BABE :D's Profile

行過見到細珍珠奶茶做緊特價，只係8蚊杯，就買左杯黎消下暑。珍珠奶茶 ( $10 ) : 因為太鐘意食珍珠，所以加左兩蚊要多珍珠。奶茶都飲到有少少茶味，但係太甜，如果淡返少少會好d。加兩蚊既珍珠真係好多！佔左成個杯既四分三 飲完所有奶茶都仲有四分一杯珍珠剩。浸過糖水既珍珠好煙un，雖然多但係唔會痴埋一舊，甜度岩岩好。咁平就滿足晒鋪珍珠癮，都算幾抵 …Read More

雖然怕肥，但係對芝士既熱愛一直有增冇減，所以對Euro go go一直充滿好感 咁岩出開荃灣行街，又唔知食乜好，就黎左呢度。芝士吞拿魚意粉 ( $32 ) : 我既至愛 面頭有好多芝士，有d焗到lon lon地，食落好香好好味。另外，吞拿魚醬亦有好多，兩樣加埋簡直係絕配 抵讚既係真係即叫即整，上枱時熱辣辣，但係要彈既係意粉太淋啦。凍忌廉朱古力 ( $22 ) : 賣相好靚 面頭既cream好香好滑，但係朱古力醬冇乜味，成杯朱古力亦冇乜味，所以冇飲晒，淨係食晒d cream就算了。雖然杯朱古力麻麻，但係勝在唔貴，service亦唔錯，而且為左我最愛既芝士吞拿魚意粉，一定有下次！…Read More

見貢茶係openrice咁多好評，明明好飽，但係都忍唔住買左杯黎試下 珍珠奶茶 ( $ 12 ) : 叫左30%微糖，果然唔甜，但係就略嫌淡左少少。茶味同奶味都夠，珍珠雖然冇浸糖水，但好有咬口。十令蚊咁大杯，質素又唔錯，好抵，最岩夏天飲。不過下次會試下50%半糖，相信甜少少就perfect喇 …Read More

天氣熱果陣，食杯雪糕真係成身舒服晒。本來想食HD，但係見呢度平D，而且一向對burger king既出品幾有信心，就叫左杯試下。士多啤梨新地 ( $9 ) : 軟雪糕好滑，有少少奶味，甜度岩岩好，好味。但係士多啤梨醬就好唔掂，完全係藥水味，M記都好味過佢！勉強解決完杯 '' 藥水 '' 之後一直有想嘔既感覺 …Read More

久聞瘋薯大名，今日出開mk，當然要過黎試下。芝士薯條 : 薯條係即炸，好熱，而且好香薯仔味，係我最愛既粗身薯條！加埋香濃既芝士同埋少少煙肉碎，好好味，連我呢個芝士怪魔都好滿足 一定有下次！不過要等遲d天氣凍d先，今日已經行到身水身汗，再食埋熱辣辣既薯條，真係就黎溶。但係冬天可以捧住兜熱辣辣既薯條，諗起都已經流口水 …Read More

小南國一直係我最鐘意既餐廳之一。是晚本來諗住去海港城食飯，但係由於太多車了，停車場full到嚇死人，所以兜下兜下就黎左呢度。 鴨舌 : 味道一般，勝在好腍，又細細條咁，可以連埋軟骨一啖食左佢。 燻魚 : 仍然係我既至愛 好夠味，唔會腥，而且絕大部分都係冇骨，有都係好少好少。有d餐廳既燻魚真係好得人驚，啖啖骨，大力少少咬都唔敢。 醉雞 : 雞質鮮嫩，可惜酒味唔太夠，北京樓既比較好。 清炒河蝦仁 : 同樣係至愛 好爽牙，鮮甜而且唔腥，加埋d醋，好好味。唔好睇佢細細粒咁，河蝦仁唔同一般既蝦仁，一定要細粒既先至係靚野，所以佢唔係呃人，如果隻蝦仁大粒到成隻海蝦咁，咁佢就真係搵笨 扣肉 ? ( sorry 唔記得左叫咩名 ) 唔係外婆紅燒肉，係另一種扣肉。屋企人都話好香好好味，但係我覺得冇乜味，可能因為我冇連埋d肥膏一齊食，佢地個個都將成舊肥膏食晒 自小對肥膏冇好感，所以咪搞我。 蒜蓉 '' 現 '' 菜 : 炒得好香，唔同其他酒樓既 '' 現 '' 菜，呢度既好爽，唔會腍謝謝。 椒鹽小黃魚 : 好好食，外面炸到好脆，但係入面既魚肉仍然好鮮嫩，又唔會腥。 蔥油拌麵 : 屋企人都話好香蔥味，但係我又食唔係好到。麵好彈牙，好好味，可惜佢個名改得好岩，真係成碗麵都係油，食多幾啖就會有滯既感覺。 擔擔麵 : 全晚最唔得，冇花生醬既香味，亦唔夠辣，但又係勝在麵好好食。 酒釀丸子 : 又一至愛 好好味，桂花味好香，丸子亦夠晒煙 un，可惜唔夠酒糟，冇左酒糟獨有既酸味。埋單$950左右，五個人都食到好飽，個人認為抵食+好食過隔離既東來順，可惜呢度冇我呢個花心怪既另一至愛 ---> 燻蛋，又冇中環分店既陳醋海哲，不過總括黎講都係抵食！ 好多人都話小南國既野好鹹好濃味，但係其實北方人既口味係咁樣的，雖然話入鄉隨俗，做生意要識變通，但係如果佢迎合香港人既口味令菜式清淡d，咁佢就變左係賣 '' 香港菜 ''，而唔係正宗既上海菜了 …Read More

每次去日本都總會食好多軟雪糕，因為真係好香好滑。之前去北海道更加陷入左瘋狂狀態，日日最少食4杯先夠皮 返到黎香港就慘喇，一直搵唔返咁好味既雪糕。難得見到呢度有得賣，唔買返杯黎試下又點解相思之苦？日本牧場牛奶雪糕 ( $ 25 ) : 好滑，牛奶味都算濃，而且唔太甜，幾好味但係始終比唔上日本既雪糕。最大既問題係太貴，雖然日本最平都要¥300一杯，但係真係無論係咩鋪頭買都咁好食，呢度又冇人地咁好食，又貴d，唔太抵。不過如果真係好掛住日本既雪糕，都可以暫時用黎解下饞 …Read More

一直想試呢度既牛奶布丁好耐，今日出黎sogo行街，就買左一樽黎試下。牛奶布丁：最初對佢好有期望，但係食左啖之後，又話好濃牛奶味既？冇錯，佢的確好滑，而且牛奶味都食得出有，但係就真係唔太出，名大過實。唯一好既係個樽仔肥嘟嘟咁好可愛，我收起左唔捨得dum ok面係比個樽仔。牛奶布丁冇下次，下次既目標係芝士布丁同埋雪糕。…Read More

一向都超鐘意飲台式飲品，特別係珍珠系列。今日經過見到，就叫左杯珍珠綠茶。點知一飲，真係太甜喇，加上d珍珠本身都係浸過糖水，加埋甜到好似飲緊糖漿咁，我要等到d冰融得七七八八先飲得落 建議唔鐘意飲甜野既人一定要叫少甜或者走甜。唯一抵讚既係杯野飲沖得超快，落左單唔夠一分鐘已經有。而且我大頭蝦唔小心跌左$落地，個女仔都即刻幫我汁返，ok面係比服務。…Read More

飲完好難飲既咖啡，心有不甘，經過見到格仔餅，當然要買返件黎滿足下自己 格仔餅：自從之前係大埔墟果間賣雞蛋仔鋪頭搬走左之後，一直都食唔返有水準既格仔餅。呢度既格仔餅算唔錯，雖然做唔到外脆內軟既感覺，而且個皮有少少粉，但係佢既花生醬同煉奶都好夠味同夠甜，唔會話得花生醬既味而冇煉奶味，都唔會比煉奶既甜搶走晒d味，加埋少少牛油同砂糖，正！岩晒我 下次經過一定試下佢d燒賣同埋魷魚鬚，其實話要試好耐，但係就次次都比格仔餅吸左去 …Read More

天氣真係好熱，行到成身都出晒汗，見到有凍野飲，當然要即刻過黎買返杯。caramel macchiato：中文名係焦糖瑪其朵，好可愛既名 其實一直想試呢杯野飲好耐，見佢幅相好似幾靚咁，就叫返杯黎試下。點知 ...... 飲落口佢竟然係酸既，我唔太期望佢會好好飲，好飲到好似專門賣咖啡既鋪頭咁，但係d咖啡都唔好係酸 好難飲，飲到一半都冇頂唔順dum左。其實happy lemon既野飲一向唔差，可可、珍珠奶茶、綠茶烏龍茶等都算唔錯，但係今次既咖啡竟然咁差，失望。…Read More

橫掂出開金鐘，當然要順便黎呢度獎勵下自己之前溫書溫得咁辛苦買左三件蛋糕，兩件拎返屋企，一件即刻食，而媽咪就叫左杯咖啡。Double milk chocolate : 有少少漏，但係好在唔會話一味死甜，朱古力味幾濃，而且中間有少少脆卜卜既野，增加左口感，唔錯。American cheese cake : 呢個真係好正！芝士味濃到化唔開，而且好滑，雖然一向鐘意硬身既cheese cake多d，但係文華呢隻係我最鐘意食既cheese cake，由細食到大都仍然覺得超好味，一次過比我食十件都冇完全難度 Raspberry mousse cake : 酸酸地幾好味，中間有少少白色既甜甜地既野中和左rasberry既酸，不過我又食唔出果d係咩 但係我嫌佢太濕，最底既海綿蛋糕好似吸左好多水咁，唔知係咪因為帶返屋企既途中令佢咁樣 ...... anyway 我都鐘意 cheese cake多d 至於咖啡方面，本來諗住試下，但係我都未食完件cake，媽咪已經飲晒 唯有等下次有機會再試下。呢個tea真係食得好滿足，多謝媽咪 …Read More

食完壽司，當然要行過黎panash買芝士波波啦，係次次黎Harbour City既指定動作一口芝士：芝士味濃郁，而且咬落去煙煙un un，真係好好味，食極都唔厭，下晝肚餓既時候叮熱黎食真係好正！最高記錄唔到十分鐘食左十二粒另外又買左藍梅芝士撻，芝士味算濃，而且中間有少少藍梅醬，中和左芝士既漏。雖然佢話自己係撻，但係其實下面係麵包黎，麵包好鬆軟，好香，唔錯但係上次買既new york cheese cake就唔得，雖然芝士味足，但係偏甜，而且有朕怪味講起new york cheese cake，口水都流埋出黎，下一站當然係文華啦…Read More

難得岩岩考完試又停課，當然要即刻拉媽咪出TST，慶祝一下啦是日叫左以下既壽司：玉子　好味，但係真係幾大舊三文魚　雖然唔係腩，但係都幾肥，而且好新鮮三文魚腩　都係好新鮮，脂肪分佈平均，咬落去d油bid晒出黎辣三文魚　麻麻地鰻魚　燒得好好，上枱既時候仲係熱熱地，而且唔腥帶子　好鮮甜！至於卷物方面，其實佢d卷物既下半身都係一樣，只係面頭唔同。但係有一個問題就係，件件卷物都好大舊，唔可以一啖擺入口，而卷物中間既紫菜又好韌，咬極都咬唔斷，變左食得好狼狽 同埋卷物唔算特別，$28一碟偏貴。鰻魚芝士卷　面頭件鰻魚都係好正，夾埋芝士食原來都match和花亭炸蝦卷　呢個唔得，中間舊炸蝦淋晒唔脆胡麻三文魚火焰卷　唔錯，件三文魚算幾肥美，但係燒得熟得濟芝士半熟蝦火焰卷　隻蝦好味，但係芝士就冇乜味另外，我地又叫左睍湯，好味精，而且完全冇睍果種獨有既鮮味總括黎講，只屬一般，下次唔會話特登黎食。…Read More