ywt64's Profile

經過利東街，見到呢間小籠包出名的舖頭有供應下午茶。70蚊睇落有啲貴，不過免加一免茶芥，又即管一試。坐低就先送上一杯人蔘烏龍，很好飲，味道很香，不是一般茶記洗筷子的茶。叫了青菜煨麵，酸辣湯及熱咖啡。青菜煨麵的湯比較多，似湯麵多過煨麵，味道很好，只是湯稍為鹹了一點。跟餐的酸辣湯，上檯時仲跟一樽胡椒粉，很有誠意，胡椒粉都好香。酸辣湯味道很好，就是由小飲到大的味道，材料又足，很滿意。咖啡是ILLY即磨咖啡，正常發揮。招呼很好，會主動加茶，又坐得舒服，即時覺得價錢其實很化算。…Read More

入寶琳想食上海菜，可惜餐廳裝修中。隔離有間金鳳，即管試下。午餐煎蛋免治牛肉飯，羅宋湯跟牛油餐包加餐飲，$60免加一，凍飲唔加錢。兩點後，下午茶時段，仲有9折。羅宋湯是兒時味道，料足，飲得出有用心去做，不是坊間有些茶記的頹湯。跟餐麵包微暖，很好，不是梳打餅😃。煎蛋免治牛肉飯份量大，牛肉份量亦夠多，仍然可以保持舊時代味道，有驚喜。侍應招呼周到，很有禮貌。進店時會主動招呼，落單後會覆單，送上食物時會說出食物名稱。客人離開時會提醒客人帶走隨身物品。餐廳地方企理，整個用餐體驗很好。性價比高，如果這是整體香港餐飲業水準，港人就不用北上消費啦。…Read More

本人中意濃味的沙嗲牛肉麵，最怕坊間將沙嗲牛肉放入麵湯，將味道溝淡，完全失去風味。朋友推薦這間的沙嗲牛肉麵少湯，味道不錯。2點左右去到，人不算多，排了幾分鐘就可以入座，雖然坐得迫少少，小店來說，完全可以接受。沙嗲牛肉麵餐$40，跟麵包，煎蛋，火腿，全日供應，價格合理。沙嗲牛肉味濃，是我杯茶。跟餐的火腿有煎過，荷包蛋亦煎得不錯，抵讚。唯一美中不足是麵包，如同一般茶記，HEA住做這份麵包，牛油只是求其搽一搽少少，唔怪得對面有位小姐，相信是熟客，要求走包。各方面都見到廚師很有心機去做，為何一份簡單的麵包不做好呢 ？希望店方可以將麵包做好，咁就是完美的一份套餐。…Read More

路過灣仔，入去食個下午茶餐。叫左沙嗲牛肉煎蛋米粉，味道一般。叫杯熱好立克，一位男侍應幫手落單，跟住放低張改單。見到加左$3，以為落錯凍飲，跟該位侍應確認是否熱飲，點解會加左$3。佢話跟單做，唔知道咁多。自己再睇下餐牌，原來真係寫左熱飲凍飲都要加$3。該位侍應就係度講自己睇餐牌啦，費事同你講。真係唔好意思，我唔係遊客，唔會睇埋餐牌啲細字，係茶記食下午茶餐都要加$3真係第一次。香港餐飲業生意差，其實都唔係偶然。食物水平一般，價錢貴，服務態度差，點叫客人幫襯呀。…Read More

去東區醫院探病，原本想行去新桂香買個叉燒飯，見到排長龍，作罷。周圍逛下，經過呢間舊式麵包店，見到賣緊$5一個麵包，今時今日呢個價錢好吸引。即時買左一個雞尾飽加一個菠蘿飽，兩款都係港式經典。攞上手兩個麵包都仲係熱既，應該係新鮮出爐。先咬一啖雞尾飽，嘩，好食到不得了。麵包好軟，內餡十分香，有奶香味，超贊。秒速KO雞尾飽就試菠蘿飽，味道跟太子名店不相伯仲，菠蘿皮很脆很香，但價錢就平一截，可能租金比較便宜。…Read More

在電視上看到Ricky師傅介紹自家製午餐肉，一定要試下啦。$98有湯有飲品，有人招呼，坐得舒服，又無加一，價錢合理。看得出用料是用心的，不是一般茶餐廳貨式。午餐肉似厚身肉餅多啲，味道是好的，覺得比午餐肉更健康。加$3轉兩日兩夜羅宋湯，味道太複雜，不是我杯茶。加$10轉鮮奶咖啡，夠濃香。美中不足是蛋及午餐肉都是預先煎好，而且點餐後上菜速度媲美澳牛，餐湯，主菜，餐飲一齊到，食物欠缺溫度，影響了味道。如果可以改善就更好。…Read More

著名的瑞士雞髀專門店，他們的餐牌亦都以此標榜。一直是口袋名單。今日終於可以試到，結果是中伏了，不知是名過其實或是水準下跌。瑞士雞髀完全煮到過晒火，相信太好賣了，所以煮定一大鍋，但沒有控制火喉，只求入味。瑞士汁亦都過鹹。豬潤公仔麵更慘不忍睹，麵仲係硬身，未煮熟。留意圖片可以睇到麵都未煮開。豬潤又係煮到過晒火，係完全硬的。湯底放棄了鮮味的豬潤湯，用了相信加了大量味精的所謂雞湯，飲了兩啖就放棄。可惜未食完已經開始勁口渴及頭痛。熱奶茶用膠杯上，本身奶茶已不滑，無茶味，無奶味，只有洗碗精味，成杯留底。廚房似乎對掌握食物的火喉完全不理會，簡直浪費食材。…Read More

見到呢間餐廳好多好評，決定一試，揀個自己最中意食的鮮茄焗豬扒飯。一擺上檯，已經失望，堂食都用錫紙盤，中意食焗飯的人都唔會收貨。去到連鎖快餐店，如果用錫紙盤，我寧願叫其他食物。既來知則安知，可能味道好，可以挽回分數。不過，一移開塊豬扒，就確認中伏。飯無炒底，配料及茄汁少得可憐，飯仲要係al dente，有少少生米，好似食緊risotto，可能係一生中最難食的焗豬扒飯。耳機傳來林奕匡既高山低谷，忽然諗下食呢餐飯係為生活定係為生存呢。見到其他人都係食意大利粉，可能意大利粉做得很好食。可惜呢個焗豬扒飯做得比任何一間連鎖快餐店都差，其實何必放在餐單中呢，專心做好拿手食物就夠。…Read More

被餐廳提供多款韓國特色美食吸引，尤其是55年傳統元祖春川名物韓式炒辣雞，即管一試。坐下之後，看見餐牌有提供泡菜拼盤($68)，心知不妙，一問之下，果然餐廳沒有提供免費泡菜。恕小弟孤陋寡聞，第一次在韓國料理店沒有免費泡菜提供。韓國人最引以為傲的傳統都放棄了，應該都是中伏了。既然坐低了，都試一試吧。叫了鹽拌椰菜沙律($48)+芝士炒辣雞配鐵板炒飯($278)+豬腳(小份$98)。沙律味道不錯。小份豬腳端上檯時嚇了一跳，皮肉分離，擺盤及賣相大家睇相自已評價吧。豬腳味道跟港式滷水一樣，只是肉太廋太柴。芝士炒辣雞由侍應在我們面前即炒，可惜沒有甚麼味道，沒有辣味，雞又冇味，只有大量廉價所謂芝士的味道。食到一半左右，侍應就端上飯及配菜，為我們炒飯。因為辣雞味道不夠，所以炒飯也沒有太多味道，完全不是春川炒辣雞的味道。食物質素一般，性價比低，不過侍應招呼不錯，反應快，值得一讚。餐廳環境亦好，其他客人有點燒肉，但餐廳抽氣很好，沒有油煙及味道。…Read More

一行三人食晚餐，第一次食酸菜魚，叫來了招牌酸菜魚，才知道酸菜魚原來沒有放酸菜，只是放黃芽白，湯頭只有少許辣，沒有酸味，長知識了。XO醬炒花枝片，不知道用了甚麼XO醬，味道只有嗆喉感覺，沒有香味，花枝片大小不一，沒有鮮味。椒鹽墨魚咀，應該改名為酥炸墨魚咀，一層厚粉漿包裹無味道的墨魚咀。芥蘭炒牛肉，牛肉鬆滑但無肉味。全晚比較好的算是冰鎮醉鮑魚，不過都應該改名叫冰鎮鮑魚，因為一點酒香都找不到。雖然食品水準很一般，服務都算很好。食完之後，在北角匯走一走，開始心跳加速，口乾，頭痛。唉，又一間重手味精餐廳。…Read More

從來不寫食評, 因為覺得口味因人而異. 但今次在這間食店食完蠔仔粥, 豬皮蘿蔔豬紅及欖菜四季豆之後, 超口渴及勁頭痛. 本人對味精敏感, 但從未試過今次這麼嚴重.  相信味精都好重手. 在此提醒對味精敏感的人士, 小心.…Read More