eatingonaboat的個人專頁

星期日去食啦，1點20分到。1:35 入座，1:40 order, 叫左chicken pizza and Parma ham pasta, pasta 好快到，5分鐘內。好香，但味道一般。問題就係我地食完pasta，份pizza仲未到，最後等左半個鐘。以為可以食啦，一來到塊餅切到鬼五馬六感。薄餅邊唔脆。失望Overall very average at best. 快餐店係咁知道你忙，但係唔好咁求其好唔好。環境搭救，大家唔介意味道的話，呢間適合醫肚…查看更多

喺附近探親，諗住去試呢間網上都幾出名嘅bagel, 見到佢排長龍我都係等。等咗半個鐘差唔多到隊頭嘅時候，職員同我前面嗰個人講 bagel 要再等多半個鐘。.其實係咪可以有責任啲？知道bagel唔夠就唔好叫人去排隊或者叫人有啲心理準備，而唔係等到差唔多有得嗌嘢食嘅時候先至同我哋講要再等多半個鐘。.你哋啲時間就係時間，我哋啲時間就係垃圾？我唔理你啲嘢食有幾好食，不過我覺得你哋連最基本嘅待人處事嘅方式都唔得嘅時候，我試來仲有咩意思？.以後每次經過唔會諗起你哋三文治有幾靚，條隊有幾長，而係你哋喺度氹班客排隊 knowing well that you don’t have any bagels left in stock. …查看更多

最近出咗糧，終於有機會試雲壽司，嗌咗個二人餐，食物包括每人六款壽司，三款魚生，鰻魚飯（細碗），同埋吞拿魚茸飯。.兩個人食，有師傅喺面前握壽司俾我哋，衝擊我哋味覺同視覺，令我哋有雙重享受，由於我哋一開門就到，所以我地有10-15分鐘係餐廳入邊唯一嘅客人。.推介佢哋嘅油甘魚壽司，同埋海膽軍艦。兩個都係我覺得特別好食嘅嘢，仲有佢兩個飯都好好食。.唔會逐件壽司講，但係整體來講，佢哋用嘅食材好新鮮，唔會有雪味，同埋都係即叫即整，衛生情況亦都好好。如果有咩特別慶祝節日或者想普通食餐飯都可以嚟雲壽司！…查看更多

同屋企人食飯，好耐冇出過去，所以就嚟咗呢度食啲家常小菜。.我哋叫咗生炒骨，滑蛋牛肉煎米線，椒鹽鮮魷同埋上湯蜆肉。.講真有啲耐冇食過呢啲餸都唔知點樣評價，首先講吓生炒骨，醬汁唔酸，少甜，炸豬肉又炸得好好，整體來講真係好好食.椒鹽鮮魷，炸得非常好，唯獨是本人感覺有少少鹹，不過係接受到嘅，總括嚟講都係非常唔錯.滑蛋牛肉煎米線，滑蛋汁唔會令到塊面餅林晒，牛肉亦好嫩滑，未食過煎米粉，食完有驚喜。好好食.上湯蜆肉，保持一貫水準，洗得乾淨冇沙。另一個值得推介嘅餸菜…查看更多

好耐冇去旅行，行尖東海旁見到呢一間有外國風情嘅咖啡店，有幾位外國人坐咗喺餐廳外面嘆緊咖啡，就入咗去探索一下.我哋嗌咗個三文魚牛油果早餐，再加上一個scone.細食到我哋食完都已經好飽，不得不講佢哋嘅麵包產品都真係好好食，真係見到佢哋用心整，配上佢哋有嘅almond butter。呢個配搭真係絕配..早餐配上一個yogurt， 入邊有啲健康嘅oats, mix 埋一齊真係唔錯。.喺海旁行吓，行到攰就可以入嚟嘆杯咖啡，享受模擬外國生活…查看更多

兩個人去食大排檔，叫咗個通菜，炒蜆，炸蠔餅。每樣餸菜都好大份，所以兩個人食其實唔係好抵，亦都唔會食到好多嘢。但係嘢食嘅水準好高.首先嗰個炒蜆，唔會話殼多個肉，調味亦都非常唔錯，容易入口唔會太辣.通菜方面，菜洗得好乾淨，冇沙，調味亦都非常好，同泰式菜館有得比。.蠔餅，感覺好趣，少熱氣。但係又炸得好好食，唯一唔好嘅就係覺得入邊有好少蠔粒，同埋有啲食空氣嘅感覺。.最後都嗌咗支啤酒，配上餸菜真係一流，整體來講值得推介去試吓…查看更多

九個人去食pizza 係一種咩嘅體驗，今日來到pizza project 食晏，印象中，午市有六款唔同嘅Pizza，咁當然我哋就嗌晒所有嘅Pizza啦。.由於太多唔同款式我都唔介紹所有，最好食嘅就係carbonara pizza，有火腿有蛋有芝士，係必叫嘅。如果係食齋嘅，佢哋都有一個蕃茄芝士pizza，同樣都係好好食。.頭盤有三款俾你選擇，我自己就食咗個三文魚沙律，但係唔記得影相。但係嚟到最主要都唔係食頭盤..甜品方面，tiramisu 100分，係我喺香港食咁多tiramisu 入面最好食嘅。真心極力推介…查看更多

睇來我同我啲同事都好鍾意食酸菜魚，介紹過幾間。不過酸菜魚來講，呢一間算係最好食嘅一間，個湯底唔太辣，酸菜酸度啱啱好，魚肉都好滑，仲要加咗午餐肉上去，真係食過返尋味。.酸菜魚湯底，好飲到攞嚟撈飯，食到差唔多成個湯底都飲晒。酸菜配上魚，同埋其他配菜，嗰個味道簡直冇得頂，如果對酸菜魚亦都開始改觀。令到我好想尋求其他酸菜魚。.小食方面嗌咗個皮蛋，手撕雞，兩個嘅麻辣程度啱啱好，唔會好辣，亦都冇搶走食物嘅味道。如果你喺尖沙咀嘅話不妨去試吓！.食咗咁多酸菜魚發現，多人去食先會越抵食…查看更多

呢間係我幫襯左都一段時間嘅日本餐廳，平時都係食佢嘅午市定食，呢個櫻花角切魚生飯，都算係成間餐廳最抵食嘅一樣嘢，佢係將嗰啲魚頭魚尾設成一粒粒然後配上魚生飯俾你。所以其實你會識到好多種唔同嘅魚，同埋佢哋唔同嘅鮮味.其實每次都會嚟呢度食同一樣嘢，但係以佢哋嘅水準，我都深信其他嘢食都一樣咁好食。.分量方面，食完係會覺得飽，睇情況有時佢會冇晒呢一個飯，因為切得唔夠多魚。但我就好好彩每次一開門就去所以就有呢個飯食。如果你唔想排隊或者冇得食你想食嘅嘢就記得早啲去！…查看更多

成日都排隊嘅姚姚酸菜魚，終於有幸去食。果然冇令我失望。酸菜魚自由餸菜配搭，唔食得辣嘅你仲有個蕃茄湯底魚。不過最主要都係啲小食。佢哋嘅炸雞，雞軟骨，炸腸，油炸鬼同埋最好食嘅係佢哋嘅糖水.首先講吓啲酸菜魚，酸菜夠酸，湯底叫咗小辣，唔食得辣嘅我呢個配搭就啱啱好。啲魚肉嫩，冇骨，容易入口，都係叫做比較好食嘅.要推介嘅小食實在太多啦，如果兩三個人嘅話就真係唔好嗌咁多，因為對我來講份量都有啲多，不過每一款小食都好好食。小食方面就可能要你哋自己去發掘啦！不過以上講嗰啲小食我都會極力推介。自己試過之後就會知道點解！…查看更多

去staycation，順便去酒店餐廳食飯。其實都算好彩，因為嗰日打8號風球，足不出戶嘅我哋就選擇咗去Cruise 呢間多國菜食飯。.叫咗一個印度咖喱，飛天通菜，同埋Roti 印度薄餅。餐廳就送蝦餅俾我哋.蝦餅有三種唔同嘅辣醬，分別大辣中辣小辣，幾好食.印度咖喱配印度薄餅真係一流，個人感覺好食過配飯。咖喱唔算好辣，比較容易入口，唔會辣到冇味覺.通菜同喺九龍城食嘅泰國菜差唔多，都係咁好味。整體來講呢度嘅食物質素有水準，價錢又唔太貴，配上氣氛同環境真係冇得頂！…查看更多

同屋企人食飯忽然好想食印度嘢，所以就嚟咗呢一間係九龍城嘅curry republic。由於我哋去印度菜冇乜了解，所以我哋就求其嗌左兩個咖喱，咖喱角同埋印度炒飯。 .由第一啖食到落去最尾一直都有驚喜，咖喱角配上mint sauce, 真係絕配.兩個咖喱，一個辣一個唔辣，唔辣嗰個配雞，辣嗰個就配羊肉，兩個咖喱配上印度包，簡直係一流冇得頂。.印度炒飯方面，真係好多香料，而最得意嘅係我連嗰啲香料係乜嘢都唔知，但係炒埋一齊就好好食。如果你得閒都可以過嚟試一試！…查看更多

去咗粉嶺食飯，忽然想食西餐，所以就入咗去。嗌咗一個卡邦尼意粉，一個白汁海鮮意粉，配上黑松露醬薯條。.首先講個意粉，其實有啲漏，不過好好食，所以最後都係食晒兩個意粉，比較鍾意嘅就係意粉唔係好油膩，所以都冇一種食到好滯嘅感覺。反而海鮮意粉有啲鹹，對於我呢個食得比較清淡嘅人來講，有啲反感。.再嚟個薯條，啱啱炸起，熱氣滿分。不過黑松露醬有一浸好香嘅黑松露味，食落去回味無窮好好食。所以整體來講都係值得推介嘅！…查看更多

去開九龍城梗係要食泰國嘢啦，喺南角道呢間泰國嘢係我食過咁多間性價比最高嘅泰國餐廳。.九龍城同其他地區食泰國嘢真係好唔同，呢度主打平民低調，唔會有特別嘅裝修，淨係想你試到佢哋正宗泰國嘅味道。.小食拼盤不過不失，平平無奇。不過都好好食.泰式炒飯唔太辣，容易入口，炒飯乾身好正.豬頸肉外脆內軟，值得推介，燒得啱啱好，唔會太過熟..飛天通菜調味好正，係我之前喺泰國食嗰個味道，唔會太過多嘅調味料，簡簡單單炒一個菜。.如果你想嚟嘅話，記得六點前要到，否則要排隊。…查看更多

同事生日，去咗食酸菜魚，食咗唔同嘅酸菜魚餐廳之後今次嚟到十二味。入到去環境唔錯，感覺好似去咗KTV。環境同衛生都非常乾淨。.頭款我哋嗌咗口水雞，夫妻肺片同埋尖椒皮蛋。三份餸菜嘅麻辣味都係一樣，唔算好辣，但係都幾麻。呢度皮蛋同出面嗰啲唔同，個皮蛋唔係黑色嘅，但係都好好食。.呢度嘅酸菜魚比其他餐廳好食，湯底冇咁辣亦都冇咁酸，所以食落去唔會有一種刺激味蕾嘅感覺，反而好舒服，魚肉方面，冇骨，肉滑。整體來講好爽。值得推介.炸大腸，正如標題所講嗌多咗一份，真係好好食。必叫…查看更多