Candy.L's Profile

今日同同事食呢間喺太子都幾出名嘅海南雞飯！海南雞，雞皮鮮黃油亮，食落滑捋捋，雞肉嫩滑雞味濃，仲有肉汁，夠哂鮮味。油飯有少少乾蔥，所以非常香口，油飯粒粒分明又有咬口。仲有三色醬汁:記得先食薑蓉，保留原味。薑蓉帶住清新辛香，辟走少少油膩，昇華咗雞嘅肉香，；第二再食酸辣醬，非常鮮辣，酸酸哋好開胃，第三撈埋黑醬油，甜甜哋濃香醬油味平衡返酸味對味蕾嘅衝擊感，撈埋雞油飯食簡直停唔到口！最後收尾飲返個雞雜冬瓜湯，清淡鮮甜。凍奶茶！茶味夠濃又唔澀，奶泡好有口感，茶奶比例適中。上菜速度又快，一落單， 2分鐘就到，快過火箭！但係中午就好多人排隊，最少排10分鐘先有得食！…Read More

今次食太子呢間，水準算係穩陣，上餐速度超快，幾分鐘就有。咖喱吉列豬扒飯：吉列皮夠脆身，唔會淋哂，豬扒肉汁都keep到唔算乾；咖喱汁有洋蔥粒、薯仔粒、唔辣，薯仔粒可以大粒返少少就更好。撈飯一流，但香料味冇咁重，合格水準。豬扒喇沙米線：湯底椰香夠濃，辣度溫和帶少少辛香，配料嘅豬扒煎得香口，油豆腐吸晒湯汁幾入味；，不過整體唔算特別濃郁，但一定唔夠隔籬嗰間蘇山雞飯咁好食• 蔥油豬扒煎蛋飯：豬扒煎到邊位微焦，肉質嫩又juicy，蔥油撈法；撈埋荷包蛋一流。整體嚟講，性價比夠高，返工趕時間食飯算係唔錯，六十零蚊，兩大塊豬扒算幾抵食。…Read More

紹興蝦蓉意大利雲吞（SHAOXING HAA JUNG RAVIOLI）將中式紹興風韻的蝦蓉細膩包裹於意式雲吞皮中。入口鮮嫩彈滑，中西合璧創意融合。香草番茄醬青口（Mussels Cocotte）新鮮青口，以辣椒與大蒜爆炒出香氣基底，再加入酸甜醒胃的番茄醬慢燉。青口充滿了蒜香、辣意與茄汁的鮮美，一啖落肚，鮮辣滋味直衝味蕾，教人食慾大開。意式辣肉貓耳朵面（Orecchiette Nduja）Q彈爽滑的「貓耳朵」麵身，是南部意大利的經典形態。拌上惹味的辣味肉腸醬（Nduja），再點綴幾顆酸甜多汁的小番茄，每一口都充滿飽滿的南意風情，層次豐富得令人驚喜。經典牛肉千層面（Lasagna Classica）無疑是肉食爱好者的至愛之選。濃郁的牛肉肉醬（Ragu）、絲滑的香濃白醬（Bechamel）與鹹香的帕瑪森芝士，一層層細心鋪疊，經過焗烤後，芝士融化滲入每個縫隙，奶香四溢，口感厚實綿密。黑胡椒芝士手工圓麵粗壯的手工圓面，均勻裹滿佩科里諾芝士與現磨黑胡椒，芝士的鹹香與胡椒的辛香完美融合，每一口都夠晒「惹味」，素食者也能品嘗到意式風味的精髓。慢煮牛面頰寬帶面（Pappardelle Beef Cheek）這道菜的精髓，全在那塊慢炖了8小時的牛面頰肉。火候足夠，肉質變得酥爛無比，入口即化，鮮美的肉汁盡數鎖在纖維之中。寬扁的帶面能充分裹住濃郁肉汁，每一口都是肉香與麵香的極致交融。遺憾嘅係，有啲意粉壓得唔夠釋放唔到麩質，有啲意粉係爽口，缺乏韌性。…Read More