Shad.T0's Profile

Saturday 同 Brunch 兩字吾知幾時開始，已經變得互相有關連。一個禮拜忙完，緊係要hea 吓, recharge 吓D元氣啦，否係嘅下個禮拜點撐落去呀？帶住濃濃睡睡，同媽咪中午嚟到呢間花店Cafe 仔。 其實之前已經比網上照片吸引，好想嚟嘆下。一入門口，空氣頓然超fresh，充滿生氣，令人精神一震。呢個鐘數，就預左要等，跟隨指示沿住樓梯排隊。更上一層樓，望落去，整個cafe超有立體感 ，空間細細，但甚有層次，映入眼簾，視覺效果滿分！呢個時候，緊係影相嘅最佳時機。影吓相，欣賞吓花花草草，唸吓一陣食咩，咁就好快排完，可以入座lu~Latte & Chocolate : 飲品普普通通，冇咩特別。Latte 吾重奶香，似落左skim milk 嘅 Americano；但Chocolate 就太重奶，好似杯朱奶咁，Coco 吾突出。可能因為係間花店，空調較涷；加上我哋張枱對正出風口，飲品好快凍，面頭奶泡亦快出現皺紋。所以建議大家叫1 pot tea，可以share嚟飲，吾使擔心會凍；又可以refill，嘆下環境。隔左一陣，有嘢食啦～ Tagliatelle w/ Aubergine Tomato Pasta：個sauce 吾錯，意粉硬度適中。茹子口感好，蕃茄上面擺左 Cheese 去焗。整體吾錯，擺碟有層次，視覺效果好好。Mixed Vegetables w/ goat cheese wrap: 滿滿嘅wrap，竟有一半係cheese! 完全滿足哂我呢個cheese迷。一啖咬落去，好香羊奶味，但立即有其他grilled 過嘅蔬菜溫和番，帶點清新，吾會勁漏；又好juicy，但完全吾影響個wrap 皮，依然脆口，有D似Romana Pizza。不似得出面個D又un又頂胃。論論盡盡嘅我就食到盡失儀態，一啖咬落去，D juice 灟哂出嚟；媽媽就完全冇問題，瀟灑自若，睇嚟下次我要向佢學習。 嘆完個Main Course, 點可以比佢停？緊係嘆埋甜品先走啦！ Green Tea & Red Bean Cake：個Cake 一般, mousse香滑，但綠茶同紅豆味吾太突出，反而個Macaron更有抺茶嘅香澀。Almond & Hazelnut Cake食物質責高，環境好，即使非素食嘅朋友都會大滿足！希望香港有更多呢種cafe仔，比’多肉少菜’嘅香港人green 吓，relax 吓。期待下次再嚟拜訪呢個’小綠州’。…Read More

台灣宜家好流行一種飲食態度，就係’原味食尚’。佢哋會係21日食原汁原味嘅食物，少油少調味，比舌頭好好休息，減少內臟負擔，還原青春同健康。少油少調味，對常外食嘅香港人嚟講，真係’談可容易’呀？今日有時需到藍田，所以就早個站落車，拜放一下呢間小店，嘗試一餐外食嘅’原味食尚’。東廣場地下極大部分都係食店，每間都頗細，但會係對出空間’延開數席’，猶如較高級嘅室內大牌檔。看見個個食客都安然無恙咁享受食物，我都忍住心中怪異嘅感覺，安靜坐低。揀好餸菜，店員就好快捧出食物。芝士土豆什菌：有清淡嘅芝士香，薯仔唸度啱啱好，可惜吾見有菇菇茄汁素雞：雖係’茄汁’，但有鮮番茄，反而’茄醬’味道不濃霸王花杏仁湯：咸咸地，甜甜地，感覺吾錯店如其名，餸菜極少油及調味，桌上也有調味品任君選擇。酷愛清淡煮家菜嘅我，亦吾客氣添左次飯。簡樸清淡，或許就係我哋缺乏嘅快樂生活。…Read More

如過晏奏要出街食，我都會盡量幫襯傳統齋舖仔，一來較健康、便宜同飽肚；二來想多支持佢哋，吾想助長D大財團。惠豐涼茶素食係香港少用嘅連鎖式素食小店。之前我去開九龍灣（可惜Open Rice 暫味有有關資料，未能在此同大家分享），今日於沙田有近3小時空閒，就去左火炭試試。出左火車台行約５分鐘，已見到銀禧商場，隔離就係銀禧街巿。惠豐就係街巿嘅入口位置，與旁邊一間茶餐廰並列，非常顯眼。店面貼滿好多吾同嘅食物選擇，同九龍灣一樣，除左有齋舖必有齋滷味，更有傳統早餐店嘅炒粉麵，亦有涼茶鋪嘅傳統涼茶。款式極多，都係想個market 大D，吸引更多非素食人士幫襯。有別於九龍灣，火炭沒有當日餐牌，但比足三餸，無需‘三揀二’。詢問過店員，大約了解過有咩食，就要了套餐，乖乖地坐底。姨姨亦於中途問我食吾食涼瓜，怕我吾食，好細心～只需五分鐘，店員就先捧上餸菜和湯水，後送來白飯。第一眼看到，已感到非常震憾。餸菜分量好多，滿滿一大碟，令人聯想起荃灣嘅素食新一代。雖然分不清到底係邊‘三餸’，但見到底有好多涼瓜，中層有大量豆角，最上層有西芹、紅蘿蔔、菜絲。味道愈底愈濃，最底層有一張吸油衣承托住‘小山丘’。‘小山丘’中亦有少許素肉（如下圖），但吾太清楚係咩名堂，咸咸地。今日嘅老火湯係木瓜雪耳湯，仲有D花生同豆。只係用匙輕輕一撈，已見到豐富嘅湯料。清甜好飯，非常足料，絕對可媲美煮家湯，比鴻ｘ堂賣$3x一小包嘅 "健康湯水＂更好。姨姨擔心浪費食物，先比左半碗白飯，吾夠可再比佢添。但飯餸真係好豐富，真真正正嘅"食餸飽"；自問又吾係一個飯桶，就冇咁嘅必要啦。不過姨姨非常細心，好驚我吾夠食，問左我三次使吾使添，哈哈！雖然比九龍灣貴$2蚊 ($34), 但感覺餸菜更為大份，湯都更為足料；調味方面較為清淡，亦冇咁多加工過嘅素肉。即使係街市，但街市本身新穎乾淨，呢間小店又遠離濕貨區，環境光亮寛敞，空調足夠，座位充足，係間值得再去支持嘅小店～…Read More

我好鐘意去港式嘅素食店，主因並吾係抵食，有係個種窩心。你吾會擔心食吾飽，吾會聽到粗口劃飛，吾會食到吾衛生嘅食物。每個人都靜心享受飯菜，店員辛勤咁工作。有時之間又會閒話家常，講下宜家D冇基因改造嘅黃豆幾貴，今日咩菜靚。菜色難登大雅之堂，但一定用心烹煮，健康好味。我就寧願係庶民飯堂享受Comfort Food，都不願係連鎖快餐店捱味精餐啦～　常日都好想去荃灣食飯，因夠多素食店可選擇，今日終於有機會！11點半去到，新一代已滿座，於是到天恩試試～乖乖揾位坐低，店員就即刻走嚟問食D咩。望望餐牌，全是簡單家常菜，當中亦冇嘢我吾想食，於是向店員指要全套餐。然後同其它素食店一樣，乖乖地出去攞餐具同主食。呢間小店不設任添湯水，可不要（平幾砇），亦可再加錢再添。主食則有紅米飯，紅米薑飯，粥。第一次先要左粥，見到有用少少腐竹同冬菇煮。回到座位，阿姐已經拎住餸菜同湯水嚟。謝過後，忍吾住立即試試：新鮮時菜：本人慣食少油菜，因此覺得略為油膩。豆角鮮菇：同樣為蔬菜，但明顯較生菜少油，菇則是雞脾菇。西芹什錦：本身吾知什錦有素肉，但幸好數量不多，且素火腿添加嘅味道不太濃，感覺不錯。梅菜蒸素脯：吾太清楚咩係素脯，上網查先知即係豆酥／素干貝。食落冇咩特別，亦食吾出。老黃瓜湯：非常足料，完全冇味清，亦有不少食客願加錢再添。之後再添左少少薑飯試試，明顯見到飯中散佈着微小嘅薑粒，吾太重辣味，微微薑香，好味。但見粒粒油亮，相信混左D熟油，因此不敢多吃，再添了碗粥。見到有食客加錢要咸蛋，更有人要左兩隻’加餸’，幾受歡迎。食飽飽，便比錢埋單。店員毫不憂心食客走數，收了錢就留下一個微笑同一句謝謝，然後繼續佢嘅忙碌。…Read More

馬鞍山素食選擇不多, 全素食嘅就只有呢間 （吾計超市嘅齋鹵味）。據網上所講，呢間連鎖式嘅多賣素食店本有4間分店，分佈九龍同沙田沿線嘅地鐵店/商場，但都'做吾住'，得番呢一間。佢哋仲有網址，Facebook，同電話Apps，可見創辦人嘅熱血。可惜香港人飲食習慣依然有一大進步空間，就算食，都係食染色染水嘅齋鹵味當小食，素食巿場仲係好細，但願Green Monday等活動更廣為人知，多綠色飲食。廢話別說，今日早午餐都去左支持佢地：咁日買落擺雪櫃，今朝整返熱當早餐。都Okay嘅。我較鐘意清淡嘅羅漢齋，所以好滿足 只係$20砇，飯盒可再用，真係好抵食。 　店員更善意問我夠吾夠食，可加$5 可轉大盒裝。但對我嚟講，細盒都好足夠啦。佢亦幫我番熱，令本身溫熱嘅餸飯更為熱辣辣~以後都會多幫襯佢哋溉羅漢齋，真係好正。除左呢D，仲有其它素點心，素肉，同包點。試過佢哋嘅馬拉糕，吾油，不錯。大家係馬鞍山買飯嘅，不仿支持一下。平靚正，實在難得！ …Read More

睇到網上食評話呢到D素叉燒好正，呢排又需要係九龍灣轉車，一於嚟試試。可惜我睇ｄ吾睇ｄ，吾知禮拜二吾開，撞左板。唯有去隔離，同樣都係愛家嘅麵包店＋超巿行下。為左令自己吾好咁失望，因此買左兩個飽飽：網上不少人劣評愛家嘅麵飽，但我認為以素食飽嚟講吾錯，冇蛋冇奶，效果仍不錯，只係較清淡，＂重口味＂嘅香港人可能吾多慣。麵粉質素高，密度高但極軟，用天然酵母，冇加化學物。個個獨立包好，列明哂D材料，睇得出好有誠意，有heart。比錢時更見到負責人因不滿有麵飽包裝不好（其實只係該麵包嘅小小醬料拈到包裝袋嘅內面），善意地要求員工改善。個人認為價錢適中，與坊間高質素的麵飽店差吾多，可以一試。（但吾好其望會好有’味’，主要係純樸優質麵粉香氣）之後再嚟，終於可以試叉燒豆腐扒飯啦～網友講得啱，睇落好大碟，但實質中等size，對我嚟講啱啱好。加左幾砇轉湯，吾錯。佢哋仲有好多素食可揀，更有西式甜品/沙律，若$20～。不過我就對喇沙湯麵同黃金扒有興趣多D，下次一於試下。店內有播投射住有關保護動物短片，內容冇血腥/宗教成份，且冇聲，令人接受。題外話：我去當日好多人，特別係後生嘅打工仔。全場就只有一張四人枱有三個吉位，相信係因為坐住左位外國女士，最後我坐底左先有人行嚟問有冇位。大家不仿勇敢ｄ（其實個位女士好nice）…Read More

呢幾排出開香港島，晏奏自然係埋個邊食。甘香齊有2間分店，1間係北角，1間就係鰂魚涌。兩間都主要提供’任點任食中午套餐’，可添紅米飯，添老火湯，但個人就較愛鰂魚涌。呢間甘香齊有別以鰂魚涌，價錢平$2砇，可以揀二餸餐$35，但可以好似鰂魚涌咁自助任斟紅米飯/炒粉/炒麵/白粥/老火湯／凍豆漿任飲，添飯添湯需問廚房。呢間亦較細，有時要等位，可能會堆滿買外賣嘅上班一族。2間甘香齊嘅餸菜差吾多，都係大大碟餸，最抵讚係D湯好足料，清甜好飲（有人會剩要碗渣當餸）。但略熑芡汁過多，落較多生粉，所以少叫有汁餸菜為妙。送上兩日嘅午餐：$40 砇有得找，係港島區算抵食。北角呢間位於新開嘅素食主意 Sooo Vegi後面，但似乎生意冇影響，各得其樂。…Read More

呢幾排出開香港島，晏奏自然係埋個邊食。甘香齊有2間分店，1間係北角，1間就係鰂魚涌。兩間都主要提供’任點任食中午套餐’，可添紅米飯，添老火湯，但個人就較愛鰂魚涌。呢間甘香齊有別以北角，價錢雖貴$2砇，但自助任斟紅米飯/炒粉/炒麵/白粥/老火湯，有時仲有凍豆漿任飲添，而北角就吾係自助啦（不過可以揀二餸餐$35)。而且呢間較寬闊同少人，廚房分開一間，因此吾會堆滿買外賣嘅上班一族，舒服D。2間甘香齊嘅餸菜差吾多，都係大大碟餸，最抵讚係D湯好足料，清甜好飲（有人會剩要碗渣當餸）。但略熑芡汁過多，落較多生粉，所以少叫有汁餸菜為妙。送上兩日嘅午餐：$40 砇有得找，係港島區算抵食。鰂魚涌呢間位於窄巷，有能會有D難揾。…Read More

周未又留係難以"揾食"嘅馬鞍山，正唸住去大快活食午餐之際，突然醒起呢到有素食，即刻去試試~呢間近巿中心嘅葷食茶餐廰細細間，大約容納到15人，但幾多人等外賣。Openrice 就味有顯示呢到有素食。喊左‘清淡素飯三餸餐'，有不同嘅蔬菜同素肉揀，我就叫左冬菇、金菇同豆腐。味道清淡，冇落味精，餸汁極少，又少鹽油，只有單純嘅蔬菜清甜味，不過我就超滿足啦 (本人吾like出面茶餐廰個D又油又咸又多粉嘅汁)。因多人等左近10分鐘，但飯餸熱辣辣，跟熱飲都只係$35，超開心~ 只係太多飯啦...可能因為附近多司機大哥，食到我好滿足。下次一定叫佢少飯。佢哋仲有‘三餸湯飯/湯麵餐' $40，跟送熱飮，可選湯底 (清湯，蕃茄∕香莤皮蛋湯底 +$2)，38種配料有約10種為素食，然後再揀一款時菜同一款主食 (飯另上)。好多人都係食呢個，而且佢哋比嘅餸菜 (特別係蔬菜) 絕不吝嗇，眼見各位個個一大碗"綠色"。相信湯底落足料，因我完全嗅到隔離食客碗湯嘅芫莤味，佢仲"飲勝"添！好開心發掘到呢間食店，深信會成為我日後去自修室嘅飯堂。各位入嚟馬鞍山，又想簡簡單單嘅，不仿一試。…Read More