VickyCho's Profile

想一家人開心食好啲，有包房，中菜一圍，可以試下訂。聘珍樓其實好有水準，屬於中上價。其實呢個寶號應該超過20年歷史；大家可以留意吓，佢的裝修、環境，服務都有返咁上下，枱同枱之間有距離，吾合背貼背坐，安全啲。坐低試埋啲食物，你會發現係好食吾濃味，如果三五知己想坐返兩三個鐘頭，吹水飲茶實在是不二之選。疫情之下，屋企人想訂一圍枱，見到有個餐$7500比12人用的。但八人限聚，間酒樓都肯一個價錢俾我哋分兩枱，仲可以比一間大房，我哋諗過都幾好，覺得夠安全又私隱度高。總體來講可以接受，食物吾算高貴，但四平八穩，干干淨淨，我媽好開心，因為可以大聲講嘢，又笑，有兩個小朋友可以行嚟行去，活動空間好夠服務尚算貼心，叫侍應幫手影相都冇托手踭，食完又冇趕我哋走，坐足三個鐘個餐份量好夠，果然足12位用，加埋送啤酒汽水橙汁！最後，我哋仲打包左成碟炒麵，炒飯同埋甜點。實在食吾晒☺️…Read More

「十里洋場」個名相當有氣派！貴價野在銅鑼灣利園二期二樓商場，出左銅鑼灣希慎廣場F出口，向前靠左見到屈臣氏，隔離入口，非常就腳。位於商場角落頭，入口較黑，進入嘅時候甚至感到漆黑一片，幸好有帶位，經過兩個大圓門口入到正廳⋯⋯安排我地三個女子坐卡位，尚算不錯。雖然侍應好多，好殷勤招待，但係我覺得如果茶壺下邊有個熱爐仔，會更貼心，因為啲茶好快凍！我有比較喜歡滾水茶。因為會員關係，今次商務午餐$398推廣係買一送一，三人叫一個餐再加左兩樣野，都算ok 夠！食物方面，質素系五星的，唯一吾好叫「炒鱔糊」吾新鮮！其他都好味，特別要讚吓鐵板小籠包同埋黑豆腐花，好有特色。個鐵板小籠包係鐵板上枱，煎燶咗包底，肉質保存住，食嘅時候我好細口，好小心，因為超盪咀。一桶嘅豆腐花夠三個人食，飯後甜品，好完美！如果我嫌貴又可以坐得耐啲傾偈嘅算係唔錯嘅選擇⋯⋯因為話90分鐘但都冇趕我哋走，可能平日關系😂😂😂😂😂最後我想講嗰啲侍應唔使跟得咁貼，有啲催趕嘅感覺，不過我朋友係VIP，佢話係咁嘅，大家唔使理佢…Read More

如果想食意粉，又有酒飲，又好食，又好坐，又吾趕你走的，屯門呢間系吾錯。今日一行三人食farewell lunch, 但朋友想飲番杯慶祝下。叫咗三個午餐，仲可以免費+1.5倍，我哋兩男一女，剛剛好！如果系girl talk 就吾使加大，又或叫兩個午餐加小食，不過就爭一杯野飲。講返lunch, 一坐低有支水在枱面，我要左暖水，waiter 冇黑面，仲好有禮貌！👍🏻👍🏻叫左兩個意粉，一個水牛芝士pizza,質素都保持到, $88 each 系值的。另外，食完飯，叫咗支750 mL嘅紅酒$158，幾好飲⋯⋯（我吾識，不過純覺得易入口，吾系果味）🤣🤣⋯⋯加左小食拼盤，😎🍷🍷由1點坐到3:30，冇趕客⋯⋯👍🏻👍🏻啱晒閨蜜傾計或者好朋友相聚，貴少少絕對值得。最後，埋單$598 so far so good 本人覺得幾好嘅！唯一要講，全程得一個男waiter, 好可憐！佢哋餐廳應該增加一個半個人手啦佢直頭做到冇停手⋯⋯😅😅但係要讚佢，一直冇黑面，好好態度👍🏻👍🏻👍🏻👍🏻👍🏻👍🏻👍🏻…Read More

星期六想喺旺角商場搵一間似樣嘅酒樓食晚飯！諗到就係Moko嘅北京樓或者百樂潮州。原來兩者都係只可以食90分鐘，最後揀咗百樂，因為可以打電話去訂位！前者堅持只可以Walk in😞百樂，本來由入門口一刻到坐低感覺都好好…..因為訂咗6:30四位，而我哋三人就6:10到，門口個女仔好好話俾我哋依家入去但係計時就有6:30開始。跟住想點菜嘅時候，決定食豪D，食凍蟹或者翅點知那只一斤左右的凍蟹$1460，我哋覺得吾值，又太細只就決定放棄！最後決定叫咗一個$408套餐有滷水鵝，一中燉湯兩個小菜！然後加咗一個英倉$328+鵝腸$148…後又另加生菜煲$1xx, 蠔仔粥！但食食下已經7:45。D侍應好緊張催加菜或埋單⋯⋯我地想食埋糖水，佢又話冇問題….但糖水8點至到與此同時巳經要埋單⋯⋯ok, 因為夠鐘，不過一邊埋一邊食埋都應該可以掛😔但其間二三個waitress keep 望住我地！我地唯有好快食完起身走啦，我仲同D friend 講算啦。。⋯點知門口根本冇人等枱，有幾急啊⋯⋯老實講，我地都食左$14xx 啦唉…..下次吾去啦、咁趕…Read More

今日星期二，約咗個好耐冇見嘅朋友！所以諗住book間餐廳要有景又食得的嘅，問朋友就介紹咗呢間喺尖沙咀中心wooloowooloo點知我之前一晚擺烏龍，book錯咗6月1號12點，女朋友嚟到話冇Booking😩不過佢話個waitress 好好，照俾咗一張近窗，睇住海濱的corner四人枱比我哋！我女朋友坐低先就上咗麵包，兩杯水！我遲咗幾分鐘到！跟住叫嘢食，講英文的waitress 好好態度、笑容又好好。首先講麵包係唔錯嘅，新鮮，可以點黑醋橄欖油，有八小件，任食！good到沙津，青瓜雜椒，顏色靚不過唔係我哋想像嘅Caesar Salad，我朋友有D失望，但酸酸地，開胃我啱。來到個主菜，等咗半個鐘都未有，催咗兩次！終於上菜，我朋友叫左雞胸，個樣以為好「孩」，點知外脆內軟⋯⋯另一主菜系三文魚跟飯，飯分量只夠女仔食，半碗左右，兩件三文魚件脆皮好味，我清晒個餐跟coffee or tea, 我地加$50 一個cheese cake share, 得二只手只大，但我哋純粹畫龍點睛，so good enough la😄坐左三個鐘，所有枱都full晒，居然冇趕我哋走希望分量多少少比男士，我地女仔先剛剛好，勝在有D質素又吾趕先覺得抵D😂。。。。。。…Read More

今日一行八人成個部門去食飯，本來book咗枱食川菜叫餸食飯，但因為我哋有五個係男仔，所以最後決定揀間任食火鍋，等啲男同事可以暢飲一番。因為如果叫餸食飯一來份量少，而且唔化算。好多間系星期四都full booking, 又或者見到有啲食評好差！最後揀咗位於旺角兆萬中心「點鍋」！地點都容易搵嘅，坐地鐵旺角站或油麻地站又得，喺信和後邊！好容易搵我第一去兆萬中心，一個好細嘅商場，直上電梯3樓，一直都有路牌容易搵嘅！我哋八個就被分咗入大門口的一間獨立房，都幾好，自己八個一台又一間房私人空間好夠。叫咗啲食物，上得好快；特別要讚佢啲牛肉,幾款炸魚皮都好好味！同事各叫咗起碼八碟！亦都有魷魚啊蝦丸啊，餃子，有豬有羊，食物水準OK又吾系隔夜，湯底都有10款算係咁！唯一輸蝕就係冇乜海鮮！飲品就只有七喜可樂無糖可樂玉泉忌廉，茶，水，檸檬茶之類，啤酒要加錢！希望加多少少種類。甜品普通雪糕同埋雪糕糯米糍（個名唔知咩）總括嚟講都OK嘅，起碼坐得舒舒服服，執嘢又快手又有禮貌，我本人就覺得唔錯囉！$279/位已包加一，我哋在openrice book唔到有折，如果有八折應該抵啲…Read More

今日星期二，平日時間！兩個人諗住冇乜人去尖沙咀拍拖食個lunch可惜去到已經差唔多一點，門口大約要等六張飛，不過諗住冇所謂照等！因為反正唔使返工而且我之前嚟過呢間餐廳，可能減咗coupon覺得比較平啲抵食。不過今日嚟已經冇咗coupon Promotion! 相比起其他舖頭排長龍，仍然決定試一試😂因為價錢OK！等咗10分鐘左右，有枱啦！門口嘅越南妹表情呆呆，仍然有禮！但入邊大多數員工、特別個男仔，態度好好，好有禮貌！叫咗一個扎肉抄金邊粉同埋半隻雞！個金邊粉炒得好靚好食乾身，半隻雞擺上台好吸引！不過真係似係一人份量。唔係好夠，加咗個白飯$330 填單！其實又坐低到上菜都超快，亦都係熱辣辣值得一讚。食物都幾好食，算係色香味都有！如果可以book到海景位更加好，不過可惜我哋只係坐咗近門口。埋單時候我想用微信消費券，咁就要行出去counter埋！大家下次可以一試！預先book定海景位更好啦😉😉…Read More

今日開放限聚令之後，約埋屋企人一行六人飲茶！seat Gulu攞咗飛, 到左酒樓等咗半個鐘，好快有位。座位尚算舒服，但我相信人手短缺問題比較難叫侍應。淨係坐低，要咩茶已經問咗三次！不過我覺得都好過冇人理你當然之後要加水就比較難見到侍應可能疫情關係少咗好多侍應點心精致，好食！賣相同味道都唔錯。但係價錢比較貴，蝦餃$42，其他全部帶點$37，叫咗個羅漢齋伊麵$97⋯⋯so far so good. 不過一家人出嚟食飯勝在有位，就費事計較咁多。杯杯碟碟乾淨，唔似有啲酒樓又崩，又多油又污糟，見到都冇晒胃口。起碼我有個好挑剔嘅屋企人都覺得OK😃😃下次可以再來…Read More

疫情下，市面真係靜左好多。難得今日放假一日，作為單身狗的我至鍾意去吾同餐廳試新嘢。我第一次來，見lunch 好似吾平，但門口D相幾吸引，咁決定試吓。一入門口，哥哥叫我隨便揀個位；中午1:30 得5-6枱客，心諗是但啦…..揀咗一個面對直播你好似有沙發嘅位！跟住哥哥仔話我記住幾多號枱，然後自己出去買嘢食佢會送餐來。點知我出到去又唔記得咗自己幾多號枱好搞笑，佢即刻話42員工都有禮貌！好快食物送到，同相嘅一樣味道都唔錯⋯⋯熱檸茶係乾檸檬，甜甜地問佢有冇糖，原來話已經落左糖水，我嫌佢太篋，攞多少少糖水。最搞笑同埋驚喜係，坐嗰張凳原來係好似千秋咁，郁嚟郁去！啱晒我呢啲坐吾定嘅人。但如果你想坐定定亦都可以揀另一種固定左櫈嘅。但我又覺得幾幾舒服嘅感覺，好似放緊假，搖下搖下咁慢慢食，好有郊外feel，又冇人催，正。食完搖住hea 住玩下手機，爽爽。我覺得拍拖，食甜品係最Perfect⋯⋯我見甜品有雪糕窩夫，珍珠奶茶pancake香蕉抹茶pancake等等…Read More

次次來尖沙咀shopping 前必食，本人算幫襯得最多嘅茶餐廳叫咗正雲吞細細粒擺入口好方便！鮮蝦彈牙！油菜係通菜，腐乳放邊！冇黑名買青BB好靚仔新鮮奶茶正正常常，幾好！但其實所謂嘅正正常常唔係間間茶餐廳做到但係呢間就收到埋單係$50超底…Read More

今日十月一日，假期。我已經有心理準備街外周圍好多人🥲但自己一個又想去葵涌廣場買下冇謂野，女仔野。買完就食個tea! 正系度頭痛食咩好…….唯有遊住搵野食！首先在樓下最低層入口，上電梯，一樓全部大排檔車仔麵腸粉，有D逼，吾想！上一層系好多人食餃子，試過，麻麻又系逼，吾想！過兩間鋪有新開泡飯，又放棄。抬高頭見吉野家，心諗下午茶牛肉飯都好。去到吉野家已經系三樓，在電梯一上見到，但門口比好多人坐，或企住食野，感覺實冇位…….點知入左來搵位發現好多吉位，又乾淨，仲一個人可以坐4人位！仲可以斯斯然買完搵返自己個位（唔使放下絲巾或者乜嘢霸住）我覺得食物OK，坐得舒服已經好好！…Read More

今日本來4點約左老友食Tea! 點知好朋友要試新野，結果「佢」自己好中伏。我老友女B小姐去搵位先⋯⋯比佢門口手寫的黑板餐牌吸左入去！並order 左最貴「安格斯肉眼扒跟薯容$108）我去到，用飲奶力推開趟門，因為壞壞地！有個女仔木口木面放低餐牌！我準備叫餐之際，見到我朋友的牛扒上枱，簡直驚人，我心諗「吾系嘛」咁大整估，用只手掌大D膠碟，放件手掌大牛扒，蒜蓉！想像到一切都飛出來🙄🙄我問朋友要叫人換只大D，點知我朋友黑晒面話算啦，我話好易姐，換只大D碟，但朋友堅持吾換。牛扒五成左右似ok，但吾系肉眼有好多肋⋯⋯我好吾想叫野食，但冇理由坐住等朋友食完，夾硬叫左煎帶子意粉！結果出奇正常，合格，碟系瓷，一切OK⋯⋯不過㗎啡一般，吾系太得，好彩跟餐，散叫$35-45….一定吾叫！我又忍唔住同朋友講，我的正常，你的牛扒餐最貴但好怪….我朋友居然大叫：「吾好再講，你系咪怪我揀錯，我已經好內疚⋯⋯！」我o 晒嘴⋯⋯dead air 成分鐘！跟住盡快離開⋯⋯跟佢貼住「齊上齊落」吾夾，完全升吾到。搞到我地差D鬧交……..史上第一次居然為一道菜😒😒😒😒😒😒😒😒😔⋯⋯大家都話冇下次裝修又肉酸，是但一間都好過佢！特別員工，AI 上身冇表情，咁吾想做應該轉行…Read More

今日星期四放no paid leave，便苦中作樂！決定約兩個好同事兼帶埋老媽子去食個平靚正lunch buffet.1200準時入座開始，四人分派左一張六人圓檯，算貼心。一坐低，侍應便送上4杯橙汁，仲要無限量添飲，我又叫左兩杯暖水，沒黑面兼且好快送上，食物擺放吾錯，U 字型，冷盤沙律有六款，ham 有四款，芝士約一兩款，我一般所以冇理有大約六款壽司六款刺身尚算新鮮，海鮮有牆腳蟹海蝦，大蛽，好鮮甜。長腳蟹都成日有refill, good.中途我地影相，每個Waiter 好熱心，又加分。熱嘢食有好多，我只食咗少少，有西冷，河粉，印度咖喱，薯仔啊菜啊⋯⋯so far so good.最後去到甜品，大約有七八款，cake 水準吾錯，我全部有食，只係冇食Häagen-Dazs雪糕！埋單$258巳加一，記得帶恒生信用卡。我媽咪都話幾好。送上一張媽咪半身圖連甜品！因為大家太開心去食野，冇一一影相…Read More

同閏密試過，覺得好「得」，並且一定要再來！好耐冇咁強烈念頭今晚試左四樣都吾錯，特別有驚喜系點心甜品十三么。下次一定要食「冰鎮咕嚕」「白玉鴿」「梅酒」download app 有$200 迎新優惠，$200-20、$300-50、drink buy one get one…Read More

今日放假，去V city tea 一 tea! 兩點3，想食飯，點知在V city 其中一間日式餐廳等左10分鐘，見冇乜人理，決定放棄，實在有D肚餓，因為早餐都未食。行下，見到平時好少會揀的上海菜，好多人在入面，我心想應該吾錯，價錢$60⋯⋯好，試吓先！小插曲系waitress 堅持要我一個人坐出口位，隔離中對滿貨令我胃口大減！講咗幾句先安排我去另一張枱。雖然餐廳入邊多人但係仍有很多吉枱好彩食物質素都唔錯，春卷夠脆，吞面都算足料有三個雲吞啱晒我呢類女子一餐，原來下午茶仲有豆漿送特價$46⋯⋯so far so good😏…Read More