舖滿巴馬火腿，芝士，醬汁酸甜，餅底香脆🔸D8比利時生日窩夫即叫即製作，外脆內硬，配朱古力雪糕、士多啤梨粒、藍莓、忌廉、綿花糖，加入糖漿更加美味🔸檸檬薄荷梳打薄荷味唔會太濃，調較得好好，唔會太甜…Read More

今日去咗荔枝角億利工業大廈樓上買嘢順便食埋飯，上到一樓行錯方向，見到門口擺放模型，原本係一間墨西哥餐廳。店主哥哥好有禮貌，雖然地方唔係好大坐得舒服，裝修得好有特色，離開餐廳店主哥哥送咗兩支聖誕糖，真係sweet sweet 😘2人餐~ Set C~墨西哥手撕煙燻豬肉薄餅煙煙韌韌薄餅夾住煙燻豬肉，薄餅上放上牛油果醬、蕃茄粒，好味😋~墨西哥烤雞半隻香噴噴熱辣辣皮脆雞肉嫩滑好juicy，配上粟米，薯片😋~鮮芒果汁木瓜大蝦沙律大大隻蝦，木瓜甜加入芒果汁配上沙律菜😋~墨西哥羅旺子玫瑰特飲酸酸甜甜有少少似梅味好醒神😋~墨西哥洛神玫瑰花茶特飲甜甜酸酸好似山楂好開胃😋…Read More

放假同朋友去尖沙咀行街，朋友介紹柯士甸道[醉胡爐]火鍋店。所以一早訂定枱。~有多款調味選擇~招牌鮮椰青雞鍋店員先炒啲雞大約5成熟，再加白酒，點起火放入雞鍋，然後倒入椰青水同雞湯，煲滾雞湯就可以飲。一口一口飲，好有椰子味、雞湯香味濃郁，雞肉又滑又嫩好鮮甜。~爽脆牛胸爽牛胸爽脆不油膩有口感。~黃金墨魚丸墨魚丸裏面放咗蛋黃，肉質爽口。~手打牛丸牛丸彈牙爽口，肉質爽嫩。 ~黑松露蟹肉餃濃郁松露餃皮薄，蟹肉鮮。~皇帝菜菜浸入湯底好入味，新鮮青翠。~小食，老友鬼鬼油炸鬼釀入蝦膠，份量十足，熱辣辣，脆卜卜，好配搭好食。…Read More

今日老公去咗銅鑼灣客人公司開會，經朋友介紹開平道1號Cubus《顏府御膳》中菜食晚飯，裝修華麗，環境清靜，每款菜式精緻。~小食甜合桃～保健老火湯合桃補腦、黑豆有花青素抗氧化，清甜雞腳湯。～尖椒皮蛋細細件溏心皮蛋配上青辣椒、麻辣，麻辣味慢慢刺激味蕾好惹味。～顏府鹽水鴨冷盤，水鴨皮薄，肉質鮮嫩。～鐵板鮮沙薑陳皮生煎雞傳來陣陣沙薑陳皮香味，熱辣辣雞肉，酸酸甜甜味道，雞肉嫩滑。～羊肚耳珍菌濃湯浸時菜爽脆羊肚耳珍菌配上豆苗時菜加入濃湯，味道鮮甜。…Read More

屯馬線開通方便去九龍城食泰國菜，今日放工心血來潮想食泰國菜，約咗同事去九龍城搵食，宋皇台站B出口，有好多泰國餐館，望見對面有間好搶眼門口有個好大吹氣公仔，原來係一間BTS 泰國餐館。泰脆炸豬手(細 $128)皮脆而不硬，咬落卜卜脆，皮肉之間有薄薄膠質，脂肪不多不油膩，肉質嫩滑，鹹味夠，炸得乾身，香口惹味。泰式鮮蝦柚子沙律($98)柚子甜，彈牙鮮蝦，花生粒，汁酸酸甜甜好開胃，少少辣十分滋味。豬肉丸肉片船粉($63)爽滑豬潤，鮮甜豬肉條，彈牙豬肉丸，濃郁湯底。原個芒果糯米飯($72)煙韌微暖糯米飯，椰漿舖滿糯米飯上香甜，芒果又甜又香。鮮芒果沙冰($36)濃郁芒果味，唔會過甜。…Read More

冬天最好打邊爐，今日出咗旺角做嘢，放工約同事食飯，同事介紹附近有間火鍋店，店舖裡面非常寬敞，座位舒適，環境衛生，店員服務熱誠。成都火鍋必選調味汁酱：油碟鲜淆豬骨湯($98)濃郁豬骨湯底好香甜，加入紅棗、香菇、杞子、大葱、火腿等。牛胸爽($78)爽脆，有口感，值得推介。手切級品prime牛小排($178)牛肉鲜，雪花均匀，肉質嫩滑。淮山($32）厚厚淮山吸入湯好入味。手打龍蝦肉蝦丸($68/4粒)爽口彈牙。有鲜味，絕對唔差。唐生菜($28)火鍋必叫，爽脆清甜。鲜蝦雲吞($42/5只)大大粒鲜味十足。滑溜溜鸭血($36)厚厚鸭血質感比較實，有口感。鲜榨椰子汁($108/渣)濃郁椰子味，香滑唔會太甜。…Read More

好耐冇食越南菜，之前同朋友食過，今日同同事去太子買嘢，途經太子[火五越式牛肉粉專門店]，順便食埋飯。火五生牛肉粉($42)牛肉嫩大大片，濃郁湯底清甜配上芽菜、香葉，非常之好。越式炸蝦春卷($28）簡單長長蝦春卷，炸得卜卜脆內軟。手作大蝦紙米卷($38)米紙煙煙韌韌，包住鮮蝦、生菜、青瓜好清新。火五特式鳳爪($22）去骨鳳爪，食起方便，配上酸汁，酸酸甜甜好開胃。黃金蝦球($48)黃金蝦炸得脆卜卜，爽甜鮮蝦滲出鹹蛋黃香味。…Read More

約咗朋友去旺角行街，緊係順便食餐飯，朋友介紹旺角黑布街(申子居酒屋)日本菜，店員有禮貌先帶我哋上二樓，地方雖然唔係好大，環境舒服，地方清潔。申子飯，蛋白打成cream 狀，放上蛋黃，加入芝麻、紫菜碎，再撈埋d飯，一口一口放入口即口融化，食過不停。($88)廣島蠔鍋，有8隻大大隻蠔，肥美鮮甜，唔會覺得腥，煮得啱啱好，配上濃郁湯底，味道好。($138)時令蜜柑鯛刺身，切得好薄身，魚生新鮮、鮮甜，加入檸檬汁有另一番風味。($284)汁煮左口魚裙邊，汁有少少甜，滿口充滿油香，入口即化。($138)…Read More

今日約咗舊同事公司附近食飯，同事介紹去(鼎豐雞煲)食泰國菜。店主好熱情慢慢講解餐牌食物，先介紹雞煲後可以用來打邊爐，又可以叫泰國菜，一間泰國菜多種選擇又幾好。鼎豐招牌雞煲($188半隻）辣度選咗BB辣，火鍋湯底有花椒、辣椒乾、洋蔥、芫茜等…… 雞肉嫩滑好入味，又唔會好辣好惹味。手打墨魚丸($58)大大粒咬落有墨魚肉，爽口彈牙豐富口感。手打蝦丸($58)大大粒有鮮味蝦肉，彈牙蝦滑。頂級雪花肥牛($108)雪花紋均勻，肉質柔軟，口感不會韌。蜂巢豆腐($53)被湯底吸入豆腐，超入味。即炸魚皮($63)魚皮大大片，脆卜卜。唐生菜($38)火鍋一定必選其中一種菜。泰式椰青($48)椰青好新鮮，清甜好喝，有清熱解渴。…Read More

屯馬鐵開通，今日約咗朋友去九龍城食飯，朋友介紹城南道有間(泰象館)泰國菜，見到門口已經有人排隊。等咗一陣安排入座，餐廳雖然唔係好大，環境好舒服，餐廳哥哥有禮貌，已遞上一大碗熱水清潔碗筷，好窩心。泰式乾炒海鮮河($70)泰式河粉闊身炒得乾身、配料有爽脆芥蘭、新鮮蝦、魷魚、青口，炒得好有鑊氣。炸蝦餅拼春卷($82)炸蝦餅炸粉薄，蝦餅新鮮彈牙大件，外脆內軟，春卷餡料多，炸得香脆，加入泰式辣醬更好味。黃咖哩雞($78)配薄餅($27)香濃咖哩汁唔會太辣，雞肉嫩滑入味，配菜有青椒、紅蘿蔔、薯仔、洋蔥等…..好惹味，配上薄餅鬆脆香口。蝦醬炒通菜($64)炒得好有鑊氣，通菜脆綠爽口，蝦醬濃郁，香口惹味。芒果沙冰($30)食泰國菜指定動作必叫，濃郁芒果，沙冰軟綿，唔會太凍太甜。…Read More

放假同朋友去旺角行街， 途中經過女人街，周圍搵緊邊度有咩好食，路過見到有個好搶眼大招牌，小草十八怪石鍋米線，就決定去試吓行上二樓，地方寬躺，環境衛生，服務員熱誠。原來串燒要6:00後才供應。明爐烤海鱸($128)，配酸菜魚湯、薯粉，加入有粟米、豆腐卜、酸菜、芽菜放係魚底，湯底唔會好酸亦唔會好鹹有少少少辣，好惹味，CP值高。黑椒味噌封門牛柳石碢飯($68)，牛柳肉嫩滑配上洋蔥絲。兩杯大大杯特飲，青檸薄荷梳打，芒果凍頂烏龍茶(跟餐+$12)…Read More

今日OT完約同事食晚飯，聽同事講橋底辣蟹出名炒蟹同海鮮。近公司所以同事提議試吓，其他分店已搬到駱克道金禧大廈。門口及樓上一樓比較懷舊古色古香裝修。豉椒炒蜆，蜆肉大大隻，好惹味😋霸王雞，雞肉鮮嫩，肉質滑啖啖肉😋金銀蛋豆苗，豆苗靚加入皮蛋、鹹蛋唔會好鹹好入味😋避風塘鱔球，鱔球起骨加入薄粉炸，熱辣辣，外脆內軟，少少辣😋招牌方魚蠔仔肉碎泡飯，配料有方魚、蠔仔肉碎、冬菇粒，配搭非常之入味😋于頭西米露，于頭蓉加入西米香滑，唔會好甜😋…Read More

今日公老出咗去銅鑼灣做嘢，佢係附近見到間大澳德發餐廳，今晚我哋就去試吓。😋三弄脆皮豬手，大大隻豬手，皮卜卜脆又香口肉質嫩，唔會好鹹好乾，加少少芥末醬有令一種美味。$188😋生啫唐生菜，熱辣辣，生菜爽好入味，配上乾蝦，肉碎加入少許紅椒，又惹味。$68😋椒鹽九肚魚，九肚魚炸得好脆好香，椒鹽唔會影響魚肉質鮮味，魚新鮮唔會覺得油膩。$88😋金沙鮮魷，外脆內軟鮮魷炸得好彈牙唔韌好爽滑，加入蛋黃炒更加香唔會太鹹，蛋黃調教得好。$98😋鹹檸檬七喜，簡單一杯鹹檸七，檸檬唔會太酸。$25員工有禮貌熱情，環境舒服，價錢合理，下次會再來。…Read More

兩年前係日本食Omakase，經朋友介紹上環有間新酒店，裡面有間「霜瀛」日本式料理。放假同老公享受一下慢活lunch。餐廳佈置好似去咗日本好舒服，餐廳員工好有禮貌，慢慢講解餐牌上菜式。店長解釋每一款食物如何食得更加美味，店長好窩心好體貼❤️霜瀛廚師精選午餐$880前菜凱撒沙律，沙律菜新鮮加入少許麻醬，好開胃茶碗蒸，熱辣辣茶碗蒸蛋，超滑嫩蛋加入蟹肉香味很突出，鮮味十足腐皮滑溜豆味香。秋葵有微微酸好開胃。八爪魚彈牙刺身6款，刺身新鮮，每件都有特色中拖羅、海膽串，海膽鮮笠貝片加入炸蒜粒甜甜地紫菜包住大大隻微微暖帆立貝加入鮮海膽，好特別😋🍣壽司6款，手握壽司，各有唔同特色銀鱈魚壽司，加入少少醬油突顯出鮮味。鮮北寄貝壽司，好爽滑唔韌。海膽壽司，大大嚿海膽好有鮮味，放入口即溶化感覺到好滿足❤️迷你海鮮丼，吞拿魚蓉配上魚子，被吞拿魚、魚子吸引住一口一口食過不停，味道更加有口感，好幸福😍麵豉湯加入大大隻蜆，湯底變得更好鮮甜🍨最後唔好錯過海鹽雪糕甜品朋友真係冇介紹錯，CP值高，價錢合理👍🏼…Read More