餐廳名：試下啦try try try🥘食乜餸：🍖🍗豬牛雞拼盤：成個盤塞到爆，老闆真係落足料！牛扒用慢煮手法整，煎到五成熟，一刀切落去肉汁湧出嚟，油脂同肉味融合得啱啱好；豬扒切得厚薄適中，配上酸酸甜甜的菠蘿醬，解膩一流；雞肉食唔晒，我仲打包返去做宵夜添！醬料選擇都好豐富，黑椒奶油蘑菇醬香濃creamy，菠蘿醬咬落去滿口果肉，番茄醬仲有大大粒番茄，明顯係手作風味。配菜都好有心思，雞肉配香烤薯仔，豬扒旁邊嘅菠蘿酸甜開胃，仲有好多多汁嘅時蔬同蘑菇，不愧都係做串燒🍝黑松露牛肝菌忌廉闊蛋麵：奶油味唔會太搶，食落好舒服。🍕夏威夷pizza：唔記得影相真係失策！細細個6寸，但芝士多得快要瀉出嚟，火腿同菠蘿嘅鹹甜配搭好夾。餅底明顯係手工搓嘅，邊位脆卜卜又唔會硬，食落仲帶陣陣牛油香，好似食緊小餅乾咁。🥗前菜沙律配豬排湯：豬排調味超正，一試就知老闆有花心思！🏬環境：小店勝在乾淨企理，唔會逼逼仄仄。水、餐具同紙巾都擺喺自助區，自己隨便拎。老闆同大廚都好鬼馬，食完仲會走過嚟問你啱唔啱口味。有時見到老闆閒時仲會喺電視度打賽車game！所有餸菜都即叫即整，所以上菜會慢少少，但諗住每道菜都咁鬼好食，邊個仲會介意？話曬法餐上菜咪更慢囉！😋總結：性價比爆燈！人均250蚊就食到飽到上心口…查看更多
