kwan._.的個人專頁

疫情好耐冇出過去旅行，今日經過奧海城俾呢間餐廳門口吸引咗，睇餐牌感覺係高級泰國菜，就入去試一試佢😋😋😋一入去有種旅行風情既環境同氣氛，裝修有格調，而且一直播住泰文歌就好似去咗泰國咁。😄啲餐具已經好吸晴，每隻碟都好靚前菜叫左彈牙泰式炸蝦餅☺️☺️呢個我大推！炸到外皮香脆，裏面嘅口感又夠爽彈，再蘸上泰式辣醬，講起都想再食。串燒叫左雞串同臭豆腐，臭豆腐一放低已經有勁大陣味😄香口再加上甜醬yummy員工介紹左招牌菜海南雞飯做主食，既然係招牌菜就梗係試下先👍🏻👍🏻套餐配埋海藻肝膏豆腐湯。未食雞之前，先試一啖飯，油香十足，唔錯😋海南雞，估唔到份量都幾多，肉質嫩滑，雞味濃郁。配埋似係自家製既辣椒醬、薑蓉同傳統黑醬油😋👍🏻最尾甜品一定會叫既就係糯米飯配泰國芒果😄糯米飯微暖，食落去煙煙韌韌，糯米飯分別淋上芒果醬同椰汁，都好正😋😋…查看更多

呢幾日天氣突然濕凍左勁多, 咁就梗係要搵啲食完會暖笠笠嘅嘢😆下晝時間真係未試過食羊腩煲，所以就試試佢。枝竹羊腩煲，羊肉、枝竹，羊腩有勁多舊😂😂😂唔知點解食極都仲有。一路食肉食到尾都仲有淨👍🏻份量先取勝軟熟羊肉大大舊但係好夠腍 ，肉質鬆軟，不韌不嚡，彈性十足的，質感值得讚！調味濃厚得嚟唔會話太膩 ，另外配料仲有枝竹 、筍、冬菇、連馬蹄都好入味 👍🏻點埋好香嘅腐乳汁，再加埋白飯食真係絕配。不得不提嘅係，我哋另外仲叫咗份日本A4和牛，入口即融👍🏻肉質富油香，肉味濃郁有層次，滿口瀰漫住牛脂香氣。諗起都想再食😆嘢飲叫咗荔枝烏龍👍🏻👍🏻最後，跟套餐叫另外仲有芋圓甜品。本身諗住今餐嘅甜品應該都係普普通通，但係呢個甜品勁有驚喜，完全馬虎。椰汁底入邊仲有勁多配料，除咗芋圓，仲有涼粉、珍珠、荔枝、仲有紅豆。而且唔會話太甜，味道啱啱好。整體感覺非常好，呢個價錢有呢一個份量非常抵，另外餐廳户外風景又夠舒服，如果要relax一下，嚟呢度望住個景再食份暖暖既鍋物，真係可以舒緩下壓力。…查看更多

今日去咗位於荔枝角既一間cafe👍🏻Posh Coffee Club。經過門口俾佢簡單型格嘅裝修吸引咗，店鋪以黑色同水泥色為主調，入到去見到店舖中間放置自家烘焙既單品咖啡豆，就覺得一定唔可以錯過。舖頭有供應貝果、三文治等，😆自己本身好鍾意食貝果，所以今次就揀咗佢哋嘅特濃焙茶雪山貝果，同埋煙三文魚火箭菜三文治。煙三文魚火箭菜又係健康既開餐之選。煙三文魚配搭埋火箭菜，的確係絕配雪山貝果充滿驚喜，香脆鬆化的外皮Scone包住流心餡，焙茶味香濃突出，整體口感外脆內軟。👍🏻個人幾鍾意呢杯flat white咖啡嘅味道，微酸，苦味較重，飲落香滑。呢個價錢黎講絕對可以！😌…查看更多

疫情之下好耐冇出去chill下，今日就去咗尖沙咀Tea1tea輕鬆一下。cafe terrace裝潢主題好少女心😆，餐廳入面有鳥巢椅、特色花牆，放鬆心情同打卡都一流！因為想打下卡，所以今日就揀咗呢一個Tea set😆2個人既tea set，呢個價錢勁抵！一上個架就俾佢賣相吸引住。色彩繽紛，食慾大增！我鹹、甜都鍾意食，不過二選一的話，呢到鹹點係幾出色。一上菜，中間嗰層仲會出煙😆😆用嚟打卡啱晒。第一層鹹點大大件，而且每樣味道都唔同，雞鎚同炸芝士棒本身已經炸得好香口，好惹味，但係沙嗲雞肉串令我更加深刻。每款都唔同口感😆絕對唔馬虎。特別想講，中間個層有款「蟹肉蘑菇酥皮」，帶黎兩種口感，一來好鬆脆，二來裡面既蘑菇焗得好香口正！另外仲有黑魚子煙三文魚他他都令我好深刻，食他他嘅時候再配埋汽泡酒又係另外一個層次。真係非常配搭得宜。甜點都包羅萬有！好似食極都仲有咁。果醬鬆餅、冬甩、伯爵茶奶凍、brownie 同金橘貝殼蛋糕。每一款製作都好認真！甜品類唔會話勁甜，呢到既Scone外皮有脆脆既口感，裡頭奶香味濃郁，再搭配不甜膩既果醬😆都係我首選。三層架tea set附送兩杯飲品，我哋叫左latte同cappuccino，食完甜品一定要飲一杯咖啡，咁先完滿！😆😆好得意，2杯唔同款，又可以打卡有機會絕對會再黎試埋佢地既lunchset😆😆…查看更多

呢排天氣凍，夜晚又唔可以出去食晚市，好想打邊爐，今日發現原來有啲咁方便嘅一人邊爐可以外賣。現場食應該仲正，但係因為晚市冇得食，所以就要叫外賣了。睇餐牌，價錢都幾抵，見到鍋物都係70幾蚊仲要有埋嘢飲，所以我就叫咗一個臭臭鍋同埋火鍋沙茶湯底外賣。 最尾發現唔記得影佢嘅自選特飲，佢嘅飲品我都非常推介，叫咗自家薏米水，超足料，另外烏龍亦都非常好味。沙茶牛肉鍋，我鍾意佢濃厚花生醬同沙茶味，而且用料多，淨係湯底已經有大大粒豆卜吸晒啲湯底，非常惹味，而且仲有好大舊牛骨。牛肉同豬肉份量都夠，新鮮軟嫩，唔會話太肥或者太鞋口。配料仲有大海蝦同蜆😆👍🏻👍🏻、娃娃菜、椰菜、金菇、粟米、南瓜、鮮冬菇同炸枝竹。加埋紅薯粉，相當唔錯。👍🏻用了非常新鮮，而且份量足夠。重點係，連埋火同埋架，呢個價錢做晒全套服務，覺得非常之抵而且方便。就咁一人火鍋已經唔使搞咁多嘢。😆👍🏻👍🏻另外，臭臭鍋亦都好方便，成個鍋上😆返到屋企就咁加熱就食得。臭臭鍋個臭味一開始唔覺，但煲煲下就愈黎愈強😆但我自己又覺得幾好食。啲材料多款得黎，幾特別，例如娃娃菜、白豚肉、貢丸、米血糕、大腸、鵪鶉蛋、蕃茄、榨菜絲、韭菜、金針菇、名門卷、枝竹、粉絲。仲有另外加埋薯粉。又飽又方便又好食👍🏻👍🏻當然仲有我最鍾意食嘅鴨血👍🏻👍🏻👍🏻總括來講，一人火鍋非常方便而且用料新鮮☺️👍🏻應該好快會再幫襯。…查看更多

難得去到柴灣，依家無得出外食晚飯，所以加餸斬料變成新常態。😆今日就試吓咁有氣勢嘅阿爺燒鵝。見到門面，反而俾充滿蜜汁油光嘅蜜汁叉燒吸引住。仲有揀完一輪之後，最後我就揀咗半斤腩叉同埋燒腩仔。蜜汁叉燒腩果然是食燒臘必點之物。叉燒半肥瘦肉味濃。這裏的叉燒甜甜，吃起來有豉醬味道。淡淡玫瑰露香味，將叉燒的肉味襯托出來。😆😆👍🏻肉本身半肥，口感鬆化之餘還帶點口感。而且仲有大量甜甜嘅蜜汁襯托，送飯一流👍🏻燒腩仔亦係我心頭好😆由圖也能見到燒腩仔肥瘦均勻， 層層相間，咬落好juicy、有豬肉味而且最緊要係！ ！ ！個皮夠脆口。即使放涼咗燒腩外皮仍然好脆！😆👍🏻👍🏻總括嚟講，價錢好抵。呢個價錢有呢個質素👍🏻👍🏻推介…查看更多

趁放假有時間，就去咗觀塘搵咗間Cafe，輕輕鬆鬆食個下午茶。成間Cafe用咗藍色做主調，室內環境舒服，而且好寬敞👍🏻 想同朋友傾吓計亦都唔會話覺得好嘈，因為可能樓底夠高。嚟到呢度，梗係要叫番杯咖啡，食返件cake。但食甜品之前我哋都想食啲小食，所以先叫左一份雞翼，份量比我想像中大份😆，雞肉肉質頗嫩，加上酸酸辣辣既醬汁，夠曬開胃😆雞翼就梗係要配埋薯條。😋😋😋yummyyummmy聽講呢度既咖啡出品要求非常高，咖啡豆有果香，奶泡夠幼細。店內仲有炒豆既地方，果然係用心做咖啡既地方👍🏻😋😋最後梗係要叫埋Hunt Signature Tiramisu😋😋同平時食既好唔同，手指餅無被咖啡酒浸濕，所以唔會太淋😋保持到脆脆既口感。中間既cream口感好滑好輕盈，唔會太濃烈。味道方面，咖啡味香，再加上Tiramisu 上面有塊乾橙片裝飾，打卡都多靚😌總括嚟講，Tiramisu 值得一試。…查看更多

係太子有間隱藏高級潮洲菜餐廳，睇門面既牌匾都覺得有種氣勢。一入到去成個環境都好舒服👍🏻睇睇menu, 今日黎到就一定要試試佢地既生醃海鮮同鵝肉😋👍🏻首先梗係要叫返兩杯潮州特產嘅老藥桔😆👍🏻老藥桔用金桔製成，果香濃郁，鹹中帶甘，飲落好開胃可口😁直頭想不停添加嚟飲 叫咗一凍一熱，冷暖我自己都覺得幾好飲。之後前菜叫咗生醃瀨尿蝦，賴尿蝦肉質爽甜，加上有蝦膏更加甘鮮無比。辣椒、生蒜同豉油一齊醃，係令你難忘嘅味道。加上仲好細心將賴尿蝦剪開，方便食嘅時候唔需要用到手，味道真係十級讚的。必點👍🏻👍🏻之後食潮州菜，一定要叫嘅就係鵝肉拼盤，我地都唔會放過。鵝片肉質好軟熟但如果鹵水可以再濃多小小就perfect😆👍🏻但係邊位爽口而且肉質豐腴軟滑，高水準。滷水拼盤除咗鵝肉，仲有豆腐同大墨魚。大墨魚處理得非常爽口，食落口感覺好脆。滿足👍🏻再食墊底豆腐，豆腐吸晒啲滷水汁👍🏻👍🏻普寧豆醬煮海魚🐠魚肉質地有啲似日式一夜干，有彈性，魚肉鮮味濃郁，略帶鹹香。加上豆醬既咸香，將魚既鮮甜帶出。加上芫荽，芹菜👍🏻最後我哋仲叫咗個厚菇芥菜煲，份量亦都係10分大。大菜既味道幾特別，略帶小小澀味但又有小小回甘。👍🏻👍🏻總括來講，幾道菜都非常出色，值得推介同再嚟。👍🏻👍🏻…查看更多

去到佐敦途經呢條街，聞到好香嘅烤肉味，就俾佢吸引咗入去試試佢嘅burger🍔見到有多款burger可以揀，我自己本身好鍾意食牛油果，見到佢個田園漢堡係牛油果就更加想食。價錢唔算話太貴，一個burger加套餐價錢化算。冇坐到喺室內食，叫咗外賣返屋企。包裝幾好，因為用大盒裝住，所以burger拎到返屋企都唔會扁晒仲保留返原本個樣，另外仲有手套附送，好細心。同朋友叫咗兩個漢堡包，一個田園漢堡同一個經典漢堡再加水煮蛋。田園漢堡望落外表唔錯，麵包外脆內鬆軟，而且材料新鮮都份量超大，有好juicy既啡菇，好新鮮嘅牛油果，生菜同番茄。經過煎烤燒香，配埋沙律醬，食左一啖我地已經知要計劃下次幾時嚟再食😆經典漢堡一樣都係鬆化又有口感既麵包皮。漢堡扒好有肉汁，本身麵包烘得脆身，加上水煮蛋既蛋汁，質素👍🏻👍🏻👍🏻👍🏻，漢堡有肉香，肉汁豐富，配料新鮮爽脆，食得好滿足。無論誠意同食物質素，都值得推介。粗薯條新鮮炸起，拎到番屋企雖然無咁脆，但都絕對要加黎食😆…查看更多

😆👍🏻好耐冇食放題，今日經過旺角就揀咗食餐好嘅。今次揀左經典A餐😆食足2個鐘！除咗餐牌上嘅嘢食，餐廳都預備咗好多餐前小食，仲有好多熱食可以揀。質素幾好沙律配料都幾新鮮，其他餐前小食選擇都幾多，而且最最緊要係夠凍。👍🏻飲品選擇亦都非常之多，連茶類都有好多選擇。首先一定要食嘅就係刺身，甜蝦好大隻，而且好新鮮，赤貝、鮑片、帆立貝，都非常新鮮。款式十分多，仲有三文魚、帶子、赤海蝦、同希靈魚等等。三文魚同油甘魚都有油香；帆立貝都幾鮮甜爽口。壽司款式生熟款式都有。整體黎講，壽司出品都出色，池魚食感滑爽，和風牛肉同蒲燒鰻魚兩款口味，後者食感稍勝一籌。👍🏻👍🏻👍🏻👍🏻👍🏻👍🏻叫到成枱都係食物好滿足，👍🏻但最緊要食得晒先好叫咁多。另外除咗日式嘢仲有中式嘅花膠😆呢個令我覺得幾意外。仲有天婦羅同燒物。平日食天婦羅最怕皮厚油口，但呢到炸品最起碼無呢個問題。食材只係薄薄上粉炸😆，放題黎講都算不錯。壽喜燒牛肉鍋生熟度都啱啱好，壽喜燒甜甜地，但啲肉略嫌厚左小小。但重點係鍋入面多菜，索晒味👍🏻👍🏻👍🏻最後仲有各類甜品，大滿足。…查看更多

今次嚟到呢間小店，比我想像中更有驚喜。室內環境乾淨企理，一入到去仲提供埋口罩袋同濕紙巾，估唔到小店都有咁嘅服務。👍🏻👍🏻今日係下午茶時間嚟到，餐牌好多種類好吸引，呢樣又想叫個樣又想叫。飲品同小食都好吸引。我同朋友叫咗一個海南雞飯，配喇沙米線，海南雞飯係餐廳招牌菜，雞件去骨，食落啖啖肉，而且份量好大，好滿足感。雞肉十分稚嫩，清甜味鮮又有雞香，配搭埋油飯，水準有驚喜。 喇沙湯微辣惹味，椰漿味重，加上材料好粥，豆卜，魚蛋，蝦各配料包括味道出眾。呢個肉骨茶都值得向大家推介！以性價比黎講，都相當高，$52肉骨茶加上米粉同其他材料，而且材料頗多：肉骨、豆粕、枝竹同杞子。肉骨用作熬湯，有肉味，肉質頗為腍身。肉骨茶湯入口較淡，藥材味不算重，配埋米粉啱啱好。小食都不失色，吃東南亞菜式不可缺少既串燒：先把雞肉燒香，再淋上沙嗲醬。連飲品用了都非常充足。總括來講，味道同份量都令人有驚喜，而且本身自己住附近，應該會成日再去幫襯。😆👍🏻…查看更多

行過尖沙咀呢條街，突然聞到好香嘅味道，原來係呢間串燒舖。入去睇到餐牌忍唔住就想叫返幾串😆除左肉類，都有好多唔同嘅蔬菜類同小食。超大份，就咁睇啲肉類已經覺得好Juicy而且烤得好靚。雞翼同雞腎雞軟骨都烤得好香口，孜然粉嘅香味好出，雞軟骨好爽脆， 雞腎亦唔會話太硬，重點係味道好足夠。牛舌味道都好香，但係略嫌有小小過火，但味道仍然好香口。 連埋啤酒食真係超夾。多汁軟嫩既茄子搭配濃香既孜然粉同蒜蓉，味道令我一食就愛上！😆😆秋葵同其他蔬菜類散滿孜然粉，又係非常惹味！不過唔係人人都鍾意食秋葵，但鍾意既，真係要試試啊！整體嚟講食物質素都幾唔錯，大部分（我試過）嘅串燒都係好味。😆👍🏻👍🏻…查看更多

紅磡不嬲出名多唔同種類嘅餐廳，今次經過呢一間俾佢粉紅色嘅門口吸引住，就行咗過去試吓。就咁睇門口已經令到我有少少掛住台灣，睇埋佢嘅Menu有好多唔同種類嘅嘢食物，其中一樣最吸引我嘅就係呢一個咁厚嘅吐司。除此之外仲有唔同嘅套餐，套餐有主菜同埋嘢飲睇落都幾抵所以我哋最後就叫咗兩個套餐。啲嘢食一嚟到嘅時候全部都好大份量，而且整得好精緻。呢一個鹽酥拼盤便當，10分出色，材料份量超足夠，台灣香腸、甜不辣同海鮮餅，每樣材料都有自己各自嘅調味方法。而且炸得10分香口，味道濃郁，配搭埋白飯同其他配菜一齊食，令我已經好掛住台灣嘅風味。👍🏻👍🏻👍🏻👍🏻跟住呢個肉鬆芋泥三文治仲吸引！份量勁大芋泥微微甜同肉鬆夾埋一齊口感勁豐富，而且咬落口有不同嘅層次，呢個值得推介，下次嚟一定會再叫。總括嚟講主菜同小食都非常之好仙草芋圓都係10分驚喜，就咁睇已經見到材料好足，紅豆、仙草、芋圓、椰果。。。勁飽肚，而且唔會太甜，啖啖材料勁滿足…查看更多

晚餐經過見到新開左百芳，就買左百芳外賣翻屋企，叫左牛肉麵😅😅炸物拼盤同布甸奶茶。牛肉麵湯底都幾濃，但感覺都幾多油。牛肉雖然夠淋，但係好大陣牛既騷味。。。感覺唔太新鮮。。。。麵底都ok, 餸既份量足夠，仲有菜同蛋。可惜係啲牛既味道麻麻地。。。。炸香腸同炸地瓜都幾好味👍🏻👍🏻炸地瓜幾出色。其他就不過不失。。。。百芳既份量係足夠，但味道可以再改善一下😆😆咁就更好。炸雞既炸漿望落都比較厚。😅😅…查看更多

冬天咁凍，一定係食雞煲同打邊爐嘅季節，呢間餐廳同時兩樣嘢都做到，梗係一定要去食。揀左1730時段去食😆就係貪佢唔使咁多人，因為7:30離開嘅時候樓下已經多人到爆😆好鍾意有卡位坐，另外裝修都不錯。有超多唔同品種嘅飲品揀，除咗呢個櫃亦有其他自製嘅茶同其他飲品，比我想像中多，印象不錯。雞煲來了👍🏻👍🏻 雞煲汁醬不錯，香味濃郁，亦有少少麻嘅感覺，略嫌雞肉唔係太入味，但係雞肉亦都非常之滑。👍🏻👍🏻👍🏻食完雞煲，就喺到火鍋，火鍋配料呢間餐廳質素都真係幾好，海鮮好新鮮，牛肉亦非常嫩滑！唔會好鞋口。我都叫完又叫 ！…查看更多