ckyeung38's Profile

同朋友約左食片皮鴨最後決定食呢間7點去都full full地， 但都有位可以即時入。佢本身有個set dinner 2人餐6百幾， 但朋友唔想食飯同面就無叫到 最後散叫左下面幾樣前菜1. 海蜇一般，建議食其他2.雞絲粉皮合格， 可以叫主角出場片皮鴨半隻我自己其實己經食過一次， 但今次朋友第一次黎就係咁話唔差好食， 佢話中意有青瓜同哈密瓜做配料， 夠清新爽口， 中和番個肥膩度。 另外，片皮鴨個皮都夠脆身， 唔會太乾， 厚度適中。 搭上配料岩岩好不多不少。 份量多同埋 最後兩個人都食唔哂。我地其實仲叫左個炒四季豆呢個都好食， 夠獲氣， 炒到好乾身同入味最後因為本身係openrice book 左枱， 所以會送兩位腰果露做甜品， 朋友食左又係話好食唔停口。 我就覺得ok， 唔會太重味埋單5百幾， 值得一試…Read More

因為搶到政府夏日賞$600減$400所以今日就book左位同舊同事食每人都叫左個乳鴿一個用set dinner ($35x)前菜佢有個蕃茄仔好好食， 好開胃， 應該浸左d糖之類既野， 所以入口又酸又甜好正。跟住就黎左隻乳鴿，比較細隻但炸到個皮好香， 岩岩好肉都唔會太乾身， 好食之後就黎左幾個小菜炒黑豚肉， 魚湯浸菜苗，茄汁蝦球最好食係個茄汁蝦球，蝦球又大大隻， 好入味。 其次就係炒黑豚肉， 夠肥唔會全部瘦肉。菜苗都好食， 只係稍為咸左d。最好黎埋個啫喱凍，都好食正常兩個人埋單本來$8xx 埋單變$4百幾抵食…Read More

呢個鋪轉左好多次手終於有間食物質素高， 大家都識食所以一到lunch hour呢間就會full哂咁滯。之前去親都係女佢個常餐。今次就叫左個下午茶焗肉醬意粉食$47。外賣加$2 睇左樣都知道好食，一打開己經好香， 勁多芝士， 肉醬好夠味， 最緊要係焗得夠長時間， 入面冇咩水份意粉夠乾身， 呢樣係最緊要， 又比佢做到。如果可以意粉轉飯真係不得了， 更加滿足。呢間野千祈唔好咁快執， 仲想試埋佢其他野。真係唔差。另外佢仲有新鮮出爐面包同蛋撻， 一樣好食。 我去親一定整多件蛋撻咁就真係好滿足。…Read More

見到幾得意diy石燒就入左去食佢係跟個漢堡size S,M,L 黎order， 仲有幾款topping比你揀 芝士， 煙肉波羅。我最後order左 s size同蛋。佢仲有前藥沙律， 麵豉湯同飯， 所以都夠食。漢堡好食，都係diy用個剷放落個石燒度， 溫馨提示唔好太貪心，適當份量放落石燒度可以成塊漢堡壓平岩岩好就可以。唔係會出面燶哂入面都未熟。另外佢有豉油同鹽比你。 我對豉油麻麻， 所以都係點鹽黎食，點左鹽之後可以吊到個味黎， 所以更加好食。 埋單$106+10% ， 值得推薦…Read More

一個人食dinner,咁就搵下有咩好食。 咁岩醒起附近有間season plus 食蠔抵食， 就 walkin去，好彩都仲有位。果陣9點9入去,10畯就話last order。所以匆匆忙忙咁嗌左 半打蠔，三文魚risotto 同薯條。仲有支紅酒。叫紅酒係因為佢叫酒加$50 就有半打中size蠔， 所以就叫左最平果支， 但我係唔好red wine, 所以不作評價。講番蠔， 果晚精選蠔好似係美國黎既 另外都叫左兩隻waiter一直推介既日本黎既青花瓷（$68一隻）。 精選蠔係正常，偏海水唔算creamy,岩我口味，不過海水味都唔算太重， 都ok。 至於果兩隻青花瓷， 真係又大隻又好味， 同樣都係海水味好重，爽口，有肉地但又唔creamy,真係幾正， 冇介紹錯。 好滿足。食專蠔之後黎左個三文魚意大利飯， 都唔差， 香同三文魚都好食， 但份量對我黎講有d多， 最後食剩d飯， 不過如果多人share一定食得哂。 薯條應該冇咩好講， 但出奇地好食，最中意佢種鬆脆度正。埋單好似$5xx. 如果同fd黎其實好抵， 又有酒又有蠔， 是旦叫多個主食都好飽了。 推介！…Read More

經過citysuper一定係佢個蠔啦本身食開法國細約瑟芬osephine， 貪佢平$38同海水味同爽。 但竟然冇哂， 轉左另一隻納文比亞。 都無計， 照order 另加兩隻特大約瑟芬（$50）。 講番個位先， 納文比亞果隻都算有海水味，但同時都有少少creamy，但唔知係咪食開法國蠔， 隻海水味係唔同， 總係覺得法國陣海水味甜d。 但overall都算ok。至於特大約瑟芬， 當然他好食好多， 仲好大隻下， 好有滿足感， 夠份量海水味好足。但我都係覺得細隻好食d， 香水味再濃d， 同埋可以食多幾隻呀嘛，寫住咁多先。…Read More

同舊同學相聚，佢有$500coupon， 最後簡左呢昨黎用哂d coupon佢。我地係晚上去既， 所以兩個人都係order左佢個tasting menu 同wine pairing。（我覺得可以skip wine pairing, 慳果一千order支自己中意既紅酒飲仲開心）前菜係個蝦他他， 幾開胃配柚子汁好開胃。之後黎個帶子魚子醬。 一粒真係唔夠喉， 係好食既， 但太細粒好唔滿足。 黎多粒就fit哂。跟住黎左個椰子湯， 好香椰子味， 濃郁好味。 食完上面咁多野之後上主菜前佢會上個雪葩比你清清個口歡迎主菜。個雪葩幾好食， 好fresh又酸酸地， 差d想叫佢黎多個。主菜先黎個蠔意粉， 又唔會話唔夾喎， 蠔唔會腥，仲幾好食， 意粉都唔會太乾身，好食。之後食完到真主菜我同的朋友都麻麻海膽， 所以都係order左個法國乳鴿， 食落口好香，d肉好嫩， 但有少少唔夠肥， 冇左果種脂肪香同口感， 但overall都好食。最後真係估佢唔到個甜品先有驚喜好似叫Mango mango， 仲會有waiter行岩黎落乾冰搞下花臣。 講番個味， 有fusion feel 好有manago味， 正！兩個人埋單$3500，用coupon 扣$500你話抵唔抵真係見人見智。 不過成個環境係舒服， 都好服務。 有coupon會再試下其他菜式。…Read More

如題， 用coupon必食， 特別係你coupon唔多， 可能 兩張， 咁呢間就岩你。我係lunch一個人去， 竟然都係等， 不過都等左around20分鐘到就有位。講番食物先因為得一張coupon, 所以就冇叫到和牛同刺身定食，最後叫左個銀雪魚定食。我記得上年食銀雪魚定食都有三舊刺身，但今年竟然得番d魚仔同蔡葵，差咁遠既，即刻有d失望。前菜食左佢d沙律同個茶碗蒸， 茶碗蒸都唔差， 正常水準。 仲有d魚仔同蔡葵， 都幾好食， 但當然唔會夠刺身好食囉。之後就真係食個銀雪魚， 又有驚喜幾好食喎， 煎到條魚好香，條魚又好有味，好中意食，另外都煎到魚皮好脆， 同魚肉之間果層脂肪一齊食真係好正，好香。 條魚一定要趁熱食， 凍左就冇咁好食。埋單好似二百到，都抵，不過不失啦。仍然會棒場。…Read More

如題， 真係每年食一次, 用coupon食真心抵。跟住咁岩今年又係坐番上年同一個位講番食物，都係食佢個set lunch頭盤叫左鵝肝感覺今次食冇上年第一次食咁驚艷，覺得今次食個鵝肝冇咁肥， 但都好食， 放入口一樣係即溶， 成口都係脂肪， 係好邪惡， 但成個口腔都充滿香氣，好豐富。食完鵝肝就黎左個牛肝菌濃湯（記得食完鵝肝要飲水浪下個口清左d鵝肝味先）其實呢樣係個人認為成個set lunch最好味， 牛肝菌好濃好香， 仲有幾片黑松露增加香氣， 飲落去比鵝肝果種香味更加豐富， 唔係淨係脂肪味。 真心正， 之前試過龍蝦湯都冇牛肝菌呢個咁正， 真係冇謂加錢叫龍蝦湯。 一定比到你驚喜。主菜係m6西冷我果日食轉左肉眼， 個覺得西冷好食d叫左5成熟，但好似有d overcook，有少少dry, 同調味唔夠，如果點埋黑松露油都ok既，但d黑松露油冇哂最後都要左mustard黎食。overall都合格既。最後甜品就係花椒瑪德蓮蛋糕呢個同上年一樣， 冇咩期待， 正常水準。總係覺得佢個紅色好artificial咁haha但都好食既。用三張coupon最後埋單$3xx, 食到咁多野好滿足了。 絕對推介。…Read More

朋友心血來潮話想食壽司郎， 咁岩要係佐敦剪頭髮就順便去拎飛。 6點半去拎飛， 估唔到最後都要等到差唔多9點先入到去。 真係好誇張， 就算開左咁多分店，佐敦果間好似都永遠最多人幫襯。講番食物先食左幾款壽司燒三文魚腩必點，正常水準好食芝士燒鰻魚好食，但口感差少少， 有d細骨， 食果陣要小心留意大拖羅好食， 但今次果件竟然食到有筋，扣分🥲仲有食左腐皮，帶子，三文魚牛油果都唔錯， 可以一試炸物淨係食左佢個忌廉可樂餅，好食， 一定要食。最驚喜反而係茶碗蒸， 懷疑係全店最好食， 好有蛋味， 又暖粒粒。一定要食。下次試埋佢d拉麵烏冬先。最後最後點左幾樣甜品綠茶蛋糕個蛋糕似係cheese cake咁， 唔似海綿蛋糕果種口感軟綿綿黑隻， 但d cream係好食， 比我要知人食哂oreo軟雪糕好耐冇食過oreo,同個軟雪糕好夾好正。卡樂b 卡達拉娜都唔差， 好似cheese cake咁。一食落口要覺得好似唔係甜品咁， 因為好似咸咸地唔甜， 之後先會食到好似好濃味既cheese cake咁， 都唔差， 可以一試。最後兩個人食左4百幾， 兩個人都飽到要由佐敦行去尖沙咀消化下再坐地鐵番屋企，大滿足 …Read More