koilpy's Profile

店員長期都黑口黑面，非常冷漠，沒有耐心，似乎不願意回答所有人既問題，想落單都要三推四請，可能佢地太忙唔想做啦，完全係趕客feel~~~~用外賣平台自取明明個麵已經做好，好聲好氣問佢呢個no.有未，勁串咁答你睇枱面有就有，我就係睇過枱面冇但落單都成半個鐘先問你，佢就話冇就等下囉，好，咁等下囉，點知原來一直整好左係後面個櫃入面放置play，thank you so much ！嚴重影響了我對這家店的整體印象。…Read More

以前每次入黎長洲都會食串豆卜魚肉 一直都覺得必食但今次再食完全唔熱唔脆 差左好多 相都懶得影我買個時都覺得佢黑口黑面 再加上親眼目睹有個女仔係我前面比錢買完魚蛋 個呀姐將佢魚蛋放左落個盤到 個女仔未攞到屬於佢既魚蛋之後望左2望 呀姐就好大聲個樣好惡咁講: 係呢到呀！雖然唔係同緊我講但我個時對正個呀姐 我都嚇親！心諗咩事，使唔使咁火滾？佢真係完全搵交嗌既款 明明個女仔乜都無講只係搵下佢串魚蛋姐 唔知仲以為係爭佢錢 定佢到底發生左咩事？以前買都唔覺原來咁惡。味道大不如前仲惡到咁，無心做不如執左佢，唔好當d客係你發洩工具，簡直係垃圾人定律，將自己情緒倒去比其他人。…Read More

不嬲覺得鮮芋仙幾好食 見佢出左芒果系列專登黎試試佢老實講根本唔值70幾蚊 原來配料基本上得芒果 你d芒果甜都話 酸到爆 有d仲要未熟 d芒果無返咁上下都唔好出芒果系列啦 如你不幸有牙齒敏感既話真係又凍又酸建議食返原本牛奶冰底好多 配料又多 今次成功伏了…Read More

唔抵食+食物一般+態度差我地2個人其中一樣叫左激安二人前(圖)，原來係得最上福圖入面啲野..只怪自己無睇清楚，因為無諗過性價比咁低，原價398真係誇左啲，依家198都唔值再者，好難得一間餐廳入面無乜邊個係服務正常，佢地都有種當啲客透明既feel，好似好驚啲客煩到佢咁，落單個qr code同所有野都係放低就即走，一句野都唔會講，見到你好似扮見唔到咁走左去，其中一個服務態度特別差:事源我同朋友係張枱上面睇緊本menu，個男侍應黎舖枱紙，佢黑黑地面咁對住我地就咁用佢手揮一揮黎示意我地將本menu拎起比佢舖，基本禮貌都冇，太無語，真係忍唔住笑左，之後送野黎都係一直黑面，唔會幫你開爐，反正就無下次，又唔係平，又唔係好食…Read More

假日用外賣自取叫左3樣野食其中一樣係避風塘炒三文魚骨腩 成功下單後店員致電 話無曬三文魚骨腩 幫我換第樣o5ok 之後佢話可換 chicken 我問佢係咪同一個煮法 只係骨腩換左做雞 唔記得佢答乜 但係無否認 可能係溝通不良 因為佢有小小口音 我英文亦唔算好好 最後拎完返到去發現原來係成個菜換左做炸雞翼 雞翼係未熟既 加上我睇返外賣menu發現三文魚骨腩個菜係貴炸雞翼26元 但電話入面佢完全無提及 本身佢係無打算比返差價我 以消費者角度 無理由你餐廳無左呢樣食物 係要我轉樣平d既仲要我比貴價吧？感覺佢唔太老實！咁我唯有同OR客服講 溝通完餐廳就話只可以退返雞翼錢比我 但我原本已經比多左$26差價佢 如果佢退佢應該要退骨腩價錢比我？不過佢係唔肯既 算了 不愉快既經歷 另外2樣食物正常水平 但唔會再食…Read More