vincyleungcc's Profile

我地兩個大人一個小朋友(3歲)，坐左一張四人台，叫左一個麵、飯團、pancake、一杯咖啡。本身覺得食物都唔錯幾好味，上左最後一到pancake小朋友去左坐大人大脾食，食到一半就黎食完既時候，有個店員叫我地讓張二人台比等緊既客。覺得好離譜，首先我地三個人埋單都四百幾蚊，都唔算叫得少野，唔係叫少少野霸住張四人台。第二我地係食緊個pancake食左一半，其實都唔差果十分鐘，而且係佢自己出菜時間要等，唔係我地食得慢/食完係度霸住張台。要我地2大一細要逼係張2人台，地方本身已經唔大，另外一邊有個好似店員屋企人既小朋友坐左霸住左張二人台，要做生意自己屋企又唔讓開？要做到咁樣趕客？離嗮譜，成日話生意難做，咁既服務下次點都唔會幫襯，食物好食都無用，到最後食完都唔係開心咁出門口。…Read More

今日自己一個入去食lunch，坐低左諗住叫野，揮手叫個男waiter話轉頭搵同事幫我。好啦咁等下啦，繼續無人理我，再叫個男waiter繼續話轉頭搵人幫我。明明成間野大把空位唔係爆滿超多人，睇兩個waiter上菜上飲品收野，但就係無人理過我。想落個單者，求極都無人理，跟住我走左了。嘥哂我啲時間，又唔係多客，係要唔幫我落單，唔知咩事。…Read More

堂食叫左關東煮烏冬同胡麻醬野菜撈拉麵，兩樣都唔好食囉。胡麻醬撈拉麵普普通通，唔知係咪隻芝麻醬唔夠濃定太少，撈埋都係無芝麻醬果種香濃既味道，勉強叫擺得入口。個關東煮烏冬難食到，個湯底淡白色見到已經知淡過咩，結果真係無味，幾粒魚餅竹輪一樣，感覺食緊幾舊完全無味既粉團，蘿蔔又係無味。最難食係隻蛋，又乾又粉，竟然可以將蛋煮到完全無蛋味，我都好好奇係點樣做到，最後食左半粒蛋就無食。呢個價錢大把選擇，食完呢餐真係對胡麻醬同關東煮好大陰影。…Read More

明明無人都等左勁耐，成四個字都算。仲要比錯左，肉醬意粉變左咖哩雞飯🥲張單都係寫肉醬意粉，唔明點解唔多客都可以咁錯。做野上心少少好嗎？話飲食難做，幫襯下你地都可以錯漏百出，自己唔爭氣邊個幫到你…Read More