ctnl's Profile

喺上海名居食飯真係一個好享受嘅體驗！我哋點咗二人套只需$280，真係非常抵食，涼菜到甜唔5款菜式，包你食飽。涼菜「蔥油海蜇」-清新爽口，唔單止開胃，蔥油香味咸香夾口嘅海蜇，真係幾特別！另外再額外加咗一款涼菜「雞絲粉皮」-清爽可口，粉皮滑腍，雞絲肉嫩又多，配邪惡花生醬，就好似食緊腸粉，會食上癮食唔停！點心「小籠包」-食上海菜必定要食小籠包，小籠包做得好間餐廳其他菜式都一定唔會差。皮薄肉嫩，湯汁豐富，滿滿的肉汁真係加分。主食「酸菜魚」-大大鍋，魚肉夠嫩滑，酸菜湯係精粹，酸度適中帶微辣，入面配料有薯粉、萵筍，兩樣都係酸菜湯非常搭嘅配菜！小菜「回鍋内」-回鍋肉係第二道上海菜必食菜式！椰菜炒得靚，腩肉片入味，夠晒惹味～送飯一流！甜點「黑糖流心糍粑」-黑糖做夾心，甘香滑口，外皮炸得好香脆！好驚喜好好食！餐廳環境舒適寬敞，非常適合家庭聚餐同節日食飯，一家大細食飯嘅唔錯選擇。…Read More

香港本地品牌茶飲店黎講茶痴真係用心調製！我都算係常客，次次過中環都會行去上環店買返杯，今日發現原來中環都有一間唔洗行咁遠就飲到～茶痴嘅芝士奶蓋係幾出色！真心要推！絕對比好多國內品牌同台灣過江龍茶飲店好飲！用料堅靚，飲得出💯誠意！呢兩杯我都成日飲～係我最愛🧡 綿芝白桃用日本白桃調製，桃味香甜，芝士奶蓋一如既往超綿密奶滑，茶底清新，層次豐富。粒粒紅柚：西柚果粒好多，酸甜醒神，勁fresh。茶痴真係好好飲！…Read More

香港難得有高水準嘅英式Fish&ChipFish & Chick呢間專食英式炸魚薯條真係好值得推薦！真係好有外國風味好正宗英式嘅fish and chip!!未知上環原來有分店前，放假間中都特登會去西環食～而家上環站一出地鐵站2分鐘就到，更加方便！Lunch set 好抵食！(Starter + Main + drink )$12x-14xStarter 5選1, 超級推介蘑菇湯！好香濃真係啖啖蘑菇蓉～main 我試左店主推介嘅本地鱸魚&格陵蘭大比目魚！鱸魚相比肉實少少，比目魚就肉超嫩滑，有入口溶化！ 佢嘅炸魚真係炸得好出色！好多高級餐廳嘅炸魚都不及呢間正小店！薯條仲要厚切炸得好有口感！飲品試左杯Passion Fruit Lemon Special~熱情果香甜mix lemonade, 好開胃解膩！ …Read More

式甜品定係現代化創意糖水？Why not both☺️新式糖水鋪但有中式糖水食！坐得舒服味道又正宗！另外推介要試下雪花冰！一片片綿冰入口融化超清爽！芒多多楊枝甘露雪花冰 $78。鐘意楊枝甘露嘅一要試呢款雪花冰* 配料滿瀉，爆多芒果肉～其中一配料好似涼粉口感但係椰青口味！大讚！好食～雪燕娟姍奶燉椰皇 $68。好滋潤嘅雪燕椰皇，燉奶十分之幼滑香濃，啖啖都有雪燕，係女生大愛嘅養生甜品～好食又坐得舒服～ 食完飯一定要去食個糖水啊！！…Read More

🍸🍹Perfect spot for grabbing drinks and killer cocktails, plus the food and vibes at AOAO are next level! 🙌 The place is super chill with awesome indoor and outdoor seating—great for dinner or snapping cute pics for the ‘gram.Started off with the Celtuce Salad—fresh and tangy, so refreshing. Then the Caramelised Pumpkin came out, and wow, sweet and smoky heaven. The Charcoal Grilled Eel was tender and packed with flavor, grilled just right.But the real MVP was the Wagyu Katsu Sando—crispy, buttery, and seriously melt-in-your-mouth good. Finished with the Mini Melon Daifuku Matcha Cheesecake, which was sweet, creamy, and had that perfect matcha kick.AOAO’s got the vibe, the food, and the drinks—definitely a must-visit for a laid-back night out! 💯🍹…Read More

環境氣氛好有格調，好岩約會！D waiters都係型格路線但服務好好又nice~食得好開心嘅一晚！#秘魯吞拿魚蕃茄莎莎酸酸甜甜蕃茄莎莎配搭咗黑醋汁，味道夾又夠開胃！重點用左鱈魚脆片托底，香脆得黎更加有口感。#蒜香橄欖油大蝦多士蝦肉鮮甜多肉彈牙！炸蒜片爆香惹味配大蝦食真係好夾！再加埋焗到金黃色嘅焦脆多士，真係加分！#和風磯煮鮑魚野菌意大利飯一上檯見到咗大隻原隻鮑魚 已經流晒口水 和風汁煮得好軟嫩入味😍 risotto 好Creamy奶滑仲帶少少醬油香，日式fusion 風味嘅意大利飯 推介！#慢煮西班牙黑毛豬鞍架食肉獸必食！隻黑毛豬厚實到爆 粉嫩肉質鎖滿肉汁！簡單黑椒鹽調味已經好正，特別配搭嘅紅酒雪梨醬好特別 —微甜帶酒香，中和豬肉油脂感～今次叫左一杯cocktail 一杯mocktail。Pearadise 一杯超好打卡嘅cocktail, 帶梨子清甜輕微酒精，女生必點！好有心思用左髮簪裝飾，加埋精美高腳杯，係一杯優雅古典美的cocktail~ 好專業啊！。First crush超清新自然嘅mocktail, 主要用左青瓜調製，配左菠蘿汁，好fresh好解渴！…Read More

韓國呢間乳酪雪糕終於開到黎香港喇！夏天咁熱一定要食杯yogurt雪糕🍧好多配料都好正！叫regular都好大杯😍生果全部都好新鮮，樣樣配料都真係好足料！好食又抵食！…Read More

🍴觀塘工廈人氣 cafe｜主打招牌窩夫必食！觀塘工廈呢間 cafe 一早憑住特色麻糬窩夫爆紅，繁忙時段排半粒鐘先有位！而家開左新分店，環境更寬倘，而餐點主打都係窩夫，出左唔同新口味! 真係好吸引～鹹蛋黃薯條一上台就香到忍唔住！外脆內綿，沙沙嘅鹹蛋黃爆多，就算邪惡爆登都真係食唔停！炸尤魚配芥末籽蛋黃醬鮮炸魷魚彈牙大隻，配搭芥末籽蛋黃醬帶輕微辣，夠哂開胃。蜜糖芥末雞翼淨係賣相已經好吸引，外皮香脆，內面肉好嫩，熱辣辣好正！阿根廷赤蝦冬陰功墨魚意粉阿根廷赤蝦同墨魚都大大隻夠新鮮，配冬陰功汁酸辣夠喉，啖啖意粉掛滿汁超入味。自家製千島醬慢煮雞肉香草Pizza大大塊慢煮雞肉嫩到出汁，千島醬加香草調味，一口入魂～芒果班蘭糯米窩夫重點招牌窩夫！外脆內軟，糯米 QQ 地，班蘭香同芒果甜勁清新，難怪成為人氣打卡王～飲品推介：百香果冰茶＆玄米茶鮮奶，前者解膩後者順滑，配埋嘢食一流。…Read More

入到元朗搵火鍋食！即刻諗起大滾友打邊爐真係正！食過都要再嚟啊！靚料靚湯靚靚海鮮！玲瓘浮凸花膠雞湯鍋。招牌火鍋湯底！雞湯濃郁飲得出有花膠煲到溶化左嘅膠原感，一黎真係要飲返幾碗先！仲跟埋半隻嫩滑嘅雞比你加落花彩湯煲，堅好食！花膠又腍身入味。大滾友牛肉拼盤。牛肉鮮嫩帶牛油香手打鮮牛丸。爽口彈牙，牛肉味濃海鮮：珊瑚蚌+桂花蚌+沙白蜆。新鮮要爽嘅爽要肥美嘅肥美！新鮮蔬菜有鮮甜粟米+娃娃菜+海帶苗最後必食：火焰豆腐花幻嫩香滑！好味～仲有自家製嘅竹蔗茅根清甜解膩，清爽解熱！打邊爐必飲！好滿足！性價比唔錯，值得二刷！…Read More

石磨樂豆 Jollibean最近試咗石磨樂豆 @jollibean.hk 真係好有驚喜！原來呢個係老字號品牌有超過30年歷史，係由創辦人喺新加坡旅行時發現，後來想令品牌年輕化，帶出健康飲食。Jollibean 30年黎一直堅持每晚浸豆、每朝煮豆，呢份執著令我聯想到香港人嘅拼搏精神，採用的原材料都係嚴選過的A級加拿大黃豆，每日石磨鮮製！真係值得一試！上次限定食左芋泥三文治一試難忘，今期限定新品就出左開心果豆乳！作為開心果迷一定要試！NEW! 開心果豆乳💚·開心堅果味濃 同豆乳好夾 黑白芝麻豆腐花 $28豆味香濃質地嫩滑 ，配芝麻糊口感更有層次奶蓋芋泥小丸子豆乳 $39 / 個人偏好呢枝豆乳，芋泥好幼滑真係豆乳絕配！小丸子夠煙韌 I like it!樽裝木瓜雪耳雪梨豆乳500ml $36 / 估唔到中式口味又幾唔錯，糖水配料混合豆乳毫無遺和感！…Read More

尖沙咀難得有平靚正既平民美食! 大排檔風格嘅馬來西亞+港式美食~懷舊風味十足又夠晒貼地!真係要介紹下比大家:香煎脆邊蛋肉餅飯個蛋真係煎得好靚仔!堅脆!!肉餅更加要讚! 肉厚煎到黃金外脆 裡面肉汁又鎖到 加上蔥花同醬油撈飯 好惹味!胡椒肉骨茶胡椒同蒜味偏重的肉骨茶~香濃得黎唔會太嗆太辣 都幾開胃~咖央多士口感薄脆濃郁咖央醬~ 香甜椰香味但一D都唔漏~ 熱辣辣上檯忍唔到一定要先食! 果然是招牌菜色!招牌炸雞翼呢個好有驚喜! 外皮炸得好靚 皮脆肉嫩 應該是帶有香茅的調味~非常出色!要襯熱食！樽仔咖啡試左自家製斑蘭咖啡~好香滑順滑~斑蘭味剛好微甜感唔會搶走咖啡味~除左咖啡,仲有樽仔奶茶都好出色! 奶滑香醇 茶底甘濃~檸檬薏米水足料多薏米 甜度適中…Read More

而家真心好難搵到好食港式火鍋，仲要平靚正放題任食！「味火鍋」值得一試！ 環境寬敞岩晒一班朋友打邊爐飲啤酒！介紹返呢個任飲任食火鍋套餐，一共5部曲！1）頭盤五選一：樣樣都好吸引，有佛跳牆，龍蝦，焗蠔，雞煲同酸菜魚，今次揀左麻辣雞煲。估唔到雞煲都好惹味好出色！雞件大大舊肉又嫩滑！醬汁調得剛好唔會好油好咸。2）火鍋湯底真係正！鴛鴦湯底都唔洗加錢！試左大排檔豬骨湯+養生牛肝菌湯豬骨湯一飲就知係老火熬出黎好濃郁！仲有胡椒味好好飲！ 牛肝菌就相對清淡啲，但都係足料熬嘅菇湯，呢個配搭一邊濃一邊清好夾！3）套餐拼盤包左一個豐富海鮮拼盤+ 牛魔王美國安格斯牛肉拼盤（手切牛小排+牛肩胛+牛板鍵）兩個拼盤份量都唔少，海鮮方面有海蝦，扇貝，魚片，生蠔，手打蝦丸，手打墨魚丸，蟹柳，仲有大大隻活鮑魚！好新鮮～牛肉就最鐘意牛小排，係靚肉，質素絕對比得上和牛架！4）任食自選火鍋配料其實淨係頭4部曲都飽左一大半，仲要有勁多料任食！真係性價比極高！5）movenpick雪糕真係太飽，我地連雪糕都食唔落，唯有下次再黎過先食！…Read More

茶痴又有季節限定新飲品！雲石鮮奶茶系列，採用左台灣的烤地瓜同黑芝麻調製的飲品，濃滑又有口感！⚡️季節限定🧋🧋回歸了！🍠台灣烤地瓜（紫）蜜芋頭鮮奶烏龍茶$42🧋台灣手炒芝麻蜜芋頭鮮奶烏龍茶$42試左芝麻果杯，真係好surprise! 好濃厚嘅黑芝麻味，黑芝麻經低溫烘炒磨成粉狀嘅芝麻加入鮮奶烏龍茶底，係順滑感的芝麻糊但充滿炭焙香氣，再加左蜜芋頭超有口感！朋友就一如既往鐘情於經典的#綿芝白桃烏龍，係招牌的茶飲，綿芝綿密幼滑，茶底清香。…Read More

葵興竟然有間好chill嘅cafe, 靜靜地可以坐大半日同朋友黎傾偈或者自己黎做野都好適合！炸薯條配黑松露醬 $48份量大 薯夠脆 抵食！水牛城狂野雞翼 $58雞翼煎得幾香 有少少焦香配搭水牛城醬汁好惹味大蝦黑松露什菌意粉 $118黑松露味道好香濃 個忌廉汁煮得都幾奶滑 整體香氣十足味道有8分！大蝦帶子龍蝦汁意粉 $138呢個味道更加濃郁 龍蝦汁夠香濃 大蝦同帶子都大大隻 整體色香味都俱全。西柚冷泡烏龍茶 $45清新解膩嘅西柚冷泡茶，帶有微微果甜mix淡淡茶香，甘甜感好balance，個烏龍茶底但一d苦澀茶味都冇，非常好飲！丸久小山園抹茶 latte $50抹茶味超濃澀，小編超愛帶有抹茶生澀味的latte，這家做到我想要的！推薦抹茶控必喝！…Read More

金鐘月街試左間好有驚喜嘅Cafe，坐住露營凳喺路邊飲啡食嘢非常超chill! 咁岩撞正cafe有狗聚，個vibe超正！pet friendly cafe 真係建議有毛孩嘅帶自己嘅愛寵黎一齊chill!Menu 好特別，主打係用港式主題而製作嘅sandwich ,好似招牌嘅沙嗲牛肉、蔥油雞同叉燒，款款都好吸引啊！今次點左黯然銷魂菠蘿叉燒三文治同法式西多士。黯然銷魂菠蘿叉燒三文治 -味道非常驚豔夠juicy！叉燒肉肥瘦適中真係做到經典港式味道，加配黑醋汁非常夾，好開胃冇油膩感，外層三文治係自家製薯仔菠蘿包嘅口感外脆內軟！好出色！法式西多士-擺盤已經好吸引好靚，揀左店主推介嘅金橘檸檬口味，西多士炸得好香脆，厚牛油邪惡感十足，但配柑桔醬食酸酸甜甜好特別更加好味！一定要試！氮氣泡沫港式奶茶-氮氣泡沫嘅港式奶茶第一次試，真係比平時茶餐廳飲嘅奶茶多左層泡沫，口感更加綿滑，奶茶香氣更濃厚。…Read More