Leonyeungyeung's Profile

行過尖沙咀搵極都唔知食咩，於是求其醫飽個肚算！一入到去裡面坐定，傳應姐姐好快就拎左熱騰騰既玄米茶同啲小菜招呼我地，但個人認為相比起其他韓國菜啲超好食前菜，呢度就真系略顯普通，而玄米茶就加番唔少分。先後嗌左辛辣年糕面，水冷面，芝士青瓜紫菜卷同醬油炸雞翼！水冷面勁難食，啲面都唔知點解勁硬，咬都咬唔開。而個紫菜卷同年糕面就好普通料，唯一最好食既就系份醬油炸雞翼，但我唔明點解話明醬油炸雞都冇附上醬汁比大家點，反而有少少蜜糖味，似蜜糖雞翼多啲囉！最後，價錢都尚算合理既，只系食物質素有待提高，同埋可能店裡都系韓國侍應既關系，叫野食時都冇熱情咁介紹點樣食法系最好食，又無主動附上醬料，相較尖沙咀其他韓菜，質素就真系有待提高了！…Read More

今日同朋友行開K11musea,諗起系上次想食的cafe.於是決定今日一嘗，試左杯鮮奶latte, 感覺唔錯。早午餐俱樂部雖然一開始嗌錯左，本身以為系好似營養早餐咁，但原來佢系一個有雲呢拿雪糕夾系中間既曲奇鬆餅，一試不得了！！個雪糕軟硬適中，雲呢拿味又match得岩岩好，非常好食！58蚊一個真系抵過個啲明星開既曲奇鋪，泡芙鋪啊！但要留意番既系大家一定要坐ourside既位置，因為真系好靚好舒服，但我好可惜去個陣坐爆曬，所以唯有inside既位置了😢😢…Read More

呢間開左幾個月既意樂餐廳，每次經過都好似排曬隊，於是就同朋友入去試試。我嗌左個德國豬手，真系卜卜脆，份量大份又抵食。另外又加左個酥皮湯，好飲到爆，而朋友就叫左個雜扒，份量平價得黎又唔算差。唯一既缺點就系個外場男經理服務好差，問佢拎多幾杯水好似眼超超咁，不過甘平既價錢服務質素系甘上下的了，另外有個戴眼鏡既姨姨就非常好人。同埋大家食完就好快啲走，因為真系好多人排隊啊！！…Read More

住左粉嶺甘耐，都少話食泰國菜。見呢間裡面爆曬棚，所以抱住中伏既心態一試。結果又幾驚喜啵，啲泰國菜食得下，尤其系泰式無骨鳳爪，辣味適中，必食推介。嗌左個沙薑雞飯，啲雞好滑好嫩，一食就知唔系擺左好多日既雪藏雞，後尾再嗌左個冰蝦，六十八蚊有八隻，配埋啲醬汁都ok。呢間野既價錢比起出面啲泰國菜的確平好多，圍返都系八，九十蚊一個菜，至於服務態度呢就真系好惡劣，啲女侍應西口西面，入黎食野好似欠左佢咁…Read More