polly74's Profile

菩提素係蛋奶素店，午市同晚市係自助餐，而下午茶係食一份份嘅定食。去到先比錢，跟住攞住店員比嘅點餐紙返埋位圈低想食嘅嘢食。呢到有包廂同出面嘅座位，當日下午茶時段人流唔多，到我哋離開都只有大約4枱客，但係出面7成嘅枱都放咗粉紅色紙寫住 ‘’留座‘’，所以我哋唯有坐係最尾嘅角落位。整體食物嘅味道同款式同一般嘅素食自助餐差不多、唔會有太大嘅驚喜，我純粹係比嗰九宮格吸引去打卡，我覺得試一次就算。定食下午茶套餐 ($69 +1服務費)時間: 15:00 - 17:00主食選一飲品選一主菜選一小菜選四贈送即日甜品一件主食 米線、壽司米線嘅湯底好夠味，好似一般酒樓食到嘅感覺。飲品老火例湯、即日糖水糖水係雪耳糖水，味道偏淡。主菜蜜汁素叉燒紅燒茄子素叉燒嘅質感偏淋，如果整脆啲就更好。紅燒茄子好惹味，茄子炸得夠脆。小菜炸物: 番薯、南瓜蒸物: 銀絲卷、小饅頭、茶葉蛋涼菜: 木耳、沙律、秋葵炸物嘅皮夠脆，不過番薯比較硬同韌。我哋開頭以為銀絲卷係腐皮包住椰菜粉絲嗰種銀絲卷，點知原來係饅頭。木耳有少少麻辣味。沙律就係薯仔雜果沙律。…Read More

我哋係星期六嘅下午1:45左右去到，人唔算多，店員比咗梳化位我哋坐。食物有蛋奶同五辛，餐牌上有標示素食類別，點餐系統上部分食物可以揀走蛋奶或走五辛，不過有啲植物肉本身落咗蔥蒜去調味，嗰啲菜式就唔可以走五辛。小食拼盤 (有奶) ($108) 雞肉串燒、薯寶、南瓜餅、牛油果天婦羅南瓜餅幾好食，外面嘅炸粉唔會好厚、外脆內軟。雞肉串燒係用大豆纖維整成嘅素肉，附上沙嗲醬。薯波味道比較鹹。以下食品可以揀跟餐，套餐包含湯、沙律、豆腐、麵包，仲可以將飲品變跟餐價錢。當日嘅餐湯係西蘭花湯，飲落好creamy、好香西蘭花味。沙律本身落咗醋，食落酸酸哋，仲加咗紅腰豆。麵包好軟熟，似麥包嘅味道。豆腐應該係百葉豆腐，口感似素魚腐咁爽口。超級能量碗 (純素) (跟餐: $108)材料有沙律菜、牛油果、粟米、車厘茄、藜麥、黑豆、紅菜頭，表面放咗一片小麥包。自家制素肉醬手工意粉 (有奶) (跟餐: $88)素肉醬有羅宋湯嘅番茄味，感覺比較天然，我鍾意佢味道唔會好濃，素肉醬嘅配料有甘筍同西芹粒。意粉入面仲加咗車厘茄同冬菇。素黯然銷魂煲仔飯 (可走蛋奶、五辛) (跟餐: $138)煲仔飯係呢到嘅招牌菜，3款煲仔飯入面只有免治牛肉煲仔飯唔可以走五辛。黯然銷魂飯用猴頭菇扮叉燒，外表染咗少少紅色，味道鹹得嚟帶有少少甜味。飯底用上意大利米，有牛油嘅香味，唔使落豉油已經好夠味。雜莓蜜桃水果茶 (跟餐: $38)青葡萄菠蘿水果茶 (跟餐: $38)熱檸檬水 (跟餐: $10)…Read More

北角素食園坊主打港式素食，蛋奶菜式會有標示，部分可走蛋奶。焗飯係呢到出名嘅菜式之一，不過只限午市，晚市冇得食。呢到有提供早餐同下午茶，例如沙嗲牛肉湯公仔麵同公司三文治。今次我哋就試咗午市套餐。午餐E.雪菜肉絲炆米 ($58)+$10 是日例湯 (跟餐半價)素肉絲應該係用素魚腐切絲整成。米粉爽口，整體菜式帶濕潤嘅感覺。番茄湯鮮竹粉絲煲 ($73)湯底有番茄嘅酸甜味，粉絲吸哂啲湯汁。日式南瓜薯餅 ($68/ 4件)…Read More

我哋星期五嘅放工時間去食，去到已經好多人係到等位，等咗大約20分鐘。餐牌上有幾款素食菜式，包括炒貴刁、雜菜煲配白飯、香脆薄餅配咖喱、炸豆腐等。素食菜式都有標記。點餐用QR code。素菜炒貴刁 ($112)素菜炒貴刁配料有椰菜、芽菜、靈芝菇、甘筍、芥蘭等，整體帶有少少甜味。表面嘅素鵝超鬆脆，淋咗甜甜哋嘅醬油。…Read More

Veggie4love 推出養生懷舊火鍋套餐，用上傳統老北京銅火鍋爐，打卡一流。套餐包含蔬菜、菇菌、素丸、炸物、甜品同飲品。火鍋套餐2位起，我哋3個人去食，所以叫咗2人份量嘅火鍋+散叫其他菜式。如果淨係想食火鍋，亦可以叫3人份量嘅火鍋。火鍋套餐需要提前預訂。養生懷舊火鍋套餐 ($698/2位)上素野菌湯底羊肚菌、鹿茸菌、姬松茸、青藏野生杞子野生食材新鮮牛肝菌、野生黃蔘、榆耳菌素丸手製素牛滑、三寶丸、素腸仔、素魚腐炸物手製春卷、響鈴卷、生根鮮蔬鮮淮山、蟹味菇、海鮮菇、時令蔬菜 (3款)飲品: 百香果柚子檸檬蜜特式甜品: 朱古力雪糕醬料: 香菇醬野生食材最好淥耐少少。野生黃蔘淥到淋之後，入面嘅質感似薯蓉，味道清甜。手製春卷係長條形、用腐皮包住沙葛、甘筍等食材，外皮超香脆。手製素牛滑用素肉醬加粟米粒，用棒分開一塊塊去淥，素牛肉味道似beyond meat。素肉類仲有腸仔、魷魚圈、魚腐、貢丸、流心芋頭丸等。朱古力雪糕好好食，質感似雪葩，味道唔會好甜。百香果柚子檸檬蜜味道酸酸甜甜，幾清新，就算添咗一次熱水，都仲好夠味。Trip to Bali ($148)印尼加多加沙律、炸豆腐、腰果、大豆炸物伴椰汁飯每次嚟都必叫嘅菜式，所有食材都好鍾意食，尤其是加多加沙律，花生醬撈埋椰菜、腰果、青瓜絲等食材，撈飯一流。炸豆腐外脆、內滑。素肉串配上沙嗲醬，味道唔算好辣、幾惹味。今次用竹籃裝住食材，賣相好靚、好有東南亞風味。涼拌手撕雞 ($78)…Read More

緻素坊係銅鑼灣開咗分店，我哋年廿九去咗飲茶。環境比尖沙咀店大，坐得比較舒服。食物質素同尖沙咀店差不多，都係咁好食。A005 素翅灌湯小籠包 ($48)A006 香菇燒賣 ($42)A0012 四寶滑雞紮 ($42)每次嚟都必食雞紮，所有食材都煮得好入味，有雪耳、粟米仔、猴頭菇同冬菇。A0015 竹笙素翅灌湯餃 ($42)E002 香菇叉燒腸 ($42)S007 黑松露炒麵 ($128)黑松露味香濃，質感比較乾，似豉油皇炒麵。配料主要有芽菜同芹菜。…Read More

越式素食係今年新開，前身係陽光素食。由鰂魚涌地鐵站B出口，落天橋後，行過1個街口轉左就到越式素食，店舖對面係學校。店舖環境唔大，只有2張4人枱同2張2人枱。食物本身係五辛素，但全部都可以走五辛，老闆娘係落單時會特意問使唔使走五辛，十分體貼。枱面上有一壺充滿辣椒嘅素魚露，係有五辛，冇五辛嘅版本可以問老闆娘攞，素魚露味道酸酸辣辣，可以用嚟撈檬粉，我亦見到有客人倒入湯河到調味。雖然係小店，但菜式選擇好多，有撈檬、湯河、炒飯、客飯、炒金邊粉、咖喱、米紙卷、春卷、越南咖啡、椰青等，絕對值得再訪。D4 素牛油果芒果米紙卷 ($55)米紙卷入面嘅食材本身好夠水份，有芒果、青瓜、生菜、牛油果等，所以將成件米紙卷放入口，都唔會覺得好乾，整體感覺好清新。D9 素小食拼盤 ($98)春卷、粉包、蟹餅、沙律春卷似炸腐皮卷，春卷皮薄、好脆，餡料有粉絲、木耳、蘿蔔等。粉包感覺似酒樓嘅雞絲粉卷，入面包住冬菇、素扎肉碎、甘筍等食材。蟹餅爽口、似素魚片。沙律嘅材料有椰菜絲、青瓜絲、甘筍、紫椰菜、花生等，本身已經撈埋素魚露，味道偏辣，不過幾開胃。A1 豆腐茄子撈檬 (轉湯河) ($55)當日冇茄子，所以只有豆腐配湯河。湯底有清香嘅香葉味，直接飲都唔覺得鹹。A6 素蟹餅拼扎素撈檬 ($58)檬粉似米粉，本身有少少酸味，但感覺較乾身，要撈埋素魚露一齊食，配料有生菜、甘筍、芫荽、香葉、花生等。…Read More

愛家愛便當搬咗去新舖之後第1次去食，新舖地方更大、坐得比舊店舒服。我哋中秋節翌日去食，我3日前whatsapp訂位。社交平台上話當日去食需提前訂餐，但一直未有餐單比我去預定餐點。到當日我去問先知當日嘅餐單，所以我當日先whatsapp預訂。⠀⠀⠀⠀⠀⠀⠀⠀⠀我哋1點左右去到，全場滿座，當中約一半嘅客人仍然未有嘢食。結果我哋等咗1個鐘先有得食。主食味道中規中矩，配菜、漬物比較有特色，尤其鍾意柚子味白蘿蔔同甘平牛蒡，甜品係一包餅，味道同質感都似合桃酥，酥脆得嚟有抹茶味。整體價錢唔算好貴。⠀⠀⠀⠀⠀⠀⠀⠀⠀是日推介餐配 3款前菜+甜品+小食+湯/飲品 ($88)配 5款前菜+甜品+小食+湯/飲品 ($98)⠀⠀⠀⠀⠀⠀⠀⠀⠀壽司餐 配 甘平牛蒡、柚子味白蘿蔔、漬紫椰菜壽司餐有6件壽司，包括腐皮、牛蒡、枝豆、粟米、冬菇同番茄壽司 (將番茄肉切薄片放係壽司飯上)。魚生雜錦拌飯餐 配 醬南瓜、醬冬菇、海茸魚生拌飯嘅材料有素三文魚、素吞拿魚、枝豆、粟米粒同冬菇粒。…Read More

每人要係茶譜入面揀一款茶飲，點心紙有2頁，有蒸點、炸物、小食同少量主食，菜式旁有標示素食類別，包括純素、蛋素、奶素同五辛素，洋蔥標誌代表食物含五辛、唔可以走五辛，而菜式旁寫住AO，就表示含五辛、但可以走五辛。茶: 2008年特級紫芽普洱小青柑 ($58/ 位)店員建議我哋將熱水倒入茶壺入面，焗20秒左右就可以倒出嚟飲。薑汁素肉小籠包 ($58/ 3件)小籠包嘅皮薄身，素肉質感較軟。小籠包入面冇湯汁，整體較乾身。黑松露燒賣 ($48/ 2件)燒賣入面有素火腿粒、甘筍等，麵粉糰嘅質感。香菇芫荽素牛肉球 ($48/ 3粒)素牛肉球嘅喼汁有蒜。素牛肉球好香芫荽味，我鍾意佢唔會好鹹。底下嘅粉絲撈咗豉油，味道適中。布拉素牛肉腸粉 ($38/ 2件)素牛肉同素牛肉球嘅材料一樣，腸粉皮凍咗會較乾身，如果大份少少就更好。金菇菜苗餃 ($32/ 2件)鹹水角 ($42/ 3件)皮外脆內煙韌，餡料有冬菇、芹菜、甘筍等。龍華寺素卷 ($48/ 4件)其實就係腐皮卷，腐皮質感較韌，整體味道鹹鹹哋，似係用咗豉油調味，入面包住椰菜、木耳、甘筍等食材。香煎素盒子 ($38/ 2件)餅皮嘅樣似欒樨餅，入面包住椰菜、木耳、甘筍、粉絲等食材。紅豆糕 (送)…Read More

梔子係今年轉為一間素食cafe，餐牌上有清晰表明素食類別，包括純素同五辛素，部分含五辛嘅菜式可以走五辛，洋蔥logo下面有字句寫住 [可走] 。⠀自家製南瓜蓉蔬菜咖喱 配天貝及十穀米飯 ($158)我揀咗少飯，但份量都幾多。整體菜式偏乾身，南瓜蓉放係烤蔬菜嘅底下，南瓜蓉應該加咗咖喱粉，有咖喱嘅辛辣味，辣度適中。天貝味道似芝士。其中一款小碟包括醃蘿蔔、金平牛蒡同紅色嘅漬物。另一款配菜鹹鹹哋，拌有黃豆粒同紅辣椒粒。⠀昆布冷麵 配唐揚豆腐及季節蔬菜 ($128) (含五辛)冷麵似蒟蒻麵，質感較韌，有飽肚感。烤物有蓮藕、翠玉瓜、秋葵、粟米仔、豆腐，春卷內有洋蔥。桂花雪梨花茶 ($58)椰子水特濃咖啡 ($49)…Read More

雖然呢間係葷素餐廳，但素食選擇都唔少。餐牌上有清楚標示素別，例如蛋、奶、五辛。除咗鹹食，亦有甜品提供，例如密瓜刨冰、芋圓仙草、豆腐花等。J. 素超厚豬扒飯 配温泉蛋 (蛋奶素) ($98)轉白麵豉豆乳湯麵素豬扒外皮香脆，夾起嚟中間嘅素肉有少少散，味道比較鹹，自己一個人食哂都幾膩。麵豉湯麵幾好食，湯底麵豉味香濃、豆乳味比較淡，麵條彈牙，配料有木耳同粟米粒。+$38 是日餐湯 (純素) + 沙律 + 多士 + 茶或咖啡是日餐湯係雜菜湯，味道酸酸甜甜，配料有西芹、番茄、椰菜、甘筍。飲品我哋揀咗凍檸茶。沙嗲素串燒 ($32/ 4串)串燒用上大豆纖維嘅素肉，沙嗲汁辣辣哋，幾惹味。…Read More

Menu好厚，好多菜式揀，有標示純素選項，部分菜式可走五辛。Bombay Bhel Puri ($75)呢款印度街頭小食用單車裝住，黃色嘅米通撈埋薯仔、番茄、芒果絲等食材，味道酸酸甜甜，幾開胃。米通放得耐會變淋，所以要盡快食。Do Rukha Khumb ($110)烤蘑菇串燒嘅食材有蘑菇同燈籠椒，烤蘑菇嘅中間釀咗芝士，食落有啲膩。Paneer Tikka Lababdar ($119)用番茄汁、牛油同腰果醬等醬汁烹製嘅乾芝士菜式。醬汁幾惹味，有少少辣味。芝士質感較乾，味道唔會好鹹，反而沾滿醬汁嘅味。Naan (butter) ($35)我哋諗住叫烤餅配醬汁一齊食，所以就揀咗呢款淡味啲嘅烤餅。呢款烤餅主要係小麥嘅味道，餅皮香脆，容易撕開，質感唔會好韌。…Read More

長沙灣開咗間新嘅素食小店，店內座位唔多，大約4張枱。可以自己係出面拎羅漢果水、水同餐具。食完可以將碗碟餐具放係取水處嘅底下。店員幾細心，落單時會先問素別 (純素定蛋奶素)，再特別提醒我哋某啲菜式嘅致敏成分，例如麻醬拌餃子含有花生，店內亦有張貼含蛋奶食材嘅提示。壽司C餐 ($55/ 16件)福袋壽司 4件太卷 2件牛油果卷 2件青瓜小卷 4件黃蘿蔔小卷 4件麻醬拌餃子 ($40/ 12隻)雙拼: 鮮蔬菜粒、黃金粟米餃子可以揀單拼或雙拼。2款餃子嘅味道都好相似，有粉絲、甘筍、椰菜等食材。餃子皮質感軟身，表面淋上胡麻醬，旁邊放有油麥菜，整體菜式似湯餃、比較濕。白石烏冬 (三絲) ($50)三絲係甘筍絲、白蘿蔔絲同豆乾絲，烏冬幼身，質感少少似上海麵。是日例湯黃芪冬瓜湯材料有黃芪、冬瓜、冬菇、紅蘿蔔等，味道清甜。…Read More

天譽素食有提供素食火鍋，火鍋湯底同配料嘅款式都算多，不過兩者都係逐樣收費，感覺唔太抵食。我幾鍾意呢到嘅臘味糯米飯，份量唔多，食火鍋之餘，仲有胃口可以試到糯米飯。飯口感煙韌，配料有素臘腸、冬菇粒等。火鍋湯底鴛鴦湯底 ($42)芫茜皮蛋湯底 + 滋補藥膳湯底2款火鍋湯底嘅配料感覺比較少，皮蛋切得較碎，大約只有半個嘅份量。藥膳湯底有當歸味，配料有黨參、黃芪、紅棗、杞子等。特價配料 (每款$20)西生菜南瓜片滑豆腐精選配料 (每款$28)生麵伊麵猴頭菇素臘腸素水餃素魚滑即炸響鈴素水餃嘅餡料以素肉為主，配以木耳、馬蹄等食材。伊麵上菜時應該係煮過黎，夾落質感比較淋同碎。素臘味糯米飯 ($28)…Read More

位於旺角嘅牛牛台式鴛鴦火鍋有4款素食火鍋湯底同素食火鍋料 (如素丸、素腸) 提供，午市火鍋放題可以食2.5小時，有足夠時間慢慢食、慢慢打卡。素食拼盆同其他自助區嘅食物都係任食，素食拼盆可以用手機或填紙仔落單。呢到嘅甜品選擇算多，有3個甜品櫃，分別擺放蛋糕、雪糕同雪條，仲可以食芋圓同仙草。午市150分鐘火鍋放題 ($158/ 位)素食鴛鴦鍋 (自選2款湯底)磨菰素鍋蕃茄素鍋磨菰素鍋味道似清湯，配料有雞髀菇、金菇、粟米等。蕃茄素鍋味道酸酸甜甜，比較惹味。雜錦素食拼盆有素芝士腸、芋頭丸、素海參、素貢丸、素肉片等。自助區蔬菜類生菜、娃娃菜、冬瓜、南瓜、芋頭、蕃茄、豆腐、粟米、白蘿蔔、雞髀菇、秀珍菇、冬菇、金菇、豆卜、響鈴.....麵食類烏冬、韓國公仔麵甜品芋圓、仙草、雪糕、雪條、芝士蛋糕、抹茶蛋糕、朱古力蛋糕、桂花糕、啫喱、布丁...飲品羅漢果茶、酸梅湯、橙汁、玫瑰綠茶、沙冰、各款紙包飲品 (如維他奶、檸檬茶) 及罐裝飲品 有熱櫃熱住部分嘅紙包飲品。調味料豉油、芫茜醬、蔥花、辣椒...…Read More