lilywong_730's Profile

睇返原來呢度應該剛剛休業咗差唔多半個月，原來內部裝修，呢幾日重新開張，以前久唔久都會同朋友去呢度飲嘢傾計，今日咁啱同朋友搵地方聚，既然重開，同朋友就入去支持下，餐牌更新左，多咗好多款式，酒類亦多咗好多！乜酒都有👍🏻👍🏻👍🏻👍🏻估唔到食物仍然維持到水準👍🏻唔好睇好似啲食物好簡單，但係完全睇得出廚師既精心炮製！串燒好好味😋另外不論cocktail 或者Mocktail也好，可以由調酒師為你選擇啱你嘅飲品！呢度雖然地方細細，真係五臟俱全，值得一而再再而三光顧同朋友一齊聚腳好地方👍🏻👍🏻👍🏻成晚掛住同朋友吹水，有啲食物同飲品都忘記影相，下次再嚟時再影番多啲🤣支持香港夜經濟…Read More

等到花兒也謝了，耐到已經唔記得咗咁咗幾耐，上個月突然收到老闆娘來電，佢個不錯嘅人生有枱星期五晚上，一向為食的我，即刻通知好友，一齊去品嘗👅😃知道搬咗新舖，總共4枱有一vip room可少12人～16人最低消費人頭$1150以上其他可以8～12人由人頭$950～$1580店舖光猛，舒服，睇到老闆用心設計👍🏻服務員有禮貌、親切每道菜式都係老闆娘親自講解介紹👍🏻每道菜式都睇到廚師既用❤️非常之值得嘅體驗👍🏻現在想再預約要去到2025年了😫😤真誇張🥶食物水準非常之高👍🏻👍🏻👍🏻👍🏻👍🏻👍🏻是日選擇人頭$950 ，8人，免收加－，可自携任何酒水，蛋糕，只收現金或FPS共$7680埋單，有$80係nuts & 茶錢總括來講：好味😋值得再次光臨，只係等得太耐，想再黎就……………….😂😱🤯1)芥末麻香花膠~非常之爽👍🏻👍🏻2)冰鎮南非鮑魚～廚師炆足兩日，非常之淋👍🏻👍🏻3)桂花火方鍋巴～桂花蜜糖汁好好味😋廚師切到好薄，唯一缺點係肥膏多，我哋唔like肥膏4)哈蜜瓜爵士湯～每一煲盅湯都係獨立去燉，好清甜，簡直係世一，我會比十粒⭐️好好好好味5)賽螃蟹粉法飽～用5款不同蟹拆肉共16隻一碟，配法飽非常好味，一次過滿足晒鍾意食佢嘅願望，有兩款醋可點用，其中一款係廚師自家製好好味😋👍🏻👍🏻6)鹹梅蒸鮮馬友～魚非常之新鮮及肥美，配鹹梅真係絕配👍🏻👍🏻7)上湯有機菜遠～唔記得影相🥲菜心非常之甜，上湯好飲👍🏻👍🏻8)老陳皮紅豆沙～選用40年陳皮，好香，好味，由於太飽嘅關係真係食唔晒🥹…Read More

長期book枱都係full既關系，照落waiting list , 已經唔記得幾時book😜,突然早一天下午來電話星期日有位，唔理咁多，照殺🤩！11:30-13:00時段：後補位梗係冇窗口望海啦！今次安排坐位在近出食物位置，位置一定不是理想，全無景觀😒⋯⋯不過都算寧靜環境進食，職員每一位都友善，每送一款食物都會講解，非常清晰👍🏻！食物品質，非常之有質素👏🏻👏🏻一路食，一路好掛住日本🇯🇵真係再更加深想疫情突然消失，大家可以繼續自由旅行！星期六、日假期午市套餐，有5款選擇，包埋前菜、飯後甜品！今次都係用商場coupon等同半價，非常極之優惠，作為精明嘅消費者，叫兩set慳得最底👍🏻我今次叫咗和牛漢堡set $468漢堡牛非常之juicy ,有味，好好食壽喜燒A5和牛set $598和牛入口即溶👏🏻👍🏻一定會再來試埋其他set 😎希望下次可以坐喺窗邊😍I will be back again soon 🤓😛😋🥰😚😚…Read More

今日打算普普通通食一餐，search 到呢間，所以來一試！餐牌都算總類多，刀削麵分A-G餐，仲有菜飯餐，不過入得黎就多數係食刀削麵😉！食物品質不錯👍🏻，落單也非常之方便，可以手機落單，不過一行三人每人自己落一次，所以分開咗3張單😬，埋單時阿姐態度不太好，嚴我哋麻煩，係咁講叫我地下次一張單過落單，方便佢計數，但係關我咩事，每個人都一部手機，更係各自落啦，鬼知你咁多規矩咩😜！阿姐講咁多野反而令我唔會再嚟，怕麻煩阿姐你不如唔好做😤…Read More

中環有分店，必食推介，經濟實惠👍🏻👍🏻👍🏻食過深水埗果間都諒解一分錢一分貨嘅道理，我指環境衞生咋😂新店開張一定乾淨、企理👍🏻係中環區可以食到咁嘅價錢，低讃👍🏻餐牌同深水埗大同小異，不過冇左鷄扒配意粉set 😢可能舖頭比較細冇一個area可以自取芝士粉,辣椒仔等調味料，自助式取水位比較近其他客人枱，不太方便！我大約早上11:50分到，剛開門入內未見人龍，不過到左15分鐘左右，人潮開始嚟，外賣又多，要企到門口等位🙌職員好有禮貌，唯一係啲芝士粉呀，辣椒仔講真比$39堂食不設加一，食大大碟意粉都冇乜要求嘅😜！不過品質都唔錯，意粉都彈牙，蜆肉也有好多！所以超級值得推介👍🏻👍🏻👍🏻…Read More

譚仔嚟咗中環咁耐都冇去食過早餐，今次突然醒起走去試吓，估唔到價錢及口味都非常之合理👍🏻早市只開下層，鋪面原來都頗大，幾多位，我早上大約10左右到，都有幾多客，座左大約8成，都算幾旺埸！早餐餐牌有由A餐去到G餐任均選擇今次我選A餐試吓，將炒蛋加$3仲改埋香茜芝士煎蛋1）香茜多士煎蛋加茄汁豆加多士- 多士鬆脆，香茜就普通同茄汁豆就冇乜特別2）火腿通粉-我最欣賞個湯底，不錯3）加$2 凍檸茶我會再去食早餐😉🙌…Read More

每次經過門口成日都非常之多人等位，所以試吓星期日早上開門前11:05到達，未開門已經有人同我一樣等開門🤣未到11:30門口已經起碼有廿歲人👍🏻👍🏻誇張🤣！職員一開門後逐一安排位置，我哋有老人有輪椅，所以安排一張大抬，5位，要分開兩張抬，剛開門所以任由我地選擇，我哋梗係坐一張窗邊比老人家望風景😬！1）蟲草花炒翡翠苗-好爽口2）柚子沙律-非常之啱熱辣辣嘅夏天食，好清新3）煙燻魚- 好味、不過都幾多骨，老人家唔啱4）雞絲粉皮- 冇乜特別5）小籠包- 冇乜特別6）上海粗炒-冇乜特別7）火腿脆片夾飽- 幾持別，唔錯6）片皮鴨一隻-分開兩碟上，保持水準，不過不失！鴨身會問要唔要，我哋選擇要拿回家煲粥😋最後評語，如果要等位等好耐我就一定唔會嚟！試過就算😂補充：職員每一位都親切，我哋兩張抬，要求分單計，職員都非常之樂意協助，可以用盡海港城coupon 🤪這點會令我會想介紹朋友嚟😁…Read More

已經光顧第4次，每次總是沒有令人失望🤟🏻都係有商場coupon,今次可能撞正coupon就嚟完日期前兩天，所有食肆都非常多人，今次一行五人在門口等了大約1小時才入座！一坐低等你即叫食物啦，呢度所有員工非常smart，非常有禮貌，所以食得非常舒服！1）咖哩薄餅-好味2）黑松露龍蝦意粉-好味3）煙肉片炒菜芯-好味4）牛肉湯河-好味5）白汁芝士蘑菇意粉-好味6）蘑菇pizza -好味7）Magerita Pizza- 好味8）4杯非常之好味嘅特色飲品🤣👍🏻我的意見係成個餐牌冇乜邊樣唔好食😉🤣！埋單時問職員可唔可以分單，因為我地分兩張枱，店員非常樂意協助，會幫我分開兩張單計，我可以享用哂coupon優惠，呢點非常之值得一讃👍🏻👍🏻所以我係會經常介紹比朋友嚟呢度🙌…Read More

相信呢幾日成個銅鑼灣啲商埸都好靜，全港市民湧哂去時代廣場及尖沙咀海港城，要用埋到4月18日到期嘅coupon, 所以我今日專登去SOGO ，平時mellow brown 無論疫情定平時都算多人食，今日去到更係唔駛排隊，終於入到去試食😄一行二人叫咗煙肉忌廉意粉$92 -夠熱，冇乜特別芝士蘑菇雞肉通粉$93- 都係夠熱、新鮮，冇乜特別平日晚市套餐set$42 - 沙律、忌廉蘑菇湯、橙汁總括來說，全部冇咩特別，講真同茶餐廳出品冇乜分別，唯一可能係隻碟放食物比較企理😄!食食下野嘅時候竟然有個服務員喺兩張枱隔離用吸塵機吸地下我唔知佢喺度吸水定還是麈，部機又大舊又嘈，雖然只係一兩分鐘，建議服務員應該等冇客嘅時候先用！雖然食物都算OK！可能係咖啡好出色，不過我唔啱飲所以比唔到意見價錢同食物對比不太值！試過就算…Read More

都係有time square coupon , 差唔多半價，今次平左$350，物超所值👍🏻👍🏻所以一定要試吓呢間日本菜我哋一行三人12:00左右到逢，以為已經早過lunch times時間，但係門口已經排了十多人，因為沒有預約，所以等左差唔多1.5小時🤔，可能仍然好多人仲放緊復活節假，下次一定唔會排隊！打算立即再book 下次再嚟，不過下個booking係要18號，足足10日後才book到真誇張😎！午市套餐及定食1）刺身御膳 $258（跟沙律、前菜、海鮮蒸蛋、白飯、味增汁、甜品）- 全部刺身非常之新鮮👍🏻唯一不太満意是舊海膽，應該唔係日本貨係加拿大🇨🇦AA海膽貨！2）特上天婦羅御膳$298（跟沙律、前菜、海鮮蒸蛋、白飯、味噌汁、甜品）-天婦羅好新鮮即炸即上👅👍🏻👍🏻3）日本吉列黑豚滑蛋飯$188（跟沙律、前菜、味噌汁、甜品）- 黑豚肉實淨鬆軟反而係個滑蛋咸咗啲，下次應該會選咖喱黑豚飯😁可能好些🤩…Read More

見到外賣apps自取有6折，當然枱高左原本價錢啦！折左用埋apps優惠卷始終都平過現場落order ! 第一次光顧，講真之前係完全沒有留意呢個位置既食店，試咗今次，下次一定會去堂食👍🏻想試埋其他食物，見到餐牌都算多選擇點左2款食物及1個小食日式咖哩吉列豬扒飯- 豬扒鬆脆😋咖哩汁夠濃夠味跟麵豉湯- 出奇地足料好飲👍🏻日式蒲燒鰻魚飯- 好食嘅，不過就少飯左日式餃子🥟- 冇乜特別，都係叫貨回來，放落去炸熟…Read More

第一次光臨，朋友介紹，預早預約，這店環境特別，我們一行六人book左尾房有兩張共8人枱！完全自成一閣，私隱度好，雖然都係開放式房，但係完全不會受外界影響👍🏻👍🏻👍🏻！另外冷氣亦相當足夠，整體店內不會太大油煙😄另外仲有室外，如果夠3枱人，在秋涼天氣一定要book室外，唔知以為包左戶外添！現在開始熱就不適合戶外了！食物方面，非常值得一讚👍🏻青瓜、泡菜、番茄仔、生菜、盤邊芝士及泡菜蛋，全部食晒可以任添加✅！唔好以為任添就質素差，佢哋啲泡菜真係幾好食😋真心覺得非常值得黎多幾次！星期一已經full 左9成枱，所有員工態度非常之好，我哋要求多多都冇炸型！👏🏻👏🏻最後所有肉類非常之好味😋！我哋吃左1set 5-6 人套餐，1 set 2-3 人套餐，另外由於醬油蝦做半價，職員推薦叫咗兩碟，不過下次都係唔好叫特價貨品，我估計係積貨😞啲蝦唔係好新鮮，另外再加一碟豬皮，呢個都值得試吓，肥既指數100🤩…Read More

壽司朗，自從來香港只有佐敦店到現在，短短時間，開到4-5間分店，希望港島區快啲開幕😬，等到我頸都長，當年起碼walk in 等2小時，現在仍然要1.5小時進步左😄😄！好彩我地5:30已經取飛，因為於6:30已經停止派飛😱認真誇張🥶⋯⋯講真本人非常之喜歡呢度啲食物，底不特止，真係值得嘅，食材不會因賣出價錢平而不新鮮，簡直物超所值！好彩現在取消哂所有電子預約，這個決定絕對明智！唔駛啲人又走去炒預約quota, 我哋一行四人，有car 位，舒服！服務員態度非常好👍🏻！一定會無限再光臨😄…Read More

呢間日本沾麵當初來K11人氣非常之勁，長期排長龍！一路都未有機會食到，估唔到早前收到K11 member reminder 話我知會員積分就到期，我有八百幾元k dollars , 可以去當現金用！我一search 原來可以在這店使用，諗都唔駛諗即刻嚟食，可能疫情加今日時間早啲，所以唔多人，一行4人一到即有位👍🏻👍🏻！今餐只係自己比$15攪掂，真心多謝K11 商場👏🏻值得一讚👍🏻呢度所有店員非常之有禮貌同親切，令我食得非常之開心😃廣島蠔豚鴨沾麵 - 湯底好夠味有鴨肉，廣島蠔🦪炸得好味，沾麵夠爽粟國塩味沾麵x2- 湯底有豬肉粒，沾麵夠爽芝麻辛辣拉麵- 湯底濃郁不過麵不及沾麵好味黑胡椒炸雞 - 出色 👍🏻連配菜同麻醬都好好味日式煎餃子- 同一般日本店嘅餃子一樣，係個餃子汁最正😁山形縣提子汁- 正宗日本🍇🇯🇵🥰信州蘋果汽水- 都係冇汽既蘋果汁夾啲😜總括來說，食物係好食，不過又唔係講到米芝蓮咁勁😬！嚟試下絕對可以，我哋就試過就算🌟😄…Read More

疫情實在太耐了，已經有一年半沒有回內地，實在太掛住酸菜魚同埋麻辣嘢食，要在香港搵一間正宗好味的酸菜魚真是10分難，呢間漁舍新開冇幾耐所以黎試吓，不過始終都不及內地好味道，店舖裝修都頗優雅，幾有日本feel，冷氣非常充足未食之前真係好凍，叫咗兩次服務員關細啲個冷氣！所有服務員都非常細心及有禮貌，令我們一行七人食得非常高興😊1）虎皮青椒皮蛋- 不過不失2）麻辣手撕雞-麻醬撈得不錯👍🏻3）山葵小木耳-原來木耳加Wasabi汁是不錯的配搭4）酸菜湯配魚片- 其實真係同內地的酸菜魚差很遠，無論湯底，魚片，這裏都是一般5）椰香脆皮BB鴿- 炸得都夠脆，肉質都幾好6）蕃茄牛骨湯配淮山麵- 估唔到成晚最好食應該係呢個淮山麵，淮山麵好食7）極品毛血旺- 味道非常濃郁，夠辣，所有食物都很入味，唯一係食完之後好口渴8）水煮田雞腿- 味道也是非常濃郁，田雞腿很入味，不過食完都係好口渴總括來說食物不算差但也不算稱得上很好味，不過都值得嚟一試😁…Read More