Myrickng's Profile

永利公關打來話有老虎機比賽，會送房，咁咪去玩一轉。嚟左三日，住左一晚，有幾餐都係食紅8，味道ok但冇咩驚喜，但份量真係細份，食完成碟飯都好快肚餓，佢哋食物份量太少了。叫左個牛腩麵及淨雲吞，牛腩麵正常味道，但太細碗，雲吞好食，蝦肉鮮甜又爽口。叫了個套餐，兩餸有湯有飯。勝瓜津白，來到冇津白，多左幾隻蜆。蜆冇味，勝瓜亦冇味，差。另一碟是生炒骨，這個好食，但又係太細碟。湯就普普通通，不過佢冇落味精，飲完冇口喝。另外散叫左一籠鮮竹卷，味道可以，賣相就夠精緻。食完呢餐冇幾耐又肚餓，我都係在永利玩，咁又入去幫襯多次。叫左個乳豬飯，乳豬皮脆，但細件，好快又食完，呢餐用積分唔洗比錢。…Read More

星期日，與阿媽來觀塘黃金冰室下午茶，以前都有來過，現在下午茶改了菜單，試下新野。兩個人點了一個黃金鮮茄焗豬扒飯及依府蝦仁炒河，再加一個波蘿包。焗豬飯好食，剛焗起火熱上枱，豬扒已幫你分開一塊塊，不需要用刀自己再切開，夠方便。焗豬扒飯是大路菜，正常水平。依府蝦仁炒河，見有蝦仁，芽菜，蛋芡河粉，味道較清淡，自己落了辣椒醬調味，一試無防。而自己亦加多個波蘿包，很大個，皮脆，這個抵食。…Read More

過年與朋友到西貢一天遊，在碼頭搭船去橋咀，來回$30，之後到洪記海鮮酒樓晚飯。選了個二人套餐，轉西澳龍蝦唔洗加錢。我們點了上湯龍蝦加伊麵底，清蒸海上鮮（黃立倉），白灼海生蝦，炒蟶子，再加一個蟹肉粟米羹。龍蝦食落唔太鮮味，海蝦普普通通，蟶子就是全晚最好食的海鮮，條魚亦是一般般。埋單$692，價錢就唔太貴，當晚就唔太多人，下次會試下其他食肆。…Read More

今天與阿媽來海港下午茶，人山人海，兩點左右到達，等了半個鐘才有位，海港真是太多人等位了。但是味道及性價比高，叫了8樣點心，埋單$210。真心覺得是平靚正，唯一缺點就是要排隊等位。…Read More

封關三年，今次新年過來玩，當然要來看看有咩好食。之前看見openrice的食評已想來試下，位置於新馬路夠方便。當晚來了已是8點左右，人不多可以一人座一張枱，走平民路線，環境普通，賣點是食物。點了個淨三寶，雲吞+水餃+魚角，幾好食，再來一個薑蔥撈麵，一人食夠曬飽，下次再來會再幫襯。…Read More

終於等到通關，新年過來玩兩手，當然來永利，紅8就食過好多次，有積分可享免費飲食。當日下午食，唔太肚餓，叫左個點心套餐，真心普普通通，味道不太出色。反而叫左個發財好事點心有驚喜，呢個幾好食。早一日食左個潮蓮燒鵝飯，很難食，冇鵝味，香港普通一間燒味都比佢好，紅8呢三年真係越做越差。…Read More

自2019年疫情後，已經三年沒有踏足過澳門，今次剛剛通關又逢新年，來澳門玩下食下。以前來這間餐廳，當年是在新馬路行下行下見到，以前的餐牌好多選擇，但現在已更換新餐牌，少了很多選擇。第一道菜順德魚羹，味道可以。之後的啫啫雞煲及西芹雲耳炒百合，味道普通，比香港的大排檔或飯店差。應該沒有下次了。…Read More

又來食鹵水鵝飯，這裡的鹵水鵝飯是我試過的最好，鹵水夠香，鵝味濃，鵝件份量多，鵝件下有三數件豆腐及芽菜執底，加上一碗蘿蔔湯，完美組合。唯一缺點是我座的位置是冷氣出風口位，太凍，急急腳食完走人。…Read More

網上有人出PO寫這裡的食評，自己住在附近，特意行來試試。都好多選擇，自己叫了個蒸班頭腩。價錢$45連凍飲/湯，市區食個梅菜蒸鯇魚都唔得啦，現在居然有這個質素的腩魚肉，係抵的。但環境是大排檔沒有冷氣，食客多是附近的工人，有無上衣大佬，如果你接受到可以一試。…Read More

小弟第一次寫食評，真係唔出聲唔得。今日星期六下午，特登來大角咀試高佬，舊區配老店，星期六下午，一條中佬。食物,叫左牛腩撈麵及淨水餃，牛腩係肋腩撈，夠冧，麵，唔夠爽，但份量幾大；我把佢同以前我食過的太子興記相比，高佬係唔夠興記好食，當然現在興記已換左老闆唔同曬味道。水餃：有蝦有荀，但味道不及深水埗劉深記。但最令我嬲爆爆係店內衛生環境極差，我一支公麻甩佬都頂唔順！食到一半，有個阿姐用左我係廁所出來第一將枱擺紙皮箱上貨，居然擺擺下冧左落嚟，嚇得我呀！我仲未食完㗎大姐！最恐怖係，我見到佢居然連鞋（水鞋）企上將舊到唔舊嘅圓凳擺貨，之後隨手放回原位，完全沒有抹過就走了。疫情咁嚴重居然咁都做得出，我即時反左胃，立即比錢走人，以後可以blacklist了！大家去幫襯時自己考慮一下。眼睇大部分食客是老人家（全男班）及麻甩地盤佬。…Read More