lovemekk's Profile

🤩以前我喺葵涌廣場做咗10幾年工，葵涌廣場一路，邊度有邊度有嘢買！我都知道。今次帶大家去食呢間10分麵包。開咗唔少時間。韓國人老細。自然所有食材都韓國風！今次試佢改良版嘅10分麵，入邊嘅餡非常充足，有鹹有甜，芝士亦依舊非常拉絲！韓國老細仲出咗自助公仔，緊貼韓國風味，仲有醬油蟹售賣添！而家非常多選擇！▫️▫️▫️▫️▫️▫️▫️▫️▫️▫️▫️▫️▫️▫️🌮蟹柳火腿粟米芝士10分麵包外脆內嫩其實分麵包加上蟹柳火腿粟米芝士係極之夾嘅材料，夾埋一齊食非常好食，party嘅真係可以試吓鹹嘅風味！有芝士喺入邊，所以都做到拉絲嘅效果！🌮朱古力芝士10分麵包鍾意食甜嘅，呢個真係非常好食，好香嘅朱古力唔會太過奶油嗰種，芝士MIX賣朱古力簡直邪惡之，非常好食！一定要趁熱食先有拉絲嘅效果！🍜自助公仔麵自助麵揀咗個豚肉豆腐菜，再加上勁辣嘅撈麵，撈埋一齊勁好，記得撈麵係用紅色制，湯麵係用綠色制，水量係唔一樣㗎，如果唔識用自助水機，記得要同職員溝通！🦀醬油蟹韓國老細入咗新鮮嘅醬油蟹，一盒大概有3隻左右，一罐有1500 g，平時急凍-18度，攞出嚟攤一陣就可以食㗎，煲啖飯加紫菜超好食！估唔到葵涌廣場都有醬油蟹買，呢間醬油蟹我親自試過非常多膏！推介鍾意食醬油蟹嘅朋友仔！…Read More

🤞🏻又係我呢個屯門有周圍搵嘢食嘅時候，大興邨真係未食過一間唔係連鎖店嘅餐廳，今次入咗一間特別台式嘅主題廳餐，聽聞菜式都比較特別，竟然叫咗一個從來都未食過嘅台灣紅酒糟配飯，即是Google吓係咩嚟嘅先！👉🏼台灣紅酒糟，其實就係「紅糟」或「紅麴酒糟」啦！🍶 係用紅麴米同糯米釀製紅麴酒，榨完酒之後剩低嘅酒糟（酒渣），所以會有天然紅色、好香嘅酒香、仲帶微微酸味。除咗用嚟煮餸（例如紅糟肉、紅糟雞、紅糟炒飯）可以去腥、增香，仲幾有特色，係台灣同福建、小馬祖一帶常見嘅傳統調味料。👈🏼睇完資料就覺得好特別，咁就試咗我從來未試過嘅新菜式啦！呢個真係超級特別，大家可以試吓！🧋珍珠奶茶佢用啤啤熊裝住，感覺好可愛，奶茶好飲！🥤香芋牛奶芋泥仙草冰竟然係用真嘅香芋打碎去做冰，每啖都食到香芋一粒粒，口感非常獨特🥘招牌辛雞卷雞卷整份量啱啱好，夠晒腍一啲都唔鞋口🥘蚵仔煎極之推介蚵仔煎超好食，剛剛上枱邊勁脆，林上面嘅醬汁非常匹配，而且入邊加咗菜，感覺唔會太肥膩，非常抵食，因為好大碟，推介👍🏼🥘台灣紅酒糟炒鴨配飯非常特別嘅菜式，原來紅酒糟會有少少酸酸，再加上佢用少少辣嘅味道做配襯，撈飯一流！鴨嘅份量都非常多，未試過嘅可以試吓，唔錯！…Read More

😍喺屯門想起異國菜都會諗起呢一間both，佢嘅異國菜非常多而且有大碟同好豐富，環境亦都好舒服，所以每次同我老公去到屯門市廣場都會偶然提起呢間就想去食，今次真係有去食，因為佢出咗個百德豆腐系列，所以好有興趣，我同佢都好鍾意食taco，叫咗返嚟簡直喜出望外！😱份量又大又豐富，而且入邊好多材料！真係要逐一介紹！🍕10吋手工pizza-蔥大利辣肉腸菠籮淨餅蔥大利辣肉腸菠蘿淨餅皮脆香，辣肉腸勁辣，菠蘿甜酸解膩，芝士拉絲，份量厚大🌮椒鹽百福硬豆腐煙燻菠蘿莎莎Taco期待已久，比我想像中更好食，入邊有炸咗嘅豆腐，芒果，牛油果，蕃茄同洋蔥加咗少少嘅生菜之前淋上佢嘅青檸汁，非常Flash！大家如果佢值得推介呢一個一定要食！🏆🍖烤寶雲酥紐西蘭羊架8安士呢個餐勁抵食，都係$300佢有湯洋蔥圈，再加杯嘢飲，而且八安士嘅份量有幾多？就係有4塊嘅大羊架拼埋一齊，真係非常抵食，所以每隔一段時間我都會過嚟食一餐非常抵食！大家如果真係要嗌佢嘅餐多啲人食會比較好，因為佢每一個餐都份量多大份，所以三五知己約埋一齊食叫嘅嘢亦可以食多好多！🥤士多啤梨奶昔好好飲，佢真係好滑同好似雪糕溶咗嗰種奶昔，味道似三色雪糕嘅士多啤梨味，絕對唔似藥水味，非常唔錯！…Read More

😍諗住慶祝特別日子，有次行過見到呢間勁平身，佢哋主打半價嘅龍蝦刺身，半價象拔蚌刺身，個人偏向鍾意食龍蝦，去到真係比一隻新鮮嘅龍蝦做刺身，上枱嘅時候隻龍蝦仲識郁，鮮甜到爆，啲刺身質素高過預期，真係大滿足！仲叫咗生蠔同特價啤酒，而畫碟甜品預先兩日WhatsApp餐廳預備，點知畫出嚟超靚，而且叫咗個椰子雪葩，好濃郁嘅椰子味！🍺麒麟一番搾生啤好抵飲，30幾蚊勁大杯啤酒，新鮮冰凍，配刺身絕配🦪時令韓國特大生蠔（買一送一）$78為返30幾蚊一隻生蠔，大粒肥美，帶有海洋鮮味，真係超級抵🦞活伊勢龍蝦刺身（堂食6折）原價$668，折後$398超新鮮，肉質爽甜爽口，入口彈牙！我係比呢個價錢吸引咗，真係名副其實嘅鮮活刺身，完全冇揀錯，驚喜🤭🍣海膽龍蝦卷 勁鍾意呢一個配搭，佢係用咗醬油醃製嘅蛋黃再加海膽仲有吞拿魚肉碎，簡直天衣無縫嘅配搭，講起都仲有掛住勁想食🍱市場刺身丼定食 估唔到佢嘅刺身檔咁多刺身之外，仲要好厚，見到個定食係勁興奮，因為仲有茶碗蒸，茶碗蒸勁滑仲有海鮮喺個底，跟埋個沙律同麵豉湯大滿足- 🥥椰子雪芭之前order咗大口仔公仔，畫咗落去勁靚，令到成個碟可以做打卡，成碟吸引到望落個甜品更加想食，而椰子說不非常濃郁，好滿足嘅一餐…Read More

🤩同老公研究咗好耐想食片皮鴨，佢超鍾意片皮鴨，我呢就最愛羊腩煲！上網一check，旺角創興商場嘅盈館正做緊勁抵優惠，簡直係天時地利！佢哋有鎮山之寶火焰鹽焗雞，仲可以選片皮鴨或冰鎮咕嚕肉二選一；晚飯四大皇牌四選一，包括清蒸沙巴龍躉仔／條只需$58、養顏花膠炆走地雞煲$58、蒜蓉粉絲蒸元貝殼（四隻）$58、白灼海生蝦／份$38。二至五位選一款，六位起選兩款，超適合我哋兩公婆！👏🏼我哋就點咗北京片皮鴨$188，脆皮薄餅配住甜醬，咬落去大大塊片皮鴨，鴨油香重而且片皮鴨有啲肉食，所以係非常唔錯，，老公食到眉開眼笑！雙冬黑草羊腩煲跟唐生菜一份$288，羊肉軟嫩入味，配黑草暖身解寒，我食到暖笠笠好滿足，最主要佢都好大煲，個份量非常足夠，而臘味糯米飯一例$128，香噴噴糯米吸晒臘味汁，而且份量都好大，真係勁抵，食到停唔到；蒜蓉粉絲蒸元貝四隻$58，呢個真係超平，自己去街市買都冇咁平，又新鮮彈牙，蒜蓉勁多，超好食😂🤩總共加埋，每人唔使$400，就食到咁豐富，片皮鴨滿足老公，羊腩煲解我癮，真係超抵食！下次再嚟試下其他皇牌啦🫰🏼#盈館 #海鮮酒家 #foodie #高質 #酒家 #酒樓 #香港美食 #抵食 #旺角 #旺角美食 #黯然銷魂飯 #片皮鴨 #羊腩煲 #創興商場 #火焰鹽焗雞 #海鮮蒸 #花膠雞煲 #元貝蒸 #海生蝦 #兩公婆食 #抵食優惠 #北京菜 #粵菜 #美食分享…Read More

🍲上個星期五收工，我同老公去旺角搵食，天氣突然轉凍，凍到骨頭都痛，即刻想搵間打邊爐暖身！創興廣場係旺角美食集中地，上去電梯第一間就見到台式火鍋放題，入面材料超多任揀，新鮮牛小排、安格斯三角肥牛、紐西蘭羊肉片、台灣白鱔、海蝦、墨魚、鵝腸、蟶子、黑豚肉片樣樣齊，仲有即開生蠔同牛脊髓，吸引到我哋即刻入去打返個熱辣辣邊爐！🍢連串燒都係放題，從未試過放題串燒咁正！每次燒得勁好，唔過火唔乾，食得出用心，味粉落得足，香脆入味，為咗串燒我一定返轉頭！自己食過咁多串最鍾意係雞軟骨！最欣賞佢有多款伴碟小食：香辣魚皮、炸牛奶卷、特色小酥肉、涼拌青瓜，解饞一流。成人平日$268（今特價$168），週末$278（$178），宵夜$228（$148），學生全日九折，120分鐘任食任飲，營業到凌晨4點，超抵！旺角食火鍋首選啦！因為真係超級平！👍🏼落單二維碼，仲有炒麵燥飯牛肉麵同炒飯，如果一大圍朋友有啲朋友唔啱打邊爐都可以叫飯麵都得㗎！🍲打邊爐期間，發現旁邊嗰角落有一間大房，可以容納20至30人，入邊有卡拉OK設施，真係而家打邊爐都可以包房唱下K，下次一大班人首選呢一間！🎤…Read More

🤗收工後同老公喺旺角附近行街，肚餓想食啲輕便嘅，點知見到牛丼家！又未食過牛丼家，今次真係可以試吓啦，就喺快富街超方便。餐廳入邊座位多到爆，仲有自動售賣機，啱晒我哋快食快走嘅上班族，唔使排長龍等位，即刻落單！✌🏼我哋點咗兩個餐，一個係壽喜燒火鍋，配牛肉、時菜、金菇、豆腐、蟹柳、粟米，哇，湯底熱辣辣，牛肉嫩滑入味，蔬菜新鮮脆口，配飯或者烏冬都一流，烏冬口感煙煙韌韌好啱食，食落去暖笠笠！而老公揀咗雙重芝士牛肉飯，牛肉汁多多，芝士拉絲拉到好長，每啖都不輸日本連鎖快餐店。兩樣都可以試吓，味道好啱香港人，唔會太重口但夠味！☝🏼份量有大中細碗，好適合食得太飽，揀咗中碗飯，啱啱好唔會頂住，跟餐仲有埋嘢飲，餐廳有自助調味料區，唔使等服務員，隨時加辣加鹽，食完即刻走人，返屋企都輕鬆。最抵食，CP值高，旺角打工仔必去！…Read More

🤩今次朋友請我食飯，去咗間超高級嘅日本菜餐廳room3！平時好少嚟尖東搵食，原來呢個H Zentre商場全部係高級廳嘅好地方，隱蔽到爆，地址喺中間道15號UG樓，入去即刻覺得自己貴氣咗。朋友話老闆有好多日式餐廳，食材一定最新鮮，哇，果然唔假！氣氛非常好，燈光柔弱溫暖，啱晒談心同小聚會，隱蔽一間好餐廳，希望更多人知道呢度，唔使再煩其他地方。👍🏼我哋點咗Date Night Dinner for Two，$1368兩個人，超值！Starter Trio餐前小碟三款開胃；Chef's Salad廚師精選沙律，新鮮脆口；Small Bites前菜吉列蠔同迷你蟹肉撻，蠔肥美彈牙，蟹肉香濃。Skewers選四款串燒，有雞中翼、明太子雞腿、西班牙黑豚秋葵、照燒雞腿、免治雞肉棒配蛋、厚切牛舌、日本豆腐、冬菇、日本青椒仔，每款都烤得香脆juicy，主菜日本厚切豬扒，肉厚多汁！🍝主食選北海道辣味魷魚肝汁松葉蟹肉義大利麵，蟹肉Q彈，醬汁濃郁；Sweet選兩款焦糖燒菠蘿、水信玄餅，完美收尾。🍷飲品選兩款Grapefrult Sunshine同Passion Grove。👍🏼加10%服務費，但items made to-order，耐心等值晒！食完超滿意，食材新鮮，味道層次豐富，環境寧靜，適合情侶約會或朋友小聚，尖沙咀隱世寶藏！…Read More

😝喺中環接朋友收工慶功朋友升職，就一齊去咗都爹利街，出名拍電影嘅場景樓梯，樓梯中段有間靚爆燈嘅餐廳！環境極高級豪華，氣氛寧靜舒適，好似走入五星酒店咁，格局係典型高級餐廳feel，四周擺滿唔同年份嘅紅酒酒櫃，坐低即刻覺得自己貴婦咁！餐牌有2款set menu，我哋選擇$1,088 set，享受廚師發牌，每道菜都精心調合，食材勁新鮮，味道層次豐富，係大師級手藝，朋友超有驚喜！🤩先嚟Amuse Bouche開胃小菜，呑拿魚做出2件小品一口一口非常開胃，；跟住生蠔好大隻鮮甜海味濃郁；茶碗蒸加咗海膽係面好濃配埋勁滑嘅茶碗蒸非常夾，蜆肉魚湯好都儀式感，魚湯好濃，呢個湯值回票；再嚟西京燒白蝦，好香燒到魚嘅魚油出晒，而牛小排食得出慢煮出嚟，好淋而且好入味亦好重牛味，處理得非常好！蝦燴飯濕度啱好，蝦係啱炸好就上台，1/3碗份量剛剛好，燴飯融入海鮮味真係一流👍🏼手工水果雪葩超讚，一杯可以有唔同材料，生果面加乳酪做底，可以中和返成餐飯，食完勁開心🥳，仲有小蛋糕同咖啡甜蜜收尾；呢個價錢食到高質嘢，朋友都非常滿意😀想約會或慶祝節日。強烈推介想high end體驗嘅你！~~~~~~~~~~~~~~~~~~~~~~~~~~~🥢先付漬物車里茄+淮山吞拿魚撻及吞拿魚蓉三文魚子☑️新鮮彈牙，海味濃郁，每啖都係鮮甜爆燈🥢季節お造り二品 北海道仙鳳趾生蠔深海池魚配青蘋果片☑️肥美多汁，入口即化，鮮甜到飛起；深海池魚配青蘋果片，魚肉嫩滑，蘋果加酸脆，層次豐富，啱晒愛生食嘅我，健康又養顏🥢蒸し物 海膽蟹肉茶碗蒸-味道偏濃滑☑️味道偏濃滑，蟹肉嫩滑，海膽香濃，蒸得軟綿綿，每啖都係海洋鮮味，暖笠笠滑落喉嚨，超滿足，感覺養生到爆🥢海鮮りょうり 北寄貝魚湯☑️清甜鮮美，貝類彈牙，湯底鮮到見底，飲落去暖身解渴，簡單但精緻，配埋其他菜一流，唔會搶味但加分多多🥢焼き物 西京燒牙魚配白蝦☑️西京燒得入味，香氣撲鼻，咬落去juicy到飛起，食完即刻回味🥢手工水果雪葩柚子雪葩加脆脆☑️清新酸甜，雪葩綿密，脆片加texture，解油一流，食完正餐嚟呢個，感覺清爽到極，完美中場休息🥢肉りょうり 日本牛小排☑️燒得嫩滑多汁，肉香四溢，肥瘦剛好，入口即溶，配醬汁一流，滿足感爆燈，牛肉控必試，值晒價錢🥢五穀類りょうり 蝦燴飯☑️飯粒吸滿湯汁，蝦味濃郁，暖胃養生，每啖都健康feel，份量啱啱好，唔會太飽但夠味🥢甜點松針雪梨雪芭+蛋白餅柚子糖+日本提子+日本雪梨+乳酪+燕麥☑️層層甜蜜，雪芭清新，果仁脆脆，乳酪滑順，健康又靚，食完心情up up🥢小點心2件迷你蛋糕☑️精緻可愛，甜度啱啱好☕️咖啡或紅茶黑咖啡☑️苦澀回甘，收尾完美，整個set menu品味高，食完精神爽…Read More

✈️唔洗坐飛機都可以食到台式美食😋🫠收工後同老公肚餓到爆，喺虹橋附近搵嘢食，點知撞正呢間台灣食樓！好耐冇返台灣，成日掛住嗰啲香噴噴嘅台灣美食，見到招牌即刻心癢癢，兩個就衝入去試吓。哇，環境簡樸但乾淨，坐低即刻有熱情服務員嚟招呼，菜單睇落好吸引，價錢又平到飛起，全單食埋都唔使$300，超抵食！附近住嘅朋友，千祈唔好錯過，隨時嚟打卡啦▫️▫️▫️▫️▫️▫️▫️▫️▫️▫️▫️▫️▫️🌯先嚟個海苔肉鬆起司蛋餅，咬落去脆脆地，外脆內軟，肉鬆香濃，起司拉絲拉到老長，配上海苔嘅鮮味，啖啖都係台灣街頭feel，食完即刻回味無窮！🍛跟住點黯然銷魂安格斯滷肉飯，哇，滷肉肥瘦剛好，醬汁甜咸啱啱好，滷到入味，安格斯肉質嫩滑，配飯一流，食落去暖笠笠，銷魂到飛起，老公食到舔盤！🍜主角紅燒牛肉麵，湯底濃郁，牛肉軟腍入味，啖啖肉啖啖湯，麵條Q彈，辣度啱晒，熱辣辣解饞，兩個食到飽飽地，值晒票價！☕️飲品跟價黑糖茉莉冬瓜茶，甜度勻稱，茉莉香撲鼻，冬瓜清甜，黑糖加分，解膩一流！🍹最後木玥招牌水果茶（西柚），西柚酸甜新鮮，茶底順滑，冰冰涼，食完正餐嚟杯解暑，完美ending！😝總之呢間台灣食樓係隱世寶藏，味道正宗，份量足，CP值爆燈，推介畀掛住台灣味嘅你！…Read More

✨全新午市75分鐘半自助放題✨😷秋風一陣陣風吹嚟，我即刻諗起燒肉嘅香味！最近天氣轉涼，最想食嘅就係熱辣辣嘅烤肉，解晒寒意。但邊度去先？諗起荃灣呢間安平燒肉，即刻心動！因為佢高質肉類選擇勁多，牛豬雞海鮮樣樣齊，以前晚餐去過，肉鮮嫩多汁，烤得出油花四濺，食到停唔到手。今次推出全新75分鐘午市定食套餐，超平超優惠！中午時段，一個價錢就享盡高品質肉類同自助區超過30款食品飲品，係台式汁醬區，性價比爆燈，平過自己煮飯，仲有追加菜式，唔怕食唔夠。星期一至日都有，隨時book位，唔使等假日人龍！🤩我同朋友中午殺過去，掃二維碼落單，超方便！隨便嗌唔同肉類，牛，豬，雞，烤爐熱力勻，肉汁鎖住，咬落juicy到爆！自助區就係天堂，新鮮蔬菜沙律脆生生，湯水暖胃，糖水甜到心坎，雪糕清涼解膩。最出色係甜品布丁，各種口味如芒果、朱古力、抹茶，一碗接一碗，食到撐爆！飲品有奶茶咖啡、冷泡茶茶包，隨便飲，解渴又提神。地點喺荃灣好方便，座位闊落，唔擠迫，一班朋友聚頭燒肉聊天，氣氛熱鬧到飛起。秋天一定要嚟呢度，食完覺得暖烘烘，值晒票價！推介畀燒肉控，午市限定，錯過就後悔啦！▫️▫️▫️▫️▫️▫️▫️▫️▫️▫️▫️▫️▫️▫️軟心芝士布丁🎉好食到停唔到咀🤣蘭王蛋月見牛🎉連埋個盤落去燒，唔記得撈雞蛋醬燒安格斯牛板腱🎉牛味重唔鞋安格斯牛頸脊（玫瑰鹽）🎉配玫瑰唔好食壺漬特調牛肋肉🎉醃咗嘅牛肋骨好入味配埋菠蘿同洋蔥一齊食一流自慢烤金錢肚🎉好腍好入味台灣馬告牛仔骨🎉有啲醬汁同埋啲蔥花好香蜜烤豬肉乾🎉估唔到燒豬肉乾咁好食…Read More

🥰有一日收工後，我同幾個同事喺葵芳附近逛街，肚餓想搵間簡單地方食晚飯。突然見到呢間老字號港式冰室，平時總係大排長龍，好有興趣！大家一講，就即刻決定排隊試吓。等咗二十分鐘，終於入到去，見到菜單有酸菜魚，兩個同事都眼仔發光，話一定要點！另外仲嗌咗啲小菜，邊食邊傾計，氣氛超熱鬧。呢度環境古樸，感覺好懷舊，食起嚟特別有味道。▫️▫️▫️▫️▫️▫️▫️▫️▫️▫️▫️▫️▫️▫️▫️🍲招牌酸菜魚呢個酸菜魚湯底酸辣開胃，魚片鮮嫩彈牙，啖啖入味，配飯一流，食完全身暖笠笠🍜尤魚面面（餐）奄列+丹麥包魷魚好濃嘅咖喱沙嗲味，好有港式風味，撈埋落啲公仔麵度，下午茶一流，最讚嘅係丹麥包，超鬆脆，加埋奄列，真係每個香港人想食嘅套餐🍲招牌辣椒炒肉最鍾意佢火爐仔上，用蠟燭火暖煮辣椒炒肉，味道好好食，仲要熱辣辣出乎想像🍤蒜蓉粉絲蒸鳳尾蝦即叫即整，雖然要等但都唔錯，粉絲同蒜蓉都夠多🍲羅宋湯呢個真係要加羅宋湯，好夠味，夠晒濃，仲有好多蔬菜…Read More

🫖講開飲茶，真係好耐冇同老公去飲，因為假期都唔想出街多數留喺屋企，而且屋企附近好食嘅茶樓，真係咁啱要去旺角波鞋街行吓揀波鞋，咁啱搜尋附近有咩好食，就見到喜煌點心，見到佢出名係牛肉系列，仲要夜晚都有得食，見到網上話佢有個新嘅地鐵室內報景，好有興趣就入咗去，好搞笑，連下便個指示牌上樓上，用地鐵站個指示牌！🥟上到去真係好似置身喺地鐵站咁！當然有枱就知道係食嘢嘅，老細好用心整呢個報景，所以好期待佢啲點心！😍特別推介: 🏆醬皇黃金錢肚金錢肚夠腍，而且勁入味，成個金錢肚都煮到好多汁，非常推介要點🏆鮮蝦炸雲吞亦係必點之一，睇得出職責非常脆，而且唔太油入邊嘅蝦亦都好大嚿加埋酸酸甜甜嘅醬，去酒樓一定要呢個佢係冇得輸！🏆養顏紅棗糕佢一碟有四嚿，我自己一個人都食咗三舊，因為非常之煙靭Q彈，同好有紅棗味，亦都好厚，真係要讚一讚佢嘅Q彈煙靭真係鍾意食糯米嘅人係非常之愛，佢嘅口感！推煌點心專門店…Read More

😬上個星期末，我特登帶埋死黨去元朗流浮山食韓泰太，專門衝佢哋最出名嘅窯雞！一落車就聞到陣陣炭火香味，超誘人啊！店舖環境好chill，有冷氣室內區同埋寬敞戶外位，仲有巨型壁畫打卡，連帶狗狗都可以入去，感覺好自由自在。我哋一坐低，就即刻點咗招牌荔枝柴炭火窯雞，師傅現場燒，雞皮烤到金黃脆口，咬落去「啪」一聲，裡面雞肉多汁鮮嫩，滿滿香草味，酸甜帶煙燻，啖啖都係驚喜！食過一次真係上癮，難怪咁多人推介，絕對係韓國燒烤嘅王者級！🐔除咗窯雞，呢度燒烤選擇超多元，有韓式豬頸肉、泰式海鮮、牛肉片，全部新鮮又多風味。我哋邊烤邊食，配埋烤蔬菜、菠蘿同香草烤魚柳，熱辣辣出爐，汁水四溢，好過癮！甜點區仲有自助雪糕同雪條，食飽咗可以慢慢涼一涼，解膩一流。整體嚟講，呢個地方唔單止食物正，氣氛仲好適合朋友聚會，邊食邊傾計，時間飛快過！…Read More

#大口妹美食推介⭕️重房⭕️📍地址: 香港銅鑼灣加路連山道1號地下18-19號舖📲電話: +852 52811212👍🏼好開心食到我覺得no1嘅高質Omakase！🤩銅鑼灣呢間重房Omakase食飯，真係一個超值得推介嘅地方！餐廳精心擺設，師傅對每一道菜都非常細心，食材全部新鮮得嚟，賣相又好靚，完全係打卡必去嘅美食天堂✨。由前菜水雲藻、北海道蟹肉、白粟米開始，酸酸甜甜好開胃，仲有北海道帆立刺身，呢隻帆立超鮮甜，配埋啲柚子啫喱，好清新！膠原生蠔肥厚又多汁，用青柑汁沙冰一點辣感，好味到爆！之後嘅磯煮鮑魚，慢火煮得入味又彈牙，配埋鮑魚肝醬，味道豐富又層層遞進。🥳唔好錯過佢哋嘅和牛，用慢烤技術呈現最 perfect 嘅口感，仲配上甜到嚟嘅淡路島洋蔥，好香呀！仲有北海道秋刀魚刺身，好鮮甜冇腥味。燒吞拿魚下巴仲用檸檬汁令紫椰菜變色，超夢幻！壽司五貫，海膽同醬油漬鰤魚味道都好正，特別係海膽，好鮮甜！最後飲埋十幾個鐘熬製嘅魚湯，味道層次豐富，甘甜又有胡椒香，真係一個值得重返嘅好地方。呢度嘅食材每一樣都表現到廚師嘅手藝同用心，每次嚟都令人覺得享受喺其中非常開心🤩。▫️▫️▫️▫️▫️▫️▫️▫️▫️▫️▫️▫️▫️▫️Set dinner＄1580（17-18品）🍣先付🍲水雲藻＋松葉蟹肉＋白粟米入口酸酸甜甜，水雲藻爽滑，蟹肉鮮美，搭配甜甜白粟米，好開胃🐠北海道帆立貝刺身帆立貝鮮嫩甜美，質感滑溜，啖啖都係海洋嘅鮮味🦪北海道仙鳳子生蠔生蠔肥厚鮮甜，加咗啲青柑汁沙冰，口感清新又有層次🦀花咲蟹腳肉蟹腳肉分明，肉質彈牙，食落去超新鮮鮮甜，師傅係搵人專登拆肉，方便一口一口咁食🍲磯煮鮑魚+鮑魚醬+冥荷慢煮入味又彈牙，配搭鮑魚肝醬，味道豐富香濃，配上冥荷中和味蕾🐂九州佐賀A4和牛用慢烤手法令肉質柔嫩不膩，淡路島洋蔥甜美更添香甜，入口即化超享受🐟北海道根室秋刀魚刺身當造秋刀魚鮮甜無腥味，肉質細膩，加埋佢自製醬汁，超好食 🐟火炙大拖羅＋中拖羅刺身紫菜三文治魚油香氣逼人，火炙後更突出濃郁脂香，配紫蘇葉好醒胃🐟燒吞拿魚下巴魚下巴燒到外皮微焦，配檸檬汁調色又加紫椰菜汁，味道鮮甜帶檸香，睇住顏色色變化好有趣又好味🍣壽司五貫赤貝彈牙，網燒深海池魚香氣十足，七色芝麻京蔥+醬油漬鰤魚味道濃郁，北海道赤海膽散壽司鮮甜濃厚，新鮮嘅魚生值回票價🍲招牌魚湯熬足十幾小時，蔬菜同魚味層層堆疊，好鮮甜又有胡椒香，湯身濃郁暖胃🍈北海道蜜瓜蜜瓜又甜又多汁，清爽解膩，係完美嘅飯後甜品收尾。。。#銅鑼灣美食 #omakase #新鮮食材 #高水準料理 #私人定制 #海膽壽司 #北海道刺身 #精緻擺盤 #值得打卡 #高級日式料理 #手藝好 #迷人味道 #情侶最愛 #美味推薦 #用心廚師 #正宗日本料理 #魚湯 #新鮮海產 #豪華套餐 #美食天堂…Read More