cherrymilky's Profile

團年飯，乳豬餐，肥到咁，點食？經理話，特價野，係咁架！邊有豬唔肥架！無得換！$1888乳豬套餐，有幾平先？唔係好明囉！未剪隻豬邊知道只豬肥唔起。仲話我哋剪開咗冇得換喎！好奇怪囉!第一次食到咁唔LIKE KEY!…Read More

食物質素相比外間知名的，更加好食。服務員很有禮貌，很有耐性的介紹講解，態度親切有善，環境舒適，令我們一家人可以有一個愉快的晚上。最令我喜出望外的，就是黑松露香蒜薯條，外脆內軟，絕不油膩。…Read More

去九龍城, 梗係去食泰國菜啦, 咁先至係地道呀麻.地方 : 因這段期間, 宋皇台下車, 改路關係, 要上上落落天橋先至到. 要食好野既, 辛苦少少都值得既.去食泰國菜, 梗係飲返支泰國啤啦. 味道淡淡地, 易入口.生熟牛肉, 份量驚人, 牛肉稍為熟了少少, 可能老細驚大熱天時, 食唔熟既牛, 對身體唔好, 味道濃郁, 少少SPICY.煎蠔仔餅, 份量更加之驚人, 味道淡了一點, 所以要點醬汁, 不過每一粒蠔仔, 超大隻, 好滑, 都值得一試. 如果炒蛋方面, 可以做到有蛋汁既效果, 咁就更加好了.…Read More

今日, 原本同朋友慶祝生日, 本來早兩日已致電訂位"小桃咖啡室", 但當日上到去"小桃"時, 職員才通知已包場, 所以就要轉到這間"凡高餐廳"用膳, 唔明點解"小桃"那邊沒有人通知我們轉左場, 要臨急臨忙通知其他朋友轉場安排.到場時, 因為座位很滿, 我們四人安排到一張10人大枱 (可愛的是有3個大花瓶把大枱相隔(4位)+(6位)幸好, 這兒的老闆通情達理, 把我們原來跟餐的甜品轉左一個靚靚甜品套餐.到上甜品前, 老闆很好人, 把我們安排返入座四人枱, 好讓我們坐得舒服一點.價錢價錢 : 分兩款 (1) PARTY PACK ($/head) (2) Set Dinner ($/Set). P.S. 有兒童餐供應食物質素 : 有特式, 唔似外面的西餐廳質素服務態度 : 有善飯後檢討 : 是一個值得推介的地方環境方面 : 尚算寬敞, 有好多搖搖椅, 有古典歌目播放, 好有歐洲情調如果唔係太嘈吵的話, 食飯傾計都算係一個幾好的地方…Read More

環境一流, 服務一流, 唔使多講, 去完一次又一次,由頭盤, 主菜, 甜品, 好食到結尾逢星期一至四晚, 甜品可轉, 某部份做優惠, 額外加$1可換購,有酒類選擇供應, 紅白酒, 杯上或樽上.價廉物美, 色香味俱全,服務認真, 值得一讚,餐類頗多選擇, 一定有個啱你胃口.…Read More

好味, 唔貴, 氣氛好好, 好有泰國FEEL, 仲好有泰國既氣味.冬蔭公湯好好味, 燒雞好好味, 皮蛋蝦餅好脆又好味....大致上都好好味, 不過我就唔好SPICY, 好彩唔係好多味SPICY既...WATINESS都係泰國人, 但識講廣東話, GOOD.不過埋單既時候就唔識對單, 因為唔識睇佢地寫D字...攪笑....…Read More

呢間日之食, 聽人講話食過ok 咪去食下囉, 點知一坐低一陣, 就大有問題存在啦!點解我寫左單, 等左成20分鐘先黎野食既? 點解我寫10樣先黎得2樣既?點解D汽水唔凍既? 點解來來去去都係黎刺身既? 點解食一餐都會有咁多疑問既?其實, 呢兩個鐘頭裏面, 都已經心知不妙了, 一路落柯打紙, 一路等, 都唔知等乜?寫完一次又一次, 但來來去去都係黎刺身....攪到我成晚食刺身食飽啦, 邊係任食呢?落天婦羅唔見黎, 鐵板燒唔見黎, 又話有好多野食, 但....成晚都係食刺身......唔如果係食刺身既話, 咁又使乜去呢度食喎!汽水又唔凍, D刺身蝦又梅, 天婦羅又無左影..... 咪搵個人黎問下囉.....問點解無野黎....咁佢咪去 CHECK 單囉, CHECK完又話無收過....成晚我已經不停落單架啦.....邊會無喎....分明掉晒啦......唉, 都未試過去一間咁差既食店呀.....本來開始都唔想入去, 但朋友話OK咪去囉....事後, 當然話個朋友啦.....咁差既都叫我去, 價錢又唔係平喎, 服務又差, 食物又差.....早之咁様, 去M記應該會開心好多呀.....唔使攪到成肚氣啦!最後, 未試過既朋友, 千祈唔好去呀, 費事等足兩個鐘頭都無野食黎呀!未試過飽都未食飽, 又話差不多夠兩個鐘, 就催你埋單呀!最慘既經歷!…Read More