嗜食妹's Profile

韓國生蠔 ～ 冬天先有得食，係今日嚟呢度encore嘅其中一大原因！佢冇一般食開嗰啲咁重海水味，肥大鮮甜，口感十足，冬季限定，推自家製泡菜、前菜 ～ 同之前一樣好新鮮，保持一貫水準，今次有海帶，帶少少麻油味，仲辣魷魚，同少少辣嘅酸蘿蔔絲，好醒胃。雜錦煎餅 ～ 煎得薄薄的，唔會食到好多粉漿，本人最愛免治豬肉煎餅同泡菜煎餅，好足料烤牛肋骨 ～ 係每次嚟都必叫的，烤得剛剛好而肉汁亦保持到，仲帶有少少煙燻味牛油炒鮑魚 ～ 用料係韓國鮑魚，好香濃嘅牛油味，鮑魚炒熟仍然好爽口，唔似平時中餐食開炆腍晒嘅口感，驚喜之作，定必再食人蔘雞湯煲 ～ 上菜時滾住上，打開煲蓋已聞到好香人蔘味，湯好濃，非常好飲，雞都好腍，入面仲有好多配料，如糯米、人蔘、紅棗等，好補啊一品真露 ～ 試店長推介嘅燒酒，飲時加冰加檸檬，有d似飲威士忌咁，飲落好醇 朋友唔夠喉仲叫了韓國啤 Hite…Read More

今天是星期日，下午三點幾來到，條隊大約有十人，等候時間只需五分鐘，今次已經不是第一次來，買了兩個奬勵自己回家後食，在常溫情況下，芝士餡帶點乳酪味酸酸的，質感軟綿綿，餅皮仍然是脆的，口感和味道也很好！本人很喜歡朱古力口味的東西，可惜這裡只有原味，期待佢會有新口味推出！ …Read More

搬舖後第一次幫襯，食完晚飯一班朋友來都是已有一條龍，人客多數都系食完就埋單走，所以等了十多分鐘便有枱。糖水款式同價錢都同舊舖一樣，本人最喜歡蕃薯糖水，同埋芋頭西米露，番薯糖水嘅薑味好濃，辣辣地，夠刺激，甜度亦適中而西米露煲得夠時間，芋頭都煲到溶溶地，加埋三粒自家製芝麻湯圓皮薄餡靚真係一流傳統糖水款款都只係18至20蚊，足料又好味，你話去邊度搵！ …Read More

一大班朋友的定期聚餐，今次有朋友提議呢度，食物大眾化，地點都算就腳。小食選了芝士薯格，有芝士同燒烤醬撈埋食都幾惹味，另外仲選了醬燒辣雞翼，係辣辣地，但又好濃的香草味，少少酸，我個人覺得有中葯味，比較古怪 主菜叫了皇后薄餅，有蕃茄，芝士同basil，都幾足料，餅皮係薄身的，但不太脆，𠝹成長條形又幾方便 意粉就選了白酒煮蜆，上菜時賣相一般，食落就都唔錯，蜆大大隻，但酒味就不大覺，小朋友都啱食。最後仲加了半隻燒雞，呢個係全晚最喜歡，雞燒得入味但肉又唔乾爭爭，配料有薯角同菇都好夾，味道很好。本來想叫甜品，但種類不多，睇唔啱就放棄了。 …Read More

放工來K11搵食，見呢度枱與枱之間都唔會太迫傾唔到計，就來一試。叫了兩個定食，一個沖繩豚肉飯，另一個雞扒親子丼。豚肉飯份量都ok，每片都夾住一層肥肉，味道較清淡，不過不失，但雞扒飯就好一般，雞扒冇乜醃過咁，有少少雪藏味。兩個定食都有跟一個麵豉湯同飲品，個湯有幾粒豆腐，好普通，飲品我叫了芒果熱情果汁，熱情果味都幾出，但特飲係要加22蚊嘅。可能佢賣點係home kitchen，所以食物冇乜驚喜，價錢喺大商場嚟講，百幾蚊一個定食亦不算貴嘅。 …Read More

下午約了朋友見面又想坐得舒舒服服傾下計，就搵咗呢間咖啡店，我叫咗個下午茶餐，朱古力楓糖醬班㦸，原來係幾塊細細的疊起，加上朱古力醬同楓糖honey，賣相唔錯，班㦸都應該係新鮮整嘅，配上我壺黑糖薑茶，都可斟到兩三杯，薑味夠又不太甜，唔錯朋友叫了杯薑汁latte都話唔會太甜，薑味亦不會遮蓋咖啡味，都幾滿意。呢頭酒吧多，茶餐廳多，但想坐得舒服啲，呢度係一個幾好的選擇 …Read More

週末怕人多，見都有一段時間冇幫襯，5點幾嚟到又大把枱，咪輕輕鬆鬆食個“早”飯。由於星期六冇下午茶餐，我哋兩個人叫了半份和民沙律，料都幾足，除咗一般生菜仲有雞肉、南瓜等，配芝麻醬幾fresh，同以前食嘅水準差不多，冇令我失望。我叫咗個鐵板炒麵，餐牌寫明魷魚，原來裡面仲有d豬肉薄片嘅，味道唔錯，略嫌份量唔係好夠 今次試咗杯紫薯鮮奶，雖然紫薯味唔係好濃，但入味香滑，奶味都幾重，廿幾蚊幾有誠意 朋友叫了石鍋三文魚拼魚子飯，叫了大碗但其實都好細碗，不禁令我哋問侍應係咪出錯了細碗 整體而言食物環境都唔錯，可以再來試其他菜式。…Read More

夜咗收工想簡簡單單醫肚，屋企附近呢間係一個幾好嘅選擇，已經唔係第一次來，我就係鍾意呢度可以單點，可以叫餐，選擇都唔少，價錢又實惠。今次叫咗個勁量面線餐，有碗台灣麵線，同埋十隻辣味鍋貼。碗麵線份量好足，料都好多，味道剛剛好！而鍋貼就即叫即煎，十分新鮮香口，都只不過係＄38，抵食過去茶餐廳，加＄8仲有杯珍珠奶茶，就咁簡簡單單就食得又飽又滿足，你話點可以唔返嚟？…Read More

無訂位又想想食得舒舒服服，呢度係一個好選擇，午餐有幾款選擇，大家熱愛pasta，只有一位男士叫個pizza 今日個餐可以跟雜菜沙律或咖喱甘荀湯，我叫咗個湯，幾大碗，但咖喱味幾重吓，有點兒怪怪地，我同另一個同事都中途放棄咗個pasta黑松露就幾足料，雞肉就一般，不過不失，份量啱啱好，食晒又唔會太飽 pizza新鮮出爐條邊脆卜卜，同事話唔錯，料都好足 個餐本身有包普通飲品，加12蚊可以飲熱朱古力或咖啡，杯杯拉花都好靚又唔一樣，大大杯，咖啡仲有好多新口味，creme brulee略甜但幾特別，面頭真係有層burn咗嘅焦糖；熱朱古力就好濃又唔太甜，我個人好鍾意，值得一試 埋單連加一位位$140，坐得舒服傾得開心，又係時候開工。 …Read More

今日同朋友嚟又一城想搵地方tea，C字頭嗰間要5:30交枱，呢度冇話限時，但食到六點幾時侍應話七點前交枱，我覺得都好合理。呢度冇下午茶menu，咁我哋就叫個無花果parma ham沙律、焗田螺同薯條share，個沙律足料又新鮮，無花果好甜田螺都唔錯但冇乜驚喜，薯條就好一般，配茄汁同沙律醬，我都冇特別影相 我點了個tiramisu chocolate，而朋友就點了rose latte，好好味呀，掛住飲中途先記得影相俾大家睇 最後忍唔住都係要整件cake先肯罷休我件delicies chocolate mousse 同朋友件 marthe 都好好味。埋單位位$210，呢度環境食物都唔錯，可以一試 …Read More

嚟過兩隻手數唔晒咁多次，喺香港要食川菜來來去去都喺嗰幾間，呢間我鍾意佢較平民化兼地點方便。每次來都必叫水煮魚同辣子雞，辣椒好多，魚塊都好足料兼滑溜，值得推介 辣子雞我貪佢香口，同埋我好享受喺一推辣椒入面搵雞粒嘅過程 嗜牛嘅話我覺得水煮豆腦牛肉都可一試，牛肉同豆腐都十分滑，牛肉唔洗𡁻 總括嚟講食物質素係唔錯，所以我先會encore完再encore。…Read More

我老公係邊爐達人，一星期食兩三次都嫌少，我地叫咗個鴛鴦湯底，沙嗲都幾濃鍾意呢度d牛肉有𡁻口，但份量略嫌太少，掛住食中途先記得影相 老公鍾意食八爪魚刺生，不過不失 我就最鍾意食手打墨丸，夠新鮮，雲吞大大粒都好足料 仲有叫咗d瓜菜烏冬等等都ok，地點都算就腳，可以再幫襯…Read More

因為冇得訂位，經過幾次想食又怕等得耐，今日終的起心肝6:30到，等咗10分鐘居然俾我哋等到張卡位，好開心侍應話呢度最出名係燒雞同fish & chips，咁我哋兩個就照跟！好快嚟咗個龍蝦湯，味道都幾濃唔錯 我哋兩個share食半隻燒雞同魚，燒雞層皮係幾脆同埋好多黑椒喺面都幾惹味，但係裡面d肉就麻麻，略嫌有點兒dry 個fish & chips魚都ok冇雪藏味 ，又唔會好油但我本人就唔係太喜歡個醬，放喺薯條下面搞到"林"晒 唔知係咪星期六嘅關係，限時個半鐘，都有d趕，下次有機會再試下佢d蛋糕好似幾靚咁…Read More

今次我地10位靚靚 想食有水凖有質素的韓國料理，但又唔想食韓燒咁熱氣兼搞到成身味，就諗起呢度，今次仲book咗VIP房坐得舒服又可以大聲傾計好爽！ 一坐低朋友就急不及待叫咗醬蝦，雜錦煎餅，招牌紫菜卷同米酒，不得不提就係呢度啲前菜係每日新鮮自家掣，眨吓眼就清晒，好彩有得refill。 食完冷盤同小食，主菜當然唔少得韓式原隻炸雞，皮脆肉嫰，配埋酸酸地的紅色蘿白好醒胃 ，跟全理再嚟個烤牛助骨同烤人蔘漢堡扒，好juicy呀！ 有朋友鍾恴食豬手，點咗個炆豬手配特色泡菜，原來有3種食法，老闆教我地可以夾泡菜，點紅色麵豉醬句生菜，或者點隻酸酸地嘅汁食，又學到嘢 另外值得推介嘅仲有芝士薯仔烤牛肉奄烈，好多芝士可以拉到絲，我地好like呀！！ 鍾意芝士嘅必試！最後仲叫咗個招牌湯麵濕吓口先夠喉，入面嘅自家掣餃子同韓式魚蛋串都好正，不過我地咁多人當然唔夠分 整體來講環境食物都好滿意，上菜都好快，一大班人有間房寧舍開心，唯一可以改善嘅就係樓面可以多D人手，可能係平日啦～～～…Read More

今日朋友生日，見有新韓國店兼俾大廈外面張醬油海鮮combo海報吸引住，大家就提議嚟試下！一坐低即叫咗個醬油海鮮combo，餐牌寫明用料喺韓國邊度原產地，加上味道同我上次去韓國食差不多，除咗蟹仲可以試埋蝦同鮑魚，食生鮑魚都係第一次，質地爽爽的，絕對係新鮮好味，六百幾蚊價錢亦算合理之後叫咗另一個招牌菜，雜錦煎餅，廚師喺open kitchen即叫即煎，等時已聞到好香，食時熱辣辣加上細細件又多款式，唔似平時一叫就一大塊，唔會好油膩，一班朋友share食大讚韓國老闆教我哋配支冇防腐劑兼要出廠後30日內飲用的特色米酒真係絕配👍我哋一行6人仲叫咗好多嘢，韓國鮮蠔雜雜石頭飯，用韓國蠔放上面一齊撈嚟食，好鮮甜。仲有一款我自己好鍾意嘅係辣雞煲，唔算好辣，好入味，仲有d薯仔蘿蔔等配料都炆到林晒。😋😋其他好似滑豆腐海鮮湯，芝士炸飯團等等都好好味好正宗，人多可叫嚟share食👏👏…Read More