Bo La 's Profile

約左朋友6點幾食飯，見呢間餐廳唔太多人，食物種類多，環境乾淨衛生，一於入去試下。 當然要試自己揀料的pizza, 有4種醬汁，8種材料做配搭，揀左蕃茄醬餅㡳，24個月巴馬火腿同羅勒，出到黎結果都唔錯。☺️另外，意式火腿拼盤， 有巴馬火腿，莎樂美腸，火腿片，配烤薄餅片一流😻。但奈何只有兩小片烤薄餅，唔太夠食😖。露筍火腿意粉就一般般，正常水平。而海鮮意粉就豐富d，有青口，海蝦🦐，魷魚🦑，車厘茄，食完好有滿足感😍。最後叫左杯越南咖啡☕️，咖啡香味濃郁，值得一試。提提大家如果要試要早d叫，因為佢係滴濾咖啡，要慢慢等佢滴🤓。…Read More

終於捱到星期五，想食個豐富的lunch, 近近地去左屯門市中心的「鮨千壽」。叫左個迷你丼物餐（$138），包括海膽三文魚迷你丼同兩種串燒。另外跟前菜，沙律，迷你熱蕎麥麵同甜品。迷你丼要俾個👍🏻，海膽好creamy好鮮甜，三文魚夠曬肥美,食完仲想食多碗😋。至於碗蕎麥麵就無咩特別，早知要熱烏冬，因為始終都覺得蕎麥麵凍食會好味d😌。另外都介紹下朋友個雜錦魚生飯，有三文魚，吞拿魚，蟹籽，三文魚籽，青瓜同黃蘿蔔，夾埋一齊食，唔會膩，隱隱約約仲有點兒清新嘅感覺🤩。雖然價錢係貴左d,耐唔耐食豪d都OK,當獎勵下自己囉😎。…Read More

星期六晚，未夠六點間間餐廳都巳經有人等位。我地一家人巳經五點半黎到，都等左五分鐘先入得。四個人，叫左🦌鹿兒島和牛漢堡扒（$98），日式肉汁蛋包飯（$78），肉汁燴牛肉蛋包飯（$128）同兩份白飯沙律酥皮粟米湯（跟餐加$48）。個沙律🥗新鮮，個汁酸酸甜甜，好食😋。個湯細細個，普通的忌廉湯，不過唔係度度有酥皮就真嘅😌。個鐵板有個細焗薯，大大舊漢堡扒，加埋個燒汁送珍珠米飯，正😎。至於肉汁燴牛肉蛋包飯，d牛肉煮得軟身又入味。個飯唔係普通白飯，係炒飯黎，配埋個滑蛋一齊食，成件事好match😎。日式肉汁蛋包飯就只不過少左燴牛肉，就唔多講。總括而言，一間唔錯的餐廳🍴，今次食得太飽，食唔到甜品🍮，下次再黎試過☺️。…Read More

星期六去沙田新城市廣場食lunch,2點幾，間間餐廳都仲有好多人等位，就近近地揀左「Brick Lane」，呢度食西餐，意粉，Pizza,All day breakfast 樣樣有。等左5分鐘就咁啱有位。首先有海鮮意粉（$95），幾隻蝦咬落去都好爽口，好香的蕃茄味，但就整體份量少左d😣。仲有脆香雞翼（$48，4隻），有點貴，但煎的雞翼無咁熱氣，點茄汁都幾好食。最後有個火箭菜巴馬火腿薄餅（$60），個餅底夠曬薄，一個人食曬四塊都ok, 加上火箭菜巴馬火腿呢個組合無得輸😋。飲品方面有水果茶（餐+$18）同泡沫咖啡（$26）。杯水果茶好有茶味，唔似出面果d,一味得個甜字。泡沬咖啡就正常水平。…Read More

星期六下午一點鐘，六個女仔一齊約去試下朗豪坊呢開新餐廳「Lab 10」。去到都只係坐左兩枱人，唔洗等位。環境幾靚😍，夠光猛，要讚一讚呢度無咩油煙味👍🏻。先黎上左兩杯Juice Lab Signature （$35) ，“Captain Lab” = 🥝+橙+熱情果+蜜糖。“The Flash” = 🍎+西柚+熱情果+蜜糖。個人覺得Captain好飲d, 比較清甜😋。Flash 的西柚味有點兒酸🙈。先上冷盤，生韓牛伴雪梨🍐牛油果🥑（$108），一上枱，當然相機食先。個樣完全贏曬，一開始怕生牛肉有腥味，但食落又唔覺，甜甜的，幾得意。跟住有水冷麵（$75）同特級和牛併盤（$438）有牛肋骨，牛肩肉，M5肉眼同西冷。冷麵唔算太特別，正常水平。而個牛好好食，燒一燒d油香巳經出曬黎，點埋個燒汁，正👍🏻。最後有芝士炸雞（$68）同牛肉炒粉絲（$85）。炸雞麻麻，d粉厚左少少，但細心的把芝士醬分開，等客人可以按口味自己調較。而個牛肉粉絲重點推介，粉絲入味，牛肉多，加入三色椒一齊炒，色香味俱全😎😎。總括而言，一間環境同食物都中上的韓式燒烤餐廳，食完出左餐廳都唔覺d衫有油煙味，Good。…Read More

星期日同屋企人去食早餐，發現有新餐牌，款式轉左少少，但換湯不換藥，重點只係加左價😂。都明嘅，生意難做嘛😌。牛扒沙律餐🥗（$41）， 以前係熟蛋，但依家只可以揀炒蛋/太陽蛋/反蛋。另外仲少左件蕃茄🍅。組合轉左少少，都唔緊要，最大問題係個沙律得過少少⁉️咁都叫沙律餐❓而我見人地叫其他餐加沙律（$7），就一大碟，係我三倍😭😭。好多時都會黎食，覺得佢d食物質素ok,但真係要正視份量的問題🤦🏻‍♀️。…Read More

今日放工經過九龍塘,見有夏日特飲推出，又好耐無食過，就同朋友一齊去試下。碎蛋焗薯沙律🥗係我的至愛，個薯仔好粉，配埋碎蛋，正。至於沙律菜都係千年不變，正常水平，但就份量好似越來越少，可能百物騰貴的原因😂。朋友的三文魚硯肉意粉都ok,份量正常，如果係男仔就可能會唔夠。至於杯藍色靚靚特飯原來係柑桔🍊梳打，飲落去好清新，夏天成個人醒曬🤩。總括而言，餐廳的食物屬正常水平，價錢合理，有新產品時不妨一試😌。…Read More

今日難得放假，一於做個乖仔乖女，同爸媽去美心飲早茶。一向鍾意去美心飲茶，唔係因為佢啲茶，而係因為佢隻茶杯好靚(西式茶杯）☕️，環境好，再加上有傳統既推車仔點心🤩。其實美心的點心都好有水準，但有兩款特別要介紹。每次蛋撻仔我都會叫，食一次就比阿媽話一次，佢覺得唔抵食，但我覺得呢度嘅酥皮蛋撻可以食到兒時嘅味道，依家酥皮蛋撻唔係度度有😮。另外美心的百花釀魚肚好大塊，迫爆隻碟。上面的蝦膠好鮮味好彈牙，下面的魚肚用上湯煮，爽口入味，正😍👍🏻。…Read More

今日星期五放工，約左朋友去一齊去食燒肉，兩個女仔6點半鐘到，等左15分就入得。食肉獸的我地，叫左個牛角海鮮燒肉盛合（2人前）。前菜包括牛角沙律🥗一客和辛味青瓜一客。沙律大大碗，夠晒兩個人食😮。燒肉有牛板腱肉，肩脊肉，牛舌，雞胸同豬扒。可能我地兩個都係牛魔王😈，都係覺得牛肉比較好食，豬同雞都麻麻。海鮮方面有廣島蠔，青口，扇貝，魚同海蝦。蠔加入牛油一齊燒到半熟，入口creamy😍😍。野菜盛合有雞髀菇，牛油雜菌同冬菇。食燒肉當然要送酒，試左威士忌梳打同燒酌梳打都唔錯🍺。星期五放左工可以同知己慢慢歎燒肉，對酌，乃是人生一大樂事😎😎。…Read More

星期六同朋友行尖沙咀，不知不覺行到6點，一於食埋晚飯先返屋企。想食上海野，就揀左南小館。六點三去到已經一半full左，好彩行快兩步啫。一坐底先上小食，上茶，服務殷勤。必叫的致愛—花雕醉雞。雞肉好有酒味，肉質又滑，仲要涼浸浸，啱晒夏天😎😎。叫左碗牛肉麵和陽春麵，湯汁惹味，麵條彈牙，牛肉夠曬淋。白菜肉絲炒年糕好入味，煙煙韌韌，食極都唔夠。而鮮肉小籠包一籠五個，一咬落去，好多湯汁，好鮮甜，皮又薄，下次黎想試埋無鍚小籠包😌。另外一定要推介松子魚（$168），好少地方煮得好食，但係南小館的松子魚我每次都會叫，酸酸甜甜，配飯食一流👍🏻👍🏻。最後係酒釀丸子，好香桂花味，配粒粒酒糟，加超多QQ小丸子，又一必叫食品😋。…Read More

同朋友係The One 食完晚餐，想買d甜品同屋企人一齊食，經過Harlan’s見d蛋糕🍰幾靚，就買黎試下。今期做緊買三送一優惠，揀左🍋檸檬撻，柚子荔枝慕絲蛋糕，朱古力慕絲蛋糕，藍莓白桃慕絲蛋糕（$43 each)。返到屋企切成細細塊，每樣都試下。最有驚喜嘅係柚子荔枝慕絲，好香好清新，食完成個人refresh曬😎😎。檸檬撻個味都唔錯，但如果要自己食晒成個，就有點兒困難，因為都比較酸😣。朱古力就不過不失。但個藍莓白桃慕絲真係唔掂，明明藍苺同白桃我都鍾意食，但係唔知點解夾埋一齊就變得好奇怪😂。…Read More

同朋友報完旅行團8點幾，就係附近搵野食，見到有間食漢堡扒，又啱啱好有位，就走左入去。我哋三個人，朋友叫咗個漢堡扒意粉，另一個就叫咗個咖喱漢堡扒飯，而我就叫咗個厚切豬扒意粉。佢哋呢度個套餐就唔包野飲嘅要另加錢，但包埋沙律同薯條一齊上。沙律同薯條呢都正常嘅，但係朋友就話漢堡扒煮得又硬又乾，冇想像中咁好食。而我塊豬扒就ok，但個意粉d汁唔夠，要另外問佢攞😮。其次朋友個意粉佢上錯左飯，就另外俾多碟意粉佢，誠意滿分💯。總括而言，算是一般水平，不過不失。…Read More

今日等朋友放工食飯，等吓等吓見肚餓，就去沙田地鐵站度搵啲小食。見到有間新開的店，就走左埋去睇餐牌。原來係菠蘿仔🍍，佢有傳統的菠蘿油，豬扒包，牛肉包，雞扒包（$26-38 套餐價，包飲品）。由於一陣就要食飯，無叫到包，試左佢地的嘅牛奶軟雪糕🍦（$25）,為慶祝新鋪開張，仲有買一送一優惠。店員的服務好好，全程都有笑容。雪糕的牛奶味好香，而窩夫筒又夠脆，仲有塊酸酸甜甜的新鮮菠蘿點綴，雪糕都幾大杯，食完都有點兒飽😋。不過如果無買一送一就略嫌貴左d😣。…Read More

星期六又係時候去搵好野食，今次就試正中的日本抺茶冷麵同甜品。下午1點半去到，2點鐘有位，都唔算等好耐。4個女生，叫左兩個麵，一個飯和兩個甜品。夏日炎炎，先黎兩個冷麵，抺茶烏冬（$78）同抺茶蕎麥麵（$78）。蕎麥麵唔太特別，茶味唔算太特出，但個烏冬有驚喜，食落去QQ的，加埋d蔥一齊食，清新爽口，成個人refresh 曬😌。另外叫左個魚的茶漬飯定食，唔記得叫咩魚😂，但d魚肉好甜，燒得好好味。呢度可以揀茶，試左個玉露莖的茶。茶味有青草味，回甘，都唔錯，真係好想一次過試曬佢6種茶🙃。 珍珠米加入魚乾仔同茶 一齊食，好夾好開胃。定食仲包一碗抺茶啫喱仔，㚒埋丸子同紅豆，一個人都可以試埋個甜品👍🏻。甜品就叫左宇治金時冰（抺茶&黑糖蜜）（$98）和宇治金時餡蜜（抺茶）（$98）。冰係一粒粒的碎冰，唔似綿綿冰，加入糖漿一齊食，透心涼。抺茶比較清甜，而黑糖蜜就香甜。餡蜜個餅乾夾抺茶雪糕同水果一齊食，正😋。碗裏面仲有紅豆丸子啫喱，一次個滿足幾個願望😍😍。每位收$10茶位，但無加一，我覺得都算合理。我地4個人有兩壺茶，無限添加，埋單$560。…Read More

星期六返半日，同屋企人去屯門食lunch,兩點點鐘去到門口仲有人等緊，大概等左10分鐘先有得入。因為卡位數量有限，今次要搭枱，不過冇所謂啦，都係食個飯啫。叫左豚肉（$68），鯖魚（68）同牛肉鍋（$88）定食。定食包沙律,漬物，麵豉湯，指定串燒兩串。沙律🥗係雜菜加甜酸汁，而串燒今日係番薯仔同雞肉。漬物有螺肉/中華沙律。麵豉湯有海帶和豆腐。鯖魚大大件，味道正常水平。而豚肉薄薄的，燒到好香口，而份量都唔少，有三塊，仲有椰菜絲沙律伴碟，如果覺得豚肉太油，夾埋菜絲食剛剛好。反而最貴的牛肉鍋就得4,5塊肥牛，個㡳淨返d雜菜同豆腐😞，唔太抵食。…Read More