yandylht's Profile

本來Book左另一間米芝蓮一星意大利菜但因為一啲原因改咗黎Amber品嚐午餐第一次嚟食再加上得知佢啱啱榮升三星，所以都幾期待總括而言，係一餐十分好嘅用餐體驗先講服務，員工親切友善會主動幫忙掛起外套但未有如另一間二星中菜潤咁樣會另外安排一張矮凳俾女士安放手袋職員介紹菜式都好詳細但未必每次都係同一位職員所以有時要聽中文、有時就英文，感覺上唔夠統一再講用餐環境餐枱之間相隔唔算好遠，所以或多或少喺空間感上有些少扣分但大致環境都優雅寧靜我哋叫咗4-course首先上嘅canapes已經一鳴驚人棒棒糖模樣嘅Foie gras好好食，外層嘅紅色帶微微酸味，中和左foie gras嘅膩，外表趣緻又達到味道上嘅平衡下一道招牌菜Aka Uni，真係超好食！可以食到每樣食材嘅味道同時唔會互搶風頭就好似一啖品嚐到整個大海咁非常好食！！！下一道Blue Lobster肉質爽彈，仲帶點蝦肉嘅甜味同時食到煙燻過嘅香氣醬汁好食到要另外叫佢俾麵包我黎清碟反而主菜Deer Loin同甜品不過不失冇咩記憶點不過最後嘅Inifinity Cake為整餐畫上咗完美嘅句號如果再黎一定係為左Aka Uni其他配套未到話超驚豔…Read More

位於新蒲崗嘅小店，店面唔大，只有幾張圓枱同卡位當日下午3點幾去到，唔洗排隊但入面已經8成full，相信繁忙時間一定大排長龍由於當日已經食咗午餐，淨係叫左兩籠小籠包配凍菜蜜上菜速度超快！小籠包外形飽滿，外皮少少透光，唔算厚都幾大隻😯雖然我筷子勁麻麻地，但係一粒都冇穿到！湯汁非常多，接近上海食嗰種湯包level不過肉餡冇乜口感，比較鬆散如果追求肉質同口感就可能唔啱你但如果追求多湯，可以一試肉湯調味較重，追求清淡就可以避雷～由於調味重手，加3蚊嘅凍菜蜜就發揮到功效**請留意凍菜蜜係冇配冰嘅～…Read More