anniefish's Profile

3日前先Book這裡食buffet慶祝家姐生日, 最初姐夫決定食這間打電話問了仲有沒有位, 當時的職員話有,咁佢就再打電話俾我地問食唔食, 轉過頭再打去book竟然話full晒...我同家姐都覺得有冇咁多人食buffet呀, 死唔信邪再打去問下, 家姐既答覆係要落waiting list, 我再隔左30mins先打電話去問,答覆竟然有位, 唔理咁多book左先, 覺得呢間酒店book位咁混亂=_=初時都仲擔心係咪真係有位架, 會唔會來到先話我地冇book到,但用餐前1日收到電話confirm booking, 放心晒...Dinner buffet 18:30-21:30食物款式都算多, 刺身方面除了基本的三文魚,舌拿魚, 八爪魚之外,竟然有大大粒帆立貝, 真係好yummy呀 想食海膽的話有海膽凍豆腐俾你選擇, 唔錯唔錯.生蠔當然係buffet必食之選, 雖然我唔食XD從家姐口中得到的comment係唔差, 但唔係最好,不過見佢refill得好快, 都算係咁啦, 之前食過某間buffet夠膽死全晚出得1次生蠔冇refill..-_-熟食方面反而意想不到出奇地好味, 尤其係佢個蟹肉南瓜炒飯!!!仲有煎鵝肝, 燒冬菇, 燒雞翼..........正!!! (不過冇影相)甜品方面, 有幾樣都值得encore, 但個人口味問題, 佢個macaron超甜, no good.呢度仲有cupcake食, 不過唔敢食, 因為經驗話我知cupcake多數好睇唔好食XD雪糕係Movenpick, 如果唔係太太太飽真係想食多幾杯 仲有枝叫"泰好味雪條" 一直o係個好似大燉煲入面, 有椰汁同綠茶味選擇, 話明係泰式雪條嘛, 二話不說揀椰汁味,一拎出來, 其實係好似自己o係屋企整既雪條, 鐘意椰汁既朋友要試下喇。價錢$488+10%, Openrice有8折coupon, 埋單位位$440今餐好飽好滿足, 食物好味即使個場都full但基本上唔洗點排隊,very good, 有機會要再來encore …Read More

第1次來Agnes b食野, 之前上Openrice search過見到歌賦街呢間個環境唔錯就來啦。夜晚7點到達, 店內好靜冇咩人, 太好了, 太喜歡靜靜的食餐飯店內不算大, 但桌與桌之間其實都隔得開, 可以聊天又不太騷擾別人, 讚!這裡還有個小花墟, 我已經見到有for情人節的熊仔&花禮盒。望住個Menu好耐都搵唔到有扒据, 好失望, 明明見到Openrice有扒食架嘛,既然係咁就退而求其次, 叫左個蕃茄牛肉意粉,蕃茄醬好濃, 牛肉粒唔太un, 基本上成個意粉係ok不過冇咩特別驚喜。朋友說有點飽唔想食太多野, 叫左個沙律食, 點知個沙律咁大份, 我都試食左少少, 唔錯幾好味!生日點都要食返件cake啦, 揀左呢個紫色心心型的cake, 好靚呀!!!佢入面係古古力黎架, 有別於平時食既古古力mousse cake, 佢真係好滑既古古力…Read More

以前睇電視見到呢間餐廳有韆鞦椅, 一直都好想知o係邊度後來終於知道是鯉景灣這間Jack's Terrazza, 心想總要找個時間來這裡一次。昨晚約朋友食飯, 在想地點時終於想起西灣河這個地方。第一次來鯉景灣, 覺得這裡很舒服, 又靜又有海景睇, 食飯泊車又方便找呀找沿著海旁一路行一路找Jack's Terrazza,經過一間餐廳門口時覺得幾靚幾有情調, 抬頭一望, 正正就是Jack's Oyster Lounge, 行前多2步就係Jack's Terrazza。間餐廳個門口同o係Openrice search時的已經不同,沒有那個大大的招牌了, 基本上2間Jack's係互通的,如果係食生蠔, 係可以坐過隔離lounge那邊, 聽說星期五,六晚好似仲有Live band show, 但唔肯定XDJack's Terrazza裝修後已經沒有韆鞦椅了, 很失望不知道為什麼不保留這樣有特色的東西。太早到達餐廳一個客人也沒有, 包場的感覺真的很好, 雖然只包了半小時。當日有個set dinner, 大約$6xx for 2, 不過我地最後都選擇散叫叫左個"四季芝士Pizza" + "肉醬千層麵"Waitress推介左個是日Special Starter - 蒜蓉白酒煮藍青口 $98有差不多13隻藍青口, 既然是推介一於試下啦呢個藍青口真係幾好味, 口感都幾滑, 食下食下覺得13隻真係唔係幾夠食XD呢個四季芝士Pizza係簿脆底, size for 2個人o岩o岩好, 但如果芝士味再重一點就更好。呢個肉醬千層麵俾我o既感覺係好味, 但冇咩特別。仲叫左2杯Cocktails, 朋友叫的Screwed Driver, 佢好鐘意我就叫左Margarita Regluar, 好飲!埋單時Check單其實好重要, 因為佢計多左我杯cocktails,但相信只是Waitress的大意, 唔係特登計錯的。食完飯仲可以o係附近個海濱公園散步, 好relax的...…Read More

相約朋友食飯, 原先是決定去尖沙咀的分店食, 點知book位時話full了,o係openrice search下發現灣仔都有King Ludwig Beerhall, 仲好, 朋友正正就o係灣仔返工, 即刻book左8pm 2位。o係CWB搞掂晒要做的事後行到去灣仔只係7:15pm,去到門口同個waitress講book左8點但早到, 佢話唔緊要可以俾我地入, 太好了。入到去望望場地都算大, 有卡位但應該for 4-6人座的,我地2人被安排坐o係live band前面, 現場環境再加上live band的音樂,真係好嘈, 嘈到我聽唔到坐對面朋友講乜野=_="第一次食德國菜, 基本上唔知叫咩食, 對德國菜既認識只有腸,豬手, 德國啤,既然係咁, 就叫呢幾款野食啦^o^叫左個煙三文魚紀廉薯餅, 有2塊好似咁大既薯餅面頭鋪滿煙三文魚,呢個好好食呀, 薯餅配上煙三文魚o既口感好新鮮!!!再來1客德國腸拼盤, 因為比較貪心, 叫拼盤可以一次過試晒唔同腸嘛。個拼盤用左2塊煙肉&酸菜鋪底, 面頭就有3款6條德國腸,我地望左個menu的英文好耐都唔識係咩腸打咩腸, 哈哈。我覺得d腸冇咩特別, 口感比較林, 可能我唔識食啦, 或者德國腸口感本該如此XD最後就係好期待的豬手出場, 今晚之前我係唔食豬手的人,但一場來到冇理由唔食咁出名的豬手嘛。Waiter會幫我地將原隻豬手切件上碟, 好大碟呀!!!坐隔離個婆婆拎住個menu問我地係咪呢個豬手, 我地話係呀,佢就話以前o係德國食過都係咁大碟, 估唔到o係香港食返同德國一樣咁大碟~大碟到2個人根本食唔晒...豬手個皮超脆呀又唔算太咸, 如果要問有幾脆請俾脆, 我會俾爆脆XD最後當然唔少得叫返杯德國啤啦, 麥啤~~~都易入口唔會醉。朋友就叫左杯有薄荷o既cocktails, 其實我都唔知係咩來的,哈哈。今晚餐飯真係幾好食, 環境氣氛唔錯, 但一晚內聽了至少7次生日歌=_="原來咁多人同1晚生日都來這裡慶祝, 哈哈。…Read More

今日冬至同事1早book左食大榮華,平時聽得多, 但今次係我第1次去食。圍村菜究竟係食咩架呢1行15人去分左2張檯坐, 入面環境其實都算細,同事諗左1陣就決定叫個九大'簋餐, 本想叫12人餐將佢拆開2檯食,但waiter唔會幫我地分開2碟, 要分就我地自己分=_=佢suggest左我地食另1個6人set, 內容同12人1樣, 但價錢當然唔係將12人餐除2啦,我地覺得都算ok, 就buy左。同事好like個豬油撈飯, 我就只係試左少少, 因為感覺好肥=_=基本上今餐飯都好食不過咁大間酒樓只收Cash唔收Card真係好唔方便囉*…Read More

天氣好熱好曬, 當然要去游水消暑,選擇了半月灣, Wow...好多人呀回到西貢已經6:30pm好累好肚餓即上openrice睇下西貢有咩好食, 就揀左呢個泰國菜。Walk-in等位都等左20mins左右, 登記程序好混亂=_="3個人坐張2人檯, 舖仔細細想招呼多幾檯客, 都明白和尚可接受。好肚餓, 即刻叫左幾樣野食ee肚...其實每樣野都好好味, 不過食食下發現有烏蠅o係我隻杯邊=_="如果環境不再有小昆蟲會好1點...…Read More

星期六都要返學真係人生一大不樂事放學悶悶地與朋友去了九龍灣逛逛晚餐時間每間餐廳門口都是等候的人唯獨這間Thai Chili門口沒什麼人與友人開始有點猶豫但望望Menu的款式&價錢又覺得還可以於是膽粗粗試下這間泰國菜餐廳內環境一般2人檯還有點迫的感覺我們叫了4款食物...泰式生蝦刺身, 是我食泰國菜必食的1碟有8隻, 不知是否標準的, 但感覺都算多了因為之前去過另一間食, 1碟只有5隻=_="好爽口, 但如果將蒜頭辣椒磨碎一點鋪在蝦身上會更好小食拼盤, 1直都覺得是為人少食客而有的因為人少少但又可以1次過試多款小食, 哈哈味道還可以, 但炸魚餅太咸, 雞翼又沒有什麼特別只有炸蝦餅是比較出色!冬陰功湯, 可以分到4-5小碗內裡有2大隻蝦, 其他配料都算充足我鐘意飲這個湯呀因為夠酸同夠辣, 對於我這些食得辣之人我覺得岩岩好呀!泰式鮮蝦炒金邊粉比較孤陋寡聞, 第1次見到有蛋包住金邊粉切開蛋後終於見到金邊粉喇但不知是否蛋的關係, 金邊粉的味道甜甜地感覺有點奇怪, 好像格格不入似的至於服務態度方面, 不似其他網友說的差他們斟水的次數都很頻密上菜速度也算是正常我們叫得少, 我見隔離檯點菜了一陣已經成檯都係食物了係埋單時間等得比較耐少少總括來說, 今餐泰國野我都算滿意…Read More

聽聞澳牛的服務勁差, 幾乎沒服務可言但還是決定來試試這裡的食物看見Openrice有超過1000個的笑臉可想而知生意有多好1再證明只要食物好食, 就會吸引到或留得住客人服務態度差又如何?凳都未坐好伙記就已經埋到你身邊問你食咩基本上我連Menu都未望過印象中人們說過叉燒通粉好食, 照版煮碗1份叉燒通粉,炒蛋多士加熱奶茶唔該食物以9秒9的速度送到你面前立刻試試通粉嗯...叉燒好好味呀, 唔會太瘦太乾身而通粉則沒有什麼特別多士充滿牛油, 將炒蛋和火腿夾上多士一起吃一個字---正!多士唔會太硬太脆又或是太林, 軟身口感剛剛好炒蛋好滑好有口感至於杯奶茶, 唔會太澀都有奶味, 唔錯雖然伙記在我身後左謄右謄不斷用最快速度送上食物比其他客人但我依然闊佬懶理, 淡淡定定用正常速度完成我的晚餐只係覺得望見那些伙記, 我都替他們感到疲累...…Read More

說好了要喝VERO的熱朱古力2年了1直碰不上對的時間對的心情半個月前終於的起心肝來訂好了檯來到門口時才發現餐廳被包場卻沒有通知客人...失望離去半個月後的今天再1次光臨*終於品嚐到著名的朱古力了地點真的非常難找, 隱蔽但有與世隔絕的感覺4點多去到, 客人不算太多, 不用等位本來對住個海景是1件多麼賞心悅目的事但隔離的大地盤令我感受不到這原本應有的感覺/_\看了Menu還是選擇期待已久的熱朱古力The Signature Dark 70%喝1啖已深深感受到濃濃的朱古力在口裡互相漿住的感覺朱古力味道好濃郁, 但因為70%的關係, 濃而不太甜真好杯朱古力好細杯, 但喝2啖已經滿足到第3啖時反而覺得有少少over左要飲返啖水中和一下...朋友都係叫左The Signature Dark 70%不過係Iced的口感無熱朱古力咁漿, 反而好滑好Creamy參觀下間餐廳, 佢有度小門可以出去外面Outdoor有3張檯, 應該係入面full左可以坐出面...但完全沒有景觀可言左邊是1大棵樹, 右邊是1大個地盤=_="入面有張sofa可以俾客人坐, 相比椅子又有另一番感受最後不得不提店內的關公朱古力像, 好大個好特別仲有1個好精緻的櫃, 裡面有好多cake但今日太飽無緣品嚐它們, 留待下一次舒適的環境, 與朋友傾下傾下由日落傾到天黑, 足足3小時好滿足…Read More

聞名Balalaika已久, 今晚終於與同事一同前往品嚐這裡的環境一流, 燈光昏暗, 每檯都有蠟燭台, 火光營造出浪漫的氣氛現場更有Live band坐陣, 俄羅斯的音樂圍繞著全餐廳, 感覺好舒適裡面有間Ice vodka bar一定要入去看看感受俄羅斯-15度的感覺, 正!我們一行4人點左共8個菜&2個甜品---俄式麵包配免治豬肉---本來好期待食呢個包, 但一咬落去味道一般, 有點失望---蟹肉蘑菇俄式班戟---好好味呀, 佢個汁配合蟹肉的口感, 正!---俄式豬肉腸伴酸菜及燒薯---豬肉腸太咸, 可能要連酸菜一齊食會比較好一點, 但估唔到最好食的竟是燒薯, 一放入口眼前一亮*---西伯利亞豬肉雲吞---味道真的太普通, 沒有什麼特別---串燒雞---見佢o係我地面前點火, 又切晒俾我地食, 初時都好期待這道菜, 但完全唔掂, 雞肉仲"鞋"過Kfc的雞=_= 咁貴但口感咁差, 真係唔值, 反而伴碟薯蓉比主菜的雞仲要好食10倍(upload相有限, 所以show唔到以下的相片)---芝士喬麥焗忌廉鮮蝦菠菜---菠菜加上芝士忌廉, 味道真的一流, 鮮蝦都算大隻, 口感煙un, 連平時唔鐘意食蝦的我都要讚!---俄式牛尾羅宋湯---份量比平時西餐的餐廳多, 而且好足料, 味道夠辣, 唔錯---芝士焗貝殼粉釀蕃茄牛尾肉醬---整粒貝殼粉充斥滿滿的蕃茄醬, 味道好濃, 如果唔咁咸會好一點飲品方面, 我自己叫左杯Cranberry vodka, 本身唔係太鐘意飲酒, 所有點擔心, 但飲落又ok wor, vodka的份量應該好少, 你飲到係有酒的味道但又唔會太強勁, good* 另外亦試飲同事的西伯利亞熱朱古力溝vodka, 佢果杯完全飲唔出有酒味, 而且朱古力唔夠濃, 所以我覺得麻麻食得好飽, 但甜品絕對唔可以唔食有CitiBank credit card關係, 甜品買一送一---火焰雪山---$100我覺得比較貴, 但因為我從未食過所以同事說要讓我試一試, 淡淡的酒味配上類似紅莓的雪巴, tatse good*---士多啤梨拿破崙---$65 相對地火焰雪山比較抵食, 因為拿破崙的size真係好細, 1人份量only, 味道還可以啦今餐4人共消費$1310, 感覺有點貴但總括來說都值得來一試…Read More

在The Grand看完戲已經9:10pm肚子餓得咕咕聲..記得之前有朋友推介過這裡的白飯口感很好食對, 是白飯於是就來吃吃有什麼特別星期五晚上沒有訂檯, 等位是少不免的等了大約15-20mins, 比想像中還好...看看餐牌刺身很吸引, 但今天主打吃飯與朋友分別叫了店內推介的滑蛋雞肉丼&咖啡吉列豬扒飯。前者上菜來得很快但朋友決定等埋我的豬扒飯才動筷可能個滑蛋雞飯凍左熱食可能會更加好食雖然暖暖地但蛋依然食得出好滑但雞肉就冇其他食評寫得咁好食...至於個咖喱豬扒飯, 真係嘩一聲, 好好食呀豬扒好有口感呀, 肉唔會太瘦太乾, 有少少肥肉食落口感好good不過咖喱可以再辣少少咁就更加正喇白飯方面, 日本的珍珠米果然係比較煙un好食終於明白點解朋友話"白飯"好食喇, 哈哈…Read More

原先約了朋友到演藝學院附近食甜品, 種種原因下我們最後來到了epoch..有點驚訝星期六的夜晚竟然沒有什麼人..我好鐘意個環境, 好舒適, 絕對是適合聊天談心的好地方!門外有泊車位置, 方便駕駛人士呢本身不太喜愛喝咖啡但聽朋友說這店的咖啡很出名, 好像還拿了什麼獎的於是就叫左杯Ice coffee試試嗯...喝不出有什麼特別...朋友點了一杯Processo Drinks-Mango jelly..味道如何我就不知道, 但朋友的comment的是讚的呢不過不能不提的是這裡的甜品叫了個Passion Fruit Warm Chocolate Cake好好味呀個cake外邊有點脆內裡的朱古力醬立刻湧出來再配上碟上面酸酸地的醬衝和返朱古力醬甜到漏的感覺正!不過隔離的Vanilla雪糕融得好快...朋友叫了這個Berry soup w/ sable & strawberry foam 睇佢個樣好似milk shake但原來食食下中間係雪糕來的總括來說, 我對這間epoch有很好的印象下次可以再來之選…Read More