reborntama's Profile

慶祝七十歲老人家生日，帶佢哋試下芝士火煱，芝士火煱系ok 的，環境還可以，但某男侍應態度比較汵淡。 上生日甜品時，佢哋放低所有甜品就走亦冇任何說話。其實我一般去呢d餐廳都應該比較親切同客講聲生日快樂同需要幫你地合照嗎，呢間乜都冇。之後叫個男侍應（香港人）請幫我們影一相，佢黑口黑面，影一張就即閃，好唔耐煩咁。系米我哋系香港人所以唔想serve我哋定點，就不得而知。最後我地叫另一個女店員幫我地補影，她態度親切好多，她仲向我家長輩說左聲生日快樂，好親切，呢d米系貼心服務。餐廳食物及環境可以，芝士香濃，但我更重視服務，因為亦幫長輩慶生，連長輩都話佢地唔係好想理人。男侍應服務態度原全唔似一間消費左三千幾的酒店餐店應有質素，希望集團可以改善下某d同事服務質素，以便拖累了其他發揮好的同事。 否則。相信下次慶祝唔會推介人去，試吓其他好過。…Read More

我booking時提出同我屋企人慶生，都有問下有冇粉紅area ge枱，職員都好親切話盡量安排，最後亦幸運坐到粉紅色sofa位，其實全場坐位闊落，每個位影出來都好靚。食物： 屋企人本身對素食冇乜概念，但一食發現素食唔一定系好淡，原來味道可以幾有層次，亦可以濃味。佢一路食亦不斷讚個忌廉汁飯煮得好好食，另外再試左糙米壽司（6件），即使個壽司冇魚肉系素食都食到好多味道同幾香口。呢排Menu 轉左，我覺得野食好味過之前，希望餐廳keep呢個到水準，會encore👍🏻。服務：店員都好nice, 叫佢地幫手影相都有求必應，其中有一位男經理（K字頭）都幾細心，book枱時我講左想系甜品碟上寫字，當日食完主食後，經理亦好識做細聲講已準備左甜品碟，會上埋甜品。當上枱時經理亦向我屋企人講生日快樂同祝賀語，屋企人相當驚喜，好開心，服務態度非常好。環境：🌸好大好靚，而且都算新淨，相信有定期maintain下。坐位闊落，環境及清潔都好。 除左花之外，可能因為10月，見到d萬聖節公仔，貓耳南瓜都幾得意。最後當然去夾公仔機打下卡。…Read More

第一次黎有驚喜。其實一直知道呢個餐廳，已經開左幾耐，但冇黎過。而家試完覺得餐廳咁多like系有原因，會encore服務幾好，我哋同行有小朋友入座已主動問需唔需要小朋友chair｡之後用apps落單唔知點解落多左，可能上手系system按左，所以多左（？），立刻同男店員講返，店員都好好態度，即刻處理。食物：芝士漢堡，一上枱覺得好靚，而且味道幾好。連配菜沙津ge調味都唔馬虎，好多汁。影完相，侍應見我要切漢堡時仲主動問駛唔駛拎開個籠方便切，貼心。焗比目魚，外脆內軟，份量超大，而且味道好，唔系cheap魚，好有魚味同好香。留意個魚系有骨，所以我冇比小朋友食。不過因為個魚好大，基本上啖啖肉，值得推介。 下面有d汁同薯蓉，所以好夠飽。忌廉三文魚意粉，汁都幾香濃，幾好食，三文魚如果多d更好。飲品：水果茶：大杯，清清地幾好飲百香果芒果奶昔：好清新，亦幾濃，推介全部都好大杯！…Read More

門口有個短髪女店員負責接待，當時佢已經黑口黑面。 臨走我哋好有禮貌咁問她可唔可以幫手影張合照，當時已過繁忙時間，入口冇其他客，又得佢一個店員最近打卡位，她竟然反白眼，個態度差👎🏻到令我同d朋友都O哂嘴。 反而入面其他男店員服務好好，特別有兩個後生仔，幾有heart, 親切有禮咁serve客，值得一贊👍🏻其實個別員工態度咁差真係影響哂成個餐廳評價，即使其他店員服務好好都會令客印象扣左分，再講，如果店員個崗位系行唔開，比少少禮貌咁婉拒客，相信大部分客會明law。…Read More

讚之前接電活的男士：之前幾過月前book台系系一位廣東話男士接聽，當時他很有禮貌，事關我們想坐一個卡位，request餐廳盡量按，店員說不能擔保，但有禮貌加一句「會以當年狀況時才優先盡量按排」，雖然最後未必有，但客人該下聽到會順意好多，覺得係放客系個心上。今遇到一個外藉接線生:好啦講返半年之後，近期有fd想食，打去，轉個外女藉中年女人聲，may I help u 之類，我說book枱（我冇用英文立即應，因而家太多餐廳reception系hk人講英文，其實不是真外國人），之後佢立即冷冷一句再repeat 下may I help you 之類，好，咁我用米返英講我booking request, 點之她保持冷漠答類似冇得咁book, 有咩枱就比咩你！ cool到唔算做生意咁！我想講，請外語ge人做reception 系冇問題，但請呢d返來一定唔覺你間野「高級」左，服務似茶記反而只會「倒米」！…Read More

開左一陣ge麵包鋪，平日不算多人，見d 麵包size都幾大，多種類，外觀精美。當日serve我d 女職員算幾有禮貌，仲同我講邊個包大d。最後揀咗我覺得最吸精同大件的士多啤梨同藍莓吉士酥，一食覺得驚為天人，外脆內軟。入面除左吉士醬外，最吸引系入面原來仲有層紅苺醬，令吉士醬冇咁單調，增加酸酸甜甜，生果亦甜，外層牛角酥亦算香口，入面亦夠濕潤，食落開胃，亦幾飽肚。以$22一個來說有咁大size 其實性價算不錯。因為我鍾意牛角包，所以亦試過hk大大小小精緻麵包鋪d 牛角包/酥，比較之下以呢個價來說個size 其實算有誠意，麵包控ge人可以試吓！…Read More

去左呢間餐廳幾次了，今次第一次打食評。服務：之前分別帶了不同朋友來慶生，每個第一次的朋友都會讚好，店舖不大，但坐位有距離，坐得舒服，場地亦經常番新，最重要好多打卡位，生日仲有巨形❤️Happy birthday字牌，店主會如細心幫人影相，有時她仲建議大家點擺pose, 好好人，系慶生聚會好地方，服務水準好好，所以都會回頭揀返呢間餐廳。食物點了：🌟燒春雞- 切開發現幾多肉，雞胸肉位置也好嫩，好吃。🌟燒蝦辣汁意粉- 呢個好推介，汁惹味（少辣），蝦也有調味，當日上菜熱辣辣，好味。👍🏻👍🏻👍🏻🌟南瓜湯-跟餐有，好濃，好味。🌟甜品 - 士多啤梨窩夫，menu有兩種揀，我哋揀左疊起呢隻窩夫，覺得打卡靚d, 上面系新鮮士多啤梨，夾心系士多啤梨乾果，覺得幾特別，士多啤梨乾果出面買都唔平，夾埋雪糕球幾好吃。 book枱時電話講左生日，可以留名寫在甜品碟，仲有閃燈，幾靚。🌟飲品- 蝶豆花茶 （可以refill熱水）呢一點好好。 粉紅心形朱古力奶（凍），不會太甜，打卡一流。今次book lunch time 開門時間，因為想襯其他客未來前先在想影的坐位影一次，🌸因為呢度真係每個坐位設計也不同，背後配不同顏色的花，😍好靚。當然有客到就不阻住人靜靜打卡。 今次亦幸運見到店主養的兔仔（好似不一定每日在），❤️牠非常乖，好得意好肥，仲唔怕人。如果想摸下，店員會幫手教大家點摸。而且佢好乾淨，一d味都冇，大部分時間自己訓系度比人摸。另外亦有🌸下午茶set, 之前也食過，好靚。如果想坐指定位置，可打電話問下有冇。好推介大家帶姊妹朋友來👍🏻👍🏻👍🏻…Read More

之前也聽聞間野好耐態度出名差，特別個幾個「阿姐」，有幾個特別冇禮貌。朋友試過夜晚等位比阿姐skip左叫左下一張（人數相同），走去同阿姐講，阿姐仲聲大夾惡話都比左人入law! 你等下一張la! 唔好望佢講返句sorry,仲鬧返客轉頭！ 我當日中午系附近做野，諗住同同事快食個lunch, 經過米入去食下。叫野食時d阿姐已經粗聲粗氣啦，好似欠左佢地咁，黑口黑面，d客仲有禮貌過佢哋。我哋只系menu問多幾句個阿姐竟然黑面仲走左去，我哋都呆左，自問一直保持禮貌，但個阿姐周圍發人脾氣，結果搵左另一個落單，後來見佢對其他客都系咁，反而d客仲唔該前唔該後，但d侍應一句多謝都冇。講返食物，我哋叫左雞肉炒飯，抄金邊粉，串燒，椰青，炒通菜。雞肉炒飯-好多油，食完有堆油系碟上浪下浪下炒金邊粉-正常串燒-雞肉好食，豬有陣豬so味兩個椰青-正常，只系斬一下插枝筒，唔會出事炒通菜-正常問野真係唔憂做咁ge款，唔好同我講 「收你咁平又唔加一講咩服務吖」，而家唔系冇服務咁簡單，系入嚟食要受人氣！有比錢架！又唔系真係平，飲品全部要散叫，平日都冇餐。講平其實附近食店都平，加上平同貴與否亦不該是消費者受氣理由。寧願行多幾步食其他野！唔會有下次！ …Read More

帶阿仔上完跳舞堂，見樓下有間餐廳就試下。呢度有戶外椅，系親子同動物友善餐廳，見到有人帶狗狗坐出面。入內環境色彩繽紛 ，佈置幾靚，比想像大，都幾啱人去打下卡，佢哋枱與枱之間算闊落，幾好坐。當日有個馬尾女侍應態度好好，我哋一入去佢主動同小朋友打招呼，準備bb椅同餐具。我哋叫左漢寶包配薯條，份量都大夠熱，唔錯。仲叫左忌廉帶子意粉，汁算香濃，好味。另外叫左兩杯飲品，份量算幾大。Feel到餐廳經營都幾有誠意，不過呢度系住宅區，人流不算多，希望佢地keep到👍🏻。…Read More

星期日路過想試下，見到門口有個叫號碼機，但門口冇任何員工，亦搵唔到禁飛的機。呆企左幾分鐘，有個子不高及短髮（小丸子頭）帶眼鏡女侍應出現，我哋好有禮貌地向她說三位並且問她點樣攞飛，她無視我地，當我地透明，系門口接代位攞左類似menu就走返入去。我哋好驚訝！好似我哋同空氣講野一樣。再退一步，即使她不是本身負責門口接代崗位，也可以禮貌講聲等陣搵同事幫你，而唔系直行直過！被當透明ge我哋感到好非常無奈，亦諗唔到d員工可以咁冇禮貌，完全唔想做你生意咁。結果我哋呆等左陣，依然冇人招呼，其實入面有其他侍應行來行去，冇一個打算理一理我地呢d企系門口無助ge客人，最後我哋唯有去隔離d餐廳，食得舒服亦不用受氣！ …Read More

途經有幾間小食店都有台式飲品賣，就揀左最右個間，除飲品主要買台式蛋餅/三文治等輕食。叫左一杯叫爆谷奶茶，問有冇得少冰，男店員只冷冷地說：已經好少可能間野亦買野食，所以只叫飲品也要等左一段時間。終於有，一飲，咁淡ge…. 亦完全唔覺少冰。覺得飲緊甜奶水，冇茶味，當然亦冇爆谷味（焦糖），問題杯野系好稀，d 奶系溝左水，唔系茶。價錢雖算平$25，但我覺浪費左個quota, 飲左d唔好飲ge野。只覺得沖得好冇誠意law,同店員態度一樣，馬虎。…Read More

想幫襯，好聲好氣叫唔該，一位帶眼鏡同左耳環男收銀，勁悔氣話等等！唔想做人生意咁！又粒聲唔出，唔好意思都冇句！呢個商業大廈位系旺場，相信唔優做，不過而家d員工咁ge態度真係唔要得，咁唔鍾意米唔好做收銀law! …Read More

當日樓面有一個男侍應同兩個女侍應為主客不算好多，但侍應死氣沉沉你話態度好差又唔係 ，但冇服務可言同佢哋講野佢地唔會答同應你 ，特別個男侍應，同佢點餐，佢話有個飲品賣哂我地呆左幾秒（只系幾秒）唯有轉第二個飲品， 個男侍應粒聲唔出已經走左！喂，系你地自己冇貨一句唔好意思都冇，仲要咁冇禮貌食物ok, 但意粉份量少餐廳又要限時但等待出餐時間又非常耐！ 次序亦不統一，要得閒催下單先有得食亦唔會主動收碟，只有趕人走時先收身為cafe ge 飲品又唔係特別好飲…Read More

網上看了相才特意來，原來只有一個打卡位，店舖亦比較窄，我和朋友二人是平日過了繁忙時間來，打卡位有人已坐了不要緊，但當時店內其實很少客，明明很多空坐位，另一面有sofa位都不開放，故意把食客安排在中間一堆小枱，兩人枱之間可以說零距離，結果我哋速食完便走了，如果想relax慢慢坐傾下計，這間不太適合。食物質素不錯，不過如果要hea下次會揀其他餐廳。…Read More

今日平日去食set lunch, 老公預先openrice book枱，店舖雖不大，但環境也很有氣氛。Set lunch可自由配搭，可加錢要湯/牛角包，之後亦可加甜品，我哋二人叫了以下share , 發現全部也不錯：前菜：龍蝦湯流心牛角包 （只叫了一份，怕食唔哂）牛角包好熱，非常新鮮，好香好脆口，呢個配搭有d似食緊酥皮龍蝦湯，怪唔知得當前菜。主菜：龍蝦汁蟹肉伊麵鍾意龍蝦汁ge人一定鍾意呢個麵，個汁好濃好香，食完想再食。冬陰公蝦意大利飯蝦連殻，好大隻有蝦味,不過我哋d懶人平時都唔識剝殻，好彩幾大隻，容易剝。 意大利飯都好濃味，辣辣地，都不錯。 甜品：真空慢煮芝士蛋糕十個like, 外表平平無奇，睇落份量不多，以為普通布甸質地，一食發現cheesecake 非常rich, 密度很高，離奇地幼滑，比想像飽肚， 好濃郁，好好味👍🏻 後來男侍應（店主？） 提及原來另一款甜品真空焦糖燉蛋更多人叫，下次有機會試下。咖啡流心牛角包流心很重咖啡味，牛角包十分脆口，不過我個人喜歡甜些，可能比較啱一d 不太愛甜ge人。 旁邊有爆炸糖粉，幾得意。飲品：Lunch set 果汁唔駛額加錢叫了橙汁，蘋果汁少冰，解渴同份量都夠服務：侍應們態度有禮，亦快手，成餐感覺不錯。值得推介👍🏻…Read More