keuung88的個人專頁

26/10/2023 星期四 晚上8時30分食完飯諗住搵間正三常常嘅甜品鋪去食下，見到笑笑有百幾個，內心就諗應該唔會伏得去邊，點知完全係一個大伏嘅餐廳叫咗一個 芒之戀$40 同 一個 芒果雪山甘露$50真係好伏，食依間敬請三思。芒之戀$40 （芒果汁底西米露，小丸子，芒果肉，芒果雪糕）成碗嘢唔知點解仲可以繼續賣比客人食，小丸子可以淋到係芝麻糊咁，完完全全無咬口，淋到可以用條脷輕輕力lam爛哂。芒果如圖中所見，全部都係熟到黑色🤮🤢，仲要係成酸酸地🤢🤮，咁都可以賣比客食，面皮厚都係一種本事。個芒果汁底稀到可以無味仲要係唔凍😓😓，加埋一齊食，得個芒果雪糕係正常。邊有食西米露食唔夠凍嘅。芒果雪山甘露$50 （芒果綿綿冰，小丸子，芒果肉）小丸子又喺淋到泥漿咁嘅樣，芒果都喺熟到又黑又淋咁😰😨😫，綿綿冰都可以無乜芒果味😰。迫我喺人生中寫嘅第二個負評的餐廳，唔係我要求高，如果大家要試伏，我都阻止唔到。如果大家要揀依間餐廳既話，真係要三思。其他食物我唔清楚，但連最基本嘅芒果都可以整成咁，其他我諗好食極有限🤮🤮。…查看更多

26/10/2023 星期四 晚上7時30分見再新開，加上笑笑有二十八個，內心就諗應該唔會伏得去邊啦，點知就真係大咗大伏。去到餐廳大概只有2成客人，入到去仲要有陣唔知咩怪味，臭臭地😱🤮🤢。餐廳職員完全無迎接過客人😰，由得客人自己埋座。Menu都要客人自己係其他枱都拎😡，職員更坐咗喺度。價錢叫咗個全日特餐乙48蚊 跟凍奶茶 加3蚊 同 乾炒牛河 57 跟凍檸茶 要加9蚊，價錢同太興差唔多，但食物質素真係差好多，份量亦較一般餐廳少。乾炒牛河除咗夠熱之後喺完全唔夠味，仲有啲中間既係白色（炒嘅時候上唔到色），牛肉得4小塊。 全日特餐乙 - 叉燒意粉配火腿奄列+牛油多士多士夠脆但叉燒喺無叉燒味，意粉係白灼意粉，湯又少，會見到啲意粉浮出哂個湯乾咗。總而之唔係好明白點解仲未有一個差評去警剔世人。 咁就由我做第一個比差評嘅人啦！食到人都勁唔開心，肥咗但係唔好食，唔知要做番幾多運動先減到。…查看更多