emilylokwun的個人專頁

呢排日日係Openrice個排行榜都見到Burgeroom個鵝肝Burger幅圖，搞到鬼死咁想食，今日終於忍唔住，lunch time走左去食啦~好好彩一入到都就有張枱吉左係度，我地5條友二話不說即時坐落去望一望，有個special餐牌係 "Double" Foie Gras Burger 雖然好吸引，價錢-$218都可以接受，但基於年紀有返咁上下，所以都係... 睇佢唔到~ 睇佢唔到~最終~ order左個 "Single" Foie Gras Burger + $22 combo set 有薯條 & 飲品要講一講既係， + $22 combo set 真心好抵，所有飲品都可以選，除左酒精類，大佬，單一枝snapple 已經 $25，你話抵唔抵???但老老實實，我好想飲啤酒囉~~~等左8分鐘左右，個包黎啦... 哇!!! 成個 iPhone 咁高，跟本無辨法可以一口咬到成個包店主亦好好心咁比哂刀叉你食另一個重點，combo set 旁邊附上少許 salad生菜等你食個鵝肝包都唔會有膩既感覺重要時刻到啦~ 一口隊左件鵝肝落口先，入口真係即溶喎，不過我嫌件鵝肝唔夠脆面，如果煎香少少一定會加分10倍跟住真心食個包啦~ 件牛厚實但又好juicy，配埋厚切番茄一齊食又真係另有一番風味我完成唔到成個set，隊晒d薯條，食左半個包，另一半齋隊件鵝肝同塊牛，已經滿足死~~~順帶一提，本人好鐘意rock music，而餐廳亦播d remix既rock songs同埋成間餐廳由帶位都整burger果d都係一班energetic既後生仔係度食野都感覺到自己young呀… …查看更多

相約姊妹們周未去鬆鬆，High Tea最好不過~ 選擇了新開店的Tea Saloon by AnotherFineDay，雖然地點較為偏遠，但被它的裝潢吸引著迷了...從中環港鐵站沿著行人電梯一直上山，路途遙遠，好不容易找到位置。小店位於一條掘頭斜路，旁邊沒有其他店舖。粉紫色的門口，兩旁種有小樹，很有歐陸風情，店內裝潢典雅，採用英式碎花牆紙及桃紅色油漆，配以華麗的水晶燈，舒服之中帶有高貴華麗感。店內只有10張左右的餐桌，及一個配以梳化椅的小天地。店員仔細擺放仿古餐具，遞上Menu，發現下午茶餐有Ladies 跟 Gentlemen之分，店員解說男士本來就是 “咸” 一點，所以Gentlemen會以咸點為主，而Ladies則以甜點為主。對於我這些 “假女人”來說，這個分別簡直是一個天大的喜訊，又想 High Tea，但又吃不了太多甜食的話，選擇Gentlemen就最好不過。我們三人點了2份Gentlemen ，1份Ladies。2份Gentlemen放在一個3層架上，而1份Ladies放在2層架上；有某幾種食物是同樣食物存在著，但Gentlemen就多了迷你burger，少了一些小蛋糕。味道都不過不失，本人尤其喜愛一個黑松露蘑菇撻，撻皮脆口而濃郁的黑松露味道直達味蕾。優美的環境配以美點往往讓人特別放鬆，時間亦過得特別快，2小時既用餐時間只是剛剛足夠，如果沒有時間的限制，帶上一本書又或iPad，這個地方可以讓你待個一天。極力推介~在我們用餐尾聲的時段，剛好遇到大劉女友甘比帶著女兒跟兒子來High Tea，她女兒眼睛大大的十分可愛，後來還有周麗淇的加入。題外話，我們坐的位置剛好在廚房對出，廚房採用大玻璃設計，完全可以清楚看到廚師處理下午茶的過程，原本這個設計可以令整家店增加格調，問題是他們的廚師是一個十分外表忠厚老實的胖子，好像有一點影響了店的格調。…查看更多

一向鍾意周圍搵野食既我，最近轉新工，雖然都係返中環，但係 IFC 呢邊真係少好多選擇。不過就比我搵到間正野... LIBERTY STONE OVEN PIZZA，呢間係外賣店，冇位坐，但附近 IFC 同 EXCHANGE SQUARE 都有露天既坐位可以坐係度食。呢度吸引之處並唔係 PIZZA 選項好多，係佢地既 PIZZA 除左正常 SIZE 之外，仲有個人 SIZE，岩晒一個人食，又或者幾個朋友可以叫多幾個款式。我呢次 ORDER 既係 SOPRANOS，特別之處係 PIZZA 焗完之後係面加一隻62度雞蛋。62度蛋係 PIZZA 面流動著，所以入口既時候除左有 PIZZA 既香同脆，仲有62度蛋既蛋香同口感可以享受，十分特別。極力推介給大家！…查看更多

葫同燒肉可算係我"食過返尋味"，"食完又再食"既一間食店；中午又食，晚飯又食，好似食極都唔會悶，原因係乜？我覺得除左食物之外，呢度既環境都有取勝之處... 地下係普通既枱方便幾個朋友食飯，二樓係bar枱岩晒2, 3位朋友傾下計食野，三樓係"它它咪"適合大班朋友聚會。呢次約左2位朋友去食飯，訂枱時指定想坐二樓bar枱，因為店員會燒埋比你食，一路傾計一路食就最岩啦。 開波先叫2個沙拉食下先；胡麻醬蓄茄沙拉 & 和風生菜沙拉 - 呢2個前菜可以講係每一次黎一定會點的，生菜新鮮脆口，絕對唔係"梅"菜，而且胡麻醬 & 和風style都有清新既感覺，可以幫你個口打定個底，準備等一陣既燒肉來臨之後就係必食既 - 蟹膏帶子刺身，蟹膏好似牙膏咁吱係帶子面，整粒放入口，第一下係食到蟹膏既鮮味，接住落就會有帶子既鮮味漂出黎，層次好分明，而係你食晒成粒之後，口腔入面留落黎既係蟹膏既味道，極品呀~ 一粒係唔夠既，起碼食2粒啦...入正題啦當然係燒肉啦，基本上你要食任何肉類葫同都有，而且有鹽燒、蒜味、味噌、辣味，仲有牛油味... 真係好多選擇，而我最愛牛油雞後腿 跟鹽燒安格斯 - 雞後腿肉質嫩滑，經過燒烤後有了焦香的口感，放入口前一刻把雞後腿沾上加熱的牛油，濃烈的牛油味加上嫩滑雞後腿既口感，這一道是配白飯既一絕... 安格斯，不用多說大家也知道肉質頂端，店員用純熟的手勢以及掌握非常好的火喉簡單的每邊燒了一下下，已經剛好7成熟，千萬不要沾燒汁吃... 店員在燒肉的同時已經灑上一點點鹽巴，就是那一點點的鹽巴已經可以把安格斯的肉味百分百的帶出來...除左肉類之外，葫同都有好多海鮮供應，今次我地食左鮑魚 - 店員燒好了鮑魚之後會幫忙切開小塊放便進食，本來朋友建議沾一點燒汁吃，但當我未來得及等我朋友講完我已經放了一小塊進口，個人覺得不要沾任何的醬料，可以食到鮑魚的鮮味，加上彈牙既肉質，明顯係新鮮佳作。呢度d份量唔係好多，最岩女士們，而且仲可以叫好多唔同款試多d味度。…查看更多

咖啡弄對於我這個台灣通來說並不陌生，在台北很多地方都可以找到它的蹤影，但... 我就是沒有吃過。何解？全因為要排隊，在一個遊客的身份，要排隊等吃根本就是浪費時間，而且在台灣有很多同類型的cafe，更可選擇不同的主題，所以這麼多年以來我一次都沒有吃過...得知咖啡弄在香港開店，真的有丁點兒雀躍，同類型咖啡室在香港很難見得到，就給它一個機會，去排隊吧... 最終，我在一個星期六的下午，花了1小時15分鐘，終於被安排入座。店員遞上報紙設計的餐牌，極速看了一次，立刻點了招牌菜：冰水果茶: 真材實料，用了很多新鮮水果切丁，橙汁底加茶包，杯中裝著的冰塊夾著檸檬片玉米里肌起司可頌：特濃芝士帶動了整個可頌的味道，里肌片用了3片之多，嫩口而不難咀嚼現烤燻雞吐司披薩：經過烤焗的雞肉吐司，入口鬆化且有脆脆的口感法國麵包佐咖哩牛腩：限量供應，並不是一般的咖哩牛腩，法國麵包沾上咖哩汁，再放上一塊腍口牛腩，極品~總匯三明冶：雖然是普通的三明冶，但用料不手軟，附帶玉米片草莓冰淇淋鬆餅：扎實的鬆餅，明顯是沒有混其他材料去做，熱呼呼的上桌，2球雪糕加上新鮮草莓，享受冷與熱的對比冰淇淋鮮果千層酥：千層酥餅是很酥化，但這個甜點除了外型很出眾以外，就是普通了一點用餐時間規限於1.5小時，真的是有點趕，如果可以輕輕鬆鬆的在這邊品嚐美食，跟朋友聊天或看個書有多好~…查看更多

聞說佐敦恆豐中心開了拉麵橫町之類既野好耐，熱愛拉麵既我當然要去潮聖一下~ 而且，我做足功課，研究了各店既特別之處，決定選擇我從未食過的沾麵...拉麵Champion既感覺非常地度，好似罝身係橫濱既拉都博物館一樣，仲有好多日文既叫賣聲，氣氛非常之好。整個場地有6間拉麵店，而大會亦有水吧方便購買飲品，會場內採用了日本跟台灣一早已經應用既咇咇機通知食物準備妥當，而且購買食物記錄在一張智能咭上，當你離場時才用智能咭結帳，十分方便。急不及待去常勝軒 order，以我研究既資料顯示，常勝軒既老闆乃拜師於沾麵始祖大勝軒，好似來頭不少，order 左特選沾麵，隔左一陣咇咇機就響。整個set有一碟麵，一碗濃湯，同一碗清湯。麵條明顯比較粗，食落口尚算有口感，但欠缺麵質既香味。濃湯非常稠，味道有點咸，麵條沾上濃湯放進嘴裡可以食得到沾麵既精髓，但食到一半的時候已經感覺到膩口，個人而言，最不討好的就是濃湯裡面放了柚子皮絲，隨著沾汁跟麵條食進嘴裡的時候有點苦澀味，唯一可取就是半熟蛋，很入味~第一次吃沾麵的感覺並不是很好，破壞了我對沾麵的感覺，希望之後可以找到一家好吃的沾麵~…查看更多

已經不是第一次吃沾麵，這一次選擇"富士山55"全因被它那個芝士飯的介紹吸引了~走進店內，坐位不多，大概只有20多個。坐下來店員立刻遞上點餐紙，藉得一提的是點餐紙非常專業，除了選擇麵食外，還可以選擇麵的軟硬度，和不要蔥的選項。更有其他添加的選項，有我最喜歡的竹荀，還有來這裡的目的 - 日式芝士粥飯。我點了濃香櫻蝦沾麵，同行的朋友點了特濃豚骨沾麵。濃香櫻蝦沾麵是淺棕色的沾汁，湯面是滿滿的櫻蝦，麵條放湯中，夾起時已經沾了很多櫻蝦在麵條中~麵條跟櫻蝦一起的口感特別，軟中帶一點脆口的感覺，藉得一試而特濃豚骨沾麵是比較深棕色的沾汁，味道亦比較濃郁，一向"重口味"的我也覺得有點咸但不用擔心，店主非常貼心準備了鏗魚清湯以作調味用而且，每2張桌子中間就放有一個IH電子爐，用作加熱湯底做芝士粥飯每碗麵有半邊溏心蛋，流心蛋黃紅通通的，是整碗麵的點綴至於叉燒方面，略為瘦了一點，味道也很入味吃完麵之後就是重頭戲，這次我們用了特濃豚骨湯做粥飯，店員拿了一碗白飯跟一小碗芝士過來，先把剩下的湯底放在IH電子爐上加熱，放下整碗白飯煮熟煮了大概5分鐘左右，再放芝士攪拌，2分鐘已經煮好粥飯味道濃香而不膩，稠稠的，吃了一口以後就非常開胃，很快就吃完整碗...這裡不但有美味的沾麵吃，又可以親手弄一個芝士粥飯吃... 讚!…查看更多

一向喜好日本拉麵，幾個月前經朋友介紹了Tokyo Agura。他對我說必吃... 就是因為他的一句"必吃"，我朝思暮想，但... 拜訪了2次，不是人太多排唔到，就是因為本人太低B，冇check OpenRice，唔知佢星期日唔開未能有幸品嚐到，令我對呢碗拉麵未食已經著迷死唔憤氣，放大假冇野做，2:30pm 到店 (3:00pm 落場) 唔駛排，入到只得8個座位的小店，第一眼望到的，就是廚房入面煲滾到恰恰聲既湯底坐正煲湯對出個位，旁邊2位人兄好給力，食麵食到"雪雪聲"呢個時候笑得幾甜既女店員遞上Menu，亦介紹左佢地既招牌湯底 - 魚介豚骨湯底，拉麵有分醬油味跟鹽味，亦有分大size跟小size，我點了魚介豚骨湯底醬油拉麵(小)女店員溫馨提示可以加點他們的溏心蛋，我亦樂意跟隨佢既意見~想點飲品，食日本拉麵當然要配冰凍麥茶 or 冰凍啤酒，見佢提供既係熱茶，所以一心要飲啤酒啦點知Menu得汽水... 有丁點兒失望...本住八卦既本性，點完餐之後頭望望睇吓佢地點整麵條放落水煮12分鍾，日藉大廚用火槍燒叉燒過左一陣，碗麵係我面前出現啦~第一件事，飲啖湯先~ 嘩... 大佬!!! 好正呀~ 個湯底勁濃稠，但唔會有太膩的感覺好明顯係用左好多豬骨熬煮而成，啖啖collagen，又不至於漿住個口...麵條軟硬度剛好，有口感又沒有太硬，叉燒是薄薄的一片，因為經火槍燒過，油脂剛好燒到有香口的感覺溏心蛋不過不失，如果可以入味多一點會更加美好食完麵，飲埋晒d湯，好滿足之際，店員輕輕的問了一句 "喜歡我們的拉麵嗎? 叉燒OK嗎"我當然是一個飽樣望住佢答OK啦... 唔止OK呀，直頭"正"啦~Tokyo Agura 响我既餐廳 list 入面肯定會係5粒星之選啦~ 如果可以供應埋啤酒 (當然要係Asahi) 就prefect啦~…查看更多

大年初二晚，托我妹妹既鴻福，有幸可以去海港城頂樓停車場睇煙花。我呢d一向對"食"好有planning既人, 晨早就諗定睇完煙花去邊到食飯同book定枱啦~ 但因為係年初二既原因, 大部份餐廳一係未開工, 一係爆棚... 又要考慮到睇完煙花人潮阻塞既問題, 最後決定左試一試菊膳...奇怪，人地間間都爆滿，我地去到餐廳既時候居然得2枱客，仲要望落都係國內遊客... 已經覺得有問題...打開menu，一望原來係"高級貨"，唔緊要啦，新年開心嘛，我地一行5人就係咁叫；係咁食... 講真，食物質素真係麻麻... 食日本菜黎講，最重要既連魚生都唔新鮮，其他夀司呀、卷物呀、串燒呀、鍋物果d，普通到同食放題差不多唯一可取之處係，佢地既服務不錯。亦可能因為根本客都冇個既關係，唔serve你serve邊個呀，每食一、兩道菜都會主動換碟，旁邊既waiter都好醒目，見到我地想要乜都即時送上，呢樣野真係其他餐廳好難搵到既~最後望到張單，打左個突，盛惠$4,5xx …查看更多

最出名就係鴛鴦粉喇, 我就最仲意食佢的春卷, 好好味, 一定要試, 價錢又平, 係想食好野, 但又想save money的最佳之選…查看更多