terriron's Profile

係附近食完加藤屋牛肉飯，再搵糖水食🤭 朋友之前食過話好食，就試下！入到去環境好舊式但好乾淨，好多人入嚟都好似食咗好多次咁，已經知道晒架步😂 我見到餐牌有椰汁香芋西米露，21蚊，都唔係話好大期望，不過因為我都好鍾意食香芋西米露，所以就試吓，朋友就食哈密瓜西米露。一上枱已經見到好大碗，食第一啖就知道好足料！唔係講笑，平時食嗰啲都好稀，呢一個就係將香芋打碎晒，再撈埋椰汁同西米露，仲要有幾粒香芋好好咬口，真係食過最好食嘅香芋西米露！下次一定會再嚟🤤🤤🤤…Read More

聖誕節同屋企人食中餐先唔會俾人呃😂因為都係住東九龍嘅關係，知道呢度開咗間新嘅酒樓就帶屋企人嚟試吓😃喺尖沙咀過去一落車上4樓就到，酒樓空間好大，仲要分開兩個唔同位置，好光猛好闊落。我哋六個人坐咗張圓枱，個姐姐仲俾我哋揀位添，一坐低有好多個餐牌可以選擇，都真係有啲選擇困難症，因為好似所有嘢都好好食😂 諗咗一陣之後有個部長就過嚟介紹一個六人餐好抵食，1688，6人餐，因為平時自己食開酒樓，啲餐都覺得好求其，所以有少少無信心，但係因為我屋企人都比較肚餓，所以就決定相信個部長😂 好快就嚟第一度送乳豬仔，勁大，個皮好脆，食落去唔係淨係得肥膏有乳豬肉，跟住之後就有龍蝦伊麵，唔同出邊啲酒樓啲龍蝦好入味，伊麵個汁都真心好食！然之後就有大班兩味，炒蚌，花膠海皇翅，鮑魚冬菇，燒雞，炒飯，仲有糕點！每個人280包埋加一茶芥，真心抵食啲嘢仲真係有質素！…Read More

之前食過一次有啲回味，近排收工對面有巴士直到荔枝角站，點都要落車去買黎食我今次食左個明太子干貝飯團，個明太子醬真係無得頂，仲要好多醬，滿哂成個飯團，餐肉同玉子又係好夾，好似平時食餐肉蛋治，但而家係飯團形式，加埋一齊真係好滿足好飽肚😃另外飲品方面，抹茶豆漿又係好好味，唔假，真係有抹茶味道同好濃。65蚊加埋可樂餅同豆漿，真係ok架！😃😃…Read More

真心推介的，真正泰國人handle 😃每次去葵芳都會去買外賣，係無堂食，但真係好好食，由期係呢飯，粒粒分明，仲有椰香味$48一盒海南雞飯，可以叫多飯，不用加錢😉 相中有一盒加$10轉雞脾，另外加左蝦餅全份$48，同埋加左2串小食，$10串，春卷同雞卷🤭 飯真係好夠份量好好食！😋…Read More

約左朋友7點半係大坑食飯，自己早到左成個中，知道大坑好多酒bar，初初唸住搵間happy hour的，點知好多都係買一送一，雖然都係好扺，不過一個中真係好難飲到二杯紅酒嘅。。😅行行下都行左好多個街口，唸住平時無乜機會咁慢行，就行左入去街口入啲，點知就見到呢間coffee shop，一眼睇哂，岀面有二，三個位，入到去好簡單的舖頭，但整體黎講配合埋啲音樂真係不錯。。😀我都唸左一陣，選擇了Ice Americano，$35價錢好合理，跟住因為太多時間了，就坐低左係入面一個位。。我飲左第一啖之後，我就知道我無選擇錯誤，呢間咖啡堅唔錯！🤤🤤 冲咖啡比我個女仔仲望住我問我係咪太濃Tim！好細心好留意客人反應(可能得我一個😂) 跟住我就話比佢聽，我係好欣賞佢個濃度，我飲完停左係因為我無唸過咁有咖啡味😳，因為ice americano都係通常2 shot咖啡再架熱水再加冰，所以會變到好淡，所以我平時係S字頭咖啡店都係要3 shot的啊！😅 跟住女仔話我知用左意大利咖啡豆！我又學多樣嘢啦😃😃我坐坐下都坐左45分鐘，我一定會再黎！❤️…Read More

今日紅日，同2個女仔朋友按完摩突然間好想食自助餐，打左幾間都有位，不過呢間就之前試過，又知道做緊蟹類的食物，所以一試！打左去問，8點半個輪有位，openrice做緊二人同行7折好扺，折左480元一個，不過因為我地三個人，第三個要收返正價，為返起540元一個，價錢都接受到。講返食物方面，我同朋有都真係好少可會食咁多生嘢，因為啲海鮮好新鮮，由其係生蠔同長腳蟹！今晚有三款蠔，全部都有試，新鮮又有海水味，真係幾ok! 我地總共食左27隻😂😂😂😂 魚生方面，三文魚同甜蝦都好新鮮同肥美！另外，熱食方面，值得推介係蟹粥，蒸魚同黃金蝦。雖然熱食不多種類，但整體上都係不錯！最後，甜品方面，最開心的係自制窩夫！有計時器係旁邊，客人自己將溝好的蛋漿倒入個整熱左的窩夫機，再係旁邊加上自己喜歡的糖漿朱古力漿同生果！係有啲不開心，無哂cream🤔整體來說，可以再去，服務態度幾好，好細心不停加水同濕紙巾！…Read More

同朋友係酒店睇完場，朋友話附近有間舖三文魚好食，就行過去一試啦！入到去，舖頭細細地但幾舒服，我地選擇坐bar台，對住煮嘢地方，感覺唔錯。一坐低比較熱，女員工開左冷氣比我地就好好多。之後比menu我地睇，set dinner $138+10%一位，價格不貴，有沙律，花鵰蛋，主菜我地選擇左羊同三文魚，仲加埋一個招牌撈面。跟住到嘢飲啦，原來佢地無水，係要叫嘢飲，本身都唸住叫，只係想飲啖水先，不過都沒有。之後就叫左2杯自制檸檬ginger，一熱一凍，都幾好味。Overall食物不錯，不過女員工態度有少許不好，希望可以改善一下。會再來啊！…Read More

之前應該係唔係呢個位的,應該係新地址,比起之前個到,呢到大好多,冇咁迫呢,不過都係咁好食!!!食之前一定要BOOK位,因為唔係好大,最好坐BAR台呢,因為可以睇清楚師傅整野食的情況呢~因為有個朋友生日,而大家都好鐘意食日本野,不過次次去到D日本野食黎食去都係食個D野,所以今次決定食D唔同D啦,BOOK左8點3,入到去就即刻有位啦,坐係BAR台的最左手邊近門口位就冇咁熱囉,但整體黎講冷氣都OK架~一開始就點左1杯凍烏龍茶同1杯可樂,跟住點左芝士蛋奄列,炒面,牛舌同蝦,,,,再加埋葱燒餅,最後再叫左2杯SAPPORO...真係好好食...一定會再去啊!…Read More