一個菠蘿包's Profile

真心嬲，喺外賣平台第一次試呢間甜品舖，睇相唔差價錢又唔係平，諗住咩都試吓叫左兩個糖水啦，一個楊枝甘露、一個奶凍芒芒鮮果西米黑糖仙草⋯點知極度難食嘅奶凍芒芒鮮果西米黑糖仙草，唔知佢落錯咩有一浸酸味，就好似山楂烏梅嘅味道咁好奇怪嘅，連帶啲水果都酸，成碗糖水根本一啲黑糖或甜味都無！唔好同我講本身係咁，冇可能本身係呢種味，唔係正常糖水味道⋯當你諗住叫鮮果糖水都唔會難食得去邊？哈！你錯喇⋯成碗鮮果都係酸味，垃圾到一個點！但搵唔到店電話投訴唔到，只能在外賣平台投訴⋯即時退還50蚊果一個糖水錢，其實另一個都難食唔想再講⋯⋯⋯⋯無下次！…Read More

第一次入馬灣去東灣泳灘游水，就邊感覺寧靜好悠閒舒服，食市唔多，除了泳灘那幾間餐廳，向村屋方向一路行見到有間泰國嘢，門面好細唔多起眼⋯就邊又無乜食肆，就試吓呢間獨市泰菜，竟然有驚喜，係近年香港少有的好食泰國菜，菜式正宗味道一流，廚房全部泰國人，店面好細只有三四張枱，但環境算乾淨同埋裝修好泰國feel，最緊要食材食得出係新鮮，我都算係十級咀叼，好少讚好食⋯佢係近年少有覺得好食又會想再回頭嘅食店，只可惜地點真的太遠但我一定會再嚟過…Read More

超巨大化月餅，都好多年冇食雙黃蓮蓉傳統月餅，因近幾年都食唔返流油嘅，連好傳統牌子都搵唔到果種味道，今年有人送禮，非常開心，因除咗一份心意外，我本人應該唔會刻意買咁大個月餅食，講返月餅先，論包裝非常精美，係用上一個木盒去裝，好貴氣，月餅亦都好靚，應該有6-7寸咁大，切開感覺係新鮮整，唔係放左好耐果種，食落估唔到呢個有驚喜！旦黃鬆化甘香流油，蓮蓉香軟唔膩！一個價錢$888⋯但一家人賞月一齊分享係好開心。…Read More

平時返工路過耀華街頭唔起眼既小店，今日終於一試⋯有種唔聲唔聲嚇你一驚感覺！原來小店都可以好出色⋯餐牌選擇唔算多，配搭更少，店舖枱只有8張左右，容納不多，但環境幾乾淨，我試左個四川豬肚絲麵加涼拌青瓜，麵係小麻辣，非常的麻香，食到頭都麻痺痛，麵係幼身上海麵都算彈牙爽口，略嫌婉太細，我一個小女子都唔夠飽，而豬肚好林⋯都係太少（$55）最後一定要講個青瓜⋯可以大膽講句係幾十年人食過最好食青瓜，青瓜清翠爽口，味道調校適中，汁料特別，係黑忟忟的，總之一試難忘，而我見其他客人一般都會嗌$108果個招牌套餐⋯下次我一定要食佢！…Read More

價錢同食物質素唔成正比，賣相好靚好吸引，但份量同味道我個人評為「劣」，軟雪糕唔滑，入口有一粒粒雪，唔香唔軟，每杯平均要60-98蚊價錢確實係貴，無諗過會好食到飛起，但實在呢個價唔會想像到會係呢種質素，我地嗌左一個所謂限定蜜瓜牛奶雪糕同新鮮紅豆牛奶雪糕，其實雪糕係重點，偏偏最差係佢⋯麥當勞軟雪糕一定好食過佢！蜜瓜口味太甜都算，甜品當然甜，但成杯份量係好細杯，我覺得價錢定位實在太高，直接講係唔值呢個價！另外本身環境唔差，因係自助式所以食完要自行清理，但有人唔清理佢地員工都唔會幫你執，好奇怪！咁如果你要堂食係要清理前一手既垃圾！…Read More

第一次食錦麗先知原來佢主打係牛肉河，餐牌選擇好少，只有牛肉湯河同幾款小食，飲品種類更少，我兩個人叫左生熟牛肉湯河同熟牛肉湯河各一，另加小食牛油雞亦同春卷，先講河粉的確一流，色香味具全，湯底清澈但味道濃郁甘香，好重牛骨味，牛肉係用坑腩位，肉味濃有咬口而軟綿，份量亦夠多，加上其他配料既小小點綴簡直無得頂，而雞亦我個人覺得比較濃味咸左小小，但炸得外皮酥脆內面肉滑多汁，整體都ok，春卷就唔多講因無乜特別，我好開心終於可以答到人將軍澳有咩食喇…Read More

等左好耐香港終於有人做台式蛋餅，期待心情下實在無驚喜既，蛋餅做得唔錯，但當然無台灣果邊咁好食，食物選擇少，只有四款蛋餅及一個鐵板肉醬烏冬同漢堡，飲品更少，黑糖奶茶及水蜜桃茶或紙包飲品⋯⋯如果多些選擇會更豐富囉，但整體係可以一試，食完未必好想會再特登入去食！…Read More

因為生日月份誠品書店送左habitu買一送一既咖啡券，咁當然要生日黎試下嘆一嘆靚咖啡⋯裝潢非常精緻美觀，咖啡亦非常出色，食物方面亦唔錯，兩個人叫左兩杯咖啡、一個pizza、一個意粉咁就400蚊⋯間唔中黎嘆下都唔錯…Read More

住左將軍澳咁耐，坑口寶琳一帶都無無乜西餐廳好食價錢又合理，今日Tea time試一試⋯果然唔錯，野好食，價錢合理，有水準既平價餐廳，環境舒適⋯將軍澳終於有間似樣既餐廳，Tea set由$50-$80左右⋯今日食左黑松露軟殼蟹意粉，單骨雞亦薯條，香蕉蕉糖窩夫雪糕加兩杯飲品都係$187😋😋😋…Read More