AlsieWan's Profile

路過屯門閒逛，見到店鋪坐位舒適，不太多人，所以入去吃晚餐。叫咗個火炙宮崎和牛拉麵，價值$128。加$15可以有多一個沙律及味噌湯。價錢進取了一點，可惜味道不太配合價錢。睇相都感受到，湯太油了。食拉麵連湯一起喝是基本，可惜這厚厚的油，不太敢喝，有點可怕。厚炸沖繩島豆腐 $38不過不失，如果有醬汁會好一點。火炙牛舌 $58份量不多，味道算比較正常，不是特別好吃。總括嚟講，試過便算。以呢個價錢，可以吃到更好的。…Read More

同老公行完街諗到想去食日本嘢，揾到呢間水產。一入店已經感受到店員的忙碌，攞位時他們行為動作非常快。沒有多餘的説話。坐低時，連找人落單都有一點困難。蟹肉甲羅燒，起初不知道，店員只係將個碟放上爐，而個爐沒有開？係咩玩法？之後細心留意，原來店員有時間時係會過嚟幫手燒。其實只需要放低碟時，多說一句便可令食客安心。魚生非常新鮮，而且很厚，好食。一口芝士，即炸，芝士味濃。起初擔心要自己燒海鮮會將海鮮燒老，而家有店員幫手燒及調味，海鮮燒得非常出色。辛苦晒各位店員。炸蝦天婦羅，蝦夠新鮮彈牙，炸皮簿，好食。和牛壽喜燒！4塊和牛都好靚，非常美味。唯壽喜燒的湯太多及不夠濃。整體來説，十分推介大家去呢間店食。雖然店員行動快，傳菜比較大力放上枱。但我見到佢哋又要落單，又要執抬，又要幫手燒海鮮及調味，所以我諒解他們的行為。希望老闆可以請多點員工幫忙。此店限時個半鐘，以食燒海鮮來說，是有點趕。我和老公食完便夠鐘了，希望可以改善。…Read More

睇到食評見呢間餐廳有好多好評，同老公出開荃灣，就決定去試下。未叫任何嘢，仲睇緊餐牌既時候。已經上咗個味噌湯。感覺有d奇怪。上菜既速度非常快，未夠3分鐘已經到咗。快過食快餐，感覺更奇怪。叫咗個B餐 牛肉壽喜燒鍋定食，味道中規中舉。要注意既係，個飯不是珍珠米，有點失望。而個壽喜燒汁不夠甜，味道不太夠。而老公叫咗個L餐，手握壽司盛併自選湯麵。我們追加咗個芝士年糕。個餐味道一般，壽司的飯壓得不夠好，有幾舊都有散開，影響食感！反而最好食係個芝士年糕。杯柚子荔枝梳打不過不失。睇其他人的食評，對呢間餐廳有點期望。可惜，係有點失望。…Read More

第一次入愉景灣，打算放空一下心情！到愉景北商場見到此店，飲下茶休息一下，心情特別放鬆！此店裝修屬休閑風，木造的枱凳令人感到放鬆，休閒的感覺。本身不是特別餓，所以只叫了一個lemon dizzle cake，味道很好，是我喜歡的lemon cake味道，不是太甜。另外叫了一壺iced strawberry rooibos, 一壺hot rosy rooibos。Iced strawberry rooibos 很香果味，不是太甜。而hot rosy rooibos則花味較濃。2壺茶的味道也很好。值得推介！…Read More

已經十多年沒有到南丫閒逛，今天和老公入去行山。行山前先醫飽個肚，睇門面以為係食日式拉麵！定神看清楚原來係食車仔麵！叫了一個豬骨湯米線 + 炸花枝條 + 肥牛 + 咖喱齋。賣相不錯，炸花枝條非常好味，而且係其他車仔麵店都無見過。另外佢哋會係車仔麵上加上炸蒜，令個麵更有層次感。叫多咗一個咖喱寶寶，入面有魚蛋，豬皮及蘿蔔。蘿蔔很甜，連平時不喜歡吃蘿蔔既老公都有食。值得一讚係侍應的服務態度很好，非常有禮貌。非常推介呢間車仔麵店。…Read More

因為限18:00後便不可以堂食，已經很久沒有吃日式燒肉。今天突然好掛住久遺了的日式燒肉，決定同老公去和牛蕃，因為其他燒肉店多數都不做下午茶時段，選擇實在不多。我和老公選擇了E. 日山A5和牛餐。另外我們選擇了飲之放題。此餐另外有多項食品可以追加。我們加了炸紫番薯及和牛春卷。賣相一般，但食物質素都算OK。前菜有龍蝦湯，沙律，三項海鮮，唯獨好像漏了給我們和牛漢堡。主角A5放牛切得夠薄，唔會有太多油留係牛肉到。我同老公追加咗幾次，非常美味。食到最後，重有甜品。呢一餐非常圓滿。最令人驚喜係原來而家做緊半價優惠，以這樣的食物質素，配這優惠的價錢，簡直無得挑剔！…Read More

餐廳位置有點難找，入口在L3左轉才看見。到達101樓，有幾間餐廳。因為沒有訂位，所以坐唔到窗口位。餐廳位置寬躺，坐位很舒適，待應也非常有禮貌。唯一感覺美中不足，係碟子不太乾淨，這是唯一扣分位。食物價錢偏貴，可是物有所值，叫咗8樣點心。大部份都很美味，只有一碟手袋牛肉酥比較一般，太過乾身。XO醬非常好味，食咗好多。最好食係松露脆皮豬，松露味好香，外皮夠脆又乾身，必食。價錢差唔多，相比起幾個星期在IFC的”舍”飲茶，呢間無論係景色，食物質素以及待應服務，絕對贏好多條街。…Read More

下午二點多嚟到餐廳門口，已經有短短的人龍。排咗幾個字才入到餐廳。一入到餐廳，係呢個位置，店員會俾定餐牌你睇。到有位時，便可到點餐處落單同埋拎餐具點員會俾定個紙袋你自行處理抬面的垃圾，走既時候掉埋落垃圾桶，呢個方法都幾乾淨，減少交叉感染既機會。呢杯叫晨曦，帶有蜜糖香氣，可惜比較細杯。燒牛肉Bagel，好味！飽入面有少少wasabi醬。由於我唔食wasabi，所以有少少扣分。愛丁堡早餐，份量好足，大食既老公表示很滿足。招牌carbonara，好食，有非常多既煙肉，足料。值得推介！…Read More

係IFC search open rice，發現此店的點心頗為精緻，亦被此店的tea set吸引，可惜因已買飛睇戲，無緣食佢個tea set。去到餐廳門口，係黑人reception女仕問我們有沒有book位，本人說沒有。佢check咗電腦一陣，話只有outdoor 位，其面色係黑過佢皮膚既顏色。之後一個轉身乜都無講就自己入咗餐廳，其後我先知佢原來係帶位中......入到去坐低後，佢放低咗個餐牌。而我張抬係吉既，乜嘢setting都無，隔咗一陣，完全無任何人打算招呼我哋。唯有自己睇下食d乜，落完單，再隔多一陣才有人開始set抬。一間係IFC 連卡佛入面既餐廳，我接受唔到咁既服務態度。雖然佢d點心係好靚及好食，但......應該唔會幫襯第二次。無謂貼錢買難受。…Read More

呢間餐廳非常難book，之前睇其他人的食評，賣點係英國皇室都喜歡的tea，所以都有d期待。book到既一刻有中獎既感覺。佢哋提供三種茶點: afternoon tea, high tea及素食下午茶。每款都係$588，其實真係算係好貴。唯一賣點係可以refill，但我相信都無人有本事refill好多次。本人點了afternoon tea set，下層全部都係三文冶，中層係scone，上層甜點。下層真係太多麵包，味道普通，不是特別好吃。中層的scone，中規中舉。無甚特別。上層甜點，太甜了。只係有士多啤梨那個好吃。其他的，唔會再想refill。最好的，係杯茶。另外，食到一半會有車仔比你選擇一件蛋糕，點了這個 伯爵茶蛋糕。算係甜點之中較好吃的一件。如果要用呢個價錢去食一個tea，可以有其他更好的選擇。…Read More

於網上發現這間好評如潮的小店，本人十分喜歡吃這一類的scone，而日常也經常會去嘗試不同酒店的afternoon tea。知道有這間小店，當然要去試一試。這天到達後，找了一些時間才找到此店。因為鋪位的位置極不起眼，亦不在出入必經之路。12:15到達此店，店員説鬆餅15分鐘左右才送到。所以不建議太早到達，否則可能要等好耐。鬆餅每一個$25，外賣了4個回家吃。店員說，如果唔係即時食，最好加熱後才吃，加熱方法如下圖。另外亦買咗該店的clotted cream 及果jam。這店的鬆餅非常美味，有牛油香味，外皮鬆脆，加上clotted cream及果jam非常美味。相比係一些酒店的鬆餅還好吃。我下次應該會試一試此店的手工果jam。…Read More

星期六晚，晚飯後上去飲嘢。室外大約只有十張抬左右。坐位全滿，唯有企住等。店員除咗開始時説明要等位之外，沒有再跟進。連其他遲過我們到的人也入座了，結果我們仍然在等。第一次去飲嘢企到咁疲累。一個鐘後，飲完嘢了，還沒有座位。失望。沒有座位實在不能企太耐，結果還是走了。今晚天色很好，景色不錯。叫咗兩杯mojito，一杯passion fashion。枝飲管唔夠粗，好難先飲到杯嘢，係一個敗筆。是次經驗麻麻，相信不會再來了。…Read More

一行十五人book抬食這間韓燒，book抬的時候，説好可以俾間房我地，點知......去到只係得到一間share room。Book抬時已經有古惑，poster寫限時2個鐘，但book抬時話只可食個半鐘，要理論一番先可以得到應得的2個鐘。15人抬，迫到完全無位出入不特止，還差點被職員整污糟衣服，而且完全無歉意。到差不多夠鐘時，阿姐已經想係勁迫既坐位間收走所有嘢，其實我地仲食緊，有無必要 要咁急收嘢。 我最後都忍唔住同個阿姐講：可唔可以得d客走咗先收嘢呢？嘢唔係特別好食，環境唔係特別好，服務態度勁差。最後只可以講一句，以後都唔會黎呢間韓燒食嘢。…Read More

本來去青衣城係因為去睇戲，但係去到時，時間不多，而商場大部份餐廳都需要等位及超級多人。見呢間餐廳唔使等位，就決定入去食。老公叫咗個牛扒餐，個餐湯係忌廉湯，但個湯非常稀，好似加咗好多水去煲咁，完全無咁。個牛扒雖稱不上難食，但絕對唔係好食，喜歡食牛扒的老公，竟然食淨，可想言之味道如何。我叫咗個卡邦尼意粉，呢個意粉同個湯相反，係極度咸。我唔會期望茶餐廳會有五星級水準，但亦無預期可以難食到咁，我絕對唔會再去呢間餐廳食嘢。☹️…Read More

其實今年生日本身已經食咗妹妹送的生日蛋糕，估唔到係正日生日，老公會買一個生日蛋糕俾我。講番個蛋糕，老公係話姐姐推介！頂層係芒果及藍莓，中間係芒果布甸，下層係朱古力蛋糕，另外再有厚餅㡳，蛋糕的圓周外層有朱古力薄片！本身都非常喜歡食芒果及藍苺，但平時係大集團d餅店買蛋糕，好多時都好酸，呢個蛋糕d芒果好好味！另外，餅底做得非常出色，厚身及很香脆。整體上，個蛋糕唔會好甜，甜度適中。朱古力味唔會太濃而令到芒果味失色。好有誠意的一間餅店，值得推介！👍🏻👍🏻👍🏻…Read More