Happy Mickey's Profile

非常抵嘅大閘蟹餐，唔明佢條數點計 🤣🤣 不過學朋友話齋，有呢啲餐都係得 1/3 滿，眼見差唔多大家都係食蟹，如果無唔知係點 🤷🏻‍♀️ 整體環境舒服，唔嘈，多人招呼，態度好好，不停幫你跟進換碟，不過係預訂到出現啲問題，事緣抽起條筋咪約第日食，下晝接電話位女侍應就話如果食呢個餐最好早一日訂，怕唔夠蟹，咁即刻吹雞，夜晚 9 點多再打去，個男侍應就話呢個餐最好落訂（但日頭女侍應無講）跟住佢哋先會入機 confirm，不過當時太夜，我過數都無用，佢哋同唔到 office 對，叫我等陣，佢話原來之前已經 mark 咗我哋食呢個餐喇，但係下次記得要過咗數先，因為始終無入機，咁無計啦，明白我自己都忟水訂嘅，咁睇到時點啦 😬 朋友先到坐底，啲侍應話我哋無落訂，無入機，所以無芝麻雞 🙄 明明話怕無蟹，原來係會無雞嘅 🤣🤣🤣 變咗炸子雞，好彩都唔錯嘅，係有啲位生咗少少要叮叮佢 .... 好啦，咁照食啦。其實上菜位都要注意一下，當我哋飲完羹同食前菜無耐，啲蟹就到喇，呢到無問題，但食緊蟹 (9 個人隊 24 隻都要啲時間）期間，其他嘅餸就係咁嚟，之後都凍咗，因為無時間食，都未食完啲餸，薑茶湯丸又嚟到喇，咁我哋話不如稍後先上，咁就攞返入去，食到差唔多叫佢上，佢話唔好意思，無哂湯丸 😕 換甜品比我哋，補償都 ok 嘅，只不過之前兜湯丸去咗邊呢？湯丸都無多？雞就話唔預多啫 🤣🤣🤣🤣 仲有，食哂後突然發現個餐嘅小食 '沙薑豬手' 變咗牛輾，但無人講過喎，食時又無留意 😜 …Read More

中秋佳節，同屋企人嚟試下，想試好耐 😋 大家結論味道係唔錯嘅，不過未去到會好想返兜嘅地步，兼略貴些少，再者發生咗啲小插曲，所以暫時不了 😬頭嗰 5 道菜，食完一樣（係食哂計）起碼隔 15 分鐘先嚟第樣，咁碟頭其實又唔算大，所以好快就清碟呆等，後嚟 3 個（炸雞，咕嚕肉，魚）就一次過嚟，係咩上菜法呢？食雞期間，朋友發現點解有一舊係無炸嘅顏色呢？問個侍應，佢問完大佬（唔知係大廚定老細）佢話係炸完甩咗塊皮，但塊皮明明喺到，仲有條毛添 🙄 仲話今日無整過切雞 😱 咁係幾時㗎？我哋當然唔滿意答案啦，叫大佬嚟講下 .... 最後梗係無嚟，侍應姐姐猛 say sorry 再 free 開瓶費 🫣 雖然都麻麻滿意，不過算吧啦，可以點啫後嚟再送咗碟瑤柱蛋白炒飯比我哋，好彩有送，唔係得本身嗰碟真係唔夠食 🤷🏻‍♀️ 另外原來係要比 cash 點解 book 位時無講，好彩全部自己人，要籌旗埋單 🤣🤣…Read More

是日生日，近近哋嚟食個 lunch 😬 無諗過平日流流，呢間 cafe 都可以 full house 👍🏻 門外停車得一個位，無咗就要停對面龍尾灘，行返過嚟其實都好近嘅 😊比佢啲貓貓吸引嚟，有 3 隻貓貓，佢哋已經見慣人唔怕，不過應該被影得太多，唔係幾願影相 🤣🤣🤣 或者我又唔係貓奴，唔識同佢哋玩；anyway 嘢食最緊要，整體唔錯嘅，可以再返兜，三五知己嚟都幾好，如果涼啲或唔怕熱嘅人，坐外面都係一個好選擇嚟 🤣🤣 …Read More

今日阿媽話嚟試下，首先要等位嘅，因為舖仔係細亦無限時，不過又唔係等好耐，可以接受嘅範圍 🤣🤣 佢棟門係趟門，經常有人開門（包括等位，外賣之類）所以冷氣係極度唔夠（本人係熱底 😝）要關門先 feel 到有。啲點心都 ok 嘅，不過未去到驚喜，所以排隊就免了，但係有啲點心就出面少有得食嘅，佢聲稱係即叫即蒸，嚟到係好熱，捺咀，不過無煙㗎喎 🤣🤣🤣👍🏻👍🏻 最好處係免加一，茶錢 $6 位；以上純屬個人口味，自己試下最實際 😬…Read More

尋晚同朋友去食，啲餸菜都唔錯嘅，不過普通茶餐廳嘢，所以無特別影相 😬 一嚟就叫咗兩餸套餐，加多一個餸、大油菜同魚片頭河，兩餸餐同河粉有飲品，凍飲加錢，呢到全部都正常，無問題。後嚟屋企人想食三文治外賣，咁就 order，都明白呢啲時段係無餐嘅，不過店員話飲品有半價優惠，咁就叫咗一件三文治 + 2 杯凍飲，1 杯優惠咗 $10，另一杯正價，去到呢個位都係無問題 .....後來，朋友話不如叫多件三文治比佢屋企人，因為照計條數應該加多十多蚊就有喇，咁問一問店員後加有無優惠，佢話電腦會自己計，咁照落啦，張單嚟到係無計到優惠嘅，咁咪去問下收銀，佢應該最清楚㗎啦，埋到去佢話三文治係無任何優惠，係正價，佢話杯飲品應該係加落個河粉到，我都比佢搞到混亂，以為自己先前只係叫咗 2 杯飲品，返到枱諗諗下，唔係喎，之前已經加咗 3 杯凍飲錢 .... 即係遲入單嘅三文治係做唔返飲品優惠，電腦嘅設定真係 ..... 原本諗住再問，不過朋友已經比咗錢，佢話算，如果會去食嘅，記得諗清楚先落單，時間先後，價錢都會唔同 🤷🏻‍♀️不過其實最重要係收銀話無優惠，但張單其實又有 😡 唔知究竟係佢唔想比返我哋定係點啦 ☹️ 一間都算唔錯嘅餐廳，絕對會比小事影響，員工係餐廳嘅代表，有啲嘢係要清楚，唔可以求其 😒…Read More

之前食過一次唔錯，所以今日突登約朋友再去，點知換嚟非常不快之經驗 😠😠😠朋有先坐低，店員立刻推介節日套餐，推介並不是問題，點唔點係自己嘅決定，最後我哋無點到，因為有朋友唔食生嘢，見到套餐有燒雞看似不錯，所以下單點燒雞，店員話燒雞要夜晚先有 (正常餐牌係無寫到呢點） 點點下佢又話有，咁就 order 啦，跟住叫咗個小火鍋，餐牌有啲後加 for 小火鍋，佢又話追加嘅已經停咗，好，又繼續，朋友個女比沙冰吸引，好開心，點知無冰 🤷🏻‍♀️ 話唔知啲冰幾時返，但係凍飲又有冰，究竟沙冰係點整出嚟㗎呢？落好 order 後，又有個店員返嚟話師傅話無燒雞 (咁個套餐隻雞喺邊到嚟呢）另外，本身餐廳係用 QR code 落單，不過男店員話有啲 item 可能無得選，要佢哋選，咁叫佢幫我哋落啦，但原來有午餐同某啲 item，實體餐牌係無嘅，又無同我哋講 ...... 真係幾嬲，食物質訴係唔錯嘅，可惜因為呢個咁嘅體驗，好失望，唔會再去食。…Read More

之前試過下午茶，今日又試下午餐，叫咗兩個餐，鰻魚炒飯我覺得唔錯，好多鰻魚下 👍🏻👍🏻 掛住食已經唔記得影相，本來無諗住寫食評，點知見到呢碟意粉，就覺得要寫下 🤣🤣🤣 唔好以為係我兜亂咗，嚟嘅時候已經係咁，都明白圖片只供參考嘅，不過實在 ..... 差太遠了吧 🫣 圖片都好似係一隻蝦，不過大好多同有啲尤魚喎 😬 個茄汁都唔濃（可能我係茄汁控吧）總括係唔好食，一定唔會再叫，上次食過卡邦尼都係一般，我諗呢到嘅飯係好過意粉/長通粉好多，有機會我會試埋米蘭肉醬焗意粉，比多次機會佢，到時再比評，希望下次我會有啲驚喜 🤣🤣🤣🤣…Read More

早前睇到呢到啲 comments，特登同呀媽去試，佢覺得最好係灌湯餃（無影相）舊式用皮包住啲湯，但可惜裡面係唔熱嘅，唔知係咪放耐咗，無人攞嚟呢？🤷🏻‍♀️另外，其他點心真心一般，又唔係話差，不過特登去就無第二次喇，最失望係我最愛嘅蟹鉗，賣相已經唔得，個皮硬到似番炸（我咬走哂 🤣）裡面我覺得好似炸唔透咁，定係啲唔知咩膠嘅物體唔夠實，不過 so far 無肚痛嘅 🤣🤣🤣 總括，平均等點心時間 10-15 分鐘，每人口味唔同，行經可以自己試下嘅 😬…Read More

從來無幫襯過，大埔開咗就嚟食下，都唔知有咩出名，只係揀兩款想試下嘅 😋 賣相就一般啦，明白圖片只供參考 🤣🤣~ 蕃茄牛腩春卷河 $50 ... 無餐都幾貴下蕃茄湯底好味，差唔多飲哂 😍 屋企人話甜咗啲，所以啱我 😂 牛腩都算淋，春卷正常，但河粉呢 ... 無辦法夾到一條，全部碎碎嘅 🤷🏻‍♀️ ... ~ 胡椒豬肚湯雞翼米線 $53 (包香蘭葉桂圓茶）呢個湯底完全唔掂，完全無胡椒味，屋企人想攞胡椒粉自己加，係無嘅，不過就算加咗都係兩回樹嚟，呢個一定唔會做 encore 🤣🤣 米線唔錯嘅，豬肚就少啲啦，雞翼就普通啦，豆芽就得兩條，嗰隻豆泡係幾好食嘅，打邊爐我哋都會買 🤣🤣 包嗰杯桂圓茶就幾好飲 👍🏻…Read More

疫情關系，真係少咗出街，喺公司都可以飲到靚燉湯，正 👍🏻👍🏻👍🏻差唔多飲完先記得影 😆😆 湯喺蜜瓜螺頭燉瘦肉，超甜，最重要 ... 無味精，飲完唔口渴 👏🏻👏🏻 蒸飯質數都好好，兩樣加埋啱啱好，飽飽 😋 滿足！另外仲 order 咗呢個番屋企宵夜，大隻花膠，食埋甜甜去瞓覺，人都甜啲 🤣🤣🤣🤣有心機嘅製作，一定會再幫襯 💪🏻💪🏻💪🏻💪🏻💪🏻…Read More

近期至愛嘅茶記，早午晚餐都試過，真心好食，水準平均，沙嗲牛正 👍🏻👍🏻👍🏻 有機會嚟試下丫 😊大埔好食嘅茶記唔多，呢間真係 good，連我奄尖聲悶嘅家人都讚，仲會再番嚟食就知 🤣🤣🤣…Read More

無端端去咗新城市，順便食個 tea，澳門嘢，雖然已經今時唔同往日，都試下呢間啦！豬扒飽餐，都 ok 嘅，不及想當年嘅澳門好食，個辣醬幾好味！椰香雞肉米粉，個湯好味，可能我 like 啲椰味嘢，都飲咗唔小！😋喺 app 做會員，送葡撻，呢隻唔太甜，不過有啲似咗蛋撻 😆😆…Read More

住大埔咁耐，而家先嚟幫襯下 😆😆 淨點咗最出名嘅炸脾，我個人就覺得幾好食，不過家人就覺得個粉漿厚咗啲，佢都係 like 啲生炸雞脾，乜都唔落！我就覺得佢個外皮都 ok，同埋無生，試過太多次遇到生雞脾喇 😬我就係買外賣嘅，間舖一個人都無，行入地下癡立立，好驚，買完就出去等！希望呢樣改善下！🤦🏻‍♀️…Read More

改名前想去，要去到改咗名先去到 😆😆 生日所以等登嚟試下，香港而家真係無乜啲好食嘅填鴨，可能真係要去番啲老店試下先得 🤦🏻‍♀️ 先講番今次嘅食評先！為免要排隊，所以早啲，下晝 5:30 去到，咁當然唔洗排隊，裡面其實都幾大，亦好快都坐滿哂！香港嘅服務而家其實係咪為內地客設㗎呢，典解成日同我講普通話，或者我個 look 似啦 ... 已經同佢講過廣東話，但係仍然都有同我講普通話，真係咁難改口？呢個係比錢嘅小食，辣辣哋，唔錯！我最愛嘅馬蘭頭，都幾好味！呢個四小碟，想樣樣試下嘅可以叫呢個，醉雞、海蜇頭同個骨都唔錯，個齋就麻麻哋喇！呢過擔擔麵，個湯好香，再加辣辣哋，唔似有啲只係得花生味！到主食上場，皮都算香脆嘅，不過可惜唔太熱，略嫌凍咗小小，因為佢係切好先上枱！呢隻皮唔似出面啲粉皮，係煙煙韌韌嘅皮，都 ok 嘅，不過都係凍嘅，可能呢隻係凍食嘅皮！😝最後就係鍋貼，我本人好鐘意食，其實佢又唔係咁特別，不過個皮都算薄，我覺得可以啦！價錢嚟講就唔算係平嘅，可能我哋比較大食咗 😆😆 兩個人加埋都 6xx 幾，試一下都無妨，要再發掘下好食嘅片皮鴨呀！…Read More

家人好想試呢個石磨腸粉，放工就去買嚟試試，之前未食過石磨，佢並唔似平時酒樓嗰啲滑捋捋嘅，係鞋啲，呢間被評為全港第六位嘅腸粉，個人覺得算 ok 嘅，要排隊就 no 啦，經過買嚟食下可以，不過要試下其他先有比較！仲試咗缽仔糕，我不嬲麻麻 like，佢啲梗麻麻，覺得好實！叉燒腸，都 ok 嘅，多叉燒，唔會全部肥肉！櫻花蝦就一般，相信蝦米會好啲，香啲！蝶豆花好食過紅豆，紅豆太淡味喇 .... 不過最重要係太實的的！…Read More