紅顏知己's Profile

見屋企附近何文田廣場，開咗間台式火鍋，趁而家天氣開始轉涼，就諗住入去試一試啦。火鍋係每人一鍋，夠晒衛生，我和朋友分別選擇了養生藥材蒜頭雞鍋和川芎藥膳魚頭鍋。首先上枱的是藥養生藥材蒜頭雞鍋，顧名思義是雞湯底，再配上豚肉、雞件、貢丸、鴨血、豆腐、雲吞，唐生菜、金菇、鮮冬菇，和台灣麵。跟住上的川芎藥膳魚頭鍋更豪華，包括了生魚片，花膠、墨魚丸、雲吞、豆腐、豆卜、唐生菜、鮮冬菇、蘿蔔和台灣麵。一個人份量，消費連埋飲品都只係百多元，捧住個肚走，食物又好味，超值了。…Read More

朋友開完會，約我去觀塘成業街等，然後一齊去午飯，見到呢座大廈有間食店叫秋意，正好現在秋意正涼，咁啱呢個天氣，就去試吓啦！入到餐廳，有啲中西合璧嘅感覺，我哋兩個人分別叫咗一個便當，一個紅酒雜菜豬軟骨配湯麵，跟陳皮普洱茶；另一個要酸菜魚湯麵，跟熱柚子蜜，再加個小食話梅醉雞翼。小食醉雞翼先上，一上碟已經聞到濃濃酒味，零舍開胃，喜歡醉雞嘅朋友一定要試一試；酸菜魚湯麵，因朋友怕辣，所以我哋叫一個清新啲，魚肉爽脆，配上傳統酸菜和豆卜，好暖胃，秋冬食呢個就最啱嗱；紅酒雜菜豬軟骨，有啲fusion feel，西式得來又有中菜感，湯麵跟豬軟骨，分開兩碟上枱，可見老闆的心思，豬軟骨淋甜配上紅蘿蔔和醬汁，別有一番風味，配埋普洱茶，好滿足。食飽飽，繼續去觀塘shopping。…Read More

同媽媽去尖沙咀海港城行街，行到攰啦，媽媽話想飲茶，食片皮鴨，咁孝順女我就同佢去咗星光行嘅北京樓啦。既然一心想去北京樓食北京填鴨，咁一坐低，即刻叫咗半隻片皮鴨先，再加上一些點心如小籠包，蒸餃、麻油海蜇、欖菜炒四季豆和脆乳豬。片皮鴨果然不負所望，皮脆肉嫩，熱辣辣的蒸皮，加上肥瘦適中的鴨件、青瓜、配菜，再點上甜醬，一口咬落去，皮下脂肪油溢出，甘香無比，令人回味，忍唔住食多幾件！記住，食得片皮鴨，就要暫時忘記什麼減肥了！食咗咁多肉，食返啲清D嘅蒸點中和一下先，小籠包和蒸餃都有一定嘅水準，上枱熱騰騰的，再加個四季豆，海蜇都飽飽了，連飯都不用食，再加個靚甜品合桃露同豌豆糕，咁就同媽媽食咗一個滿足又美味嘅午餐！…Read More

星期日，爸爸媽媽話想去飲茶，我又想去尖沙咀shopping，咁就不如去位於星光行嘅潮庭啦。一坐低，媽媽就急不及待的，立即點了一個杏汁豬肺湯，因為她一直很回味，杏汁鮮甜，豬肺新鮮爽口，熱騰騰的端上枱，點捨得唔添第二碗呢，媽媽真識嘆！其他點心方面，我們還點了酥炸魷魚絲、水晶鮮蝦餃、爽滑牛肚、鮮蝦腸粉和韮菜蒸餃。呢度的蒸點，用料一向新鮮，上枱熱辣辣的，我對他們十分有信心，炸物亦趣卜卜魷魚爽脆，加上兩碗普洱和水仙，就這樣和爸爸媽媽歎了一個早上！…Read More

星期日早上喺灣仔開完OT，同同事一齊去搵食，就去咗大王東街嘅新泰東南亞餐廳。好肚餓，一入到去，急不及待，每人叫咗一個set lunch，我叫了一個星馬咖喱雞配白飯跟龍眼冰，同事即叫了一個泰式炒金邊粉配鹹檸檬七喜，我們再追加了兩串泰國街頭豬肉串和香芒軟殻蟹米紙卷。首先上碟的是炒金邊粉，上枱是熱騰騰的，煙氣直霧，大蝦鮮甜爽脆；咖喱雞配熱辣辣的白飯，好飽肚好滿足；豬肉串就正如佢個名字一樣，好有泰國街邊風味的肉串，香氣滿溢，最後軟殼蟹嚇得脆卜卜，配上香芒和粉絲中和返，加埋兩杯凍飲，好滿足了。兩個人午餐食到飽飽，都只係200多元，性價比高又好味，值得再去。…Read More

喺尖沙咀廣東道開完會已經12點，望吓手錶，差唔多食晏了，就順便走進附近的流尚坊，試試他的太郎居酒屋吧。在芸芸午餐系列中，既想食海產，又想食熟食，於是便揀選了一客火焰海鮮丼定食。果然海鮮非常豐富，包括有三文魚、帶子、魷魚和鰻魚。火焰三文魚，生熟程度適中，所以入口軟綿綿的；帶子大隻且鮮甜，加上火焰了，入口淋甜；魷魚則非常爽口，有鮮味，還有爽脆嘅感覺，別忘了還有蜜汁鰻魚。一如一般的定食，還包括了前菜沙律、味增湯和茶碗蒸。成個午餐連埋一杯凍飲，只需百多元的消費，在尖沙咀黍講，性價比高了。…Read More

難得星期日假期，約咗閨蜜一齊出嚟食飯，想慢慢食一個悠閒嘅午餐，大家不約而同，就想起打邊爐。呢間食館名為鮮入圍煑，我哋一坐低就先揀了一個湯底，作為女士，真係忍唔住，即刻叫返個濃厚原隻雞煲花膠湯，再配上金牌牛肉丸、帶子水餃及魚蛋皮小籠包。首先個湯底，除了有雞件外，還有幾件的花膠，給我同閨蜜先滋潤一下；跟住真係要介紹吓佢嘅魚蛋皮小籠包，看看這外貌疑似小籠包的小籠包，皮一咬落去，爽爽滑滑的，原來是魚蛋，入面包著鮮肉，濃湯隨即流出來，小心盪咀啊！牛肉爽滑彈牙，每件帶子餃內都有兩粒帶子，混上鮮肉，特別爽口！打邊爐，再加上冰凍嘅汽水，人間樂事啊！…Read More

呢幾日天氣都好熱，午飯嘅時候跟同事，希望可以喺商場，搵一間舒舒服服，又好味嘅泰式餐廳，就想起了泰爸爸。泰爸爸，午飯嘅時候，都有好多套餐選擇，既有飯類，又有粉面，而且性價比相當高，加埋嘢飲，平均都是50至70。 返工咁辛苦，食晏嘅時候，我哋就想試吓佢嘅招牌海鮮菠蘿炒飯，而其他的小食實在太多選擇，乾脆就來一個拼盤吧。呢度每一樣嘅食物，都給我好大嘅驚喜，就是每一樣上碟嘅時候都食熱騰騰的。拼盤中，春卷咬落爽脆，蝦餅煙韌有口感，串燒每人一條剛剛好，再加上魚餅；而菠蘿海鮮炒飯，一上枱熱騰騰的還冒煙呢，再加上兩杯龍眼冰，好一個午餐，真係令人大滿足！…Read More

今日同閨蜜去開觀塘，大家都話好耐冇飲茶，一個話想食川菜，一個又話想食粵式點心，好啦，就帶佢哋去淥鼎記啦。呢間酒樓嘅最大特色就係，既可以食川菜又可以食粵式，我們食了的點心分別有蝦餃、燒賣、油菜、鳳爪、竽角色、腸粉、菠蘿叉燒包等等，另一方面，又可以滿足想食辣嘅朋友，分別有手拍青瓜、麻醬秋葵、仲有出名的酸菜魚等等。呢間酒樓，唔好以為佢只係主改川菜，其他嘅粵式點心都好不錯，蝦餃鮮蝦美味，腸粉滑溜，菠蘿叉燒包入邊，好驚喜仲有菠蘿粒，鳳爪、山竹牛肉都熱辣辣；手帕青瓜更加是它的川菜特色，一個地方可以滿足大家嘅口味，去邊度搵啦。個個食到捧住個肚走，每人都係大約百五元 ，性價比高，真係要介紹俾大家。…Read More

喺旺角行街，想搵間安靜嘅餐廳，可以舒舒服服坐低嘆個咖啡，便諗起朋友推介的一間樓上Cafe，茶聊。餐廳有落地大玻璃，光線充足，一入門口，便有佢嘅打卡點，電話亭啊、長凳等等，係等位嘅時候，當然打返張卡先啦！一於旺角其他的樓上Cafe一般，餐廳內的多數都是年輕的文青，充滿活力，我們浦坐下來，便立即點了它著名的髒髒黑糖珍珠奶茶、木瓜桃膠鮮奶、原隻龍蝦包配薯條及和牛漢堡配薯條。龍蝦包即叫即做，上枱的時候還是熱騰騰的，鋪滿龍蝦；和牛漢堡，牛肉味濃郁，包包也脆脆的，配上熱辣辣的薯條，很快便吃清光了， 飲埋杯黑糖珍珠奶茶，大滿足了！…Read More

去灣仔接男朋友仔放工，跟住當然一齊食個午餐啦，想食辣野，就想起灣仔大王東街的一間泰國餐館，新泰東南亞餐廳。一坐低，我哋叫了一個二人套餐，套餐分別有蝦米紙卷、馬莎汶咖喱牛腩配酥餅及馬拉盞通菜。蝦米紙卷皮薄餡靚，入邊有粉絲、甘筍絲、青瓜絲、生菜、配上一個甜酸汁，好開胃清新嘅一個前菜。咖喱牛腩配印度酥餅，咖喱不太辣，咖喱味濃，加咗椰汁所以好香嘅椰汁味，牛腩炆得淋，入口溶化，食得出廚師嘅用心！馬拉盞通菜，去親泰國餐館基本上必點的炒菜，不過不失。總括來講，都是一間不錯，可以去嘗試嘅東南亞餐廳。…Read More

行開九龍灣，忽然間想食一啲傳統嘅粵菜，就諗起大榮華圍村菜，見時間尚早，未夠七點，姑且一試， Walk in去試吓有冇位，好好彩地俾我哋四個人，坐埋最後呢張枱。七點未夠，大榮華已經差不多坐滿了人，我們急不及待即刻點了它著名的五味雞，再加上一個瓦撐焗石斑，黑胡椒豬肚煲及通菜炒鮮魷。五味雞，一如以往，不負所望，石斑嫰滑，用瓦撐焗，能夠保住它的鮮味; 通菜炒鮮油，魷魚新鮮，胡椒豬肚煲，簡直要連胡椒湯都飲埋。最後再食埋它出名啲馬拉糕，加上飯後送的紅豆沙，大家捧住個肚走，大滿足！…Read More

疫情期間，梗係要多啲去戶外活動，今日就去咗觀塘海濱公園散步，天氣炎熱，行到下午，當然要搵間Cafe，坐低嘆吓咖啡、嘆吓茶啦！見到對面有間MG Cafe，落地玻璃，清楚見到入面裝修清雅，便急不及待，就入去嘆番個冷氣先。浦坐下，便叫了一杯佢嘅signature， Ice Cube Coffee，朋友們即叫了菠蘿烏龍茶，再加上芝士餅。Ice Cube coffee 好特別，店員很貼心，知道我想飲凍飲，特別奉上一杯凍的鮮奶，旁邊再加上兩粒coffee cube，再加上點解點的橙皮，撞埋味道剛剛好，有咖啡的濃番，鮮奶的滑溜，和橙皮的鮮味，果然係佢哋嘅signature。喺炎熱嘅夏天，嘆冷氣、飲咖啡、食件餅，真係賞心樂事！…Read More

今日同男友喺尖東逛完街，偶然經過新文華中心，發現入邊有一間新開嘅西班牙餐廳，這類型嘅餐廳喺尖東唔多，既然是新開，就抱着姑且一試的心態去試吓！我哋先叫幾個頭盤試試，包括有青紅蘋果沙律、烤西班牙蛋餅、巴馬火腿配哈蜜瓜、發飽配西班牙紅椒牛肉以及威士忌風味炒蘑菇露筍。試咗幾款頭盤也不錯，沙律酸酸甜甜好開胃，火腿配蜜瓜甘香鮮甜，蛋餅熱辣辣香噴噴，蘑菇蘆筍不油膩，令人好開胃。跟住到主菜，我們點了銀鱈魚配蒜蓉牛油和西班牙海鮮炒飯。銀鱈魚煎得皮脆肉滑，配上優質嘅蒜蓉牛油，相得益彰；海鮮飯配小龍蝦、魚、鮮蝦、青口和魷魚，海鮮鮮甜，用嚟送飯啱啱好！意猶未盡，最後還要食返個甜品，我哋揀咗有西班牙特色嘅甜品，包括有西班牙油條、焦糖奶凍和芝士蛋糕，畫上一個完美嘅句號！…Read More

同學仔老遠由外國返到嚟，隔離完，當然要陪佢食佢最想食嘅嘢啦，我哋即刻就走咗去食韓燒放題。Running 燒嘅放題，而家做緊七折，平均每人$200都唔駛，就可以有大量嘅肉類任燒，包括有雞肉、牛肉和豬肉, 海鮮仲有芝士𧐢、扇貝、大蝦及靖魚等等，汽水飲品任飲，仲有好多韓式熟食供應，我哋都叫咗韓式炒年糕、韓式炒粉絲、煎餃子、炸魷魚鬚、泡菜、芽菜、韓式辛辣麵同你韓式烏冬等等，到最後每人仲有雪條送呢。飽到捧住個肚走，性價比相當高！…Read More