tpytm的個人專頁

懷著對西班牙美食的期待，我因「Mill Milk」在2025年8月2日的影片推介而專程到訪「Costa del Sol」，沒想到這竟是一場徹底失望的體驗。這間曾經備受推薦的餐廳，如今在食品與服務上都出現問題。【食物味道需要改善】整餐中唯一較正常的是「自製西班牙肉丸」（$68），可惜為了掩蓋羊羶味而下的香料過重，濃烈氣味纏繞不散。回家後可能因為食物偏油膩而胃脹打嗝，而打嗝時湧上喉嚨的仍是那陣濃濃的香料味。其他菜式更是問題重重：「西班牙小青椒」（$68）賣相正常，但令人費解的是吃起來竟然帶酸，疑似加了大量醋汁，讓兜底幾隻青椒酸得難以入口！「西班牙蒜香橄欖油蘑菇」（$38）是連菇柄的，兜裡裝滿蒜油，油膩得令人難以接受，還帶著不自然的酸味，疑似使用了預製蒜蓉（李錦記玻璃罐裝蒜蓉就是偏酸），不然就是和小青椒一樣又加了醋。「迷你墨汁西班牙炒飯」（$98）作為西班牙的經典名菜，這裏的這個版本和我曾經吃過的所有西班牙炒飯都相距甚遠：沒有飯焦，也就沒有了西班牙炒飯的靈魂；而且米粒熟透、軟身而且炒得很乾爽，那種口感神似港式揚州炒飯！唯一可讚的是青口尚算鮮美。「西班牙吉拿棒（3件）朱古力醬」口感偏硬，似是翻熱出來的，而朱古力味道也像是假力（compound chocolate）的味道，怪怪的。【最離譜是疑似無魷魚的「魷魚圈」】壓垮駱駝的最後一根稻草是「炸魷魚圈」。這道$58卻只有三小圈的菜品拖到最後才上桌（在所有鹹食的最後，比炒飯更遲），卻是最令人失望的——他們的魷魚圈竟然疑似沒有魷魚！咬下去完全是鱈魚口感，一咬下去便粉碎，毫無魷魚的煙靭，真的讓人懷疑這到底是不是魷魚。向服務員反映問題後，對方僅堅持這是魷魚圈便不再處理。試問自然界的魷魚切開一圈圈後會有可能大小一致嗎？【2個月前有5個圈，如今同樣價錢卻僅有3個】下圖可見我得到的3顆「魚圈」大小一致、炸粉厚身而硬口，像是工廠的急凍預製菜，與2個月前在G字頭地圖的食評內的照片裏有5顆大小不一、炸粉厚度較薄而不均一的魷魚圈相去甚遠。（去G字頭地圖搜尋Costa del Sol的位置，按「評論/Reviews」，星星下面靠左有放大鏡🔍，搜尋「魷魚」後，你就會見到那篇有5個魷魚圈嘅食評）【服務和經營未夠專業，卻收取專業水平的價錢】服務員表現極不專業，時而聊天說笑，時而互相頂嘴，甚至有位女店員因太累直接坐在無客餐桌休息，但當時餐廳正值忙碌時段而並非下午茶的「落場」時間。當我們請男店員幫忙拍照時，他竟直接彈開並抓女店員代勞，而他只是向女店員說自己不懂拍照，但對我們連一句解釋都沒有。結帳加一後總消費$559（$558.8被強制四捨五入後），但餐廳不提供正式收據，只接受FPS或PayMe付款，且PayMe帳戶竟是私人帳戶而非公司帳戶。而且明明服務欠佳，卻要收加一服務費，真是讓人無言。整餐唯一無可挑剔的只有那兩杯各$58的水果茶，味道不過不失，成為這頓糟糕飯局中唯一的慰藉。從媒體推薦到實際體驗的巨大落差，Costa del Sol的水平欠佳，令人抱著失望而回。用這個價錢絕對可以換到更好的食物和服務，建議食客們在前往前三思，除非你願意花費金錢換來一肚悶氣與失望！…查看更多

開業於1991年，在日本擁有52間分店的「甘味處鐮倉」，作為知名的過江龍甜品及茶飲店，他們在香港的第三家分店落戶於沙田新城市廣場。店舖以人氣主打的鐮倉蕨餅、生草莓刨冰和淺川園抹茶聞名，這次我在平日下班後特意前往，一試其引以為傲的蕨餅與抹茶。我點了「蕨餅加抹茶set」（$78），一試難忘。這裡的蕨餅絕對稱得上是優秀之作——使用了稀有的日本國產「本蕨粉」製作（「本蕨粉」是100%以蕨菜根部提取的澱粉而成，沒有混合其他澱粉例如木薯粉或地瓜粉等），入口軟糯即化，滑溜溜的口感令人驚艷！這種滑溜感有點像台灣的古早味粉粿，但更軟身、黏性也較強。用竹籤輕輕叉起一拉，蕨餅竟能如糯米糍般拉長（粉粿沒有黏性，做不到這樣）。根據官網說明，他們為了呈現入口即化的極致口感，揉搓的難度非常高，需要工匠的高超技術才能完成，製作講究。至於為什麼叫做「鐮倉」，據說是因為蕨餅起源於鐮倉時代（1185年〜1333年），擁有悠久的歷史，是日本的傳統和菓子。搭配蕨餅的黑蜜同樣不容小覷，黑蜜選用了沖繩縣產的黑糖，完全不添加任何額外糖分或蜂蜜，是純粹的黑蜜滋味。而灑在蕨餅上的黃豆粉更是經過嚴格挑選，烤制溫度比一般更高，烘焙時間也更長，因此豆香格外濃郁。Set中的淺川園抹茶（熱）也很不錯，雖然不夠The Matcha Tokyo般高質，但也算是香氣濃郁，也能喝出抹茶所略帶的苦澀，而難得地不甜（這點我很欣賞，他們沒有像許多市售的抹茶飲品般加入糖或牛奶來盲目迎合客人口味）。抹茶香的清香與蕨餅的甜味相得益彰，構成完美的和風體驗。然而，令我擔憂的是，店內人流不多，僅達半滿狀態（可能是因為我用餐的這天是星期一晚上）；在新城市廣場這樣租金高昂的商場，如此客量實在令人擔心其經營狀況。萬一結業，恐怕再難在香港品嚐到如此優秀的蕨餅了。其實，我認為他們可以考慮將蕨餅寄賣在日式超市，或者像一般茶飲店般租用較小型、沒有座位的店面，以此節省租金成本。如此出色的蕨餅，實在值得讓更多香港人有機會品嚐到。如果你也是蕨餅愛好者，這裏的蕨餅絕對值得你一試。在它可能消失之前，把握機會來品嚐這日式的獨特滋味吧！…查看更多

位於九龍塘又一城底層的I.T服裝店內的J.S. Foodies，結合時尚與餐飲空間，是附近上班族的午餐之選，也是九龍塘區的家長和學生放學後的下午茶之選。這次我獨自前往，在午市時段品嚐了Lunch set的「溫泉蛋煙三文魚菠菜忌廉意粉」（$139包飲品），留下了深刻印象。當服務生端上意粉時，溫泉蛋穩坐於意粉中央，用叉子輕輕弄穿溫泉蛋，蛋汁如熔岩般流淌而下；將蛋汁與意粉徹底拌勻後，每條麵條都裹上了濃郁的蛋香和忌廉奶香，口感豐腴，卻奇蹟般地不覺得太膩口。煙三文魚的鹹香與菠菜的清爽恰好平衡了忌廉的厚重，而意粉煮得恰到好處，彈牙可口！雖然意粉的份量十足，但它的美味讓我不知不覺就清空了整盤。相比之下，跟餐的Lemonade則表現平平，沒有特別令人驚喜之處。回想起較早前我和同事一同造訪，我們單點了「法式焦糖班戟」（$149）和「明太子醬北海道三文魚籽意粉」（$158）。明太子意粉表現出色——濃稠creamy的明太子醬與忌廉完美融合，加上份量慷慨的三文魚籽，在口中咬破時所迸發的鮮味令人滿足。唯一美中不足的是明太子忌廉汁的份量有點太多（你可以跟上圖的煙三文魚意粉比較一下），吃到後期稍嫌有點膩口。因為J.S. Foodie主打薄身的美式班戟，所以我和同事點了menu主圖的「法式焦糖班戟」，味道不過不失。它採用日本國產麵粉及雞蛋製成，擺盤精美，搭配了士多啤梨、香蕉和藍莓，色彩繽紛，視覺效果滿分；但口感卻未如餐牌所述的「外脆內軟」。下次再來，我會選來自他們同集團Flipper’s的「奇跡的梳乎厘班戟」，相信應該會更為鬆軟、吸引！…查看更多

別再只去連鎖店！銅鑼灣這間隱世拉麵小店，憑一份誠意用心製作，令我感到眼前一亮！星期六下午兩點半，還未吃午餐的我正在煩惱著一個人要吃點什麼好，於是就在Google搜尋「拉麵」二字，發覺銅鑼灣只有「一蘭」、「金色不如帰」、「一幻」這些連鎖拉麵店，至於「拉麵Jo」我之前已經吃過，卡通主題的「富山麵家」也不是我的style，於是便決定試試這間隱藏在渣甸坊小巷裏面的「麵屋日和」，想不到能為我帶來驚喜！一走到門口，見到第一個驚喜就是2:30-5:30pm有全單八折優惠！我點了「特盛淡麗醬油拉麵」（不要味筍），等了幾分鐘，拉麵一上桌🍜便感受到湯的炙熱，整個拉麵碗都是非常燙手，證明即叫即做加上湯底的油份能讓溫度保持得很好。【湯頭：清徹見底，帶著淡淡的醬油鮮味】拉麵的第一口驚艷，必定來自那碗湯。有別於常見的濃厚乳白湯底，這裡的湯頭以豬大骨與全雞慢火細熬，湯色清徹，蘊含著淡淡的醬油鮮味，入口清爽，毫不油膩。湯裡的醬油是店家用了多種日本醬油熟成數天而成，這醬油並非死鹹，混入入湯中豪不搶戲，反能讓湯底的鮮味昇華。【麵條：獨一無二的手作溫度】點餐時可以選「手搓麵」或「直細麵」。一般來說，由於這次我點的淡麗醬油湯底較清淡爽口，選「直細麵」會比較合適；而因為他們的「手搓麵」較為粗身，搭配較濃厚油膩的湯底會比較好；但是為了品嚐手作的誠意，我故意反其道而行地選擇了前者。「手搓麵」是店家使用了日本北海道麵粉，每日人手搓揉成的；這份手作的溫度，機器無法取代！麵體彈牙有勁，口感紮實而滿足，能品嚐到店家的用心。這種粗麵如果配上他們家的濃郁味增湯底，相信會更搭！【叉燒：油潤香濃，但稍微不合我的口味】火炙腩肉叉燒選用了五花腩，經自家醬油浸潤後，上桌前再經火槍炙燒。一放入嘴裏便能吃出外層的焦香，一咬下去脂香便在口中爆發，對於其他拉麵愛好者可能會很喜歡，但對我來說，這脂肪的部份對我來說有點太多，吃下去有點膩，下次再來我會選擇加$18轉雞胸肉。因為下午茶時段有八折，$116的特盛淡麗醬油拉麵只需要$93，真是非常划算！店家還有味增、香辣醬油和限定的赤蝦口味，下次再來如果不再encore淡麗醬油+轉雞胸肉的話，我可能會試試赤蝦！在這追求速食的時代，能遇上一間用心製作的小店，是食客的福氣。如果你也厭倦了連鎖的味道，不妨來銅鑼灣這隱世的角落，用舌尖感受這份難得的誠意。…查看更多

拉麵連商品我哋3個人一共洗咗$1300幾蚊（未計喺KKDay訂位時要預付嘅黑烏龍茶費用＄38@）（拉麵同飲品要收加一服務費，但買商品係唔洗加一嘅），應該唔算太瘋狂購物⋯掛，哈哈！我點咗兔哥size嘅拉麵（$150，食唔晒）同埋哈密瓜汽水（$48，但係怪味），再買咗隻兔哥碗（$180），大部份商品都係我朋友買嘅。坐低時店員會問洗唔洗加料（例如多菜、多蒜、多油 etc.），我揀咗多蒜（但我食唔出有特別重蒜味）同埋走芽菜（因為我細個嗰陣試過食啲未完全熟透嘅芽菜，有痛苦嘅肚瀉回憶，從此出街食嘢都唔太敢食芽菜）後來睇 Thread 有人話之前唔可以走芽菜，好彩而家有，無芽菜食得我好安樂！而根據你所揀嘅嗰款拉麵，店方會送返同款嘅貼紙，請看下圖：叫每瓶飲品可以送一張透明卡，我哋幸運地係冇任何重複嘅，Lucky！整體嚟講，碗拉麵比想像中好食（因為睇圖只見到碗麵係一大片泥黃色，個畫面好唔吸引），聽講已經係比日本嗰間好食，但味道真係普普通通、不過不失。不過，最重要嘅係食得開心司難得可以一次過見到咁多Chiikawa嘢，獲得無限多嘅情緒價值！…查看更多

2024年12月29號嘅晚飯時段，我嚟到餐廳門口先發現人潮湧湧，超級多人！！！唔想等嘅我於是決定買外賣自取，拎返屋企慢慢食。用手機外賣掃code自取落單先發現原來安金稻係太興集團，然後都留意到外賣自取係唔可以買有煎蛋嘅石鍋飯，有啲可惜。外賣都唔使等好耐，我好快就買咗一個牛肉醬拌飯同埋一個金䱽魚拌飯，拎返屋企食之後驚喜地發現金䱽魚拌飯係比較好食！味道不錯！希望下次可以排到隊堂食，因為除咗可以試石鍋飯之外，仲可以免費任加湯同埋泡菜，非常抵食！如果加$8仲可以任添飯添！…查看更多

2021年1月20日（星期三）《令人失望的外賣自取午餐》-第一：生米骨不確定是不是因為我的外賣訂於12:30pm到取實在太早（不會吧？）讓廚師趕不及煮飯，以致飯都未煮熟就出貨！開頭我有想過是不是因為加了藜麥以致口感不同呢？但不要開玩笑啦，我早一晚才試過用自家電飯煲煮過藜麥加普通白米飯（而且我加藜麥嘅份量豪好多），煮熟的藜麥飯口感根本不是這樣！其實電飯煲有這麼難用嗎？這些米粒真的太硬，我有努力過咬，但真的怕胃痛，有大半碗飯完全吃不下去。（我男朋友那碗的米都一樣的硬，他幾乎沒吃過。）-第二：叉燒雖香但太肥叉燒的外皮的確很焦香，值得讚許；但整塊叉燒的肉的部份少得可憐，幾乎全都是像軟膠一般的肥膏，即使我勉強咬完也無法下嚥。- 第三：啊⋯嗯⋯煎蛋幾好味，值得一試。…查看更多

呢晚OT後已經19:10，好彩約咗男朋友+3位朋友@20:15，有足夠時間剛好趕到沙田，專程黎試試呢間法國甜品老店。（1886年已在巴黎開業！）雖然係傳統老店，但餐廳帶俾人嘅感覺非常時尚，裝潢以黑色和桃紅色為主，黎遠睇落好似賣化妝品嘅高級名店一樣。門口可以見到有大大嘅牌推廣優惠👇我哋19:30後入座，可享主菜買一送一優惠！（Set Dinner、頭盤、湯、三文治、沙律除外，買貴送平）注意⚠️下圖及內文標示的全是原價。主菜方面(買一送一)，我哋5個人叫左2牛、1帶子、1鴨；另外再加1個無優惠嘅Set Dinner👇（Carbonara）。嘢飲方面（無優惠），為咗可以影相呃Like，我哋有4個決定叫D睇落好似幾靚嘅嘢飲，包括呢個Fru-tea-ccino紅莓青檸果茶👇後來疑似漏單，好遲先影到真面目👇仲有Drink Menu中有圖嘅2、3、4號👇下圖由左至右分別係👇2號: Berry Rose (無酒精) $583號: Magico (無酒精) $584號: Tiffany blue (含酒精, 雞尾酒) $65由於我只飲過Magico，所以只評呢一杯，我覺得橙🍊同菠蘿🍍味為主，Menu所講嘅熱情果同雲尼拿就唔太感覺到，但整體依然係好飲嘅，沙冰亦好適合夏天飲。呢杯嘢Garnishing都做得好好，加左粉紅色糖霜係杯邊，再加片菠蘿、紅櫻桃，影相呃Like真係唔錯㗎！至於唔合群冇叫靚靚嘢飲嘅果位仁兄⋯其實係我男朋友🤣🤣🤣因為Fauchon嘅花茶都幾出名，佢決定咗飲花茶Happiness(我冇影相)，倒出黎我以為會同一般花茶一樣係淡黃色，但原來係啡色㗎！我偷飲一啖覺得只有茶味、冇乜特別，並冇Menu所講嘅有紅色水果及各種花瓣帶來嘅甜味，$45呢個定價有D D貴。卡邦尼扁意粉（配煙肉、蘑菇，伴蛋黃忌廉汁）忌廉汁絕對係Carbonara嘅靈魂！呢個汁雖然簡單，但要整得好食都唔容易㗎！同行友人之前果日先親手煮完一次，應該有充份嘅體會！😂講返餐廳呢個Carbonara先啦，個汁充滿香濃蛋味同忌廉味，黏稠度剛剛好，不過記得要儘快食完，否則會越擺越杰呀！法式油浸鴨腿（配長邊豆及里昂炒薯） $158一上檯，我都未影相📷，男朋友已急不及待切鴨腿🤦🏻‍♀️呢味絕對係佳作！必食！上網睇過佢嘅製法，原來工序繁複、極需心思，首先要將鴨腿預先醃製好，再放入鴨油，以慢火烹調五小時。慢煮可以封鎖肉汁，令肉質軟腍！浸鴨油煮，令外層鴨皮變得非常脆口！咬落口感十足，香味四溢！值得一提嘅係里昂炒薯好好味！(其實Menu應該翻譯做「煎」比較貼切吧？)Lyonnaise Potatoes係法國一味好受歡迎嘅菜式，做法係將薯仔切片，再加洋蔥、番茜，再落牛油或橄欖油用煎Pan煎成。食呢碟嘢絕不可以只注視主角鴨腿，而忽視薯仔呢個配角呢！肉眼牛扒10oz（配沙律、薯條及賓尼士汁）$228Béarnaise sauce係用牛油、蛋黃、白酒醋同香草（例如龍蒿）煮成嘅汁。但⋯恕我味覺唔夠敏銳，係呢碟嘢度，我真係食唔出呢隻汁嘅味道🤦🏻‍♀️塊扒我地一碟叫咗七成熟，一碟叫左五成熟，但其實無咩分別🤷🏻‍♀️⋯⋯牛扒食落一般，不過不失。反而點薯條隻醬酸酸地幾開胃，我覺得幾特別。香煎帶子海蝦（配炒薯、菠菜及檸檬香草汁）$168份量好少，呢碟嘢⋯我只分到一粒帶子，味道我覺得有點淡（可能因為我剛剛食完鴨腿同牛扒），但煎得剛剛好，無Overcooked。至於其他材料係咩味就唔好問我啦～👋總結呢一餐，我覺得凍飲同鴨腿值得一讚，尤其鴨腿！👍其實難得黎到甜品老店，理所當然應該試試佢嘅甜品，估計應該比鹹食做得更出色，希望下次黎試佢嘅High tea！…查看更多

星期六, 等埋閨蜜放工之後,我地約好咗一齊去拎淘寶,之後就去咗呢間餐廳食Lunch!其實好耐之前(4-5年前),我已經食過好幾次銅鑼灣登龍街嘅Ocio(已結業),記得當年好喜歡佢嘅窩夫+甜品!但自從銅鑼灣果間結業之後,我就一路無食過Ocio,今次第一次黎到大圍呢間,回味返以前喜歡嘅味道!!!餐廳門口以藍綠色為主色,門口擺有大大的餐牌,正門右方擺有蛋糕雪櫃,可以見到Lunch set加$19就食到嘅各款芝士蛋糕。餐廳裡面環境唔錯,店家放咗唔少擺設,幾有心思!坐低之後首先睇睇餐牌,我地每人各點咗一個Lunch set,同樣用$19各叫咗一杯特飲,(我記得如果揀奶昔要再加多D,唔係$19)另外加$39 share叫咗個芝士薯條做小食。👇首先上檯嘅係Lunch set嘅附送餐湯,食得出裡面有新鮮番茄茸,味道唔錯, 而且幾開胃!👇之後上檯嘅係我地加$19叫嘅特飲,我叫嘅係右邊嘅巨峰提子梳打,閨蜜就叫咗左邊杯荔枝冰茶。👇Lunch set我叫咗Ocio全日窩夫早餐，比起我回憶之中份量大咗好多!!!材料十分十分之豐富，裡面有:- 煙三文魚(煙燻味濃)- 滑蛋 (香滑軟綿, 口感很好!)- 香腸 (應該唔係Menu中的Frankfurter, 我估係慕尼黑白腸)- 窩夫 (雞蛋味濃, 唔甜, 可以當作飯配搭其他鹹食, 但愛甜品嘅我當然係問店員拎糖漿將佢變甜品啦, 不過因為窩夫放在鹹食旁邊, 建議最好多取一隻碟分開放先再落糖漿比較好)- 薯條 (應該係自家製薯條, 有手工製作嘅感覺! Nice!記得要儘快食曬, 否則碟上其他食物會整淋佢)- 雞扒 (用咗黃咖喱粉醃, 好特別! 肉質唔鞋口,而且超大塊,我後來食唔曬全塊要分D比閨蜜...)- 番茄及沙律菜 (平衡返食咗咁多肉嘅罪咎感!)👇閨蜜揀嘅Lunch set係:濃海膽汁煙肉明太子扁意粉,試食咗一啖,覺得味道好creamy,而且份量剛剛好!👇奧斯芝士薯條👆呢個係我地另外加嘅小食,多咗芝士之後,明顯比All Day Breakfast裡面嘅Plain薯條好味!剛剛焗好D薯條好脆 (小心隻碟熱呀)!不過薯條份量好多，加上我個All Day Breakfast又係超級大份，我地2個女仔食唔曬，好可惜!但呢個薯條真係唔錯，$39而且有呢個份量真係好抵!實在食到好滿足，平時食甜品有第二個胃嘅我哋都決定，甜品都係留返下次再黎試! 期待下次再黎!…查看更多

雖然係Groupon買返黎嘅一餐，但係一D都唔平，而且可以選擇嘅時間唔多，我地呢日6pm就去到食晚餐。餐廳嘅服務質素一般，坐低會即刻收你$99 service charge。老實講，真係有D突兀，雖然呢個問題可以歸咎於Groupon個系統(而家叫Hoko)唔能夠一次過收埋錢嘅問題，但餐廳其實可以book檯時及入座時先作提醒，完成整個「服務」後，離座一刻先至收「服務費」比較合理，俾客人嘅感覺亦比較好。當日因為受颱風+熱帶風暴嘅氣流沉降影響，所以全港嘅空氣污染嚴重，就算無雨，能見度都極低，煙霧迷漫一片。頭盤係生蠔4隻，感覺新鮮爽口。第二道頭盤係哈蜜瓜配18個月西班牙風乾火腿，男朋友讚好好味～蟹肉龍蝦濃湯👇牛肝菌黑松露忌廉湯👇我地選擇了兩種湯各一，龍蝦湯比牛肝菌湯好味，不單味道鮮甜，而且十分濃郁，加上湯裡面仲有一絲絲蟹肉，口感豐富。黎之前略略研究過openrice，見有唔少人盛讚黑毛豬，於是主菜我地就揀咗黑毛豬。第一啖都幾驚喜，肥瘦適中，唔會鞋口，不過再食落去就開始鞋口，可能1)豬肉位置唔同或者2)剩餘熱力繼續over-cook隻豬。下圖可見切開後嘅肉質👇墨汁意粉👇忌廉味濃郁，香氣四溢，👍可惜墨魚仔唔夠入味，對比起黎超級淡口，好失敗。忌廉味亦同車厘茄🍅完全唔夾。最後係甜品加餐茶，2款甜品我地都係揀咗各一，分別係白酒啫喱及意大利奶凍。餐茶我地就一樣揀檸茶。對於怕甜又嗜酒嘅朋友，我十分推介白酒啫喱！味道少甜清新，碎啫喱不論味道同口感都夠曬特別，其他地方唔容易搵到！👍👍意大利奶凍幾好味，忌廉混和奶香濃郁柔滑，水準甚高。👍食完份量十足嘅頭盤加主菜，已經好飽，好彩甜品份量比較迷你！其實黎呢度都係情侶/夫婦為主，所以全餐廳都係2人檯，黎得都係想浪漫一下、欣賞下維港美景，可惜當天天氣不佳，真係好可惜。餐廳職員完全唔願意為我們轉檯至窗邊位置，話係其他人比我們更早訂咗檯，但我們食完到離座都見到有窗邊檯係一直吉嘅，係咪想考驗我地分辨謊言嘅能力？我明白我地係Groupon買套餐，的確比起正價食嘅野理應係次一個級數，但講真，即使Groupon買，個價錢都唔平，我覺得食物質素都算合格（唉，算啦），但服務質素真係極其一般（唯一優點係成日斟水）。其實我覺得高級餐廳更加應該做到將心比己，客人黎得都係想浪漫/特別慶祝，如果真係有位置吉出，點解唔比客人開心一下？最後輔以餐牌供諸位參考👇…查看更多

因為上網見到要排隊，所以星期五一放工就9秒9衝黎呢度，去到大概7pm左右，好彩唔洗排隊，當時餐廳亦只係7成滿（不過眨眼間就坐滿）。點菜之後，首先上檯嘅當然係飲品，我地叫左：-青檸梳打-龍眼冰不過唔記得影相。青檸梳打有點太酸，而且用嘅係青色檸檬而唔係青檸囉，對於極喜歡青檸嘅我真係有D失望...龍眼冰OK，正常質素。泰式飛天通菜怕辣的我覺得有D太辣，但男朋友覺得剛剛好，佢話好好味。泰式生蝦男朋友好驚訝我會食赤海蝦壽司但係唔敢食泰式生蝦（我都唔知點解），之前只會睇住朋友食泰式生蝦，自己唔食。呢次係我第一次嘗試，感覺就好似食無點豉油嘅辣味赤海蝦咁，比起之前睇人食果D，呢間D生蝦大隻好多👍，而且好新鮮👍，但一定要點辣汁（怕辣都要點），隻汁真係好味（同埋唔點的話會太淡口）。柚子沙律全餐飯裡面嘅我的最愛！❤️（我估唔少女仔都鍾意D口味清新同少油嘅野）個汁好好味，大蝦應該係同泰式生蝦同款嘅蝦，加上花生、炸蒜、類似櫻花蝦嘅蝦米仔，真係超級好食！後來我再去其他餐廳食，都食唔返咁好味㗎啦⋯接住落黎呢兩道餸嘅製作時間都頗為長，所以最好一坐低喺餐廳就即刻叫定先。鹽燒鰂魚魚皮上鋪滿鹽粒，夾魚食嘅時候好容易唔小心食到原粒粗鹽，超鹹😂魚肚裡面釀咗basil (九層塔)，附近魚肉亦充滿呢隻香草味🌿！因為唔係個個喜歡呢種味道（例如我男朋友），怕香草嘅朋友要留意返啦~但你可以搵身邊人（即係我😑）食魚肚個位置，自己夾另外D位嘅⋯值得讚嘅係，條魚煎得剛剛好，口感軟綿。但係可能係魚嘅品種問題，佢唔算係嫩滑果種。燒雞翼竟然可以燒到薄身位置嘅雞皮脆口！👍就好似食串燒雞皮咁脆!!!👍但內裡雞肉依然口感嫩滑，好厲害！不過同魚一樣，製作需時⏱要留意返！最後，餐廳會按人頭免費送同樣數量嘅甜品，但味道就⋯雖則誠意搭救，只係⋯誠意呢D嘢心領神會就可以啦～（笑）但有免費嘢送都係開心嘅！整體而言，泰仔小食性價比甚高，男朋友大讚泰式生蝦，我就超喜歡佢嘅柚子沙律，呢間嘢值得再黎食多次！…查看更多

太子有唔少點心餐廳，之前食過「添好運」同埋「籠太子」，咁啱上網見到「一點心」原來係2011年米芝蓮嘅1星餐廳，於是就決定去試試。其實有去開界限街運動場打波嘅朋友一定知道係邊，太子A出口，一出就向出口反方向行（即沿住運動場道往花墟方向行）。星期四6:30pm去到，完全唔洗排隊，不過唔好以為無人呀，餐廳入座率已達8成，再遲少少就要係外面排隊啦！👇茶錢每位$4，但飲落完全係水黎，茶味欠奉。看下圖👇- 咸水角夠香脆，餡料味道就一般🙁。- 蘿蔔糕內有少少長方形嘅蘿蔔條， 會咬到一條條煮好嘅白蘿蔔條， 口感同普通蘿蔔糕好唔同 其實點解蘿蔔糕唔係用刨成絲狀嘅蘿蔔絲， 而係用蘿蔔條？🤦🏻‍♀️- 至於糯米雞， 係全餐飯之中表現最出色嘅一籠點心👍， 份量夠大，餡料有雞、叉燒、冬菇等， 包飯嘅荷葉夠大塊同厚身（其他餐廳多數用D薄身容易穿破嘅荷葉）， 糯米蒸得油亮亮的，充滿荷葉香。👇炸兩令人有D失望，腸粉皮並冇問題，只係炸兩可能炸好後擺放得太耐，唔夠香脆，有D硬身。👇奶黃包同上網見到2011年嘅相比好似有D進步，睇落感覺比較軟綿綿，但係依然唔會流心，而且奶黃嘅味有D假，有人工調味或調色嘅感覺。👇至於蝦餃（遲咗影相，四隻只剩一隻放喺奶黃包旁邊），我覺得合格，皮夠薄（用筷子夾很容易弄穿），蝦亦夠彈牙。總結呢一餐，雖然的確係不過不失，但係太子有咁多其他選擇，我覺得我試過嘅其他點心鋪都做得比佢好，真心唔明點解咁多人排隊，同埋咁多遊客黎食。…查看更多

八號風球「洛克」僅歷時4小時，過咗正午，大家見到外面完全冇風（僅有細雨），開始四出活動，屋企附近嘅戲院都幾近滿座。睇咗一陣邊度無咁full，最後決定去荃灣睇。睇完戲，好少出荃灣嘅我見難得黎到，應該食返D荃灣先有嘅特別野，於是就向住新界西嘅朋友請教...朋友推介咗「老闆娘雲南米線」，咁我就開始Google Map，唔算太難搵，好快就去到！星期日8:40pm去到，見到前面得7/8個人排排坐等緊炸！我哋亦加入隊伍，一邊坐一邊填點菜紙。人龍比預期中少，我哋等咗10分鐘就可以入座，好快！炸物亦極速上檯！下面呢碟係野菌腐皮卷，可以見到餡料有菇同粟米。至於呢碟就係魚肉響鈴👇份量略嫌較少，得３舊而且其中一舊係無餡嘅！魚肉響鈴咬開後：👇關於炸物的小評語：-富有特色（其他地方應該搵唔到），- 熱辣辣、剛剛炸起可惜：- 頗為油膩（無辦法，炸嘢係咁架啦！）- 炸物黎到之後，碗米線等咗好耐好耐先上檯，擺到凍+硬曬，無咁好食。我嗌咗上面2款貴餸➕清湯米線，52蚊。怕辣嘅我以為只有清湯可以選擇，一如所料清湯真的很清（只有蔥味）。返到屋企，細心再睇睇openrice先發現原來有「蒙古湯底」(孜然粉味)，極度後悔無試到！男朋友嗌咗1款普通餸（滷水金錢肚）➕麻酸辣湯底（小辣），40蚊。佢話小辣對佢有點太辣了，而且食到個嘴有麻痹嘅感覺。最後仲等我食曬之後，將D金錢肚浸下我D清湯先擺入口。整體而言，「老闆娘雲南米線」除咗米線彈牙、湯底濃郁、又夠大碗之外，佢的確係好有特色，餸嘅款式多數係一D其他普通米線店冇嘅嘢！可惜今日我哋都唔太餓，下次想試試「雲醬豬軟骨」同埋個個都讚嘅「炸雞球」！…查看更多

約好姊妹去丼丼屋食飯都唔係第一次啦，因為我地都鍾意食日本嘢（成日食元氣/板長🤦🏻‍♀️）但預算💰又唔多，加上北區又無乜特色日本嘢，所以都會揀就近嘅大埔丼丼屋。不過，今次我地想食果日一Search Openrice，先發現原來大埔繼沙田丼丼屋之後都已結業。於是，我地就去咗樂富分店。我地大概7:45pm去到，可能係平日嘅關係，完全唔洗排隊～✌️樂富分店嘅環境比起上述兩間較寬敞，入門口處可以見到有路通往示範廚房搞員工Training或者搞Marketing活動時用。一坐低我地就先叫咗一人一杯蘋果汁。👇弘前黃金農園100%蘋果汁🍎（$25 一杯）清新甘甜的純天然蘋果味道！加一小片薄荷葉增加夏日清爽嘅感覺、幾特別！不過飲落越來越淡，如果不加冰的話應該會更加好飲！閨蜜點了特上盛大蝦海鮮丼（$128）👇我點了吉列大蝦（$63）再加野菜定食（$20）👇雖然芝麻配吉列豚肉比較合適，但喜歡芝麻的我是完全無所謂的🤤小鉢的煮野菜好好味👍，沙律反而一般，吉列大蝦除了炸粉稍微多一點之外，味道是十分不錯的！最後就是甜品時間！我地叫左宇治金時新地+草莓新地👇，裏面加咗爆谷好好味～（請暫時忘記個「肥」字，盡情享受咗先，哈哈😂）睇圖就知道個新地融得好快（一上檯已經開始融緊），記得要快速KO咗佢！XD…查看更多

港島區食Lunch一向都係貴，大家樂/大快活要$40-50，叫餸食飯嘅粵式菜館同其他人除返開都要$70-80一位，今次⋯挑戰更貴嘅$135 Lunch Set（未加一）！頭盤可選擇餐湯/田園沙律🥗我加咗$10 Upgrade個沙律做牛油果芒果沙律，沙律嘅用料新鮮，牛油果🥑同芒果嘅熟度剛剛好，蔬菜款式多，口感爽甜。（原諒我下面中英夾雜得比較嚴重）主菜係Pasta或者Sandwich，我地全部人都無揀後者，所以在此不贅。Pasta可以選擇Linguine扁意粉或者Penne長通粉，Sauce可以選擇Tomato🍅、Cream或者Spicy Thai，Pasta裏面嘅ingredient可以揀Fish🐟、Prawn🦐或者Wild Mushroom🍄。蕃茄醬食得出新鮮蕃茄粒、味道天然，醬的份量略嫌太少，扁意粉的軟硬度剛剛好。最後係甜品時間，Lunch Set裏面唔包甜品，我地另外叫咗Crunch cake同Chocolate cake各兩件，食評如下：1）前者味道唔錯👍，蛋糕比起Starbucks嘅Honey Crunch Chiffon Cake鬆軟，脆脆粒亦比較大粒，忌廉份量剛剛好、不太膩（可能重口味者會略嫌不夠）。2）後者牛油份量較重、比較膩，如果要一個人食曬全件真係唔知點算😂但係朱古力嘅口感柔滑細緻，食得出應該係靚朱古力，多人黎可以叫一件Share試吓。餐飲可以選擇多款花茶或者普通嘅奶茶、檸茶、檸水、咖啡等。花茶裡面有Lychee Rose、Camomile、Jasmine等可供選擇。一壺倒出黎有有接近3杯，份量十足。最後，要謹記的是--記得Book檯！（順便可以預留埋幾件蛋糕🍰）因為Cafe的座位不足，為免向隅，還是提早預訂比較穩妥！特別是人多的時候，無預訂的話幾乎可以唔洗考慮黎呢度啦～P.S. 餐廳最近做緊週年紀念優惠，消費滿五百幾送一杯紅/白酒，而消費滿一千幾就送一支。我唔記得實際數字，詳細都係問飯餐廳啦～(^_^;)…查看更多