or#Tm66436398's Profile

朋友話呢間晚晚都排長龍。咁岩我又好耐無食過雞煲，就去試下。星期一6點去到walk-in，兩位有位，不過要8點交枱，都ok 啦，夠時間食既💪先上雞煲，雞煲有幾個辣度揀，我唔食得辣，就揀左BB辣（真係有d難為我嗜辣既朋友😅），好彩朋友都話好入味，尤其個花辣味好香。雞煲食曬就上蒸海鮮，海鮮用蒜蓉蒸，味道同新鮮度就不過不失，反而個勝瓜好好味😆拎走雞煲就換邊爐湯，職員建議我地得兩個人，鮮茄薯仔花甲湯底適合d ,清清地可以食到食材鮮味。個湯味道ok，唯一唔得係d花甲有沙既😑套餐內的牛頸脊非常好味，值得一試。其他邊爐配料就自助既，款式都叫多，質量有水準，無投訴👍甜品得一個雪糕櫃仔，得三款選擇，雪米糍仲要得芒果味，我就麻麻地啦😅職員好有禮貌同細心，但記住要準備現金😆食完都無好口渴，下次可以再去。…Read More

本來諗住去12蚊店行下，點知比我見到原來開左係呢度🤭之前都有聽講係台灣好紅，咁岩又唔多人就入去買杯試下。店員妹妹好有禮貌，不過口齒有d不清又細聲，希望會改善🙏第一次飲，叫左日安紅厚奶歐蕾，店員妹妹提議微冰微甜係最好飲，未飲過就緊係信佢啦～😆第一啖好有茶香，奶味適中，個甜味係最尾出現，我個人就覺得甜左小小（畢竟我飲港式奶茶係唔落糖既😅）個茶底好好，所以下次都會再去買。（當然要無糖啦🤣）後話：當我買完就去對面行下12店，行完出黎見到條人龍好長架🤣…Read More

睇到傳單午市放題可以食三個鐘，價錢又合理，同好小見日式放題加泰菜，所以揀左個星期六去試下。日式放題我主力都係食刺身，佢地刺身好新鮮，最驚喜係大大隻珍寶赤蝦，好爽甜。涼菜係自助形式，有我最愛既麻辣魚皮同涼拌海蜇，滿意。泰菜真係即叫即炒，上枱熱辣辣。泰式燒元貝大大隻，估唔到放題都食到呢個水準，好有誠意。我就鐘意鹹蛋黃炒薯條同泰式炒椰菜苗😋朋友話炸雞軟骨好好食，仲食左兩碟，佢話送酒一流。（因為啤酒任飲架～）雪糕有本地品牌cocoberry,一個字“正”❤️係甜品略嫌失色～無一樣吸引，味道都好一般。整體黎講，二百幾蚊又可以食足3個鐘，叫做多野食同多款式揀，下次可以再去💪…Read More

揀呢間係因為近我返工地點，我都係第一次黎咋🤭一入門口就係甜品區，D士多啤梨拿破崙成排擺出黎，好誘人，好似叫我快快食佢咁😆有即叫即做窩夫，配H牌雪糕無得輸。（都可以加煉奶、朱古力醬，如果有花生醬就perfect)長腳蟹我就覺得咸左D。其他凍海鮮（龍蝦、凍蝦、麵包蟹、青口……）味道就一貫酒店水準。每晚都有烹飪表演～富貴雞&鮑魚扣鵝掌。富貴雞環節係會請一位食客幫手扑爛富貴雞既外殼，同食客有d互動啦～鮑魚扣鵝掌就睇廚師點煮，之後可以憑卷出去拎（每人一份），鮑魚雖細，但好入味又有咬口。隔一陣又有即場點火燒火焰雪山，在場小朋友睇到好開心。可能因為場地唔太大，表演時全場都可以參與，氣氛幾好！我覺得最特别係片皮鵝，無錯，係（鵝）唔係（鴨）😆個人覺得都係片皮鴨好食D🤭不過一試無防～仲有鴨肝多士，無錯，係（鴨）唔係（鵝）🤣鴨肝比起鵝肝無咁漏，值得一試👍仲有日本拉麵，可惜太飽試唔到😔以酒店自助餐黎講，雖然場地唔大，但食物種類都叫有九成合我意，下次可以再黎架😊…Read More

睇住由裝修到開張～行過見到門面大大張剁椒魚頭相已經好想試。店面座位坐得舒適，服務員態度很好，有一剎那覺得人在深圳😆因為在坐有人唔食得太辣，所以無叫招牌菜～老壇剁椒魚頭，但在場好多人都有叫，下次要再黎試下💪豆漿一鍋鮮～湯頭鮮甜有淡淡豆香，魚片滑嫩，同豆味好夾梅菜扣肉拼夾饃～看似全肥肉，但真係做到入口即溶又無膩感，仲要唔過咸但有梅菜香，夾饃亦有小小奶香，兩者夾埋天衣無縫👍因為呢度菜，特登叫白飯😆白飯好好食，有日本米既煙韌，又有中國粒既粿粒感，好神奇👍👍👍👍…Read More

睇黎我地都係中伏二人組黎架啦～～睇介紹係台灣好出名，我地就擔粗粗黎試下。揀左$239/90分鐘個餐（湯底另外加錢）,QR CODE 落單，每次可叫6款，7分鐘後至可以再落單～我估原意係唔想客人瘋狂咁叫，之後眼闊肚窄，浪費左食物。不過店員都好好，話如果想叫野食但app未得，可以向佢地order💪最緊要最後係食得晒既🤭但係大家都可以放心，因為食物種類唔多，想亂點亂叫都無從入手😆食物方面不過不失，無乜特别。甜品有3款～都係奶酪底再加調味，我就幾鐘意個奶酪底，質地同味道都岩岩好，黑糖白玉好好味👍飲品種類少亦不見台灣特色😔自助食物區，比起其他任食邊爐真係略嫌失色。可能係我期望太高，所以失望越大😑好彩～所有店員都好好禮貌，上菜快，亦無漏單，睇得出佢地對客人好用心，令今次用餐體驗加分👍呢度我覺得比較適合1至2人黎，太多人聚餐應該無時間食，亦無乜野食😆而呢個價位仲有好多選擇架～～～…Read More

朋友介紹呢間打邊爐，話以前係16樓，依家搬左去11樓，所以想試下水準有無變喎。一行2人，朋友一早講明唔好用任食火鍋既價錢同品質去衡量同比較。😅揀左胡爐醉八鮮鍋（店家極力推介）～用鮮甜龍蝦湯做湯底加八樣海鮮。飲唔出有加味精，完全無咸口既感覺。唔怪得要飲左湯先啦～真係好好飲😊最驚喜係（招牌炸魚皮），粉漿加鹹蛋黃包得薄炸得硊～鹹香鹹香～配啤酒一流👍手工餃都好出色，本身唔係咁鐘意黑松露隻獨特既（石油氣）味，估唔到呢度既（黑松露蟹肉餃）令我知道靚既黑松露係唔會有石油氣味，係好好食架😆下次黎要揾多幾個朋友，2個人試得太小野啦，因為淨係個鍋都好足料，只怪自己肚皮唔夠大啦😅…Read More

因為朋友對素食認知只限宗教，所以想帶朋友開一開素食既眼界～當日約左係油麻地，又睇到YouTube有介紹，所以近近地就揀呢間。一行三人叫左3個餸2款甜品～碟碟都色香味俱全，打破朋友對素菜既固有印象😆第一眼真係唔覺得係素，睇落同聞落都同普通葷菜分别不大。生炒牛崧飯尤其出色～米飯粒粒分明又有嚼勁，值得推薦👍臨尾仲送甜品～紅豆沙。睇食評好多都話服務麻麻，所以都有心理準備，當晚侍應都係一貫港式唔憂做既服務態度啦😅都可接受既🤭…Read More

lunch去食必勝客，叫左焗三文魚帶子意粉，意粉熱騰騰出枱係非常好食，可惜我要係10分鐘內食晒，無辦法細味。因為由落order到出餐，用左35分鐘以上，其間問左一次員工，態度不願置評（明白人手唔夠又係繁忙時間，實無好面色）。諗住QR落單，會令成個用餐時間合理d,起碼唔洗浪費人手每枱落單，但。。。係我太天真了。倒緊意粉入口時，就明白離隔枱點解坐左15分鐘就起身走（餐都無點）,真係後悔點解我仲坐係度呆呆地等～～～如果我唔洗趕住返寫字樓做社畜，又大把時間嘥既，我一定會再去（食物正常）。不過時間寶貴既大家，請三思🙏…Read More

網上睇到評論唔差，K平台又見到有做8折優惠，所以就試下。入坐前職員話2小時用餐，30分鐘前結賬。入坐後另一位職員話用餐時間係1.5小時，同佢講返之前話2小時，佢話搞錯左，係得1.5小時。睇返餐廳晚餐時間係2小時的，可能係K平台買的平價餐，用餐時間係得1.5小時啦，有機係自己大意無留意到～因為食最平既餐，食物種類唔多都預左，質素一般，以折後價黎講無投訴的。服務方面，除左連用餐時間都搞錯之外，都有漏單情况出現。用QR CODE 點左三轉，有兩轉都漏單。會主動幫忙換網都好細心，不過細節不足，兩次都係成個網都放滿肉時話幫忙換網😅如果覺得1.5小時足夠用餐，優惠價後既價錢都可以接受既。不過我就唔會有下次了😊…Read More

依家好多任食既時段都係得90分鐘，咁岩朋友見到呢間有120分鐘，都可以接受就去試下。當日可能算早，一行4人，7點walk in去唔洗等即有位。揀左level 2,無加$30要多個甜品同雪糕。不過同行有一位想加錢飲啤酒，都可以淨係比佢一位加，唔洗全枱加，抵讚。個人覺得邊爐料都係一般個d，牛肉就keep住黎咁多次都好靚。反而台式小食同涼拌，多款及非常岩食，比邊爐料出色好多。飲品有珍珠奶茶我都好鐘意，其他都係一般任食邊爐有既飲品。如果可以食180分鐘就好了。…Read More

上環有好多間手搖飲品店，其實間間既飲品都大同小異，響茶係呢區係我去過既，員工最好最有禮貌既一間。起碼無落錯單、無黑面，所以就算我幾唔順路，我想飲手搖飲時，都會特登行過去幫襯。…Read More

係完全無人排隊下，員工都可以咁唔耐煩，咁無禮貌，真係令我大開眼界，其實呀收錢員小姐，你唔想做可以辭職的。我點左芋泥肉鬆蛋吐司，淨係食到肉鬆同沙律醬既味，一d都食唔出芋泥既味道，有小小失望。整體黎講唔叫難食，但未至於好食到想成日翻食。（加上 貴店員工咁有性格，就算D野好好食都唔會再幫襯）希望 貴店重視員工對客人既態度，由第一句已經想趕我走唔做我生意咁（全程對話都無五句，可能我第一句‘唔該’已經得罪左收錢員小姐），真係好後悔點左餐。…Read More