gulala's Profile

四月份係雙子座嘅月份 今日收工特登約咗朋友仔嚟旺角T.O.P 燒肉店準備大吃一餐😝 我哋叫咗雨餐 佢而家做緊半價呢 實在太抵了 套餐入邊有A5和牛西冷 勁大塊 所有和牛都超Juice 肉質鮮嫩 另外我哋叫咗一口炸芝士🧀 不停encore🤣 海鮮有扇貝 鮑魚同燒蠔🦪等 味道都唔錯😌 食飽飽仲有甜品同雪糕 有我最鍾意食嘅日式涼果子 食咗好多粒😆 整體都非常不錯 八木橋日式燒肉 (旺角)📍旺角彌敦道700號T.O.P This is Our Place 4樓409A & 409 B號舖港鐵旺角站B3出口步行約1分鐘…Read More

最近好耐冇食西餐 嚟尖沙咀行街順便試吓呢間打卡網紅店法式龍蝦濃湯龍蝦湯味道鮮甜 濃稠嘅龍蝦味配上忌廉味道啱啱好 脆薄嘅麵包配湯食落好夾白松露薯條份量好多 厚身嘅薯條配上白松露 味道香濃又脆口松露蒜醬炒蝦扁意粉大蝦同意粉嘅份量同樣好多 配上松露同大蒜嘅特製醬汁 味道好襯法式大蒜蘑菇忌廉烤雞雞肉肉質鮮嫩 點上醬汁一齊食 好好食 蘑菇同薯仔都煮得好入味😌📍ROYAL INN (尖沙咀)尖沙咀彌敦道100號The ONE 1樓L121號舖…Read More

最近好想去日本 奈何工作太忙 冇咩時間 所以今晚過嚟呢間日式鐵板燒餐廳 過過口癮先餐廳位於觀塘Apm嘅4樓 室內裝修完全就係日式居酒屋嘅感覺 酒水今晚呢隻叫神龍嘅酒 入口甜甜地帶有一點果味 唔會好烈 啱晒女仔飲～送酒小菜 味噌蕎頭蒜頭同牛蒡嘅醃製味道剛剛好 送酒簡直一流😌刺身池魚、油甘魚同金時鯛，三款刺身都新鮮又厚切 鯛魚仲有啲焦香嘅口感 但我最愛都係油甘😆秋刀魚卷第一次食秋刀魚刺身 原來好好食 一啲都唔腥 成功為入三甲~炸秋刀魚骨 食完刺身仲可以免費炸魚骨 又脆又香口！鐵板海鮮盛合有菇菌 鮑魚 大蝦同帆立貝 鮮味十足肉質啱啱好 推介啊• 立魚湯稻庭烏冬呢個烏冬重點喺魚湯到 再配上新鮮菇菌 好鮮甜！甜品係自家製嘅芒果醬配豆乳布甸 好食😋一杯鐵板燒居酒屋 (觀塘)觀塘觀塘道418號創紀之城五期(apm)4樓L4-20&21號舖…Read More

突然好想食海鮮 今晚特登約左朋友仔嚟咗銅鑼灣呢間蟹仙食蒸海鮮 餐廳環境都好闊落 坐得幾舒服而且佢食完仲有粥底 期待期待秘製原隻南非鮑魚 食落好鮮味 爽口彈牙 韓國釜山鰻魚 同樣肉質好彈牙 啖啖肉嘅口感好開心呀～加拿大野生海虎蝦 呢個店員姐姐特別強調唔准點豉油就咁食 真係好鮮甜 而且大啖大啖肉 正蟹黃大元貝 首先飲啖湯 好鮮甜啊 再食元貝 又係啖啖肉嘅感覺啊釜山珍珠蠔輪到我最鍾意食嘅蠔 第一次食蒸蠔 原來別有一番風味西洋野生青口就咁望就已經知道新鮮 因為佢上枱時仲含住海草🤣🤣鮮甜得來有少少淡淡嘅海水味 野生琵琶龍蝦肉質厚實 而且蝦頭仲有蝦膏 味道鮮美海鮮粥底 粥底係由蒸海鮮生米開始煲 一路煲成粥到最後 吸收晒所有海鮮嘅精華 冰糖椰汁燉雪燕 超正 畫上完美嘅句號～～～美味指數 🌕🌕🌕🌕🌕室內環境🌕🌕🌕🌕🌖性價比 🌕🌕🌕🌕🌕📍蟹仙粉潮食館 (銅鑼灣)銅鑼灣謝斐道500號維安商業大廈2樓港鐵銅鑼灣站D4出口 步行約2分鐘…Read More

今晚經過嚟咗上環呢間日式餐廳叫外賣返屋企食 呢間日式小店主打外賣 店內環境唔大 但係都有堂食服務 可以方便客人喺入邊坐低食用 而且都幾多選擇 今日經過就入嚟買個外賣試吓拖羅蓉三文魚籽丼飯🍚 - 丼飯份量都算好多 而且非常豐富 滿滿嘅拖羅蓉佔咗三份二嘅飯盒 旁邊除咗有三文魚籽 仲有青瓜同日本薑 淨係睇過擺盤就已經非常吸引 拖羅蓉同三文魚籽到非常新鮮 而且淡淡飯都可以配到魚生 真係好滿足燒三文魚頭 - 三文魚頭燒得非常香口 再配上埋特製嘅醬汁同檸檬汁 更加鮮味配菜：魚湯&沙律 🥗- 魚湯非常之鮮甜 雖然係外賣🥡 但係都好大碗 沙律份量唔少 新鮮爽脆…Read More

今晚同朋友嚟左呢間位於中環嘅AOAO食飯 餐廳主打西日fusion 菜 室內環境好闊落 坐得好舒服😌Shredded Celtuce Salad 🥗 - 三文魚籽配上鰹魚汁 木魚絲同萵筍絲，成個感覺好清新 好特別~ Akagai - 赤貝小卷包裹住蘆筍同大蔥 赤貝好鮮甜爽口 非常開胃🤤Caramelised Pumpkin - 南瓜🎃煮到好淋身 但外層又加左層薄薄嘅焦糖脆脆 外脆內軟 再配上杏仁脆片 大愛啊~~~Charcoal Grilled Eel - 上完鰻魚之後，隨後另一位侍應帶住碳爐用碳條燒鰻魚 好香好香 口感同肉質都冇得彈A4 Wagyu Cutlet Charcoal Sando- 首先竹炭多士烤到脆香 再夾住 肉質鮮嫩肥美又多汁嘅厚切吉列和牛 雖然好邪惡 又實在太正啦>~<Dessert - Doubte Fromage Cheesecake🧀 & Red Bean Daifuku ☺️☺️…Read More

又到咗10月啦 係閨蜜嘅生日月 今次嚟咗呢間位於尖沙咀諾士佛臺嘅一間樓上日式居酒屋 一遊慶祝 未入門口就已經感受到濃濃嘅日本氣息 餐廳非常寬敞 座位都坐得好舒服 而且餐廳職員會根據你進餐嘅進度慢慢幫你安排上菜 整個過程都感覺好舒適 好似置身日本嘅居酒屋咁 無論係慶祝節日 定係閨蜜談心都係一流之選！推介～前菜冷盤凍蕃茄— 凍冰冰嘅蕃茄再配上師傅特製嘅自家製酸甜醬汁 辣辣地 新鮮又開胃🤤炸雞軟骨 — 香脆可口 係我最鍾意嘅助酒小食呀清酒一心- 今次我哋揀咗店員大推嘅一心純米酒 佢話呢隻酒好適合女仔飲 飲落甜甜地有啲果味 非常容易入口 冇介紹錯😆刺身刺身五點盛 — 有我最鍾意食嘅拖羅 有時食開嘅拖羅成日食完都覺得太膩 呢個拖羅真係超級新鮮 而且肥而不膩 重要，件件刺身都勁厚切 超正🥰🥰串燒🍢🍢燒汁牛脷- 呢個要講咗先 因為一上嚟店員姐姐就話要食咗先趁熱食最好食 大愛豚肉車厘茄串- 🍅未試過食燒嘅車厘茄 同豚肉一齊食 真係勁夾～燒雞皮卷大蝦串串- 一開始我有少少抗拒油膩嘅雞皮 原來燒香咗嘅雞皮咁好食 而且入邊大蝦嘅肉汁都好鮮甜多汁 唔會燒到乾晒 燒羊架- 餐廳好貼心咁樣幫我哋將羊架一開二 方便我哋食用 同樣好香口 大贊冷烏冬- 第一次試加生蛋 配埋蔥花Wasabi同烏冬汁 原來咁樣嘅配搭 真係特別好食😋好味指數🌕🌕🌕🌕🌕室內環境🌕🌕🌕🌕🌕推介指數🌸🌸🌸🌸🌸📍一遊 (尖沙咀)尖沙咀諾士佛臺1號4樓…Read More

難得今日同朋友聚會 特登搵咗呢間位於銅鑼灣霎東街樓上嘅餐廳食飯 呢間ciclo主要以型格黑色格調為主採用彷石牆、柔和燈光營造神秘浪漫氣氛 而且座位非常闊落坐得好舒服 我哋分別叫咗幾款嘢食 同埋佢哋呢度嘅特色Cocktail AppetiserUni Lobster Bisque Arancini $228 🌕🌕🌕🌕🌖- 炸飯球配合咗龍蝦湯汁加上芝士嘅risotto同埋新鮮海膽 每啖都充滿鮮甜滋味 口感非常豐富Oyster Ceviche $108🌕🌕🌕🌕🌘生蠔有種淡淡清酒味清酒,再加入紫蘇油 紫蘇酒及車厘茄浸泡著 雖然唔係好大粒 但隻隻都肥美飽滿 啖啖鮮甜MainDrunken Crab Pasta $228🌕🌕🌕🌕🌗-松葉蟹配上辣油再加上炸香蒜 淋在煮好嘅墨汁意粉上 一上枱已經香氣十足 而且蟹肉上面仲有淡淡嘅花雕酒味 鮮味同口感都一流 推介推介Crispy Short Ribs $268🌕🌕🌕🌕🌖牛坑腩完全拆晒骨 燒到外脆內軟 煮到好腍 食落油脂豐富但又唔會太油膩 個人好鍾意點少少紅酒山楂醬汁同牛油薯蓉一齊食 薯蓉勁creamy 一齊食口感非常豐富CocktailSalt Babe $120🌕🌕🌕🌕🌖你杯雞尾酒非常特別杯邊為上咗一層鹽 飲落會飲得出佢係用咗用陳皮 鹹青檸同蜂蜜先咸後甜嘅味道 非常特別Bao Guk $120🌕🌕🌕🌕🌘呢杯酒賣相非常之靚 係用rum做base 再配合洋甘菊 成個感覺好Fresh好新鮮#香港美食#香港好去處#打卡餐廳#晚餐推介#銅鑼灣晚餐#銅鑼灣美食#銅鑼灣好去處#浪漫餐廳…Read More

今日同朋友仔一齊咗呢間位於天后嘅叁不館 打邊爐 行到入去已經見到濃濃嘅香港懷舊氣息 主要係傳統圓台為主 其實係一個一家大細或者朋友聚會 如果唔想俾人打攪 仲有一個包間可以提早預訂哦而且佢哋最近做緊promotion 只要follow佢哋嘅IG 就可以享用$1/支啤酒 但就必須買10支 飲唔晒雖然唔可以帶走 但可以暫存喺餐廳90日參加條件：2人以上及消費滿$500以上椒鹽龍蝦🦞（$288）：未打邊爐之前我哋先上咗個椒鹽龍蝦 食少少嘢先 估唔到有幾好食喎 龍蝦肉非常香口入味 同時又唔會太喊 而且好彈牙 啖啖肉啊😋卜卜蜆豬骨煲湯底 ($238): 呢度嘅湯底選擇非常之多 我哋自己揀咗一個卜卜蜆豬骨煲 店員教我哋先飲湯同食蜆再打邊爐 個湯好香胡椒味好鮮甜 啲蜆都好新鮮而且好多好足料Tops ($18)：我哋嘅醬料選擇非常之多 特別推介自家製蒜油!真係點咩都好食啊!!!仲可以買返樽返去撈麵食🤣頂級安格斯牛頸脊（$308/例牌）：果然係頂級安格斯 真係好好食 識落好軟熟 好濃郁嘅牛味 油脂分布得好均勻 佢又唔會好似和牛咁好Heavy嘅感覺 要再encore啊!!!😝自裝炸魚皮（$68）：好脆好香口 無論係就咁食定抑或落湯食都好正🙌紫菜炸響鈴（$68）：第一次食紫菜加響鈴嘅配搭 雙重口感好夾好好食 鍾意食響鈴嘅朋友仔記得一定要試吓鮮墨魚滑（$88）：上菜嘅時候佢係一個波嘅形狀好得意🤣 食落好爽口又彈牙！特級蟹棒（$58）：蟹棒係我每次邊爐都必點之選 佢哋呢度嘅蟹棒真心唔錯 推介～😋銀菊露（$48/楂）： 甘甘甜甜 唔會話好甜 好下火 打邊爐 飲返楂一流～…Read More

今日晏晝嚟咗呢間位於啟德bookmark咗好耐嘅Airside - Chef’s Cut✂️ 食lunch 為咗試多啲嘢 我哋今次挑戰三個人食四個set lunch🤣🤣🤣 Appetiser*蘑菇粟米忌廉湯配自製麵包 - 超正😣 蘑菇湯有粒粒粟米碎碎 口感好豐富 勁濃稠 自製嘅麵包超好食 可惜得一塊 點落湯度超好食🤤🌕🌕🌕🌕🌕(Tacos)烤雞夾餅配南瓜芝士🧀 - 甜甜嘅南瓜配上鹹香芝士同烤雞 味道好特別 食落都好開胃🌕🌕🌕🌖🌑大蝦及芒果沙律🥗 - 大蝦🍤好新鮮 配上甜甜嘅芒果 同火箭菜 再加啲酸酸地嘅配汁 正🌕🌕🌕🌕🌗煙鴨胸牛肝菌意大利飯配忌廉汁 - 簡直冇得彈 鴨胸嘅鹹香配上帶有淡淡香氣嘅牛肝菌Risotto 感覺好特別同時又好夾🌕🌕🌕🌕🌗蟹肉意大利雲吞配蕃茄忌廉汁 - 自己本身對蕃茄醬汁冇咩特別 但係呢個都幾好食 甜甜嘅蟹肉配上意大利雲吞 鍾意嘅朋友可以試吓🌕🌕🌕🌖🌑豬肉腸西班牙薄餅🍕- 呢個又係好正 意大利豬肉腸 配上特製芝士 味道好濃郁 個薄餅口感又脆又鬆軟🌕🌕🌕🌕🌑📍 Chef’s Cuts Restaurant & Bakery (九龍城)九龍城啟德協調道2號AIRSIDE 2樓L201號舖啟德站C出口 步行約1分鐘…Read More

今日過咗嚟葵涌附近搵朋友 佢帶咗過嚟呢間位於葵興光輝圍附近嘅楊記麻辣魚館食飯 一入到嚟環境擺設都唔錯 座位都幾大幾闊落 非常適合朋友聚會食飯 我哋人數唔多 叫咗兩三個餸試吓 小炒牛肉 - 鍾意芫荽嘅人一定要叫 悠悠牛肉配上芫荽再加辣椒 味道非常豐富 辣味適中 🌕🌕🌕🌕🌑大盆菜花🥦- 話就話叫大盆菜花 係認真唔少 而且估唔到五花肉都幾多下 呢個辣到相對少啲 而且菜花吸晒五花肉嘅香味 簡直食到停唔到口😆🌕🌕🌕🌕🌖冰粉 - 食完嘢梗係要食返啲凍凍地甜甜地嘅嘢中和吓 佢嘅冰粉整得勁好食 而且再配上淡淡嘅桂花香 作為飯後甜品真係好滿足🌕🌕🌕🌕🌘📍 楊記麻辣魚館 (萬成大廈) (葵涌)葵涌禾塘咀街109-115號萬成大廈地下B及C號舖港鐵葵興站B出口 步行約9分鐘…Read More

平時工作咁忙 都冇咩時間好好打扮吓 食吓好嘢 今日決定要做一日港女😝 上嚟呢間位於尖沙咀半島酒店28樓嘅Felix 食個飯打吓卡海鮮拼盤 -有生蠔同龍蝦 生蠔嘅配搭做法右咗少少薑味同清香嘅青蘋果 入口非常新鮮~龍蝦喺呢啲高級餐廳食飯已經全部幫你起晒肉 入口非常彈牙 而且好新鮮 最緊要唔使切唔使起肉 最適合我呢啲一日港女😝其他都唔再多講，總之就係好好食好正…Read More

諗咗好耐啲嘢食都好 後尾諗諗吓最近成日食飯 不如食吓粉麵 試吓其他嘢 OpenRice見到有一間食越南河 就係呢間越一越南牛肉粉專門店 一入到去周圍擺設都乾淨企理 叫咗個香茅雞翼越南金邊粉香茅雞翼越南金邊粉 - 金邊粉爽口彈牙 湯底濃郁可口 才料十足 香茅雞翼咬落去好Juicy 非常香脆可口 勁想外賣返屋企😝😝😝真心推介🌕🌕🌕🌕🌖…Read More

今日突然間好想食海南雞 於是就上OpenRice摷吓睇吓 黃大仙有冇海南雞雞飯食 俾我搵到呢一間泰滋味 咁耐以來都未食過 今日一於試吓 嚟到梗係要叫一個招牌海南雞飯試試 啲雞還可以 但份量唔算多 每一個女仔都覺得可以再多兩舊雞 男仔可能會有啲唔夠食 整體嚟講唔錯 有少少咸…Read More

唔知點解 今日特別想食肉 不停咁話要食要食肉 同事見到我咁 就跟住帶咗我過嚟黃大仙呢間炑八食燒肉 我哋叫咗三set牛肉 仲加咗芝士蛋 好耐都冇試過lunch食燒肉啦 都好好食 keep到佢嘅應有水準 推介推介…Read More