TaYuen's Profile

想食西班牙菜又唔想出去尖沙咀中環咁遠同多人，就搵咗間係荃灣嘅西班牙餐廳試吓。鮮蕃茄蓉焗法包蕃茄新鮮，法包薄身脆口，一啖落去就好好味！墨魚汁炸海鮮球外皮好香脆，味道濃郁，入口即化。脆皮豬腩肉配蜂蜜蛋黃醬豬腩肉外皮脆卜卜，肉同脂肪嘅分層比例啱啱好，食落唔會太過肥膩。薯仔西班牙奄列薯仔西班牙奄列，蛋味香濃，仲有滿滿嘅薯仔粒喺入邊，令人食落好滿足！西班牙海鮮炒飯底有少少焦，海鮮嘅鮮味落曬個飯到。Sangria (紅酒)酒香味道和水果味道都好搭配。Morning Sunrise新鮮芒果汁同橙汁，加上Grenadine同Sprite，味道清新又甜美。Chocolate Winkle有伏特加、白可可、薄荷酒、朱古力同糖霜，味道好香濃，令人回味無窮。總括而言，呢間餐廳嘅食物同飲品都唔錯，係荃灣區嘅高質西班牙餐廳。員工雖然得幾個人，但係中間都有幫我哋換碟，幾細心。…Read More

🔹Beans the Rambler🔸地址：青衣青敬路33號青衣城2期2樓222號難得放假，去咗青衣城食lunch。Beans 呢間人氣cafe，出名要排隊先有得食。我哋12點半開始排隊，1 點就有得入去坐低。我哋去叫咗甲羅燒黃金蟹肉意粉，油封鴨腿肉意大利飯同巴馬火腿pizza。甲羅燒黃金蟹肉意粉蟹膏和蟹肉非常多，撈埋一齊食落去就感受到濃郁的蟹味，超滿足。油封鴨腿肉意大利飯令人有啲失望嘅係佢唔係原隻鴨腿上，而是一些鴨腿肉塊。鴨肉食落去都算滑，意大利飯的味道都算不錯。巴馬火腿pizza上面鋪滿了大量的火箭菜，讓這道pizza的味道非常清新，配上巴馬火腿的鹹香味，值得一試。套餐仲包冷熱咖啡，檸檬蜂蜜或者黑糖薑母茶。…Read More

葵廣新開台式手搖店。除咗有台式奶茶仲有咖啡揀。今次我揀咗招牌208c奶茶。大大杯都只係$23，好抵飲。只可惜茶味唔夠香濃，有空間再改善。另外，店員好貼心。為咗環保同顧客可以輕易拎走，店員會比一個布織成嘅手抽。咁就唔駛加$1 要個膠袋。最後，仲比咗張印花卡，買10 杯就可以送1 杯($35)。🔹丸子茶葵芳葵富路7-11號葵涌廣場1樓3A號舖…Read More

一大班人聚餐最好就係去打冷，可以一次過試好多款餸。今次就揀咗旺角呢間打冷鋪。因為人多嘅關係，幫我哋安排咗樓上閣樓。炸蠔餅的蠔夠大隻，這讓人可以品嚐到豐富的蠔肉口感。啫啫通菜煲也是一道不錯的選擇。韭菜豬紅是一道經典的潮州菜，韭菜的香氣和豬紅很好地融合在一起，味道十分美味。鹵水拼盤提供多款選擇，可以滿足不同人的口味需求。鹵水鵝片夠淋夠入味。椒鹽鮮魷的炸皮也夠薄，鮮味十足又脆口。總體來說，這些菜品都很值得一試，期待您再次光臨！…Read More

係旺角食完飯搵甜品食，㨂到呢間食韓式甜品嘅。等位大概10分鐘左右，入到間鋪好細，啲位好窄，坐得唔太舒服。韓式綠寶石香甜蜜瓜雪奶 $75試咗招牌甜品「韓式綠寶石香甜蜜瓜雪奶」這款甜品充滿濃郁甜蜜瓜味道，雪花冰口感非常細膩。撈埋蜜瓜味雪糕、蜜瓜、煉奶同刨冰，味道更昇華。另外，賣相非常精緻，色彩鮮豔，非常適合打卡。不僅口感好，而且外觀也很吸引人，不妨去嘗試一下！…Read More

。不要對我尖叫。日常茶間經過旺角中心，見到呢間新開台式手搖店，知道係台灣藝人開，想試吓。 。香柚荔枝水果茶 $26 叫咗微糖微冰，飲落唔會太甜，酸酸地，幾開胃。反而荔枝味唔太出，茶味唔太濃，有少少失望。佢每個杯後面都有幾句文字，表達佢對社會ga態度，幾特別。…Read More

星期五! Happy Friday! 約咗朋友一齊食飯。友人選擇呢間鋪頭，因為想食醬油蟹。一坐低就叫咗米酒Share，飲酒個碗有一齊雪凍，超正!等齊人之後就叫野食，搞笑係員工有一半都講英文，講咗幾次先落到單。醬油蟹連蟹籽芝麻飯 ＄380 一碟有兩隻醬油蟹，兩隻都好多膏，蟹肉鮮甜味美，唔會太咸海鮮煎餅 ＄148 煎得好酥脆！海鮮好足料，海鮮同蔥比例恰到好處！而且份量超多！推介！原味無骨炸雞配芝士球 （半份）$130(半份有六件炸雞，三粒芝士球)無骨炸雞咬落去脆卜卜，雞肉好嫩滑，勁Juicy！仲有三粒芝士波，芝士拉絲，要趁熱食！…Read More

呢排天寒地凍🥶，真係要飲杯熱朱古力增加脂肪。聽講呢間鋪頭嘅朱古力係痴_線咁肥，就去咗試吓。坐低叫咗一杯 Crazy chocolate(痴_線朱古力）$50，杯野一上枱即刻感受到有幾痴線。一杯熱朱古力上面鋪滿3種朱古力- 黑朱古力，牛奶朱古力同白朱古力。搞均之後就見到啲朱古力溶咗落杯熱朱古力到，好治癒。飲落就會有濃濃嘅朱古力味，唔太甜。但係太多油脂嘅關係，飲到咁上下就開始膩。呢杯朱古力除咗打卡一流，補充脂肪都一流。…Read More

葵涌廣場有好多小食店都有魚蛋食，但係呢間鋪賣嘅係陳皮魚蛋。$10有7粒，價格合理。而最值得關注嘅係，老細有一個秘制沙嗲醬，要同佢講先會落。沙嗲醬帶微辣，仲食到佢加咗蒜蓉，令味道更有層次。…Read More

行過新都會地下果層，聞到好香。於是買咗包醬蒜炸雞（細）食。佢係一個人做曬落單，炸野同包裝，再加上佢係即叫叫即整，所以要等好耐先有得食。佢嘅炸粉唔算厚，味道唔太咸。食落熱辣辣，脆卜卜，再加上淋咗汁，唔太乾。配上蒜頭食，味道更突出。鐘意蒜味嘅朋友必點。諗到醬蒜味，其實好有心思，因為炸物會產生致癌物質，而大蒜可抑制致癌物形成。所以唔健康得黎，又好似少啲內疚感。…Read More

呼吸，隱藏係葵廣嘅深深處。上到頂樓TOP世界，仲要行到入面先見到。今次試咗 Oreo芝士古川宇冶抺茶（走甜）。奶蓋上面見到有唔少Oreo 碎。宇冶抺茶，茶味香濃，唔澀帶甘味。再連奶蓋攪拌，令抺茶更順滑。走甜後，甜度剛好，唔會好膩。反而Oreo 碎未能令整杯茶味道再昇華，變得有點多餘，下次可以飲宇冶搽茶奶蓋就得。…Read More

約咗朋友食飯，朋友揀咗呢間「竹青亭」，餐廳名好特別，去到就知係一間用青竹做主題嘅Fusion 茶餐廳，環境都好舒服，枱同枱之間都有一定空間，唔太逼。我哋叫咗個5-course Premium Fusion Cuisine前菜：白酒泡泡▫️赤貝帶子▫️青芒果他他Chef’s Daily Soup：栗子忌廉湯麵食：蜂蜜焦香龍蝦▫️香濃龍蝦汁泡▫️蟹籽墨魚汁意大利飯主菜：蜜糖烤法國豬腩肉▫️燒汁燉腩肉絲青蘋果塔甜品：香橙茉莉花茶凍▫️楊枝甘露配雲呢拿雪糕飲品：掂過碌蔗你話呢🔸白酒泡泡，赤貝帶子，青芒果他他上枱嘅時候，店員會倒乾冰落去，製造出煙效果。食落帶子新鮮，自帶鮮甜味，再配上白酒泡泡同沙律菜，好清新好夾🔹 栗子忌廉湯飲落有香濃栗子味，仲有少少栗子碎粒係湯入面增加口感。🔸蜂蜜焦香龍蝦，香濃龍蝦汁泡，蟹籽墨魚汁意大利飯 +$38一上枱見到大大條龍蝦尾放係墨汁飯上面，打卡一流。一粒粒焦香過嘅龍蝦肉再加一啖墨魚汁意大利飯，口極順滑creamy 加上焦糖甜味，彈牙龍蝦肉加上粒粒分明意大利飯，值得一試🔹蜜糖烤法國豬腩肉，燒汁燉腩肉絲青蘋果塔店員推介先食腩肉絲青蘋果塔，因為比較淡口。肉絲配青蘋果蓉，味道酸酸甜甜，好解膩。之後再食豬腩肉，腩肉肥瘦均稱，再經過蜜糖燒烤，腩肉香軟，油脂同肉層層分明，再配上焦脆外皮，外脆內軟，推薦。🔸香橙茉莉花茶凍，楊枝甘露配雲呢拿雪糕🍦 +$25雪糕正常，楊枝甘露好酸，花茶凍味道唔突出。🔹 掂過碌蔗你話呢 $49外型整到好似竹筒咁，好適合打卡。最下層係蔗汁，中間係烏龍茶，上層係芝士奶蓋。飲落去有淡淡蔗汁嘅鮮味再加上奶蓋烏龍茶，味道唔錯。…Read More

黃竹坑出名食物沙漠，好難先可以搵到間好少少嘅lunch食。見到Arca 酒店有間餐廳，就諗住試吓。入到去上3 樓，發現係寵物友善餐廳。有室內同戶外坐位揀。今日風和日麗，我哋就揀咗戶外坐。可能因為坐出面嘅關係，又係午飯時間，等好耐先有人黎落單。佢嘅set lunch 有4 樣野揀，牛，魚，素食同本週精選。我揀咗牛。🔸湯：蟹肉夏南瓜湯(ZUCCHINI AND CRAB MEAT SHOP)好淡，好稀，無咩蟹肉。🔹主菜：慢燉和牛臉頰（SLOW BRAISED WAGYU BEEF CHEEK, RED WINE JUS)擺盤有待改善，得一舊西蘭花同一舊紅蘿蔔。因為慢燉，啲肉係淋嘅，不過鞋口無牛味，食落有筋，個汁無咩味道。▪️甜品：奶凍（PANNA COTTA)要加$28，好細杯，唔甜，不過都無咩奶味。其實個lunch set得3 樣野，但係上菜上得超旨，最後我哋食咗接近個半鐘。整體來講，啲嘢好一般，性價比極低。又係一間拎住寵物友善口號生存嘅餐廳。…Read More

葵廣出名多野食，但係一直都想試芋圓控，今日放工見到無人排隊，即刻買咗碗番屋企。7款自選（DIY)$44 - 奶茶凍，椰子凍，芋圓，地瓜圓，紫薯圓，培茶圓，淡奶1。奶茶凍香濃奶茶味，超滑，值得一試‼️2。椰子凍（期間限定）一份椰子凍有齊椰青（透明）同椰奶（白色）兩部分，食落有淡淡嘅椰香味，有驚喜‼️3。芋圓芋圓好煙靭，有芋香4。地瓜圓煙靭，唔太甜5。紫薯圓比芋圓軟糯，食得出有分別6。培茶圓（期間限定）茶香味濃，推薦‼️7。淡奶同芋圓係完美配搭…Read More

行開旺角，見到新開咗間cafe，入面有多款咖啡可以選擇，於是二話不說就同朋友入咗去試。入到去坐，環境寬敞舒適，可以透過大玻璃窗望住出面䌓忙嘅街道，彷如隔世。打開menu，見到剩係虹吸式咖啡都有十多款選擇，我嘅選擇困難症即刻發作。最後店員介紹咗 🖤哥倫比亞。瑰夏。除咗聞到芳香咖啡味，飲落去餘韻會有紅酒酒香，好特別，值得一試。另外，朋友想食nutty 啲嘅咖啡，店員仲介紹咗 🖤南美洲。碳燒。聞落去有好香嘅碳燒味，飲落一啲都唔苦，好順喉，好唔錯我地都叫咗個朱古力布朗尼 配 意大利雪糕，布朗尼入面有少少果仁，味道都不過不失。不過，飲杯咖啡食個甜品，足夠我滿足一日。…Read More