江師傅的個人專頁

香港一共有7間米芝蓮三星餐廳，喺朗廷酒店入面嘅唐閣係其中之一，一個月前我哋就訂定枱同屋企人食晚餐。🥢餐廳環境同裝修都頗有氣派，侍應帶咗我哋上二樓嘅大房，同隔離枱距離都唔近。由於我哋未嚟過，所以就選擇咗呢度嘅tasting menu，可以一次過試晒佢嘅6款招牌菜。👇🦀釀焗鮮蟹蓋蟹蓋外層炸過後又脆又香，而且炸粉十分之薄，釀入嘅蟹肉肉質細嫩鮮甜，再加埋洋蔥爽脆嘅口感增加層次，呢道鎮店佳作為我哋嘅晚餐揭開序幕。🍲海味雞煲官燕用料上承，食材熬煮過後嘅鮮甜全部融入湯頭，每一啖都食到燕窩，海參，魚肚，口感豐富。🦞黃金焗開邊龍蝦龍蝦肉質肥美結實，配上處理過嘅咸蛋黃，幼、嫩、沙、油，令人回味萬千。🐂燒汁茭筍日本和牛粒和牛入口即溶，牛肉香氣除除滲落舌尖上，煎嘅時間一秒不差。茭筍無渣，鮮甜，解膩剛好。🍝鮑汁吉濱鮮鮑炆麵原隻鮑魚有嚼勁，齒頰留香，粗麵汁帶有香菇嘅鮮味更顯心思，吃畢全碟都冇口渴嘅感覺。🍮木糠忌廉凍豆腐布甸本來的中菜餐廳嘅甜品不感期待，但呢個係我食過最好味嘅木糠布甸，甜嘅忌廉配上底層豆味濃郁嘅豆腐布甸，係全新嘅食覺享受。總括而言，唐閣嘅菜式除咗食到大師級嘅調味，亦不失食物本身嘅原味道。💯…查看更多

今次訂咗26件mini size散水餅，12點開門就可以去自取或者Gogo Van送貨。店舖喺駱駝漆大廈第三期，都幾易搵。門面簡潔得嚟都幾有格調櫥窗入面放咗幾款甜品，全部都好精緻😍個人認為單係賣相都比平時連鎖店嗰啲更吸引。放出嚟嘅全部都係regular size👇去到講低電話號碼店員就即刻將Pack好嘅餅拎出嚟，包裝都係貫徹簡約路線。一打開盒，真係冇令我失望！每一款嘅賣相都好精美，一啲都唔馬虎我自己就試咗抹茶撻，mousse口感幼滑，甜度適中。至於拿破崙款式，吉士醬香滑，餅皮酥脆，都推薦。至於其他口味，同事都大讚。仲要mini size真係好適合做散水餅，份量剛剛好。🙆🏻‍♀️希望香港可以有更多一樣出色嘅小店，可以等我哋喺連鎖店外有更好嘅選擇！…查看更多

開始秋涼了，又到食煲仔飯嘅季節，而小弟事前做咗唔少功課，見呢間長期大排長龍，食評又不俗，仲要係黃店，就試吓佢啦！見網上有評論話可於當日下午5點致電book枱，但經驗係電話一係長響一係唔通，大家可以再試吓舖頭六點開始營業，我哋六點去到，已經要等36張枱了！果然人龍係名不虛傳，最終等咗1小時45分鐘先入座..而舖內座位唔多，大概得十數張枱獲得黯然銷魂掌+英雄帖 餐牌店內裝修充滿金庸小說特色，但對我就冇咩共鳴喇除咗招牌配搭，仲可以自選三餸，都係均一價錢$80，夠晒彈性👍落單後大概15分鐘就上飯，時間合理👆🏻臘味排骨煲仔飯臘味都幾香口，一半係肥肉，至於排骨就同平時酒樓食嘅無乜分別見隔離枱對情侶想食飯焦又整唔到，呢方面我有經驗，步驟好簡單：1）喺飯嘅外圍落豉油2）冚蓋焗2-5分鐘3）先食中間既飯，等煲既餘溫煎脆外圍既飯4）最後先食外圍既飯，用匙羹起飯焦就食得😋👆🏻北菇滑雞飯菇同雞都冇點醃過，味偏淡，好彩有葱油吊下味，才不叫不色我哋仲幾不幸地獲得雞背一排，冇乜肉食飯粒粒分明，軟硬適中，豬油獨有嘅油香同飯香相輔相成，再加埋甜豉油色澤實在誘人👍通菜可選蒜蓉或者馬拉盞唔算好油，有金銀蒜，幾有誠意埋單加一後$245，個人認為唔太值，飯雖然做得出色，可惜餸一般。呢度出名秘製豬油可以任落，從營養學角度動物油脂富含飽和脂肪，不利於心血管健康。⚠️而英國BBC曾經報道過豬油係［十大健康食品］，指佢含有豐富維生素B，但食用油本來就唔係吸收B既重要來源。BBC又指豬油相比牛油更健康，但係我想講未至於係［健康食品］既。🤷🏻‍♂️點都好，要落控制份量啦（建議一餐不多於一茶匙）🤏…查看更多

呢間壽司店係我每次想食日本嘢時嘅首選，不過佢係一間立食餐廳，如果已經行街行到好攰嘅朋友就要三思喇首先介紹既係我每次必定會嗌嘅［三文魚子軍艦］多到滿瀉嘅魚子令人未食先興奮，粒粒既有光澤又飽滿，豐腴嘅膏香喺口慢慢爆破，你食過就會知我真係冇誇張。重點係一貫只係$20，平民價錢帝王享受😍第二樣推介嘅係［火炙左口魚邊壽司］左口魚嘅特色係又肥美又爽口，火炙過後嘅鮮甜濃郁魚油香慢慢咁滲出，又係不可錯過😋［珍寶甜蝦壽司］［吞拿魚壽司］👆呢兩款都屬中上，絕對比任何連鎖店都更新鮮油甘魚味道淡鮮，口感柔軟，柚子醬更加將魚鮮味提升，畫龍點睛🐲呢度嘅壽司飯加咗赤醋，質感粘而不濕，應該都係用咗日本米😋至於海膽手卷就不過不失，可能因為我哋冇叫到日本海膽，下次再試😊用埋某app嘅50%折扣，兩人食咁高質嘅壽司總數都係$170有找，幾抵都唔洗我多講…查看更多

呢間小店由中學年代幫襯到宜家，每次經過新蒲崗都會嚟食晚餐，適逢朋友話想食小籠包，就帶佢嚟試下啦！店內座位唔多，等左5分鐘就有位。呢個係每次都必點嘅招牌小籠包，一籠有五隻，即叫即蒸，上到枱仲出煙架！每隻都肉汁十足鮮嫩，肉餡鬆軟，讚👍🏻雞絲粉皮嚟講就中規中矩，醬汁嘅麻醬味偏重，而且雞絲嘅量略嫌有啲少🍜最後到重頭戲羊肉搶湯拉麵，羊肉脂肪比例唔多，所以唔會好膻，瘦肉絲帶筋，略有咬口。至於佢個湯底味鮮而不膩，平時唔飲麵湯既我都忍唔住飲咗幾啖😋👍手打拉麵粗幼不一兼彈牙，配上津白絲食落口感豐富👍🔅小知識分享：羊肉入面既左旋肉鹼(L-Carnitine）有助身體燃燒脂肪，適量食用會越食越fit嫁！總結：佢既招牌小籠包似上海小店既味道，夠晒正宗。至於手拉麵都值得一試，論上海菜佢係［價廉物美］既💯…查看更多

☀️見星期六天氣好，就揸架車同女朋友周圍兜風。午餐揀喺老地方屏山肉餅醫肚，呢度有食客專用車位，可以坐低慢慢安心食唔使驚俾人抄牌。🅿️🚘🚖揸車朋友仔留意：面向餐聽右面有條小徑，一落去有個免費停車場泊車。午餐時間唔洗等位，坐位係4-6人枱同硬膠椅，衛生尚可。一坐低姐姐就俾咗張廚師推介餐牌我哋，另外仲有主餐牌，粗略估計都起碼有30款肉餅。我哋叫咗黃金蝦肉餅同埋辣雞肉餅飯，留意返就算叫廚師推介既menu亦都唔包餐飲，建議阿姐落單嗰陣可以提提客人。😊先講黃金蝦餅，肉餅成寸厚，兩邊亦煎得金黃香脆，鹹蛋黃份量亦都唔少，鹹香惹味。不過唔係好食到有蝦肉嘅香味，切開亦都見到唔少咁大粒嘅肥豬肉，雖然我都知肉餅要有肥肉嘅油脂先好味，但呢度嘅肥肉始乎無同豬肉融為一體，仲有啲突兀。鹹蛋肉餅每100g就有20g總脂肪，久久淺嚐一下就好，多吃壞肚皮😉辣雞肉餅，兩邊同樣煎得香脆，食落少辣帶有洋蔥既香味，而雞肉與豬肉量各佔一半。🐷🐔揀雞肉係諗住冇甘多肥肉，結果分別不大😌總括來講呢度嘅肉餅味道多元化，如果同幾個老友黎叫幾款味開心share都過癮，但味道就唔好抱太大期望。😝…查看更多

最近好多酒店都做緊Staycation食宿優惠，今次揀咗呢間Hyatt Centric Victoria Harbour 住一晚，除咗因為新落成，仲係俾佢個infinity pool吸引，咁仲更加有旅行感覺，可以暫時止一止旅行癮😆我哋加$400將Lunch buffet upgrade 做Cruise空中餐廳及酒吧的晚市二人套餐，仲包2小時氣泡酒、啤酒及汽水無限飲🥂餐廳當日下晝主動打嚟同我哋預約好用餐時間，入坐嗰陣仲安排我哋坐窗邊枱。一坐低侍應就簡單介紹咗我哋嘅二人套餐，之後就serve餐酒同餐前小食炸蝦餅。蝦餅好香脆亦冇油膉味，仲配有3款唔同口味嘅醬，等上菜前配酒過下口癮先。前菜-Appetizers1）時令即開生蠔🦪即開生蠔配上三文魚子，未入口外相已經加晒分，配埋海景影相打咭簡直無得彈。生蠔入口鮮甜軟滑又 creamy，配埋三文魚子嘅蛋香相映成趣，要數缺點只可以話每人得一隻，不夠過癮。2）油甘魚刺身呢道菜顛覆咗我對油甘魚嘅固有觀感，冇諗過呢款充滿泰式風味嘅青檸香草醬汁可以令油甘魚嘅魚油香更突出。3）香辣韓式炸西蘭花🥦將炸粉包住西蘭花炸完再沾上韓式辣醬，幾惹味同創新，略嫌炸粉厚咗少少🤏主菜-Main course 4）烤黑毛豬腩肉生菜包🐷黑毛豬烤得好香脆，入口脂香滿溢，配埋蜜糖芥末醬，更加係畫龍點睛。不過五花肉脂肪比例較多，為免日後還債還得太辛苦我都去咗一部分肥肉先食。5）星洲炒大蝦🦐隻蝦有我手掌咁大，剝開蝦殼，鮮嫩又結實嘅蝦肉再蘸上又甜又辣嘅星洲醬汁，食過返尋味！😋6）青咖喱雞🐔呢道菜同平時食嘅青咖喱冇乜分別，雞肉份量夠，但略嫌肉質唔夠嫩滑。配菜-Sides7）森巴醬蛋炒飯炒飯炒得粒粒分明，呢種東南亞香味既炒飯味道唔錯。8）欖菜炒四季豆四季豆口感軟硬適中，味道都標準。甜品-Dessert9）朱古力威化榛子椰子雪糕睇得出係心機之作，侍應叫我哋敲碎上層嘅朱古力威化，由上而下咁食。上層香脆威化朱古力配中層嫩滑既榛子，食落唔會太甜，至於下層椰子殼造型嘅朱古力球入邊係包住椰子味雪糕。🍫🌰🍨 一個甜品有多種口感，為呢餐晚飯畫上完美嘅句號。💯…查看更多

女朋友同我好少出港島，唔知有咩好西食，就開個open rice睇下食咩好。見到呢間既炭燒雞扒幾吸引，決定午餐就食佢喇！舖頭位於海灣街既一條小巷，都要搵一陣先搵到。 未夠一點半雞扒已經賣晒😯，我地就叫左炭燒香茅豬扒飯蔥油（蔥油另上）、烤豬肉撈檬、菜心（全走）豬扒：肥瘦均勻、炭燒味香、味道帶點蜜糖味。加分位：好多椰菜喺底、夠晒一餐嘅纖維👍烤豬肉：豬味濃而調味偏淡，唔鍾意食鹹既就啱晒。😊檬粉：彈牙，軟硬適中。菜心（全走），就慳咗大約100卡路里😎豬扒飯（蔥油另上），又慳左一湯匙油（135卡路里）整體👌、價錢親民。…查看更多

中午1200去到，隔離澳牛排晒長龍，而麥文記唔洗等位直入。叫完野食等左5分鐘就有得食喇。👍上湯雲吞麵：麵爽無鹼水味，湯底鮮甜雲吞：原隻鮮蝦夠彈牙、雲吞皮薄南乳豬手撈麵：豬手有咬口，南乳夠入味鮮嫩油菜（芥蘭）：翠綠新鮮，少油好食！會回頭…查看更多