daliz's Profile

呢間野....上次路過已經態度差問佢有冇酸辣粉, 係到大大聲叫話無, 無開鋪.今次見佢有開, 就試酸辣粉, $30...落完單, 兩分鐘有得拎..個女人全程西口西面, ...返黎公司用餐先發現係粉量不少, 幼薯粉黎....心諗, 奶野...乜野正宗重慶野, 入面又會放梅菜同娃娃菜係酸辣粉??? 點解會用到幼身薯粉........最重要呀酸辣粉唔辣呀!! 真係垃圾黎架, 講少句都唔得, 原來酸辣粉會唔辣呀!!! 一味得死酸, 死酸, 唔辣呀!!!!重要係....我食完一個小時後....超級口渴.......好耐都無出街食野會食到咁口渴,個口乾哂塘好唔舒服...都唔知佢落左乜野調味...好得人驚...現在超級口渴....要狂飲水....一定會Blacklist...永遠唔會再幫襯, 希望大家都小心睇路, 今日就食左一個好不愉快的午餐...…Read More

已經係俾第二次機會佢, 因為後面間麻辣燙無開, 迫住黎呢到買酸辣粉, 今次唔係同一個人整, 係個呀伯整, 我叫左酸辣粉外賣$23 中辣睇住佢逐樣調味放落個碗, 叫左要中辣架啦...以為正正常常, 有花生又成, 點知返到黎打開, 個色水差到呢....淡到呢....睇到都知奶野同上次一樣無味...食落去又係無辣無酸, 唔知食緊乜野...之後係PANTRY搵到辣椒油自己加返.. 先似淘寶最基本一包包咁賣既味道..如圖下...紅幾多呀!!我真心想知點解可以咁多年佢都可以係到, 未執,D粉都似係淘寶淘落黎既口感. 咁點解唔用埋人地個調味包呀!…Read More

我自己都係做服務行業嘅，今日見識到九流茶記服務扮上菜。直接講重點，我叫個店員黎問下velvet latte係乜嘢嚟，用乜沖嘅，好高大個位店員首先係支支吾吾，唔識答，唔知。我心諗無野呀嘛，廢架？自己賣乜俾個客都唔知，發緊夢。佢首先試下禁下手機想搵答案，最後就答我「個d唔知咩花⋯呀」行開左。拍下手掌先👏🏻👏🏻👏🏻好野喎。下喂？你無野呀嘛？咁樣答客都有？個d咩花呀？藏紅花呀？落仔花呀？係咁點算呀？我唔知你係咪覺得我黎打卡嘅，求其叫杯粉紅色野就乜都得。唔好意思喎，我就係黎飲latte嘅，想知清楚飲咩落肚有無問題先？係幾好野，個位高大帥無答清楚又無confirm我要唔要，就埋頭沖緊杯野，沖latte個個係你黎架喎，完全係我有我問，你有你態度，彩我生臭狐咁樣樣。 👏🏻👏🏻👏🏻PK，連米線呀姐都不如，米線呀姐都識同人覆單，只係問下杯野就當你落單，痴X線好快就掉低杯野，無講野。我覺得仲衰過坐係屋村茶餐廳。幾十蚊唔係貴，但今鋪西利喇我自己飲到原來係「紅菜頭」味。你班男人唔識野可以上網查下紅菜頭性味寒涼，我氣血虛，平時會避開唔食，更唔適合正值生理時期嘅女性食用，正因為我係生理時期，如果我一早知係紅菜頭，我一定唔會叫呢杯野囉！有冇搞錯？你答我一句好難咩？態度極度西，完全理Q得你，飲就飲啦！咁樣樣。其他食物食評：叫左一碟黑松露薯條，夠熱同粗身。一碟帶子意粉，味道正常無驚喜，帶子有口感意粉仲好多汁，唔過咸，我信係手工意粉，價錢唔係貴。途中有另一個似比較話到事嘅男店員返入黎，聽到佢同高大帥講「下你咁樣答佢」之後就多次竊竊私語，偷笑，令人好hard feeling。我好耐都無試過食一間餐廳有咁差嘅用餐體驗，食完係唔開心的。你打份工萬零蚊過下日晨禁下手機又一日，你有你態度fine，你夾硬落單，唔識答我都由佢fine，但唔需要兩個好似八婆咁竊竊私語講個客，個客係知道的。垃圾。岩架啦，呢個係成個香港嘅縮影之嘛，「d人做野係咁架啦」，得過且過，碌過就算。香港地幾時開始多左咁多打住文青/靚裝cafe旗號但事實係九流茶記都不如。呢兩位人材，唔做咩咩TV 嘅PR浪費哂，咁識得碌過冷處理。再加笑料一則，聽到後來有位客人問咩叫慢煮豬，個店員答佢「慢煮就係慢煮囉」我真係笑到噴出黎。認真一睇呢到應該係一間pole dance嘅canteen更為合切囉。以上句句屬實。光顧於21-8-2022 下午。…Read More

利申左先，自問食得同麻同辣，譚仔中辣，同埋無咩野立場，純粹中意食麻辣同寬粉，成個紅磡都會搵出黎試叫左個＂麻辣手撕雞撈寬粉＂外賣，膠袋餐具包裝靚仔，好有heart咁講重點佢個醬我一開始話要＂中辣＂，佢話無架喎一早整定左個味。好啦咁你咁有自信就試下個醬係係底，所以都無得你避開用幾多，撈撈埋埋都算有小小乾身但係真係，非常之咸，好咸好咸，同埋麻辣味真心唔出，整體係咸>＞＞＞＞麻寬粉亦唔係彈牙，煮到非常淋，覺得係透明嘅河粉，好失望！！食左兩啖，已後悔撈埋雞絲，雞絲都咸到乜咁，食左一半棄了，好在係用消費卷個免費甜品d人講到有幾咁好食，係黃色蓋，Fine，我希望你好食啦，唔係講個蓋，係tiramisu一食，咩事呀？？？？？點解隻匙羹入面有水？好癲囉！！！係tiramisu水呀！！！搞乜野呀？？？？我倒左落張紙巾俾大家睇下，係啡色水黎痴線，我依加已經嬲爆，好難食嘅撈寬粉同甜品，以後都唔會再黎，唔會推薦任何人以上句句屬實，我係11-8-2022買嘅金玉其外敗絮其中。…Read More

呢間台北車站見佢新開個排係無晚市，好可憐，之後終於搵到一次入去試。基於唔太肚餓，同老公叫左一個牛肉麵，一碟滷水拼盤，同一杯朱古力珍奶。好啦個店員問我要咩麵，佢話有刀削麵同陽春麵，我地都無留意，問佢圖片中係乜，話係刀削麵。我心諗唔方似自己削喎，點睇你個款都好似759 賣d台灣刀削麵，心諗不妙，我地成日自己煮洗鬼食你咩，咁唯有叫陽春麵啦。麵黎到，牛肉：老到不得了，柴、韌湯底：完全無特別，唔會非常咸，有兩舊紅蘿蔔麵：真係大鑊，完全就係隔離759賣緊一包包嗰啲陽春麵，有咩質素可言？麵條淋、發。這是一碗非常無心的牛肉麵。好啦個滷水拼盤仲勁抽，完全無滷水味。個幾片牛展睇圖都乾柴都不得了，豬耳似雪左好耐硬到不得了，雞翼同蛋平平無奇，無滷水味。除左難食，真係無野可以形容到。珍奶正常，小店質素。各位可以同你哋既伴侶同甘共苦一下，老公笑說，今朝食完好野，夜晚就有報應嗎？其實睇到佢餐牌乜都有，比如打邊爐、雞煲、酸菜魚以至小菜同茶記食物都有，入黎之前抱住一試心態，果然係奶野。以後呢種非專做某菜系的餐廳，大家都應該要識考慮入唔入試伏。…Read More

上網睇餐牌覺得價錢走茶餐廳鐵板路線，一心想食茶餐廳扒，入到去，唔係呀嘛，裝修落左小小本，懶有情調暗暗地，想走中檔西餐廳？係幾意外，就即管試下。二人點左兩份西冷牛扒，一個配腸，一個帆立貝，都係要薯菜。牛扒一碟有兩件，係薄扒，唔柴，唔期望有咩靚野，係的確係一件茶餐廳扒，但煎得非常油，同埋，非常之咸，食唔到牛味就黎只食到咸味，配個黑椒汁好在係另上，調味個個係咪味覺有問題架？驚食你唔腎病嗎個黑椒汁都係非常非常之咸，頂唔順，我點左一次汁就無再要Ｄ汁。薯菜先係精華，D薯條真係痴線，出面係淋patpat，入面係粉黎架！！！大佬，咩薯條黎架？好難得食條薯條都會吐返出黎，真係好難食呀！！！所以成碟野有咩係可以食架呢？就係粒小蕃茄啦。老公話水吧都厲害，凍檸茶都可以咁苦。本身打算加十蚊要龍蝦湯，不過＂疫情關係，無龍蝦湯＂唔知個妹妹仔講咩1999，都好慳返十蚊。餐湯面包，茶餐廳質素。大佬，你個餐88蚊唔係好貴，但大家樂一定好食過你囉！正常茶餐廳水平都做唔到，仲衰過茶餐廳，就咪扮上菜啦！唔知係咪所有人都係第一次入黎，咁難食都有咁多客？難為呀，一對年輕小情侶拍拖要食呢Ｄ扒；隔離台的女士食一半就唔食。希望大家睇到呢篇真實食評，避而遠之。…Read More

數數手指其實每天都有一餐吃麻辣粉麵，自問都能吃辣，其實我今天只是排不到鄰近的麻辣米線店，反正也是吃辣也就來試試看這家西安麵店。一般都是吃中小辣的我，沒想到這天吃後出現輕微小腹瀉，也是第一次。而且是在吃後不到十分鐘之內，在趕回公司的路上肚子一直叫我趕緊上廁所，雖然不是肚痛的感覺，回到公司後菊花也沒出血，是不成形的米田共。上網查找了吃辣椒引起腹瀉的原因，大概是結腸細胞受到辣椒素的刺激，從而導致腸胃運動功能紊亂。但是我再重新多說一次，自問能吃辣。我就不禁對店家的辣椒、食品質素及烹調手法抱有保留的態度。店家是國內人吧，都在說不咸不淡的廣東話，跟廚房說是的普通話。點了一個西安哨子麵，西安最出名就是哨子麵，內含胡蘿蔔，土豆，豬肉，木耳，豆腐卜等等配上海麵，點了個小辣，來到看到是一粒粒的碎料炒好後放在麵上，覺得比較新奇，亦其實很簡單，不花巧，配料其實對整個麵是沒有起什麼作用，不覺得是一鳴驚人的美味配搭。這個是人家的特色，試過就好。麵條爽彈牙，這裡選的麵不錯，所以說最重要還是麵吧。。。湯底就是辣辣的，上網看資料得出的酸、辣、鮮，可惜不認為有酸，而且點了小辣覺得淡如水，後來店家幫忙加了些辣椒，我想就是辣椒品質不好，引至一次不愉快的用餐，應該也不敢有下一次了，大概，店家不適合我的口味（及腸胃）吧。…Read More

最近呢間粢飯好出名下，專登行去買返公司當早餐食，落單一分鐘唔洗就有，係即叫即包既，份量比我想像中大。十分鐘唔洗返到公司，仲熱。下面這圖，是我食左幾啖覺得唔對路，料足不足，是不是粢飯應有的少飯多餡，大家可以看到。飯，夠熱，但硬而散，絕對不是煙韌粘軟的糯米飯，食食下會成舊甩出黎，完全不結實，仲有D生飯感覺。餡料，我期待的是脆卜卜，而不是兩大條硬繃繃、基本就黎咬不開、硬、乾、超熱氣，同飯一點都融合不來的油炸鬼。再者，是一舊舊的硬飯。硬飯Ｘ超硬油炸鬼飯跟肉鬆炸菜和油炸鬼的比例，配合得好差。食左好多飯先見到中間的餡，然後就散開哂，見圖。糯米飯我真的要講十次，不是煙韌粘軟，是硬。味道方面，鹹味和素肉鬆的酥香是合格的，不是特別的鹹。有很多賣粢飯的地方，並不是即叫即包的，但即刻包又點呢，咪又係難食。不吐不快，這家店是不是一直都係咁樣的水準？價錢係22蚊一個，加豆漿27，早餐來講，有大把更好的選擇。此時此刻同一日下午3:33，我係咪要多謝你幫我慳返餐午餐錢呢，因為我飽到未食到午餐，但同時，我個喉嚨乾左成日，佢個油炸鬼真係熱氣到不得了，就黎喉嚨痛咁濟。好了，以後都唔會再幫襯。…Read More

蘭州牛肉拉麵，上年七月勢如破竹，媒體講到巴乜閉，因蘭州牛肉香港少有，而且麵是手工即拉，舊店只有五六個位，中午時間好難食到，老闆係內地男師傅，現場即拉拉麵是真的。手工拉麵每條粗幼不一，湯底同牛肉粒以清甜為主，食開重口味的我覺得一般般，３５蚊。好啦一年後今日轉大鋪果然品質會差左，必然的定律咁。第一次去新鋪食牛肉紅薯粉，真係有無搞錯，牛得四小粒仔我係一個女生都唔夠飽，試問一個正常男人點夠食？出手也太小家吧，圖如下：主打的蘭州牛肉，就係一粒粒小牛肉，又老又咸，真的不覺得特別這是口感？我只覺得好難咬，唔好食湯底方面，只覺得咸咸咸，有可能只係水加鹽？！完全不覺得清甜同有過人之處第二次，叫牛筋拉麵，因見樓下食評有位人兄話一定要叫粗麵，即管試試，但我以後都唔會再黎了！！！有冇搞錯？麵可以煮錯，再煮出黎草草了事！！係　唔　熟　的！！麵　非　常　非　常　的　硬，我好擔心胃痛！！！！！！！！！我已自費食過三次，很老定的說呢個負評我就係要俾１。蘭州牛肉老，唔好食２。麵可以煮唔熟３。湯底得死咸味 4。等又等得耐，十五分鐘還是煮錯麵5。四個陌生人迫住坐兩邊卡位男師傅已經不在店舖了，變了蘭州大媽拉麵，永遠也不會再來，好難食，黑名單，以上。…Read More

接上篇想食多次＂雲味軒＂，相隔一星期都無黎到發現已轉手，十分無奈，變左呢間＂王幺妹黔川米線＂佢其實係紅磡一早有鋪，見老闆娘都係到，應該是轉了鋪啦這家是主打＂貴州米線＂，食過舊鋪，今次純粹係想食辣野同俾多次機會辣子雞米線加一口小雲吞（舊鋪）價錢忘記了，似要４０蚊，唔平兩樣都係招牌菜，但就食到我黑人問號，米線粗到似烏東。。。。一口小雲吞，肉都唔多，細粒到無野可以評論；辣子雞，完成不明白有咩過人次處，明明就係一粒粒雞肉仔，亦不覺辣。原來貴州米線是這樣的，當時覺得可一不可再！！好吧到今日再來新鋪俾機會，我通常食左兩次先會寫食評想叫紅薯粉的，話無，咁好無奈地叫左米線雲吞米線中小辣麻辣，＄３０—貴州米線依舊很粗，有彈力，真係好似烏東，看個人口味啦，我是不太喜歡；—湯底有莞茜，無芽菜，中小麻辣就係一味的死辣，並不覺得有獨特過人口味；—雲吞原來都係一口小雲吞，細細粒粒，無咩特別；吃後感：一小時內沒有消化不良，但是非常的口喝。。。。服務：老闆娘沒有主張安排座位，收錢也沒有特別的多謝總結：如果你接受到似烏東的米線 就黎吧！我個人是不喜歡不推薦的，同一條街辣米線多競爭，也不需要選擇這家重點是我依加都好口喝…Read More

雲味軒紅磡！食過兩次定三次了？？！想寫食評，佢其實開左好耐，呢到最近先出現有得寫覺得佢進步了，口味也岩我- 米線很滑和彈牙。。仲好白！好吃！- 韮菜雲吞得三粒，但好大粒！用料大方啖啖韮菜！味道好，重口味人士最愛- 湯底因是次叫酸辣少酸，就岩岩好，豬肉碎，莞茜，韮菜，味道開胃，但想吃辣人士會叫純麻辣比較好兩次也叫 韮菜雲吞米線，酸辣 $29現在唔過30蚊仲有大碗米線，係抵食既但環境實在太迫，座位佈置得唔好食後感係滿足！重點是我吃後都無覺得口渴及胃漲不適！以下係第一次的圖片，全部自費…Read More

無法溝通，態度差，未食都走左一心打算去食fish and chips一入店門口 就問收唔收八達通啦，兩個略肥的店員（廚房內）都唔想應人咁，話收咁我問有無fish and chips，店員呆兩呆咁，聽唔明咁？因為出面個menu 無寫有，問下好出奇？有一個店員話有咁我話要一份，八達通另一個店員企埋去收錢位，超黑面，牛咁眼望住我，但又乜都唔講，勁無禮貌唔講幾錢，佢黑人問號咁樣，完全溝通唔到，佢問另外個店員我叫緊乜咁好喇，另一店員答就話「fish and chips？你知唔知出面係有d午餐架？」「我知有午餐，我係叫fish and chips」我話。「咁要餐定唔要餐？」「咁分別幾錢？」「35，38」以上店員的態樣係勁悔氣！！！！咁係我睇緊drink menu 果陣，佢突然同我講無fish and chips 喇！！痴痴地線，浪費時間，即刻走左，去左食米線無咁嬲…Read More

除了油,只有油膩, 難食米線大王? 唔要健康可以入黎是日其實想去附近的新X米線, 可惜無開, 去了呢間"米線大王"上次已黎過 , 失望而回, 果然可一不可再.第一次黎叫左口水雞米線......如圖做咁多年人可能食左最多油的一碗米線心中只有一個想法, 佢地煮咩煮到咁油?????????明明雞同米線已分開上.......米線都可以咁油膩........好恐怖!!!!!!收我37蚊............口水雞只俾雞頭雞尾..........分量小到!!!!!!辣度就岩岩好, 但未見非常好食, 都是一般店舖食到的所謂"重慶口味", 不太麻辣第一次用餐感受: 好唔健康又小家第二次, $24 擔擔麵打算俾多次機會, 而且今次叫麵, 心諗, 應該無事掛!!!!!!點知, 除了油都係油!!!!!!!!!!我真不明白店家係點樣煮的???? 麵可以又硬又一舊舊, 係一條條但並不可以叫爽口, 因為每口都混雜好多油, 碗底好多油!! 重慶的擔擔麵真係咁樣?????這家店真係無救了, 煮麵,煮米線, 有湯無湯, 結果都係一樣, 油溢, 食到滿口油, 唔知自己食緊乜!!!!!口味也完全沒有驚喜, 點解可以自大到自己做大王?????以後都不會再來......可怕的用餐經驗我唔期望店家會見到有改進只係唔明點解咁多客群都係 大專生/ 大學生...可能年青人真係食野咩都無所謂啦...真係三五成群......不過, 米線大王?  無人識你呀!!!!!!!!…Read More

 [米線控第8篇] 對客唔公平, 份量小唔抵食呢間車仔新開左一個月, 每日返工都經過但一直未食, 因有同事食左...話食空氣咁結果我唔聽佢講, 試左真係.....奶野兩餸麵$25 牛肚魚蛋米線加辣拿呢張相係未食之前影架!! 未食已經見到份量少到咁!!!其實一直食開後面呀叔個間車仔麵(都係唔好食架啦!!!但人地個價定得合理, 呢款麵應該只係4+4+6=$14), 貴左成十蚊有多, 咁唔出奇既, 人地開正係大街, 鋪頭又裝修到靚一靚, 走中檔車仔麵鋪路線咁排隊叫麵, 叫餸, 俾錢一條龍, 仲有人安排你要坐邊.. 揀位話唔俾!!!咁問題黎喇!! D米線淋到, 有無搞錯呀, 我80歲呀婆食個碗米線都無咁淋啦!!真係好淋呀........一PAT PAT咁呀!!味道方面, 湯底其實比平價個間好味少少,但 唔係話佢好食呀!!!只係得個咸字~~ LUNCH返黎一直覺得好好口渴!!唔知佢落左幾多味精呀魚蛋有四粒無特別, 牛肚幾好食彈牙, 咁但係, 25蚊我唔係買幾舊牛肚掛?!?!???????隔離有個女人舉手話米線好淋食唔落, 我都同時講話我個碗都係好淋~~個女負責人主動話煮多碗俾佢, 我想睇下佢會點處理啦, 結果佢真係只係煮左一碗額外的米線俾隔離台~佢無回應到我~咁都有~有見及此一定要寫上黎俾大家睇呢間鋪1. 對客幾咁唔公平 2. 份量小 3.食物湯底好咸不建議大家黎, 如果之後又多左幾個集體好評, 大家就明白啦…Read More

個個都話人氣小店，終於都去左試店面比較簡陋同混亂，加上一群群的年輕人比較多，環境好嘈好雜亂，樓面好似無呀姐落單，好多人行埋去廚房落單，不解。。。。。講聲就得，無單，真心佩服呀姐又要整野食又收錢又記得哂咁多人要乜蛋炒腸粉係必食，一個人食唔到幾多，加多串串燒剛好，點了最愛的墨丸，試下功力見到人地碗車仔麵黎，我就覺得自己叫對了等候時間比較耐，但眼見呀姐係幾用心炒，炒出黎唔熱氣唔會好脆硬度剛好，蛋味好香，落哂醬料，個底有好多花生醬，好評，都係令到碟野更香的關鍵，份量也是一個人食完唔覺得濟墨丸串燒也是美味！呢種墨丸鬆鬆軟軟配上香料真係好惹味！好想再黎一串！不過呢到適合咩人群？我覺得真係岩哂返學的候生仔，食個腸粉又一餐。老實講，好在味道同呀姐人情味救返個環境。。。d位迫到俾後面位細路撞到兩下人情味就係，我當日忘了禁機帶唔夠現金，呀姐好爽快俾我去銀行禁機再返黎！！！呢下真係！！！比著係譚x米x一早叫你俾身分證寫欠單啦！小店真係唔同！！下次會再黎！…Read More