雞蛋六隻's Profile

老早就開始留意green common呢間素食餐廳，奈何身邊另一半是個不折不扣的食肉獸，所以遲遲未試。但呢晚提議食green common，佢又okay喎！咁就快啲試下啦見佢餐牌有二人餐，但入面既食物唔係好岩口味，於是都係決定散嗌。（最後發現呢排散嗌有折勁抵！）先來一個雜菜湯，仲以為無肉會好淡好無味，但係清清地係出乎意料地好飲！係飲完想嗌多個咁好飲！平日鍾意飲雜菜湯既人不妨試試，高度推介之後黎既係新豬肉排椒麻涼麵同埋鮮雜莓沙冰。第一次食新豬肉，可能係炸過既關係，口感非常之酥脆香口，味道我覺得唔似豬肉，反而有啲似芋頭魚，剛好我本人非常之咁鍾意食芋頭魚，所以食得好開心椒麻麵既味道同坊間買到既拌麵差唔多，好味鮮雜莓沙冰十分足料，飲一啖成口都係莓莓莓莓莓！未來漢堡Deluxe望落有啲寡，但食落係有晒漢堡比到你既所有口感，只係無肉味，就好似飲紅色可樂同黑色可樂既分別炒雜菜係一啲都冇泰式既味道，但味道都唔錯幾好食同埋晚餐點都要有碟菜食下既～* * *總結，呢一餐係令我喜出望外既，連食肉獸都沒有怨言環境方面，枱與枱之間既空間好足夠，亦都有膠板隔住，令食客食得安心又放心，店員亦都非常之有禮熱心友善，我覺得可以成為恆常既食素之選！:)（最近散嗌既價錢有大幅折扣，免費做會員有折，大家快啲試試！）P.S. 餐廳連住旁邊有個賣環保用品同素食食材既空間，方便客人又食又買…Read More

今晚約好和朋友相聚，又揀左我地既最愛，食雞煲火鍋好彩預早book定位，去到就唔駛等～坐低睇吓餐牌先～分別有任食配料同埋追加收費配料～嗌定個雞煲等佢慢慢煮下先～店員放低雞煲既時候有提醒過，煮緊既途中要開蓋炒炒佢，味道均勻啲又唔會黐底，但我地掛住傾計無左回事，好彩店員一直留意住行過黎幫手食得啦～個樣係相當唔錯，件件雞都大大件好好肉地，雞煲既雞件都係任食架好惹味，但BB辣真係唔太辣，下次會醒目嗌辣啲～～另外仲包左碟炸鮑魚同刺身拼盤，兩碟都好味，有點驚喜食完雞煲就黎到火鍋既環節原來呢度唔係加湯落食完既雞煲度，係另外上一個湯底！太好啦無咁油呀～嗌左最經典既芫荽皮蛋湯～湯底味道略嫌淡味左少少～呢度見到咁多餸全部都係套餐包埋架（仲有啲前菜配菜唔記得影sorly）～肉類同海鮮全部都相當正路有水準，兩個蝦滑墨魚滑好新鮮彈牙要追加添呀！* * *總括而言，套餐包左嘅份量已經相當足夠，仲要可以任飲，食材亦都好新鮮，大滿足呀～唯一有個地方想講下係啲枱擺得太近啦，實在有啲迫夾～我係會encore架！…Read More

食過錦麗幾次，一直都好鍾意佢個牛丸粉，可以話係一試難忘，早排忍唔住又再去食下錦麗牛丸粉$60牛丸充滿肉汁又彈牙，仲有少少筋，好有咬口，真係會食過返尋味！錦麗綜合粉$66一碗有齊晒生牛肉熟牛肉同牛丸，滿足你三個願望，生牛肉記得要放喺碗底淥熟佢，熟牛肉就係淋淋地既牛腩咁，好惹味法式牛油雞翼$40好香牛油同蒜蓉味，又脆又香口，係正既大蝦扎肉米紙卷$30呢度嘅米紙卷同魚露都同越南食到嘅味道相當接近，好味每碗河粉都會附上一小杯芽菜香葉青檸同辣椒，一定要落晒先夠風味～…Read More

行到慧安園呢頭拎網購貨品，順手係度買啲野食啦～朋友推介呢間街坊小店，話佢煎餃好食，作為韭菜餃既狂熱粉絲一定要試試店面好細一眼睇晒，一定要外賣～所有餃子都係即叫即整，老闆娘係店內一直密密包無停手，老闆就係爐頭收到柯打就即刻整比你～煎餃$14/5隻、$27/10隻，心大心細唔知揀多定少好，結果都係買左十隻先，免得唔夠食就後悔莫及拎到返去都仲係熱辣辣～～～外皮煙煙韌韌又脆脆地幾好咬口，入面食落有紅蘿蔔白蘿蔔同韭菜做餡，十隻係剛剛夠喉…Read More

早有聽聞銀杏館係一間支持長者就業嘅香港社企，早排適逢母親節，媽媽提議近近地幫襯下銀杏館，試試佢地嘅家常小菜，媽媽叫到咁一定要成家一齊去支持下餐廳位於大本營天台花園，媽媽話室外座位幾靚幾好坐，但可惜當晚天公不造美，落著毛毛細雨，唯有改坐室內～一行六人不用多想，就叫六人套餐，包各款小菜、田園沙律吧、飲品吧、白飯同養生素湯前菜係麻辣木耳同手拍青瓜伴海蜇，味道比較清淡各款餸菜味道都唔錯，有住家飯嘅味道:)最欣賞係冰梅春蘇骨，酸酸甜甜好開胃；套餐裏面嘅蔬菜比例好足夠，啱晒一家大細黎食；素湯無使用肉類都十分鮮甜～長者侍應服務殷勤細心，仲係咁問我地洗唔洗添飯媽媽食得開心，我地都好滿意…Read More

午餐時間黎想食下茶記，呢間香港地環境算乾乾淨淨，睇下有咩好食先午餐都幾多選擇，入去先慢慢揀叫左個頭抽乾炒M5澳洲和牛炒河粉 $66個名好長好殺食，即係港人至愛乾炒牛河，賣相幾靚，仲用鑊仔上，係咪澳洲和牛我就食唔出，不過真係咸左啲，食晒啲河淨返啲牛，仲要飲多兩杯水夏威夷芝士焗豬扒飯 $55芝士份量足，豬扒碎上方便食，味道正常套餐包野飲，見佢個蛋白奶茶好似好正好滑，一於試試蛋白奶茶飲落茶底太濃有啲苦澀，奶茶唔夠滑，而且同蛋白唔係好夾，小伏要加番包糖中和下下次都係踏實啲要返杯檸茶檸水就算埋單送上9折券～呢個價錢OK啦～…Read More

Lunchtime突然想食咖哩飯，就諗起辛味屋，食過其他分店都係正路之選新裝修夠光鮮，又坐得幾舒服炸雞塊奄列咖喱飯（午餐） $58呢個咖喱飯已經食過幾次，雞塊唔會炸得太乾，仲幾淋，之前幾次都好滿意，但今次咸左少少，奄列蛋皮夠嫩滑，唔會死死實實燒雞扒奄列咖喱飯（午餐） $58朋友叫咗燒雞扒，估唔到個雞扒真係有好香嘅燒烤味，個皮燒到焦香夠晒脆口，唔錯喎個咖喱汁仲有少少蔬菜粒$58包埋麵豉湯同粟米粒沙律，仲可以儲印花換coupon，我覺得都幾抵食…Read More

朋友係元気會員，係App收到特選會員極上優惠free coupon，馬上手刀衝去食左佢啦珍寶赤海蝦迷你飯赤海蝦夠晒大隻，壽司飯上面仲有飛魚子同幾粒元貝，絕無欺場炙燒龍蝦芝士醬白蝦壽司（左）辛辣芝味海鮮卷（右）兩款都唔錯，右邊海鮮卷上面係燒熟左嘅蔥絲好香口啊另外叫咗個午餐定食壽司不過不失，但炸蝦卷唔脆，有點可惜午餐除咗有上面嘅壽司仲包左麵豉湯同青瓜蟹子沙律，圖中仲有另外叫嘅海膽軍艦同埋蟹肉蟹膏軍艦蟹味十足！…Read More

下午茶時間來到新都城唔知食乜好，行過呢間泰國嘢見平平地不如試試見冇咩胃口不如叫個酸酸甜甜嘅泰式鳳爪啦，$38仲要包嘢飲！黎到見到鳳爪個份量真係超出預期咁多，而且味道正常無伏，相當抵食但春卷放喺鳳爪旁邊，比啲汁浸到個底淋左一半，如果分開上就更好啦:(…Read More

旅遊回港同朋友近近地黎Riverside Grill食個晚餐，呢間餐廳晚晚都好full，無book位來碰運氣多數只可失望而回，除非好似我地今次早早係傍晚6點零黎到就成功入座啦～:)出面嘅座位望落都幾舒服，個景又靚，但係因為夜晚有啲熱，都係揀返坐室內好啲叫左個墨西哥脆片做前菜$130脆片表面鋪滿芝士，仲有齊酸忌廉、番茄莎莎同埋牛油果醬，好味但脆片似係doritos咁本身已經好濃味，整體黎講就會比較咸，用無調味脆片會更加合適羊羊冧扒$20812安士肉眼扒$21810安士菲力牛扒 $228全部扒類都係叫咗medium rare，外層燒出網紋，煎封左表面，入面粉紅色仲有少少血水，剛剛好各款伴菜都中規中矩啦，最滿意係羊扒嘅焗薯仔蔬菜有晒鹽同黑胡椒調味滿意既一餐…Read More

芽莊開左一排，經過左幾次見佢裝修幾靚都想試試，今日行過見無人就入去食個late lunch!餐牌有各式湯粉撈檬小食飲品選擇，仲附上食物圖片，樣樣都好吸引！兩個人唔食得太多，嗌住幾樣試吓先～燒牛肉撈檬$68呢個燒牛肉撈檬就咁睇樣好似乾乾地有啲柴皮，但一咬落口就不得了，好淋好juicy，食落口係滑滑既好好味再來係一個脆皮蝦卷撈檬$58呢個又係有驚喜，本身以為佢會係好似啲粉面店既春卷咁係實心既，點知原來係好似腐皮同蝦膠一層一層咁包住再去炸，外皮非常鬆脆香口又夠熱記得要食快啲，唔係比啲檬粉浸到淋晒就無咁脆口架啦牛油雞翼$48黎到已經飄來陣陣香味，又脆又夠熱，一咬直頭係牛油香爆炸，鍾意牛油味必試越式滴漏咖啡$42香濃好味唔會苦，相當滿意但以上圖未飲過黎講份量未免少咗啲啲…Read More

新左一排既四季良晨係午飯時間已經唔駛再大排長龍，上次食過印象好好，環境靚又坐得舒服，食物質素亦都相當唔錯，今次再嚟試吓其他嘢先！環境係無得彈，細節位好有心思，賞心悅目餐牌有麵食米飯小吃，仲有各款台式飲品～鹽酥排骨滷肉飯$58跟蒜蓉手拍青瓜作為前菜，鹽酥排骨係冇骨架，比較似係炸豬柳，夠脆口，肉質唔錯又夠淋，配上千島醬不錯～4 / 5麻辣牛肚麵$51上次食咗紅燒牛肉麵，今次就試吓麻辣味湯底啦～黎到見到咁多牛肚真係有驚喜！全部網肚夠晒爽口又入味！麻辣麵竟然係紅燒湯底另外比麻辣醬你自己加，但估唔到加咗落去又好夾好好味喎！比自己調節辣度都唔錯呀，今次加晒成碟仔都唔係好夠添，下次可以再加辣！4 / 5另外加咗$6加上湯浸時菜平時我都唔係好食小棠菜，但呢次細細棵好鮮甜又索晒啲上湯好好味呀！呢度環境靚、坐得舒服、食物好味、價錢相宜，可以一試再試…Read More

今晚過左黎調景嶺買野，順便係呢頭食個簡單晚飯啦，茶餐廳絕對係平靚正之選餐館原來屬銀龍集團旗下，入到去即刻就有位唔駛等，仲有卡位坐好鬆動～諗緊食咩之際，侍應推介可樂餐！睇過～原來係三款野食跟餐送可樂～OK! 就叫佢～乾炒牛河$58陣鑊氣離遠都聞到，河粉條條分明色澤均勻，有例牌九黃芽菜洋蔥做配菜，牛肉入味唔會韌，味道唔錯，份量充足！魚香茄子飯$54食得出有少少咸魚粒粒，幾香，全部茄子都煮到熟透夠晒淋，味道中規中矩，如果茄子份量再多啲就更好啦～送埋可樂兩罐就剛剛好…Read More

今日適逢係一個小小紀念日，預早book左黎La Postre食個晚餐我地係最早到既客人，店員安排左我地坐梳化角落位，自成一角，岩晒傾計坐低之後店員就放低餐牌同幫我地斟水，揀左一陣就決定好要食咩啦～啤酒海鮮火鍋$368店員送來一盤五款海鮮，分別有螺肉蟹鉗蜆肉大蝦同帶子，仲有一小碟混合左蒜蓉sour cream同辣辣地嘅醬汁～同埋一壺啤酒湯，我地揀左番茄忌廉味，賣相好吸引！仲附上小杯比我地之後飲返個海鮮湯～海鮮方面，螺肉最鮮甜，其他都唔錯，但蟹鉗就有啲雪味，最好配返個醬汁黎食～4/5個湯充滿濃濃既海鮮同番茄味黑松露薯條$68薯條新鮮炸起又熱又脆，黑松露醬可以再濃啲4/5安格斯牛扒配芝士煙肉焗薯皮$268五成熟牛扒剛剛好，可以沾海鹽或者芥辣～沙律菜配上甜甜地既黑醋好好味～焗薯皮夠香口～4/5咖啡味麻糬窩夫$108窩夫口感好得意，煙煙韌韌，上面有粒粒brownie同棉花糖，仲有一球咖啡雪糕附送既一小杯baileys影唔到添～臨尾店員問我地可唔可以幫手做個小問卷，當然無問題啦～贈送左個小小cream brûlée，水準一啲都唔差架～* * *呢度環境好舒服，燈光柔和，空間寬闊又唔會迫～最值得一讚係呢度既店員都好好服務，而且友善親切，全晚一見到我地飲晒杯水就埋黎斟，完全唔駛開聲問，好細心…Read More

新都城二期既食肆開完一間又一間，多咗好多新選擇～沙嗲王就係其中之一，新張期間日日都大排長龍，客多侍應少，根本做都做唔切。呢幾日見佢終於唔駛點排隊，可以去尋找熟悉的味道啦！其實餐牌都唔駛睇，我同朋友一坐底打個眼色已經知要點咩，鎖定目標！黎啦黎啦賣飛佛，經典白咖喱豬扒飯$59 包飲品好耐無食啦，白咖哩水準依然，香濃又creamy，三大件豬扒好有香茅味，淋身得黎口感鬆化，大大碟飯都食到清晒碟，極邪惡5/5飯後配上提神即磨咖啡同奶茶，令呢個午餐更加完滿:)…Read More