catcat2669's Profile

行吓行吓見到呢間鋪頭望到啲米線好多款式樣樣都好特別唔同街外車仔麵嗰啲cheap嘢所以決定入去試吓！估佢唔到呢間小店做得幾出色啲米線入味餸好足料 同埋唔平㗎咩鮑魚 花膠 魚肚 豬肚等等所有嘢大大舊 食完飽到上心口同埋佢個小籠包又皮薄餡靚 多汁…Read More

一睇我咁低級別就知道我唔係打手啦，真係用自己錢去幫襯㗎，今日去咗食呢間幕多，意料之外咁好食！雖然位置偏偏哋，但無阻我想食佢嘅心，去完之後發現真係冇決定錯。-蝦又紅又肉質彈牙-蠔好淋，係我食過最好食嘅蠔甜甜哋，唔腥，同個汁好夾-麵質可以-個湯，勁勁勁勁濃蝦味，哭了，忍唔住一啖食完又一啖，最後想飲晒佢（但當然冇，因為要留肚飲佢嘅梨酒！清甜，酒味唔濃，女仔好易入口啊）總括嚟講，想有多啲人識呢間店！！happy day…Read More

經常嚟呢度飲咖啡過吓日晨 幾舒服㗎因為北區真係冇乜咖啡店呢間好似做咗獨市咁但今個月有成大半個月都冇開門我當你去旅行要休息吓落雨都係一個唔開嘅原因？特登行十幾分鐘過嚟真心好失望不如讓個鋪位出嚟畀返其他有志之士開咖啡店啦...每次想飲咖啡都冇得飲 真係好辛苦好辛苦唔係鋪頭味道問題唔係環境問題只係想喺度抒發一口悶氣如果老闆有幸可以睇到呢句評語希望你可以勤力啲因為仲有人係支持你間鋪㗎...唉唔知可以再講啲咩喇我…Read More

今日同屋企人去巴辣仔度食嘢一開始落咗辣子雞鍋咁我哋一直都有食緊其他鍋嘅但係愈食愈覺得唔對路過咗半個鐘...一個鐘...個半鐘...個鍋都係未到連其他丸啊 都係一直未到心諗 咦點解咁耐呢？原來佢一直接緊外賣平台嘅單～～～哦～明晒！係接唔到咁多單就咪做啦又要接客 又要接街客唉 搞到全屋人食到一肚火問佢幾時出得 佢次次都話整緊話要等半個鐘我話我等咗個半鐘喇！隻雞係咪未出世呢？如果係同我講聲先呀嘛～～我咪唔叫囉☺️完。…Read More

我同男朋友都好鍾意食牛，聽朋友講cow bean有勁多好平又唔錯嘅牛扒餐，所以搵咗一日去食😆未入到去等咗陣位，因為晚餐時段都幾爆場，個個都叫牛扒。好彩幾分鐘之後有人埋單，一位短髮女店員就帶咗我哋入去。一坐低未睇餐牌，已經聞到隔離前後左右傳嚟好香牛肉味。因為美國牛大牛肉味啲，我同男朋友都揀咗美國，加上我鍾意食腍啲，所以我叫咗美國肉眼（300g)套餐，揀咗黑椒汁 $158😎👍🏼 肉眼腍得嚟唔油膩，好好食。個套餐組合有A至D，分別係A.飯/意粉/薯條；B.沙律；C.蜆肉麵豉湯；D.汽水/柚子蜜/梨汁.........原本以為呢個價咁抵，只係可以A至D揀一款，點知可以揀三款！！！所以我揀咗意粉、湯同可樂，好快我一個女仔已經飽晒，好滿足。至於我男朋友叫咗美國西冷（300g)套餐，揀咗蒜蓉汁，叫咗飯、沙律同忌廉溝鮮奶。食落去果然好重牛味，佢都話咁平食到咁多嘢好抵，佢都啱啱好。以前細個多數同屋企人去大X樂食鐵板餐，但依家佢哋啲牛扒又細塊，擺碟又肉酸，倒不如加少少錢去呢度舒適啲，肉仲好食好多嘅地方🤔下次應該會再嚟！…Read More